Цаг үе
“Хууль ба шударга ёс” бүтээлийн уралдаан зарлалаа
Европын Холбооны санхүүжилтээр Олон Улсын Эрх зүйн Хөгжлийн Байгууллагын хэрэгжүүлж байгаа “Шүүх эрх мэдлийн байгууллагын хамтын ажиллагаа ба ил тод байдал” 2024–2026 төслийн хүрээнд Монгол Улсын эрх зүйн тогтолцоо, хууль, шүүхийн байгууллагын талаарх эрх зүйт төрийн үнэт зүйлийг сэтгүүл зүйн бүтээлд тайлбарлах замаар шүүхийн бие даасан, хараат бус байдал, болон шүүх үйл ажиллагааны ил тод, шударга байдлыг олон нийтэд ойлгомжтой, хүртээмжтэй хэлбэрээр хүргэх зорилгоор энэхүү уралдааныг зохион байгуулж байна.
Уралдаанд сэтгүүлч, хэвлэл мэдээллийн байгууллагын төлөөлөл, хуульч, судлаач, Иргэний нийгмийн байгууллагын төлөөлөл, сошиал медиа контент бүтээгчид, нөлөөлөгчид оролцох боломжтой.
Бүтээл нь сэтгүүл зүйн ажлын арга барилыг ашигласан байх бөгөөд:
- Телевизийн бүтээл, нэвтрүүлэг;
- Подкаст, радио нэвтрүүлэг;
- Нийгмийн сүлжээний контент (видео, цуврал кампанит ажил гэх мэт);
- Сэтгүүл зүйн нийтлэл, өгүүлэл, сурвалжилга зэрэг төрлөөр хүлээн авна.
Бүтээлд тавих шаардлага:
- 2025 оны 10-р сарын 27-оос 12-р сарын 15-ны хооронд хэвлэл мэдээлэл, нийгмийн сүлжээгээр олон нийтэд түгээсэн байх;
- Нийтлэл, нэвтрүүлэг, контентын агуулга, өгүүлэмж өмнө нь ямар нэг суваг, платформоор түгээсэн бүтээлтэй давхцахгүй байх;
- Баримт нотолгоонд тулгуурласан, бодит байдалд нийцсэн, ёс зүйтэй мэдээлэлтэй байх;
- Видео, аудио бүтээл 20 минутаас хэтрэхгүй байх, нийтлэл, бичвэр хэмжээ 2000 үгээс хэтрэхгүй байх;
- Бүтээлийг цахим хэлбэрээр (видео, аудио, бичгийн гм) эх файлын хамт нийтэлж, нэвтрүүлсэн холбоостой нь ирүүлнэ.
Шагналын сан
• Нэгдүгээр байр (1): 8 сая төгрөг
• Хоёрдугаар байр (1): 5 сая төгрөг
Бүтээл хүлээн авах хугацаа
2025 оны 11 дүгээр сарын 25-аас 12 дугаар сарын 15-ыг хүртэл
Бүтээл хүлээн авах цахим хаяг: Mongolia@idlo.int
Холбоо барих утас: +976-11-320904
Цаг үе
Төвөдийн гамшиг мөсөн голын хагарал, хөрсний гулгалтын дараалсан үйл явцаас үүдсэн байна
Хятадын холбогдох байгууллагууд Төвөдийн Жирон боомт орчимд их хэмжээний хохирол учруулсан үер, хөрсний гулгалтын шалтгааны талаарх урьдчилсан дүгнэлтийг танилцуулжээ.
Хятадын Шинжлэх ухааны академийн Чэндугийн Уулын аюул, байгаль орчны хүрээлэнгийн судалгааны баг хиймэл дагуулын тандан судалгааны мэдээллийг газар дээрх ажиглалт, хээрийн судалгаатай тулган шинжилсэн байна.
Судлаачдын дүгнэлтээр наймдугаар сарын 26-ны Бээжингийн цагаар 10:52 орчимд Балбын нутагт, далайн түвшнээс 5200 метрийн өндөрт мөсөн голын хэсэг хагарч, их хэмжээний мөс, хад чулуулгийн нуранги үүсжээ.
Нуранги өндөр уулын энгэрээр маш хурдтай уруудахдаа хөрс, хад чулууг хаман, 4000 метр орчмын өндөрлөгөөс эхлэн том хэмжээний хөрсний гулгалт үүсгэсэн гэж үзсэн байна.
Улмаар мөс, хөрс, хад чулуу болон усны асар их масс уулын хөндийгөөр 22 км орчим уруудан, далайн түвшнээс 1800 метрийн өндөрт орших Хятадын Төвөдийн Жирон боомтод хүрчээ.
Гамшгийн улмаас Жирон орчмын 0.7 хавтгай дөрвөлжин километр орчим талбай өртөж, 27 барилга байгууламж болон тэдгээртэй холбоотой тоног төхөөрөмж бүрэн сүйдсэн гэж судалгааны баг мэдээлсэн байна.
Ийнхүү Хятадын эрдэмтэд наймдугаар сарын 26-нд болсон гамшгийг энгийн борооны үер бус, өндөр уулын мөсөн голын хагарал → мөс, хадны нуранги → хөрсний гулгалт → хүчтэй үер гэсэн дараалсан үйл явцын үр дагавар гэж дүгнэжээ.
Цаг үе
Аюулт үзэгдэл, ослын 69 удаагийн дуудлагаар 13 иргэний амь насыг авран хамгааллаа
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 13 иргэний амь насыг авран хамгаалж, утаажилтын бүсээс 21 иргэнийг гаргаж, тусламж үйлчилгээ үзүүллээ.
Нийт дуудлагын 52 нь обьектын гал түймэр, нэг нь ой, хээрийн түймэр, нэг нь үер, гурав нь биологийн гаралтай аюулт үзэгдэл, 12 нь хүний үйл ажиллагаатай холбоотой ослын дуудлага байна гэж Онгой байдлын ерөнхий газраас мэдээллээ.
Цаг үе
Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно
Хичээлийн шинэ жилийн бэлтгэл, Олон улсын COP17 хуралтай холбогдуулан наймдугаар сарын 15-ны өдрөөс есдүгээр сарын 12-ны өдрийг дуустал хугацаанд 07:00-21:00 цагийн хооронд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй, нийслэлийн төвийн зургаан дүүргийн хэмжээнд хэрэгжиж байна.
Сондгой тоогоор төгссөн бол: 8-р сарын 31, 9 дүгээр сарын 3, 5, 7, 9, 11-нд хөдөлгөөнд оролцоно.
Тэгш тоогоор төгссөн бол: 9 дүгээр сарын 2, 4, 6, 8, 10, 12-нд хөдөлгөөнд оролцоно.
Улсын дугаарын тэгш, сондгойгоор ангилан хөдөлгөөнд оролцуулах зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.
Харин маргааш буюу 9 дүгээр сарын 1-ний өдөр нийслэлийн хэмжээнд автомашины дугаарын хязгаарлалт үйлчлэхгүй.
.jpg?w=1000)
