Шударга мэдээ
2023 онд эхний ээлжийн 300 сургууль ухаалаг ангитай болно
Боловсролын салбарт эрх зүйн шинэчлэл хийж гэрт ойр сургууль хамгийн сайн сургууль байх боломжийг бүрдүүлэхээр ажиллаж байна. Тухайн суралцагч хаана амьдарч, ямар сургуульд суралцаж байгаагаас үл хамааран дэлхийн хэмжээний болон үндэсний хамгийн сайн багшийн хамгийн сайн хичээлд хамрагдах боломж нээгдэж байгаа юм.
Үүний жишээ нь англи хэлний Pearson, математикийн Eduten, үндэсний хэмжээний Medle цахим сургуульд эх орны өнцөг булан бүрээс сурагчид хамрагдаж байна. Орон зайнаас үл хамааран эдгээр платформоор дамжуулан суралцахын тулд цахим дэд бүтцийг бэхжүүлэх шаардлага тулгарсан.
Тиймээс цахим дэд бүтцийг бэхжүүлэх чиглэлээр гурван багц арга хэмжээг төлөвлөн хэрэгжүүлж байна.
- Сургууль бүрийг өндөр хурдны интернэттэй холбох
- Багш бүрийн компьютержуулах
- Сургууль бүрд ухаалаг анги байгуулна.
Өнөөдөр БНСУ-ын NAVER Cloud ХХК-тэй хамтран “Ухаалаг анги-цахим сургалт үнэлгээний төв” төслийг нээлээ. Ингэснээр энэ онд багтаан төрийн өмчийн 300 сургууль дижитал ангитай болно. Дижитал ангиас сурагчид олон улсад хүлээн зөвшөөрөгдсөн платформуудаар дамжуулан хичээлээ үзэх юм.
Боловсролын салбарт цахим дэд бүтцийг сайжруулсанаар
- Боловсролын хүртээмж сайжирч, тэгш хамран суралцах орчин бүрдэнэ.
- Боловсролын чанарын ялгаа арилна
- Ухаалаг ангид 1-12 дугаар ангийн бүх судлагдахууныг цахим дэд бүтэц ашиглан заах боломжтой
- Багшийн цахим ур чадвар дээшилнэ
- Сурагч нэг бүр өөрийн түвшинд нийцсэн хичээл үзэх боломж бүрдэнэ
- Сурагчдын сурлагын ахиц амжилтыг зөв үнэлэх, дүгнэх боломж бүрдэж багш эцэг эхийн хяналт сайжирна
- Багш нар ажлын байрнаасаа модуль сургалтад хамрагдан
- Элсэлтийн Ерөнхий Шалгалт, Чанар, гүйцэтгэлийн үнэлгээг ч олон улсын жишгээр цахимаар зохион байгуулах боломжоор хангагдаж байна.
Ухаалаг анги байгуулах санхүүжилтийг лизинг хэлбэрээр 4 жилийн хугацаанд хуваан төлөхөөр шийдвэрлээд байна. Энэ нь боловсролын салбарт төр хувийн хэвшлийн түншлэлийг нэвтрүүлж байгаа сайн жишээ юм. 4 жилийн хугацаанд тоног төхөөрөмжийн арчилгаа, засвар үйлчилгээ, багшийн цахим ур чадвар олгох сургалтыг нийлүүлэгч талаас хариуцна.
Шударга мэдээ
Нийгмийн даатгалын сангаас 2026 онд зургаан их наяд төгрөгийн тэтгэвэр олгоно
Шударга мэдээ
ЗГ: Хиймэл оюунд суурилсан, эрчим хүчний хэмнэлттэй “Ногоон дата төв” байгуулна
Засгийн газрын ээлжит хуралдаан 2026 оны тавдугаар сарын 13-нд болж дараах асуудлуудыг хэлэлцэн шийдвэрлэлээ.
Монгол Улсад хиймэл оюунд суурилсан, эрчим хүчний хэмнэлттэй "Ногоон дата төв" байгуулах төслийг Цөлжилттэй тэмцэх тухай Нэгдсэн Үндэстний Байгууллагын суурь конвенцын оролцогч Талуудын 17 дугаар Бага хурал (СОР17)-д танилцуулахаар шийдвэрлэлээ.
Өгөгдлийг эдийн засгийн эргэлтэд оруулах, дахин ашиглах зорилгоор өгөгдлийн эрх зүйн орчныг бүрдүүлэх чиглэлээр арга хэмжээ авч ажиллахыг Цахим хөгжил, инновац, харилцаа холбооны сайд Ч.Номинд даалгав.
Монгол орны байгалийн сэргээгдэх эрчим хүчний нөөцөд түшиглэн хиймэл оюуны тооцоолуур бүхий "Ногоон дата төв"-ийг байгуулснаар олон улсын стандартад нийцсэн өгөгдлийн чөлөөт бүс бий болж, улмаар бус нутгийн дата хаб болон хөгжих боломжтой юм.
Энэхүү төсөл нь Монгол Улсын урт, дунд хугацааны бодлогын баримт бичигт туссан их өгөгдлийн сан байгуулах, өгөгдлийг эдийн засгийн эргэлтэд оруулах зорилтуудыг бодит ажил хэрэг болгох суурь алхам болно.
Шударга мэдээ
Сэргээгдэх эрчим хүчний салбарт сонгон шалгаруулалт зарлалаа
Монгол Улсын Засгийн газрын хуралдаанаар Түлш, эрчим хүчний хараат байдлыг бууруулах, төвийн бүсийн цахилгаан эрчим хүчний өсөн нэмэгдэж буй хэрэглээг дотоодын сэргээгдэх эрчим хүчний эх үүсвэрээр хангах, эрчим хүчний системийн тогтвортой ажиллагааг дэмжих зорилгоор “Түлш, эрчим хүчний хараат байдлыг бууруулах тухай тогтоол баталсан. Дээрх тогтоолын хүрээнд таван байршилд нарны цахилгаан станц болон батарей хуримтлуурын систем бүхий төслүүдийг хэрэгжүүлнэ.
-Говьсүмбэр аймаг, Сүмбэр сум 50 МВт нарны станц, 30 МВт / 100 МВт.ц батарей хуримтлуур
-Дундговь аймаг, Сайнцагаан сум 50 МВт нарны станц, 30 МВт / 100 МВт.ц батарей хуримтлуур
-Булган аймаг, Орхон сум 50 МВт нарны станц, 30 МВт / 100 МВт.ц батарей хуримтлуур
- Хэнтий аймаг, Хэрлэн сум 20 МВт нарны станц, 15 МВт / 40 МВт.ц батарей хуримтлуур
- Өвөрхангай аймаг, Хархорин сум 50 МВт нарны станц, 30 МВт / 100 МВт.ц батарей хуримтлуур багтаж байгаа юм.
Сэргээгдэх эрчим хүчний энэхүү бүтээн байгуулалтыг өвлийн оргил ачааллаас өмнө буюу энэ оны арван хоёрдугаар сарын 1-нээс өмнө ашиглалтад оруулахаар төлөвлөсөн. Бүтээн байгуулалтыг улсын төсвөөс санхүүжүүлэхгүй бөгөөд үндэсний компаниуд, аж ахуйн нэгжүүдээ дэмжих хүрээнд Засгийн газар анх удаа Сэргээгдэх эрчим хүчний салбарт өрсөлдөөнт сонгон шалгаруулалт /аукцион/ зарласан. Сонгон шалгаруулалтыг нээлттэй, ил тод, цахимаар явуулна. Эрчим хүчний яам аукционы урилгыг вэбсайтдаа байршуулжээ. Бүртгэл нь ирэх сарын 15-нд хаагдана.
Ерөнхий сайд Н.Учрал Эрчим хүчний яамны холбогдох албан тушаалтнуудтай уулзаж, Засгийн газрын тогтоолоор өгсөн үүрэг даалгаврын биелэлтийн явцтай танилцаж, сэргээгдэх эрчим хүчний асар их нөөцтэй улсын хувьд боломжоо ашиглах ёстой. Нарны станцуудыг төлөвлөсөн хугацаанд ашиглалтад оруулахад анхаарч ажиллахыг даалгав.
-
Улстөр нийгэм2026/02/12
Монгол, Израилын парламентын бүлгийн дарга нар цахим уулзалт хийлээ
-
Улстөр нийгэм2025/11/13
УИХ: Өнөөдөр чуулганы нэгдсэн хуралдаанаар...
-
Цаг үе2024/10/01
Асран хамгаалагчгүй хөгжлийн бэрхшээлтэй хүүхдүүдийн асуудал хүнд байна
-
Цаг үе2021/02/16
Улаанбаатарт өдөртөө 11 хэм хүйтэн