Улстөр нийгэм
Монгол Улсын Сүрьеэгийн үндэсний хөтөлбөрийн үнэлгээний талаар санал солилцлоо
УИХ-ын гишүүн, УИХ-ын Ардын эрүүл мэндийг дэмжих лобби бүлгийн гишүүн Ж.Чинбүрэн 2022 оны 9 дүгээр сарын 19-ний өдөр Дэлхийн эрүүл мэндийн байгууллагын үнэлгээний ахлах зөвлөх Паул Нанн тэргүүтэй төлөөлөгчидтэй уулзлаа.
Уулзалтын үеэр энэ оны 9-11 дүгээр сард манай улсад зохион байгуулагдах “Монгол Улсын Сүрьеэгийн үндэсний хөтөлбөрийн үнэлгээ”-ний талаар санал солилцлоо.
УИХ-ын гишүүн Ж.Чинбүрэн сүрьеэгийн хөтөлбөрийн үнэлгээ хийх багийн зөвлөхүүдэд хандан сүрьеэ туссан нэгнийгээ гадуурхдаг, гадуурхалтаас болж өвчнөө нуух хандлага байдаг. Үүнээс улбаалж халдварын тархалт нэмэгдэх эрсдэлийг бий болгож байна. Иймд олон нийтэд хандсан үйл ажиллагаа явуулах нь хэр үр дүнтэй байхыг анхааран үнэлэхийг хүслээ. Мөн сумдын дотуур байранд сүрьеэгийн халдвар гарвал халдварлах эрсдэл хэр өндөр байгааг судлан үзэхийг хүссэн. Түүнчлэн сүрьеэтэй тэмцэхэд салбар хоорондын хамтын ажиллагаа чухал. Тиймээс УИХ-ын зүгээс манлайлж, эрүүл мэнд, боловсрол, хөдөлмөр нийгмийн хамгааллын салбаруудын үйл ажиллагааг уялдуулах нь чухал байгааг онцоллоо.
Үнэлгээг үндэсний хэмжээнд дараах зургаан чиглэлээр зохион байгуулах аж. Үүнд:
- Сүрьеэгийн хөтөлбөрийн менежмент, удирдлага, засаглал, санхүүжилт
- Сүрьеэгийн илрүүлэг, оношлогоо
- Сүрьеэгийн эмнэл зүйн менежмент
- Сүрьеэгийн тандалт судалгаа, бүртгэл мэдээлэл
- Сүрьеэгийн эм урвалж, тоног төхөөрөмжийн ханган нийлүүлэлт
- Нөлөөлөл, Мэдээлэл сургалт сурталчилгаа
Үнэлгээний олон улсын болон үндэсний зөвлөх багийг сонгон шалгаруулсан байна. Мөн ДЭМБ-аас олон улсын 10 зөвлөх ажиллах аж. Талбарын мэдээлэл цуглуулах үйл ажиллагааг дөрвөн аймаг, хоёр дүүрэгт есдүгээр сарын 19-30-ны өдрүүдэд зохион байгуулах юм байна. Үнэлгээний эхний үр дүнг есдүгээр сарын 30-нд зохион байгуулагдах Сүрьеэгийн дээд хэмжээний уулзалтаар оролцогч талуудаар хэлэлцүүлж, тайланг ирэх 12 дугаар сарын нэгэн гэхэд эцэслэн боловсруулах юм байна.
Уулзалтад ДЭМБ-ын үнэлгээний зөвлөх Алексей Koробицян, Лиана Оганезова, Maнами Янагава, Филипп Ду Крос болон Эрүүл мэндийн яам, Халдварт өвчин судлалын үндэсний төв, “Глобал” сангийн холбогдох албаны хүмүүс байлцлаа гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Улстөр нийгэм
ЗГ: Эм, эмнэлгийн хэрэгслийн тухай хуулийн шинэчилсэн найруулгын төслийг өргөн мэдүүлнэ
Засгийн газрын ээлжит хуралдаан 2024 оны дөрөвдүгээр сарын 24-нд болж дараах асуудлыг хэлэлцэн шийдвэрлэлээ.
Эм, эмнэлгийн хэрэгслийн тухай хуулийн шинэчилсэн найруулгын төсөл, түүнтэй холбогдуулан бусад хуульд нэмэлт, өөрчлөлт оруулах хуулийн төслийг хэлэлцээд УИХ-д өргөн мэдүүлэхээр тогтлоо.
Эм, эмнэлгийн хэрэгсэл, биологийн идэвхт бүтээгдэхүүний үнэ, чанарын өнөөгийн байдалд хяналт шалгалт, үнэлгээ хийсэн.
Үнэлгээнд хамрагдсан эмийн 90 гаруй хувьд 45 хүртэл хувиар нэмэгдсэн, дотоодын үйлдвэрийн дийлэнх эмийн бөөний үнэ 40-өөс дээш хувиар нэмэгджээ. Иймд иргэд эрүүл мэндийн тусламж, үйлчилгээ авахдаа санхүүгийн эрсдэлд орохоос сэргийлэх, бууруулах зорилгоор эмийн үнийн зохицуулалтын хууль, эрх зүйн орчныг боловсронгуй болгох хэрэгцээ, шаардлага байна.
Нийгмийн эрүүл мэндийн ноцтой байдал, гамшгийн үеийн эрүүл мэндийн тусламж үйлчилгээний нөөцийн бэлэн байдлыг хангах, яаралтай горимоор тусламж үйлчилгээнд нэвтрүүлэх эм, эмнэлгийн хэрэгслийг бүртгэх, хадгалах, эмийн нөөц бүрдүүлэхтэй холбогдсон эрх зүйн зохицуулалтыг илүү оновчтой болгох шаардлагатай байгааг 2020 оны коронавируст халдварын цар тахлын сургамж харуулсан.
Эм, эмнэлгийн хэрэгслийн тухай хууль /Шинэчилсэн найруулга/ хэрэгжиж эхэлснээр эм, эмнэлгийн хэрэгслийн зохицуулалт олон улсын жишигт хүрэх ач холбогдолтой гэж үзэж байна.
Улстөр нийгэм
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Mонгол Улсын Ерөнхий сайд Л.Оюун-Эрдэнэ Монгол Улсад албан ёсны айлчлал хийж буй Бүгд Найрамдах Киргиз Улсын Парламент Жогорку Кенеш-ийн дарга Нурланбек Шакиевт бараалхлаа.
Ерөнхий сайд Л.Оюун-Эрдэнэ Киргиз Улсын Парламентын даргын түвшинд анх удаа хийж буй уг айлчлалд Монгол Улсын Засгийн газар өндөр ач холбогдол өгч байгааг тэмдэглээд энэхүү айлчлал нь манай хоёр улсын уламжлалт найрсаг харилцааг гүнзгийрүүлэн хөгжүүлэх, хамтын ажиллагааг бүхий л салбарт өргөжүүлэхэд чухал хувь нэмэр оруулна гэдэгт итгэлтэй байгаагаа илэрхийлэв.
Мөн Монгол, Киргизийн найрсаг харилцааг өргөжүүлэн хөгжүүлэх, эдийн засгийн агуулгаар баяжуулах зорилгоор Монгол Улсын Ерөнхий сайдын хувиар 2023 онд Киргиз Улсад анх удаа айлчилсныг дурдаад айлчлалын үр дүнд худалдаа, эдийн засаг, боловсрол, уул уурхай зэрэг салбарын хамтын ажиллагаа өргөжин хөгжиж, тэр дундаа алт цэвэршүүлэх салбарын хамтын ажиллагааны эхлэл тавигдсанд сэтгэл хангалуун буйгаа тэмдэглэлээ.
Уулзалтын үеэр талууд сүүлийн жилүүдэд хоёр улсын харилцаа, хамтын ажиллагаа эрчимжиж, улс төрийн яриа хэлэлцээ, харилцан итгэлцэл идэвхжиж байгааг онцлоод дээд, өндөр түвшний айлчлалын үеэр яригдсан асуудлуудыг бодит ажил хэрэг болгоход хүчин чармайлт гарган нягт хамтран ажиллахаа харилцан нотлов. Түүнчлэн цаашид худалдааны эргэлтийг нэмэгдүүлэх, аялал жуулчлал, боловсрол, хөдөө аж ахуй, уул уурхайн салбарын хамтын ажиллагааг өргөжүүлэх, Монгол, Киргизийн харилцааны бэлгэ тэмдэг, нэрийн хуудас болсон хөдөө аж ахуй, хөнгөн үйлдвэрийн салбарт хамтарсан төсөл хөтөлбөр хэрэгжүүлэх боломжийн талаар ярилцлаа.
Улстөр нийгэм
УИХ: Энэ долоо хоногт чуулганы нэгдсэн хуралдаанаар
Монгол Улсын Их Хурлын 2024 оны Хаврын чуулганы энэ долоо хоногийн /2024.04.25-26/ нэгдсэн хуралдааны тов, хэлэлцэх асуудлуудыг танилцуулж байна.
-
Цаг үе2021/09/27
Англид шатахууны хомсдол үүсч, эмх замбараагүй байдал бий болжээ
-
Улстөр нийгэм2022/09/22
Парламентын боловсрол - Сургагч багш" хөтөлбөрийн нээлтийн арга хэмжээ болн...
-
Шударга мэдээ2020/05/29
ӨНӨӨДӨР: Олон Улсын энхийг сахиулагчдын өдөр
-
Улстөр нийгэм2022/08/02
Автобусны буудлуудад хөөстэй угаалга, цэвэрлэгээ, ариутгал хийж эхэллээ
Сэтгэгдэл