Бидэнтэй нэгдэх

Урлаг спорт

МҮОНРТ “MNB-Гэр бүл” сувагтай болно

Огноо:

,

МҮОНРТ тав дахь бие даасан сувгаа зөвхөн гэр бүлд зориулна. Тодруулбал, Монголын үндэсний олон нийтийн радио телевиз гэр бүлд зориулсан бие даасан суваг байгуулахаар бэлтгэж байна. Энэ чиглэлд Монгол Улсын Засгийн газартай хамтран ажиллах юм. Үүнтэй холбогдуулан Хөдөлмөр, нийгмийн хамгааллын сайд С.Чинзориг, МҮОНРТ-ийн Ерөнхий захирал Л.Нинжжамц нар санамж бичигт гарын үсэг зурлаа. 

Монголчууд бидэнд хүүхдийн эрхийг хамгаалж, гэр бүлийн хүчирхийлэл, гэр бүл салалтыг багасгах, өрхийн гишүүдийг ажилтай, орлоготой байлгах гээд гэр бүлтэй холбоотой олон эмзэг асуудал бий. "MNB Гэр бүл" сувгийн зорилтот бүлэг нь хүүхэд, гэр бүл, залуучууд, хөгжлийн бэрхшээлтэй иргэн, өндөр настан юм. Өөрөөр хэлбэл гэр бүлийн гишүүн бүрийн хөгжил, хамгаалалд анхаарч ажиллахаар бэлтгэлээ хангаж байна.

Мөн өрхийн гишүүн бүрт зориулсан хөтөлбөрийн бодлого хэрэгжүүлэхээр төлөвлөжээ. Энэ талаар “MNB-Гэр бүл” сувгийн төслийн удирдагч Н.Байгал, Хөдөлмөр, нийгмийн хамгааллын яамны хүн амын хөгжлийн газрын дарга С.Тунгалагтамир нараас тодрууллаа.

“MNB-Гэр бүл” сувгийн төслийн удирдагч Н.Байгал:

“MNB-Гэр бүл” сувгийн төслийн удирдагч Н.Байгал, “MNB-Гэр бүл” сувгийн уран бүтээлчид хүүхэд багачуудад эх оронч хүмүүжил, төлөвшил олгох, гэр бүлийн эрүүл мэнд, өрхийн төсөв санхүүгээ удирдах гээд айл өрх бүрт хэрэгтэй мэдээллийг бэлтгэнэ. Жишээлбэл, Монгол Улсад гэр бүл, хүүхдэд зориулсан ямар төсөл хөтөлбөр хэрэгждэг гээд хүний амьдралд хамааралтай мэдээ, мэдээллийг хүргэхээр зорин ажиллаж байна."

Хөдөлмөр, нийгмийн хамгааллын яамны хүн амын хөгжлийн газрын дарга С.Тунгалагтамир:

“MNB-Гэр бүл” сувгийг байгуулах ажил жилийн өмнөөс эхэлсэн. Харилцаа, холбооны зохицуулах хорооноос сувгийн ач холбогдлыг үнэлж, өргөн нэвтрүүлгийн сүлжээгээр, буюу улс орон даяар цацах эрхийг нь олгосон. Оюуны өмчийг дээдлэгч МҮОНРТ-ийн хамт олон 5 дахь сувгаа HD форматаар цацахаар ажиллаж байна. Сувгийг энэ 5, 6 дугаар сард багтаж олон нийтэд цацахаар бэлтгэлээ хангаж байна." гэв.

Тус суваг нь 7 хоногт 4710 минутын эфирээр гэр бүл, хүүхэд, залуучуудад зориулсан болон тусгай хөтөлбөрүүдийг бэлтгэн үзэгчдэд хүргэнэ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Урлаг спорт

“Парис-2024” тэтгэлэгт хөтөлбөрт хамрагдсан тамирчдаас 9 нь Олимпын эрхээ авчээ

Огноо:

,

“Парис-2024” олимпын тэтгэлэгт хөтөлбөрт хамрагдсан баг тамирчдыг ОУ-ын олимпын холбооны гишүүн, МҮОХ-ны ерөнхийлөгч Б.Баттүшиг, Тэргүүн дэд ерөнхийлөгч Ч.Наранбаатар, Ерөнхий нарийн бичгийн дарга Э.Бадар-Ууган нар хүлээн авч уулзав.
 
“Парис 2024” тэтгэлэгт хөтөлбөрт спортын 8 төрөлд 15 тамирчин хамрагдсан бөгөөд доорх нэр бүхий 9 тамирчин Олимпын эрхээ хүртэж, цаашлаад Олимпын медалын төлөө өрсөлдөхөөр бэлэн болоод байна. Үүнд:
 
Чөлөөт бөхийн тамирчин- Д.Отгонжаргал, Т.Тулга, М.Лхагвагэрэл
Жүдо бөхийн тамирчин- Л. Сосорбарам, Ё. Басхүү
Буудлага спортын тамирчин- Э.Даваахүү
Боксын тамирчин- О.Есүгэн
Хүндийг өргөлтийн тамирчин- М.Анхцэцэг
Хөнгөн атлетик- Г.Хишигсайхан нарын 9 тамирчин Олимпын эрхээ хүртсэн нь хөтөлбөрийг 60 хувийн амжилттай дүүргэлээ.
 
Энэхүү амжилт нь “Лос Анжелес 2028” тэтгэлэгт хөтөлбөрийг хэрэгжүүлэх боломжийг нээж байна гэж Монголын Үндэсний Олимпын Хорооноос мэдээллээ. 
Дэлгэрэнгүй унших

Урлаг спорт

“Чингис хаан: Монголчууд дэлхийг өөрчилсөн нь” үзэсгэлэн нээлтээ хийлээ

Огноо:

,

Монгол Улсын Ерөнхийлөгчийн ивээл дор “Чингис хаан: Монголчууд дэлхийг өөрчилсөн нь” үзэсгэлэн “Чингис хаан” үндэсний музейд нээлтээ хийлээ.

Монгол Улсын Ерөнхийлөгч Ухнаагийн Хүрэлсүхийн илгээсэн мэндчилгээг Гадаад бодлогын зөвлөх Э.Одбаяр уншиж сонордууллаа.

Их түүхээ түмэн олондоо сурталчилан таниулахаар алдарт Луврын музей тэргүүтэй Европын томоохон музей, архивын сан хөмрөгт буй дурсгалуудыг эх орондоо дэлгэн үзүүлж буй байгууллага, хамт олонд Ерөнхийлөгч талархал илэрхийлж, цаашид түүх, соёлтой холбоотой дурсгалуудаар олон үзэсгэлэн гаргахыг онцгойлон дэмжихээ илэрхийлжээ.

Ирэх наймдугаар сарын 25-ныг хүртэл хугацаанд дэлгэх үзэсгэлэн нь монголчууд дэлхийд хэрхэн нөлөө үзүүлж, амар амгаланг тогтоон, соёл, худалдаа, эдийн засаг, улс төрийн хувьд хэрхэн өөрчилснийг илтгэх эртний улсуудын түүхтэй холбоотой дурсгалууд, Монголын эзэнт гүрний дурсгал, хаад, түүний угсааныхны дурсгал хэсгээс бүрджээ.

Тухайлбал Монголын эзэнт гүрэн, Ил хант, Юань, Кидан Улстай холбоотой дурсгалуудыг хадгалж буй Луврын музей, Францын Үндэсний Архив, Севрийн Үндэсний Керамикийн музей, Чимэглэлийн Урлагийн музей болон Швейцарийн Ритберг музей, цуглуулагч Сэм ба Мирна Майэрсын цуглуулга зэрэг Европын таван томоохон музей, архиваас татаж авчирсан үзмэрүүдийг толилуулж байна.

Ил хаант, Юань, Кидан Улс, Хүннү үеийн ховор чухал дурсгалууд нь Монгол нутгаас олдоогүй бөгөөд Чингис хааны байгуулсан Их Монгол Улсын бүх харьяа улсуудын дурсгалуудыг анх удаа нэг дор дэлгэжээ.

Үзэсгэлэнгийн онцлох гол дурсгал нь 1305 онд Ил хаан Өлзийтөөс Францын хаан Гоо Филиппт илгээсэн монгол бичгийн захидал юм. Энэ захидал нь монгол хаадын бичиг соёлын дахин давтагдашгүй үнэт өв, төрт ёсны аугаа уламжлал, монгол бичгийн гайхамшиг, монголын их амар амгаланг бүрэн илэрхийлдэг, үнэлж баршгшй түүхэн баримтад тооцогддог.

Үзэсгэлэнг 2025 оны гуравдугаар сард Прага хот дахь Үндэсний музей, 10 дугаар сард Цюрих хотын Ритберг музей, 2026 онд Берлиний түүхийн музей, Канад, АНУ зэрэг улсад дэлгэхээр төлөвлөж байна.

Өнгөрсөн жил Монгол Улс, БНФУ-ын Ерөнхийлөгчийн ивээл дор Францын Нант хотод дэлгэсэн үзэсгэлэнг зургаан сарын хугацаанд 250 гаруй мянган хүн үзэж сонирхжээ.

Дэлгэрэнгүй унших

Урлаг спорт

Наадмаар Төв цэнгэлдэх хүрээлэн, Хүй долоон худаг хүртэл үнэ төлбөргүй үйлчлэх нийтийн тээврийн маршрут

Огноо:

,

Нийтийн тээврийн бодлогын газраас баяр наадмын өдрүүдэд наадамчин олондоо шуурхай, чирэгдэлгүй үйлчлэх олон боломжийг бий болголоо. Төв цэнгэлдэх хүрээлэн, Хүй долоон худаг хүртэл үнэ төлбөргүй үйлчлэх нийтийн тээврийн маршрут, мэдээллийг хүргэж байна.

Бид баярын өдрүүдэд бусад чиглэл хэрхэн үйлчлэх талаарх илүү дэлгэрэнгүй мэдээллийг цувралаар хүргэнэ гэж Нийтийн тээврийн бодлогын газраас мэдээллээ. 

Дэлгэрэнгүй унших

Санал болгох