Бидэнтэй нэгдэх

Улстөр нийгэм

Түгжрэлийг бууруулах богино хугацааны шийдэл танилцууллаа

Огноо:

,

Хот хөдөөгийн хөгжлийн тэнцвэрийг хангах, төвлөрлийг сааруулах, автозамын түгжрэлийг бууруулах үндэсний хороог Ерөнхий сайд Л.Оюун-Эрдэнэ ахалж байгаа билээ.

Өнгөрсөн долоо хоногт болсон тус хорооны анхдугаар хуралдааны үеэр Ерөнхий сайд ажлын хэсгийнхэнд түгжрэлийг бууруулах богино хугацааны шийдэл танилцуулах үүрэг өгсөн. Энэ хүрээнд ажлын хэсгийнхэн өчигдөр Ерөнхий сайд Л.Оюун-Эрдэнэд Улаанбаатар хотын автозамын түгжрэлийг богино хугацаанд шийдвэрлэх 15 санал танилцууллаа.

Түгжрэлийн өртгийг мөнгөн дүнгээр тооцвол, өнгөрсөн 10 жилд 11.8 их наяд төгрөгт хүрчээ. Нэг үгээр хэлбэл, шатахууны болон цаг хугацааны зардлыг (ажлын бүтээмж буурах, эрүүл мэнд, стресс, дуу чимээ гэх мэт) ийн тооцсон байна. Нийт бүтээж буй баялгийнхаа найман хувийг түгжрэлд алдаж байгаа судалгаа гарч, иргэдийн 85 хувь түгжрэл дээд цэгтээ хүрсэн гэж хариулжээ. Түүнчлэн судалгаанд оролцсон иргэдийн 76 хувь түгжрэлийг шийдэх зоригтой алхам хийх цаг болсон гэсэн байна.

Ерөнхий сайдын зүгээс нийтийн тээврийн менежментэд хувийн хэвшилтэй хамтрах ямар боломж байгаа эсэх, орон нутгаас ирж байгаа тээврийн хэрэгслийн зорилгыг тодорхойлох, дугаарын хязгаарлалт үр дүнтэй шийдэл байж чадах уу, төрийн албан хаагчдыг ажлын нэг өдөрт цахимаар ажиллуулбал хэр үр дүнтэй вэ зэрэг 20 орчим асуудлыг судлахыг чиглэл болгосон билээ. Ажлын хэсгийнхэн нийтийн тээврээр зорчих иргэдийн тоог 50 хувиар нэмэгдүүлбэл автозамын түгжрэлийг 30 хувиар бууруулна гэж үзэж байна. Энэ хүрээнд улсын төсвийн болон төр-хувийн хэвшлийн хөрөнгө оруулалтаар эхний ээлжинд автобусны парк шинэчлэлт хийх, багтаамж ихтэй нийтийн тээврийн төрөл LRT нэвтрүүлэх нь чухал гэж үзжээ.

Одоо сургуулийн автобусаар 11 мянган сурагч зорчиж байгааг 20 мянга болговол автозамын түгжрэл 2.5-2.7 хувиар буурах боломжтой юм байна. Нэгдсэн зохион байгуулалтаар явуулж байгаа сургуулийн автобусыг 53, төрийн болон хувийн сургуулийн өөрийнх нь автобусыг 227 болгосноор өдөрт 10000-12000 сурагч буюу машины хөдөлгөөнийг бууруулна гэж тооцжээ. Ажлын нэг өдрийг цахимаар ажилладаг болговол дэмжихээ судалгаанд оролцсон төрийн албан хаагчдын 91 хувь хэлжээ. Хэрэв төрийн албан хаагчид нэг өдөр гэрээсээ цахимаар ажиллабал замын хөдөлгөөнд оролцох тээврийн хэрэгслийн тоо өдөрт 15-25 мянгаар буурах тооцоо гарчээ.

Орон нутгаас нийслэлд сард дунджаар 28-30 мянган тээврийн хэрэгсэл замын хөдөлгөөнд оролдцог байна. Ихэвчлэн хувийн ажлаа амжуулах, автомашины татваар төлөх, хөдөлмөр эрхлэх, эмнэлгийн туслам авах, бараа бүтээгдэхүүн худалдаж авах зорилгоор ирдэг. Ялангуяа жил бүрийн нэг, наймдугаар сард орон нутгаас ирэх тээврийн хэрэгслийн тоо нэмэгддэг байна.

Ерөнхий сайдаас буруу талдаа хүрдтэй тээврийн хэрэгслийн импортыг хязгаарлах, хэзээнээс боломжтой эсэхийг судлах чиглэл болгосон. Уг асуудлыг судлаад 2028 оноос Улаанбаатар хот 100 хувь зүүн жолооны хүрдтэй автомашинд шилжих, 2022 оноос долоогоос дээш жилийн насжилттай тээврийн хэрэгслийн импортын татварыг нэмэх, мөн ирэх жилээс шинэ автомашин худалдан авах зээлийн таатай нөхцөлийг бүрдүүлэх санал дэвшүүлжээ.

Ажлын хэсэг дугаарын хязгаарлалт хэр үр дүнтэй байгааг судлахад хэрэгжилт хангалтгүй гарчээ. Тиймээс үүний хэрэгжилтийг хангуулах нь түгжрэлийг бууруулахад дэмтэй гэж үзсэн байна. Түүнчлэн зарим автозамыг нэг урсгалтай болгох боломжтой эсэхийг судлахад манай автозамын нэвтрүүлэх чадвар муу учраас одоогийн нөхцөлд тохиромжгүй гэсэн дүгнэлтэд хүрчээ.

Ажлын хэсгийнхний богино хугацаанд түгжрэлийг бууруулах санал:

- Тээврийн хэрэгслийн “ЦАХИМ ГЭРЧИЛГЭЭ” нэвтрүүлэх ажил (Замын хөдөлгөөний зохицуулалт төлөвлөлтийн нэгдсэн систем буюу RFID систем болон цахим тээврийн хэрэгслийн гэрчилгээг нэвтрүүлснээр зөрчил гаргасан, татвар хураамжаа төлөөгүй, үзлэг оношилгоонд ороогүй тээврийн хэрэгслийг замын хөдөлгөөнд оруулахгүй байх)

- Ерөнхий болосвролын сургуулийг 5/9 шилжүүлэх

- Нийтийн тээврийн цагийг уртасгасан цагаар ажиллуулах, 05.30-00.00 цагт шилжүүлэх,

- Дугаарын хязгаарлалтын хэрэгжилтийг хангах,

- Төрийн албан хаагчдыг 1/5 онлайнд шилжүүлэх,

- Үзлэг, оношилгоонд ороогүй, татвар, даатгал төлөөгүй тээврийн хэрэгслүүдийг замын хөдөлгөөнд оролцуулахгүй байх,

- Тээврийн хэрэгслийн ослыг хурдан шуурхай шийдвэрлэдэг болгох,

- Хөдөлгөөнд саад учруулсан тээврийн хэрэгслийг торгох, ачих ажиллагааг сайжруулах, чангаруулах,

- E-Police аппликейшныг иргэдэд сурталчлах, иргэдийг урамшуулах,

- Автомашингүй гудамж бий болгох,

- Зогсоолгүй бүс бий болгох,

- Зогсоолыг төлбөржүүлэх, нэгдсэн системд оруулах,

- Явган зам, дугуйн зам, автозамын гарц хаасан орц гарцыг чөлөөлөх,

- Байгууллагуудын ажлын цагийг уян хатан болгох,

- Уулзваруудын дахин инженерчлэл хийж нэвтрүүлэх чадварыг нэмэгдүүлэх

Эдгээр 15 саналыг ирэх сараас хэрэгжүүлснээр автозамын түгжрэлийг 13-18 хувиар бууруулна гэж ажлын хэсэг үзжээ.

Хот хөдөөгийн хөгжлийн тэнцвэрийг хангах, төвлөрлийг сааруулах, автозамын түгжрэлийг бууруулах үндэсний хорооны нарийн бичгийн дарга Б.Одсүрэн түгжрэлийг бууруулах богино хугацааны шийдлийг Ерөнхий сайдад ийн танилцууллаа. Удахгүй дунд, урт хугацааны шийдлүүдээ танилцуулахаа ч энэ үеэр хэлсэн юм.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Улстөр нийгэм

Нийслэлийн нутгийн захиргааны байгууллагын албан хаагчдын дунд зохион байгуулсан мэтгэлцээний тэмцээний ялагчид тодорлоо

Огноо:

,

Нийслэл Улаанбаатар хот үүсэн байгуулагдсаны 382 жилийн ойг тохиолдуулан НЗДТГ-ын Сургалт, судалгааны төвөөс нутгийн захиргааны байгууллагын албан хаагчдын дунд аравдугаар сарын 23-нд мэтгэлцээний тэмцээн зохион байгуулсан. Тус тэмцээний ялагчдыг тодруулж, өнөөдөр шагналыг нь гардуулан өглөө. Шагналыг Нийслэлийн Засаг даргын орлогч Ж.Сандагсүрэн, НЗДТГ-ын Төрийн захиргааны удирдлагын хэлтсийн дарга Ү.Ганболд нар гардуулсан юм.

Уг мэтгэлцээнийг нийслэлд тулгамдаж буй асуудлыг шийдвэрлэх, албан хаагчдын идэвх, оролцоог нэмэгдүүлэх, бүтээлч сэтгэлгээг хөгжүүлэх, шинэ санал, санаачилгыг нээн илрүүлэх зорилгоор зохион байгуулжээ. Тэмцээнд нийслэлийн нутгийн захиргааны 23 байгууллагын 21 баг оролцсон байна.

Мэтгэлцээний тэмцээний тэргүүн байранд Нийслэл дэх Улсын бүртгэлийн газрын баг орсон бол дэд байранд Нийслэлийн Агаарын бохирдолтой тэмцэх газрын баг шалгарчээ. Харин гутгаар байранд Нийслэлийн Газар зохион байгуулалтын албаны баг шалгаран өргөмжлөл, мөнгөн шагналаар шагнуулав.

Тэргүүн байранд шалгарсан Нийслэл дэх Улсын бүртгэлийн газрын багийн гишүүн Ш.Золбаяр “Юуны өмнө мэтгэлцээнийг өндөр түвшинд чанартай зохион байгуулсан НЗДТГ-ын Сургалт, судалгааны төв болоод үнэн бодитой шүүсэн JCI байгууллагын шүүгч нарт талархлаа илэрхийлье. Уг тэмцээн нь нийслэлийн өмнө тулгамдаж буй олон асуудлын шийдлийг хэлэлцэхэд чиглэсэн. Төр, захиргааны байгууллагуудын албан хаагчидтай өрсөлдөн, салбар, салбарын онцлогийг таньж, олон талын мэдээлэл олж авснаараа тун үр өгөөжтэй байлаа” хэмээн сэтгэгдлээ хуваалцсан юм.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Дэлгэрэнгүй унших

Улстөр нийгэм

“Боловсролын салбарын хүүхдийн эрх, хамгааллын хууль тогтоомж, тогтоол шийдвэрийн хэрэгжилт” салбар дундын хэлэлцүүлэг болов

Огноо:

,

Боловсролын салбар дахь хүүхдийн эрх, хамгааллын талаарх хууль тогтоомж, Хүүхдийн эрхийн тухай конвенц, НҮБ-ын Хүүхдийн эрхийн хорооны 5 дугаар зөвлөмжийн хэрэгжилтийг хэлэлцлээ.
 
Хэлэлцүүлгээр эрүүл мэндийн боловсролын агуулга, хэлбэрийг сайжруулах, хүүхдийн боловсролд эцэг эхийн оролцоог нэмэгдүүлэх, тусгай хэрэгцээт хүүхдийн боловсролыг дэмжих, сургуулийн орчны эрсдэлийн үнэлгээг цаашид өргөжүүлэх, сургуулийн орчин дахь хүүхэд хамгааллын тогтолцоог бэхжүүлэх, салбарын ажилтнууд, сурган хүмүүжүүлэгчдийн хүүхдийн эрх, хүүхэд хамгааллын талаарх мэдлэг, ойлголтыг нэмэгдүүлэх, сургуулийн өмнөх боловсролын агуулгад хос хэлний асуудлыг тусгах, зан заншил, уламжлал, дорнын соёлыг түгээх, шилжилт хөдөлгөөн, засаг захиргааны байгууллага дахь бүртгэл хангалтгүйн улмаас хүүхэд хамгааллын зарим үйлчилгээнд хамрагдах боломж хязгаарлагдмал байгааг анхаарах, хүүхэд хамгааллын асуудлыг тухайн тохиолдол, кэйст хандах байдлаар бус зорилго, ажлын гүйцэтгэл, үр дүн, санхүүжилтийг хянахад анхаарах, ковидын үеийн хүүхдийн эрх, хүүхэд хамгааллын асуудлаар мэдээлэл өгөх талаар хэлэлцлээ.
 
Мөн уулзалт хэлэлцүүлгийн дүгнэлт, зөвлөмжийг албан бичгээр хүргүүлж хамтран ажиллахаар төлөвлөв.
 
 
Эх сурвалж: ХНХЯ
Дэлгэрэнгүй унших

Улстөр нийгэм

Иргэдийн дундах хөл хөдөлгөөнийг бууруулах нь цар тахлыг хумих гол арга гэдгийг дахин онцолжээ

Огноо:

,

УОК-ын дэргэд ажиллаж буй Эрдэмтдийн багаас коронавируст халдвар /Ковид-19/-ын нөхцөл байдалд үнэлэлт дүгнэлт хийж, тархалтын тандалтын судалгааг тогтмол хийн ажиллаж байна.

Эрдэмтдийн багаас гаргасан судалгаагаар иргэдийн дундах хөл хөдөлгөөнийг бууруулах нь цар тахлыг хумих гол арга гэдгийг дахин онцолжээ.

Эх сурвалж: УОК-ын Шуурхай штаб

Дэлгэрэнгүй унших
сурталчилгаа

Санал болгох