Бидэнтэй нэгдэх

Цаг үе

Энэ онд дүүжин замын тээврийн 18 тулгуур баганыг суурилууллаа

Огноо:

,

Нийслэл Улаанбаатар хотын авто замын түгжрэлийг бууруулах зорилгоор Бүгд Найрамдах Франц Улс, Монгол Улсын Засгийн газрын хооронд байгуулсан санхүүгийн хэлэлцээрийн хүрээнд нийтийн тээврийн шинэ, байгальд ээлтэй шийдэл болох дүүжин замын тээвэр төслийг хэрэгжүүлж байна.

Төслийг Францын “Пома групп” хариуцан гүйцэтгэж дотоодын “Моннис инженеринг” ХХК, “Цагаан уран хийц” ХХК туслан гүйцэтгэгчээр ажиллаж байна. Төсөлд шаардлагатай бүх бараа материалыг Франц улсаас импортолж байгаа бөгөөд 150 чингэлэг ачаанаас 114 чингэлэг ачаа төслийн талбайд бууж, барилга угсралтын ажилд ашиглаж байна. Яармаг, Арцат-Өнөр хороолол чиглэлийн дүүжин замын тээвэр нь нийт 4.2 км урттай, хоёр зогсоолтой, 6.45-42 метрийн өндөртэй, 19 тулгуур баганатай.

Тус бүтээн байгуулалтын бэлтгэл ажлыг бүрэн хангаж, барилга угсралтын ажлыг 2025 оны  гуравдугаар сарын 10-ны өдөр эхлүүлсэн. Өнөөдрийн байдлаар төслийн нийт ажил 54 хувьтай үргэлжилж байна. Дүүжин замын тээврийн 19 тулгуур багана суурилуулахаас 18 тулгуур баганыг суурилуулж, хоёр буудлын барилгын ажлыг гүйцэтгэж байна. Мөн 98 ширхэг кабины гараашийн барилга угсралтын ажлыг эхлүүллээ.

Энэ өвөл дүүжин замын тээврийн ажил зогсолтгүй үргэлжилнэ. 2025 оны долоодугаар сарын 8-нд Дүүжин замын тээврийн үйл ажиллагааг хариуцах байгууллага “Улаанбаатар кабель кар” ОНӨТҮГ-ыг байгуулж, зорчигч тээврийн үйл ажиллагааны бэлтгэл ажлыг хангасан. Уг төслийн хоёрдугаар шугамыг “Үндэсний цэцэрлэгт хүрээлэн-Үндэсний соёл амралтын хүрээлэн” чиглэлд 2.7 км урттай, гурван зогсоолтойгоор төлөвлөж байна.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Орон нутгийн нөхөн сонгуульд 92 нэр дэвшигч өрсөлдөнө

Огноо:

,

Аймаг, нийслэл, сум, дүүргийн иргэдийн Төлөөлөгчдийн Хурлын 2026 оны нөхөн сонгуульд аймаг, сумын сонгуулийн хороод 92 нэр дэвшигчийг бүртгэж, нэр дэвшигчийн үнэмлэх гардууллаа.

Тодруулбал, аймгийн иргэдийн Төлөөлөгчдийн Хурлын 9 мандатад 21, сумын иргэдийн Төлөөлөгчдийн Хурлын 37 мандатад 71 нэр дэвшигч өрсөлдөнө.

Энэ удаагийн сонгуульд 5 нам оролцох бөгөөд МАН-аас 42, АН-аас 40, ХҮН намаас 3, Иргэдийн оролцооны нэгдэл нам, ИХ намаас тус бүр 1 нэр дэвшигч бүртгүүлжээ. Мөн аймгийн иргэдийн Төлөөлөгчдийн Хуралд 1, сумын иргэдийн Төлөөлөгчдийн Хуралд 4 бие даан нэр дэвшигч бүртгүүлсэн байна. Нэр дэвшигчдийн 23.9 хувь буюу 22 нь эмэгтэй аж. Насны хувьд хамгийн өндөр настай нэр дэвшигч 78, залуу нь 20 настай.

Нэр дэвшигчид үнэмлэхээ гардаж авснаар буюу 2026 оны  зургаадугаар сарын 6-аас сонгуулийн сурталчилгаа эхэлж, 19-ний өдрийг дуустал үргэлжилнэ.

Аймаг, нийслэл, сум, дүүргийн иргэдийн Төлөөлөгчдийн Хурлын нөхөн сонгууль 2026 оны 6 дугаар сарын 21-ний өдөр болно.

Дэлгэрэнгүй унших

Цаг үе

“Гэгээн Пантелеймон” хөдөлгөөнт оношлогооны төв Монголд ажиллалаа

Огноо:

,

“Гэгээн Пантелеймон” хөдөлгөөнт эмнэлзүйн оношлогооны төв 2026 оны тавдугаар сарын 18-наас зургаадугаар сарын 4-ний хооронд Монгол Улсад хүмүүнлэгийн чиглэлээр ажиллалаа.

Энэ хугацаанд “РЖД-Медицина”-гийн эмч нар Улаанбаатар төмөр замын Замын-Үүд, Сайншанд, Чойр, Зүүнхараа, Дархан, Сүхбаатар, Улаанбаатар гэсэн долоон гол өртөөнд иргэдэд үзлэг, оношлогоо хийв. Өдөрт дунджаар 200 орчим хүн эмнэлгийн тусламж, үйлчилгээ авчээ.

Эрүүл мэндийн галт тэргээр үйлчлүүлсэн иргэд дотрын эмч, зүрхний эмч, мэс засалч, хүүхдийн эмч, урологич, эмэгтэйчүүдийн эмч, дотоод шүүрлийн эмч, шүдний эмч, нүдний эмч зэрэг нарийн мэргэжлийн эмч нараас зөвлөгөө авсан байна.

Мөн ЭХО, ЭКГ, дотоод шүүрлийн шинжилгээ, рентген, маммографи зэрэг олон төрлийн оношлогоо хийсэн нь алслагдсан суурин газрын иргэдэд нэн хэрэгцээтэй тусламж болжээ.

Монгол Улсад эмнэлгийн галт тэрэг ажилласан эхний өдөр Замын-Үүд өртөөнд 270 хүн үзлэгт хамрагдахаар бүртгүүлсэн нь түүхэн дээд үзүүлэлт болсон байна.

ОХУ-ын эмч нарын Монгол Улсад ажиллах энэхүү ажиллагааг “Илгээлт Добро” хүмүүнлэгийн төслийн хүрээнд “РЖД” ХНН-ийн санаачилгаар, “УБТЗ” ХНН болон Россотрудничествотой хамтран зохион байгуулжээ.

Дэлгэрэнгүй унших

Цаг үе

Өнөөдөр нутгийн зүүн хагаст сэрүүхэн, бороотой байна

Огноо:

,

Малчид, иргэд, тээвэрчдэд зориулсан мэдээ: Өнөөдөр нутгийн зүүн хагаст сэрүүхэн, бороотой байна. 

2026 оны зургаадугаар сарын 09-ний 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн баруун, төв болон говийн аймгуудын нутгийн зүүн хэсэг, зүүн аймгуудын нутгийн зарим газраар бороо орно, дуу цахилгаантай. Салхи нутгийн баруун хэсгээр баруун өмнөөс, бусад нутгаар баруун хойноос секундэд 5-10 метр, Алтайн уулархаг нутаг, говийн бүс нутгаар секундэд 12-14 метр хүрч ширүүснэ. Хэнтийн уулархаг нутаг, Тэрэлж, Хэрлэн голын хөндий, Дарьгангын тал нутгаар 13-18 хэм, Алтайн өвөр говиор 28-33 хэм, Их нууруудын хотгор, Идэр, Тэс, Эг, Үүр, Орхон, Сэлэнгэ, Хараа, голын хөндийгөөр 23-28 хэм, бусад нутгаар 18-23 хэм дулаан байна.


УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 6-11 метр. 19-21 хэм дулаан байна.

БАГАНУУР ОРЧМООР: Үүлшинэ. Бага зэргийн бороо орно. Салхи баруун хойноос секундэд 6-11 метр, борооны өмнө түр зуур ширүүснэ. 18-20 хэм дулаан байна.

ТЭРЭЛЖ ОРЧМООР: Үүлшинэ. Бага зэргийн бороо орно. Салхи баруун хойноос секундэд 6-11 метр, борооны өмнө түр зуур ширүүснэ. 16-18 хэм дулаан байна.


2026 оны зургаадугаар сарын 10-наас
2026 оны зургаадугаар сарын 14-нийг хүртэлх
цаг агаарын урьдчилсан төлөв

10-нд баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр, 11-нд баруун аймгуудын нутгийн зүүн хэсэг, төв болон говийн аймгуудын нутгийн зарим газраар, 12-нд нутгийн зарим газраар, 13-нд баруун болон төвийн аймгуудын нутгийн зарим газар, зүүн аймгуудын нутгийн баруун хэсгээр бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, нутгийн зарим газраар борооны өмнө түр зуур ширүүснэ. Хэнтийн уулархаг нутаг, Туул, Тэрэлж, Хэрлэн голын хөндийгөөр шөнөдөө 1 хэм хүйтнээс 4 хэм дулаан өдөртөө 14-19 хэм, Их нууруудын хотгор, говийн бүс нутгийн баруун өмнөд хэсгээр шөнөдөө 16-21 хэм, өдөртөө 28-33 хэм, Сэлэнгэ, Хараа голын хөндий, говийн бүс нутгийн зүүн өмнөд хэсгээр шөнөдөө 10-15 хэм, өдөртөө 23-28 хэм, бусад нутгаар шөнөдөө 5-10 хэм, өдөртөө 19-24 хэм дулаан байна. 

Дэлгэрэнгүй унших
сурталчилгаа
Цаг үе7 цаг 47 минут

Орон нутгийн нөхөн сонгуульд 92 нэр дэвшигч өрсөлдөнө

Шударга мэдээ7 цаг 56 минут

Боловсролын зээлийн сангийн зээлээс 10.2 тэрбум төгрөг эргэн төлөгдж...

Шударга мэдээ8 цаг 2 минут

Монгол, Швейцарын боловсролын салбарын хамтын ажиллагааны талаар сан...

Улстөр нийгэм8 цаг 8 минут

УИХ-ын дарга С.Бямбацогтод БНАЛАУ-ын Төрийн аудитын байгууллагын төл...

Улстөр нийгэм8 цаг 11 минут

УИХ: Өнөөдөр хуралдах байнгын хороод

Улстөр нийгэм8 цаг 21 минут

УИХ: Өнөөдөр хуралдах ажлын хэсгүүд

Улстөр нийгэм8 цаг 25 минут

Ерөнхийлөгч У.Хүрэлсүх барилгын салбарын төлөөлөлтэй уулзлаа

Цаг үе8 цаг 27 минут

“Гэгээн Пантелеймон” хөдөлгөөнт оношлогооны төв Монголд ажиллала...

Улстөр нийгэм8 цаг 29 минут

Ерөнхийлөгч У.Хүрэлсүх “Дакар ралли-2026”-д амжилт гаргасан тами...

Цаг үе8 цаг 32 минут

Өнөөдөр нутгийн зүүн хагаст сэрүүхэн, бороотой байна

Санал болгох