Бидэнтэй нэгдэх

Улстөр нийгэм

Ойн салбарын үндэсний чуулган “Тэрбум мод” үндэсний хөдөлгөөнийг дэмжиж, зөвлөмж гаргалаа

Огноо:

,

Монгол Улсын Ерөнхийлөгчийн ивээл дор болсон Ойн салбарын үндэсний чуулган Төрийн ордонд болж өндөрлөлөө.

Ерөнхийлөгчийн Тамгын газрын дарга Я.Содбаатар чуулганыг хааж үг хэлэв. Тэрбээр “Томоохон зорилтыг хэрэгжүүлэхийн тулд 30 жил орхигдсон салбарыг сэргээж, 2024 он гэхэд чадавхыг нь бүрэн бэхжүүлэх,  мэргэжлийн боловсон хүчнээ бэлтгэх, зохион байгуулалт, удирдлагаар хангах, байгаль орчноо хайрлан хамгаалах чиглэлээр иргэдээ соён гэгээрүүлэх гээд олон ажил хүлээгдэж байна” гэлээ. Мөн бүгд нэгдмэл ойлголттой байж, нэг зорилгын төлөө хамтран ажиллахыг уриаллаа.

“Тэрбум мод” үндэсний хөдөлгөөний хүрээнд аймаг, нийслэл нутаг дэвсгэртээ хийж хэрэгжүүлэх ажлын төлөвлөгөө, санхүүжилт зэргийг хэлэлцэн батлах бол  УИХ-ын чуулганаар хэд хэдэн хуульд өөрчлөлт оруулах тухай хуулийн төслийг хэлэлцэх юм.

Мөн Засгийн газар өргөтгөсөн хуралдаан 2021 оны 11 дүгээр сарын 17-ны өдөр хуралдах бол, Монгол Улсын Ерөнхий сайдын ахалдаг Уур амьсгалын өөрчлөлт, цөлжилтийг бууруулах үндэсний хороо ирэх долоо хоногт хуралдан “Тэрбум мод” үндэсний хөдөлгөөний хүрээнд хийж хэрэгжүүлэх ажлын талаар хэлэлцэхээр төлөвлөжээ.

Ойн салбарын үндэсний чуулганд оролцогчид “Тэрбум мод” үндэсний хөдөлгөөнийг бүрэн дэмжихээ илэрхийлж, чуулганаар хэлэлцсэн илтгэл, салбар хуралдаануудаас дэвшүүлсэн саналыг нэгтгэн зөвлөмж гаргалаа.

Үүнд:

Нэг. “Тэрбум мод” үндэсний хөдөлгөөнийг хэрэгжүүлэх арга замын талаар:

1.1. Шинэчлэн батлагдсан Хөгжлийн бодлого төлөвлөлт, түүний удирдлагын тухай хуулийн дагуу боловсруулж байгаа “Байгаль орчны зорилтот хөтөлбөр”-т “Тэрбум мод” үндэсний хөдөлгөөний хүрээнд хэрэгжүүлэх арга хэмжээг тусгах;

1.2. Мод тарих газар нутгийн судалгаа хийж, стратеги, үйл ажиллагааны нарийвчилсан төлөвлөгөө, техник, эдийн засгийн үндэслэл боловсруулж, шаардлагатай төсөв, санхүүжилтийн бодит тооцоолол гаргах;

1.3.  Аймаг, нийслэл мод тарихад зориулж жил бүр нэг тэрбумаас доошгүй төгрөгийг төсөвт тусгаж байх, мод тарьж ургуулах иргэд, аж ахуйн нэгж, байгууллагын санал, санаачилгыг дэмжих урамшууллын механизм, эдийн засгийн хөшүүрэг бий болгох;

1.4. “Тэрбум мод” үндэсний хөдөлгөөний үр дүнг ойгоор бүрхэгдсэн талбай 0 хувьд хүрэх, нэн хүчтэй цөлжсөн газрын хэмжээ 4.0-с доошгүй хувиар буурсан байх, хүлэмжийн хийн шингээлтийг 2.5 сая тн-оор нэмэгдүүлсэн байхаар тооцох;

Хоёр. Төр хувийн хэвшлийн түншлэлийн талаар:

2.1. Ойн салбарын мэргэжлийн байгууллагын эрх олгох, ойн аж ахуйн арга хэмжээний гүйцэтгэлийн үр дүн, хяналт, мониторинг хийх зэрэг төрийн захиргааны байгууллагуудын зарим чиг үүргийг  мэргэжлийн холбоодод шилжүүлэх;

2.2. Гадаад, дотоодын томоохон хөрөнгө оруулалт татах боломжтой төсөл, хөтөлбөр хэрэгжүүлэх;

2.3. Ойн магадлан итгэмжлэлийн стандартыг боловсруулж, хараат бус хөндлөнгийн байгууллагаар магадлан итгэмжлэл хийх тогтолцоо бий болгох, олон улсын ойн магадлан итгэмжлэлийг нэвтрүүлэх бэлтгэл ажлыг хангах.

Гурав. Хүний нөөц, мэргэжилтэй боловсон хүчний талаар:

3.1.  Ойн мэргэжилтэн бэлтгэх сургалт үйлдвэрлэлийн төв, коллеж, их, дээд сургуулийн хөтөлбөрийг харилцан уялдаатай болгож, шатлан суралцах боломжийг бүрдүүлэх;

3.2.  Сум, суурин газар бүрт гурваас доошгүй ойжуулагч  байхаар тооцож, “1,000 сургагч багш бэлтгэх” хөтөлбөрийг 2022 онд багтаан хэрэгжүүлэх, мэргэжилтэй ажилчдыг тоог 7000-д хүргэх;

Дөрөв. Үр, тарьц, суулгацын нөөц бүрдүүлэлтийн талаар:

4.1.  Модлог ургамлын үр,тарьц, суулгац бэлтгэх, импортлох, хадгалах, худалдан борлуулах, тээвэрлэх, ашиглах, үрийн нөөцийн улсын сан бүрдүүлэх хууль, эрх зүйн орчин бий болгох;

4.2. Үр хадгалах байгууламжийг улсын хэмжээнд болон бүсчилсэн хэлбэрээр байгуулах;

4.3. Мод үржүүлгийн зориулалтаар ашиглаж байгаа газрыг газар ашиглалтын төлбөрөөс чөлөөлөх;

4.4. Мод үржүүлэг, ойжуулалтын зориулалттай машин, тоног төхөөрөмжийг худалдан авахад зориулж урт хугацаатай, хөнгөлөлттэй зээл олгох боломж бүрдүүлэх;

4.5. Үрийн нөөцийг жилд 290.0 мянган кг, жилд ургуулах тарьц, суулгацын хүчин чадлыг 30-100 сая ширхэгт хүргэх;

Тав. Агро-ойн аж ахуйг хөгжүүлэх талаар:

5.1. Агро-ойн аж ахуйг хөгжүүлэх чиглэлээр холбогдох хуулиудад нэмэлт, өөрчлөлт оруулж ой, газар тариалан, бэлчээрийн хоорондын харилцааг зохицуулах хууль, эрх зүйн орчин бий болгох;

5.2.“Дэлхийн агро-ойн төв ” олон улсын байгууллагад элсэж төсөл, хөтөлбөр хамтран хэрэгжүүлэх;

5.3.Хүнс, хөдөө аж ахуй, хөнгөн үйлдвэрийн яамны харьяанд жимс, жимсгэнийн кластер хөгжүүлэх, Агро-ойжуулалтын судалгааны төв байгуулах.

Зургаа. Цөлжилт, газрын доройтлыг бууруулах талаар:

6.1. Ой, говийн баян-бүрд, хүлэрт намаг, цайдам зэрэг экологийн чухал экосистемийг нөхөн сэргээх чиглэлд шинэлэг, байгальд ээлтэй, технологид түшиглэсэн инноваци нутагшуулах;

6.2 Хур тунадас, уулын уруйн ус, шар усны ус болон илүүдэл урсац хуримтлуулах, усны нэмэлт эх үүсвэрийг ус, чийг дутмаг газруудад бүрдүүлэх далан, хаалтын системийн сүлжээг нэмэх;

6.3  Монгол орны байгалийн ялгавартай бүс нутгуудад цөлжилт, газрын доройтлыг урт хугацаанд судлах судалгааны төв байгуулж, технологи, инноваци үйлдвэрлэлд нэвтрүүлэхэд санхүүгийн дэмжлэг үзүүлэх;

6.4 Цөлжилт, газрын доройтлын чиглэлээр идэвхтэй үйл ажиллагаа явуулдаг олон улсын байгууллага, донор улсуудтай хамтран ажиллах, туршлага судлах.

Долоо. Ой ашиглалт, ой модны үйлдвэрлэлийн талаар:

7.1. Ойгоос бэлтгэх модны дээд хязгаарыг тогтоож байгаа одоогийн хууль, эрх зүйн зохицуулалтыг өөрчлөн аймаг, сумын ойн менежментийн төлөвлөгөөг үндэслэн шийдвэрлэдэг тогтолцоонд шилжих;

7.2. Ойн замын сүлжээний нягтрал, эдийн засаг, экологийн ач холбогдлын судалгаа, тооцоо хийж, ойн аж ахуйн зориулалттай автозамын сүлжээг төлөвлөн улсын төсөвт тусган хэрэгжүүлэх;

7.3. Ойн нөөцийг эдийн засгийн эргэлтэд оруулах зорилгоор ойн арчилгаа, цэвэрлэгээ хийж, шахмал хавтан, эко хатуу түлш, цавчдас, модлог шахмал түлш зэрэг бүтээгдэхүүн үйлдвэрлэгчдийг НӨАТ-аас чөлөөлөх хууль, эрх зүйн орчин  бүрдүүлэх;

Найм. Хот, суурин газрын ногоон байгууламжийн талаар:

8.1. Ногоон байгууламжийн асуудлыг хот суурин газрын төлөвлөлт, хөгжлийн хэтийн төлөвтэй уялдуулан зураг төслийн дагуу хөгжүүлэх;

8.2. Хот, суурин газрын ногоон байгууламжийн тухай бие даасан хууль гарган холбогдох журам, стандарт, норм, нормативыг шинэчлэн эрх зүйн орчныг тодорхой болгох;

8.3. Ногоон байгууламжид тарих зориулалттай тарьц, суулгац үржүүлэх газруудад татварын хөнгөлөлт, урамшуулал үзүүлэхийг төрөөс бодлогоор дэмжих;

8.4. Тарьц суулгац бойжуулах, хот суурин цэцэрлэгжүүлэх ажилд шаардагдах усны үнийг хөнгөлөх, чөлөөлөхийг зөвлөмжид тусгажээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Монгол Ардын нам сонгуулийн зардлын явцын тайлангаа ҮАГ-т өгөв

Огноо:

,

Монгол Улсын Их Хурлын Сонгуулийн тухай хуулийн 58 дугаар зүйлийн 58.4 дэх хэсэгт заасны дагуу Монгол Ардын намын сонгуулийн зардлын явцын тайланг Үндэсний аудитын газарт хүргүүлэв.

Нэр дэвшигч, нам эвсэл авсан хандив болон сонгуулийн зардлын зарцуулалтын явцын тайланг санал авах өдрөөс гурав хоногийн өмнө нийтэд ил тод мэдээлж, төрийн аудитын дээд байгууллагад хүргүүлэх хуулийн заалттай.

Дэлгэрэнгүй унших

Улстөр нийгэм

Дадалчууд Монгол Ардын намыг багаар нь дэмжиж, эхлүүлсэн ажлыг нь үргэлжлүүлнэ

Огноо:

,

Улс орны хэмжээнд хөгжлийн бодлогыг том зургаар гаргаж, бүсчлэн хөгжүүлэх мөрийн хөтөлбөр дэвшүүлэн ажиллаж буй Монгол Ардын намыг багаар нь дэмжихээ Дадалчууд илэрхийлж байна. Монгол Ардын намын дарга, Ерөнхий сайд Л.Оюун-Эрдэнэ Хэнтий аймгийн Дадал сумын иргэд сонгогчидтой уулзаж шударга ёсны төлөөх тэмцэлд хамт байхыг уриалж, эдийн засгийн 4 жилийн төлөвлөгөөг “Алсын хараа-2050” хөгжлийн бодлого, “Шинэ сэргэлтийн бодлого”-д тулгуурлан Бүсчилсэн хөгжлийн реформ нэртэй зарласнаа хэллээ.

Тэрбээр “Монгол Ардын намын, Ерөнхий сайдын эхлүүлсэн ажлыг үргэлжлүүлэхийн тулд зүүн бүсэд нэр дэвшсэн нэр дэвшигчдийг багаар нь дэмжиж, авлига, хулгай, шударга бустай хамтдаа тэмцэнэ гэдэгт итгэлтэй байна. Үзэл бодол, үнэт зүйлдээ үнэнч байж, мөнгөөр зарчмаа сольж болохгүй. Шинэ 30 жилийг эхлүүлэхэд, ард түмний дуу хоолой парламентад олуулаа байхад та бүхний оролцоо туйлын чухал” гэлээ.

Ерөнхий сайд Л.Оюун-Эрдэнээр ахлуулан УИХ-ын сонгуулийн VI тойрог буюу зүүн бүсийн Дорнод, Сүхбаатар, Хэнтий аймагт Монгол Ардын намаас У.Отгонбаяр, М.Ганхүлэг, П.Анужин, Л.Соронзонболд, М.Бадамсүрэн, Ц.Идэрбат нар нэр дэвшиж байна.

Зүүн бүс нутагт түүхэн аялал жуулчлал, хөдөө аж ахуй, эрчимжсэн мал аж ахуйг хөгжүүлэх бодлого боловсруулсныг Дадалчууд талархан хүлээн авч байв. Тус суманд 17 хоршоо байгуулагдаж, 210 малчин гишүүнээр элсчээ. Харин зүүн бүсэд 582 шинэ хоршоо байгуулагдаж, 5965 малчин элсэж, 15.5 тэрбум төгрөгийн хөрөнгө оруулалтын зээл аваад байна. Малчдыг дэмжсэн бодлого явуулж байгааг иргэд сайшааж, хөдөөгийн сэргэлтийг чиглэсэн ажлууд нь бодитой байсан учир Монгол Ардын намыг багаар нь дэмжиж, эхлүүлсэн ажлыг нь үргэлжлүүлнэ гэв.

Дадал суманд улсын төсвийн хөрөнгөөр спорт цогцолборын болон ЗДТГ-ын барилга, инженерийн шугам сүлжээ, нэгдсэн халаалтын зуух, сумын төвийн хатуу хучилттай 3.5 км автозам, ЕБС-ийн дотуур байр, цэцэрлэгийн байр, эрүүл мэндийн төвийн өргөтгөл, “Дэлүүн болдог” нисэх буудал баригдаж байна. Мөн Агац голын гүүр, Херхон голын бриваз, гурван нуурын усны нөөц нэмэгдүүлэх  ТЭЗҮ, шинэ суурьшлын бүсэд цахилгаан эрчим хүч татах ажил зэрэг төсөл бүрэн хэрэгжиж, сумын хог хаягдлын Ландфилл байгууламжийн төслийг хэрэгжүүлж дуусчээ. Тогтвортой аялал жуулчлал хөгжүүлэх төслийн хүрээнд Чингис хаан аялал жуулчлалын бүтээн байгуулалт, мэдээллийн жишиг төв барьж байна.

Засгийн газрын Бүсчилсэн хөгжлийн бодлого, “Шинэ хоршоо” хөдөлгөөн, байгалийн баялгаа ухах биш онгон дагшин байгаль, түүх соёлдоо тулгуурлан аялал жуулчлалыг хөгжүүлэх, баялгийн өгөөжийг хүн бүр хүртэхээр болсон шийдвэрүүд нь оновчтой, иргэддээ хүртээмжтэй байсан учир Монгол Ардын намыг багаар нь дэмжихээ Дадалчууд илэрхийлж байв. 

 

 

 

 

 

Дэлгэрэнгүй унших

Улстөр нийгэм

УИХ-ын сонгуулийн II тойрогт нэр дэвшигч Д.Амарбаясгалан, Э.Болормаа нар Ховд аймгийн дөрвөн сумын иргэд, сонгогчидтой уулзлаа

Огноо:

,

УИХ-ын сонгуулийн  II тойрог, баруун бүсэд  нэр дэвшигчид Ховд аймагт ажиллаж байна. Тодруулбал, Монгол Ардын намын Ерөнхий Нарийн Бичгийн дарга Д.Амарбаясгалан, Ховд аймгийн Засаг дарга Э.Болормаа нарын хувьд Жаргалант, Зэрэг, Манхан, Чандмань сумын иргэд сонгогчидтой уулзан, Засгийн газраас  хийж хэрэгжүүлсэн ажлын талаар болон Монгол Ардын намаас дэвшүүлж буй “Шинэ сэргэлтийн бодлого-Бүсчилсэн хөгжлийн реформ” мөрийн хөтөлбөрөө танилцуулан,   баруун бүсийн  цаашдын хөгжлийн талаар ярилцлаа.

Монгол Ардын Намаас Бүсчилсэн хөгжлийн бодлогоор баруун бүсийн аймгууд хоорондоо, аймгийн төвөөс сумд, аймгийн төвөөс боомтууд хүртэл гэсэн гурван чиглэлээр авто замын бүтээн байгуулалт хийхээр тусгасан. Энэ хүрээнд Ховд-Улаангом чиглэлийн 163 км авто зам барихаар тусгаад байна. Мөн Ховд аймагт Хөнгөн үйлдвэрлэл,технологийн парк байгуулна. Ингэснээр анхан шатандаа хоршоодоор дамжуулан боловсруулалт хийгдсэн түүхий эдийг баруун бүсдээ төвлөрүүлэн, Ховдын хөнгөн үйлдвэрлэл, технологийн парк тогтвортой ажиллах боломж бүрдэнэ. Үүний тулд Монгол Ардын Нам  Боомтын сэргэлтийг бий болгохоор ажиллаж байгааг уулзалтын эхэнд Д.Амарбаясгалан дарга тодотгож байв.

Монгол Ардын намын Ерөнхий  Нарийн Бичгийн дарга, Монгол Улсын Сайд, ЗГХЭГ-ын дарга Д.Амарбаясгалангийн зохион байгуулж, манлайлан оролцож буй “Шинэ хоршоо” хөдөлгөөнд Ховд аймгийнхан маш идэвхтэй хамрагдаж байгаа бөгөөд улсын хэмжээн дэх хамгийн өндөр дүнтэй  буюу 1 тэрбум 295 сая төгрөгийн хөрөнгө оруулалтын зээлийг Ховд аймгийн Ховд суманд шинээр байгуулагдсан “Хөх сэрхийн шилмэл сүрэг” хоршооныхон авсныг уулзалтын үеэр мөн тодотгож байв. Харин  захчин түмэн Зэрэг сумынхны хувьд  таван хоршооны 23 малчин нийт 643 сая төгрөгийн хөрөнгө оруулалтын зээл авчээ. Үүний 445 сая төгрөгийн зээлийг Зээлийн батлан даалтын сангаас батлан даасан байна.

Ийнхүү бүс нутгаараа хөгжиж, өөрсдийн зах зээлээ бий болгосноор иргэд заавал Улаанбаатар хот руу шилжиж, сайхан амьдрал эрэлхийлэх шаардлагагүй болно. Тиймээс баруун бүсийнхэн авто зам, дэд бүтэц, боомтын сэргэлтээр бүсдээ хөгжих боломжийг бүрдүүлнэ. Энэ Засгийн газрын үед орон нутагт ажиллаж буй төрийн албан хаагчдын цалинг 20-40 хувиар нэмэгдүүлэх шийдвэрийг гарган хэрэгжүүлж эхэлснээс гадна хөдөө орон нутгийг дэмжих бодлого хэрэгжүүлж, малчин ардынхаа амьжиргааг дээшлүүлэх боломж бүрдүүлж буй “Шинэ хоршоо” хөдөлгөөнийг зохион байгуулж, манлайлан оролцож байгаа  Д.Амарбаясгаланд Ховдчууд талархал илэрхийлээд баруун бүсийн хөгжлийг түүчээлэн, шинэ 30 жилийг бүсчилсэн хөгжлөөр эхлүүлэх гэж буй “Морьтой Аравт”-ыг багаар нь дэмжихээ илэрхийлж байна. 

 

 

 

 

Дэлгэрэнгүй унших
сурталчилгаа
Улстөр нийгэм20 минутын өмнө

Монгол Ардын нам сонгуулийн зардлын явцын тайлангаа ҮАГ-т өгөв

Улстөр нийгэм22 минутын өмнө

Дадалчууд Монгол Ардын намыг багаар нь дэмжиж, эхлүүлсэн ажлыг нь үр...

Улстөр нийгэм24 минутын өмнө

УИХ-ын сонгуулийн II тойрогт нэр дэвшигч Д.Амарбаясгалан, Э.Болормаа...

Улстөр нийгэм27 минутын өмнө

Чингис хотынхон шинэ 30 жилийн төлөө Ерөнхий сайдаа багаар нь сонгон...

Улстөр нийгэм29 минутын өмнө

Авлигатай нам харгалзахгүй тэмцэж байгаа Ерөнхий сайдаа багаар нь дэ...

Улстөр нийгэм14 цаг 9 минут

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нары...

Улстөр нийгэм14 цаг 13 минут

Баянзүрх дүүрэгт Монгол Ардын намаас нэр дэвшигчид иргэд сонгогчидто...

Улстөр нийгэм14 цаг 15 минут

Чойбалсан хотынхон Ерөнхий сайдаа багаар нь сонгож, бүсийн хөгжлөө э...

Улстөр нийгэм14 цаг 17 минут

Д.Амарбаясгалан тэргүүтэй “Морьтой Аравт” баг Ховд, Увс,...

Цаг үе14 цаг 21 минут

Нийт дуудлагын 112 нь ус цаг уурын гаралтай байжээ

Санал болгох