Бидэнтэй нэгдэх

Цаг үе

Мэдэгдэл

Огноо:

4 жил 3 сар.өмнө

,

Зээлийн Батлан Даалтын Сан /ЗБДС/ болон хамтран ажилладаг Арилжааны банкуудын эрх бүхий албан тушаалтнуудын нэрийг барьж зээл баталж өгнө, зээлийн батлан даалтын сангаас баталгаа гаргаж өгнө гэх зэргээр бизнес эрхлэгчдийг төөрөгдүүлэх худал хуурмаг мэдээллүүд бизнес эрхлэгчдийн дунд тархсан байдаг.

Зээлийн батлан даалтын сан нь Монгол Улсын Үндсэн хууль, Иргэний хууль, Зээлийн батлан даалтын сангийн тухай хууль болон бусад холбогдох хууль тогтоомж, дүрэм журам, эрх бүхий байгууллагаас баталсан хэм хэмжээг дагаж мөрдөн ажилладаг барьцаа хөрөнгийн дутагдалтай жижиг, дунд үйлдвэр эрхлэгчидийн үйл ажиллагаанд шаардагдах санхүүжилт авах боломжийг нэмэгдүүлэх, хөдөлмөр эрхлэлтийг дэмжих зорилготой байгууллага юм.

Бид үйл ажиллагаандаа тэгш оролцоог хангасан, ашиг сонирхлын зөрчилгүй, сайн засаглалын зарчмыг баримтлан ажиллаж байгаа бөгөөд жижиг, дунд бизнес эрхлэгчид та бүхэн дээрх байдлаар худал ярьж, амлалт өгсөн этгээдүүдэд хуурталгүй холбогдох хууль журмын дагуу үнэн бодит мэдээллийг хамтран ажиллагч Арилжааны банкнаас, ЗБДСангийн ажилтан, алба хаагчид болон доорхи цахим хуудаснаас авч байхыг зөвлөж байна.

Цаашдаа Сангийн ажилтан, албан тушаалтнуудын нэрийг барьж жижиг, дунд үйлдвэр эрхлэгчдийг төөрөгдүүлж худал хуурмаг амлалт өгсөн аливаа этгээдүүдийг холбогдох хууль тогтоомжийн дагуу хуулийн байгууллагаар шалгуулан шийдвэрлүүлж байхыг албан ёсоор мэдэгдэж байна.

ЗЭЭЛИЙН БАТЛАН ДААЛТЫН САН

Уншсан:3875
Дэлгэрэнгүй унших
сурталчилгаа

Сэтгэгдэл

Цаг үе

Ази, Европыг холбосон АН-4 чиглэлийн автотээврийн коридор нээгдлээ

Огноо:

28 секундын өмнө

,

Азийн авто замын сүлжээний АН-4 чиглэлийн авто замаар гурван улсын туршилтын тээвэр есдүгээр сарын 22-нд эхэллээ. Энэхүү тээврийн коридор нь Монгол Улсын баруун бүс Ховд, Баян-Өлгий аймгаар дайран БНХАУ-ын Шинжаань бүс нутаг, ОХУ-ын Сибирийн бүстэй холбох Азийн авто замын АН-4, CAREC-ийн корридор 4“а” чиглэлийн нэг хэсэг бөгөөд Монгол Улсыг Европын холбооны улсуудтай, БНХАУ-ын тээвэр логистикийн зангилаа төв болох Өрөмчи хоттой холбох хамгийн дөт зам юм.
 
Ингэснээр Хятад, Европын хооронд хийгдэж байгаа худалдааны эргэлтэд оролцох, дамжин өнгөрөх тээврийг хөгжүүлэх, дундад азийн орнуудад монголын бараа бүтээгдэхүүнийг хүргэх нэг чухал гарцыг нээж байна. Зам, тээврийн хөгжлийн сайд С.Бямбацогт 2023 оны зургаадугаар сард БНХАУ-д айлчлахдаа 2011 онд байгуулсан Засгийн газар хоорондын автотээврийн хэлэлцээрийг 12 жилийн дараа шинэчилэн батлуулсан.
 
Үүний үр дүнд Монгол Улс болон БНХАУ-д бүртгэлтэй тээврийн хэрэгслээр хоёр улсын нутгаар дамжин өнгөрөх, тогтмол бус зорчигч тээвэрлэлт болон байнгын бус ачаа тээвэрлэлтийг маршрут харгалзахгүй гүйцэтгэх боломжийг бүрдүүлсэн чухал ач холбогдолтой байлаа. Тодруулбал, 2011 оны хэлэлцээрт зөвхөн талуудын хэлэлцэн тохиролцсон маршрутаар тээвэрлэлт гүйцэтгэх зохицуулалттай байсан бол монголын тээвэрчид БНХАУ-ын нутгаар дамжих, хятадын тээвэрлэгчид Монгол Улсын нутгаар дамжих тээвэрлэлт хийх нөхцөл бүрдүүлсэн явдал юм.
 
Сүүлийн жилүүдэд олон улсын тээврийн харилцаа өргөжиж байгаатай холбоотойгоор монголын тээвэрчид олон улсын ачаа тээвэрлэлтэд оролцох боломж бүрдсэн. Тухайлбал, 2017 онд Монгол Улс руу ТИР карнейн хүрээнд хийгдсэн тээврийн 1 хувийг монгол тээвэрлэгч нар гүйцэтгэж байсан бол энэ тоо 2021 онд 31 хувь болж нэмэгдсэн байна.Мөн Алтанбулаг боомтоор 2023 оны есдүгээр сарын 10-ны өдрийн байдлаар нийт 8531 ачааны автомашин нэвтэрч ачаа тээвэрлэлт гүйцэтгэснээс 37 хувь Монгол Улсад бүртгэлтэй тээврийн хэрэгсэл байна.
 
Ташрамд дурдахад, Монгол Улс одоогийн байдлаар Орос, Хятад, Турк, Беларусь, Казахстан, Киргиз, Унгар, Словени, Украйн, Польш, Латви, Литва, БНАСАУ зэрэг 13 улстай олон улсын автотээврийн харилцааны тухай Засгийн газар хоорондын хэлэлцээртэй. Харилцан тээвэрлэлт хийх тохиролцоог Азербайжан, Болгар, Румын, Серби, Герман, Чех, Гүрж, Словак, Молдав зэрэг 9 улстай хийж, нийт 21 улстай тээвэрлэлт хийж байна гэж ЗТХЯ-аас мэдээллээ.
Дэлгэрэнгүй унших

Цаг үе

ОУОХ-ны ерөнхийлөгч Томас Бах тамирчдын төлөөлөлтэй уулзлаа

Огноо:

4 минутын өмнө

,

Олон улсын олимпын хорооны Ерөнхийлөгч Томас Бах "Ханжоу 2022" Азийн наадамд оролцож буй тамирчдын төлөөллийг хүлээн авч уулзлаа.
Уулзалтад Монголын баг тамирчдаа төлөөлж усан спортын тамирчин Г.Майдар хамрагдаж санал бодлоо солилцов.
 
Уулзалтын үеэр ОУОХ-ны Томас Бах энэ удаагийн Азийн наадам өндөр зохион байгуулалттай болж буйг онцолж, Ази тивд спортын их баяр эхэлсэнд баяртай байгаагаа илэрхийлэв.
 
Манай тамирчин Г.Майдар улс орон бүрийн спортын хөгжил харьцангуй адилгүй байдаг, ОУОХ-ноос тухайн улсад хөгжиж буй спортын төрлүүдийг хэрхэн дэмжин ажилладаг тухай асуултыг дэвшүүлсэн юм.
ОУОХ-ны Ерөнхийлөгч Томас Бах ОУОХ нь нийт орлогынхоо 90 хувийг эргэн спорт, олимпизмын төлөө зарцуулдаг. Үндэсний олимпын хороо, үндэсний спортын холбоодоор дамжуулан олон төрлийн төсөл хөтөлбөрийг хэрэгжүүлэн ажилладаг бөгөөд энэхүү чиглэлээр мөн тамирчдын оролцоо чухал хэмээн дурдлаа.
 
Түүнчлэн тэрбээр Олимпизмын гол цөм нь тамирчин та бүхэн хэмээн онцолж, уулзалтад оролцсон нийт тамирчдад баяр хүргэн амжилт хүсэв гэж Монголын Үндэсний Олимпын Хорооноос мэдээллээ.
Дэлгэрэнгүй унших

Цаг үе

Үс шинээр үргээлгэх буюу засуулбал эрхтэн хурц болно

Огноо:

22 минутын өмнө

,

Аргын тооллын 2023 оны есдүгээр сарын 25. Даваа гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Намрын дунд цагаагчин тахиа сарын шинийн 11. Сумъяа гараг. Булаагч одтой, есөн улаан мэнгэтэй, улаан нохой өдөр.

Өдрийн наран 6 цаг 42 минутад мандан, 18 цаг 46 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, хүүхэд үрчлэн авах, гэр% байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно хэмээжээ.
Дэлгэрэнгүй унших
сурталчилгаа
Цаг үе2023/09/25

Ази, Европыг холбосон АН-4 чиглэлийн автотээврийн коридор нээгдлээ
Цаг үе2023/09/25

ОУОХ-ны ерөнхийлөгч Томас Бах тамирчдын төлөөлөлтэй уулзлаа
Үзэл бодол2023/09/25

Л.Оюун-Эрдэнэ: Өвөрхангай мах, малын түүхий эд боловсруулах кластер ...
Улстөр нийгэм2023/09/25

Хил дамнасан төмөр замын бүтээн байгуулалтыг эрчимжүүлэх ажлын хэсэг...
Улстөр нийгэм2023/09/25

Үндэсний статистикийн хороо БНСУ-ын статистикийн газартай хамтран тө...
Урлаг спорт2023/09/25

Буудлагын эмэгтэй тамирчид Монголын багийн анхны медалийг авлаа
Улстөр нийгэм2023/09/25

Газрын тосны бүтээгдэхүүний аливаа хязгаарлалтад Монгол Улс орохгүй ...
Цаг үе2023/09/25

Үс шинээр үргээлгэх буюу засуулбал эрхтэн хурц болно
Цаг үе2023/09/22

Татварын хялбаршуулсан горим ашиглах хүсэлтээ III улиралд багтаан ил...
Цаг үе2023/09/22

О.Мөнхжин, Б.Гантиг нарын өмгөөлөгчдөөс гаргасан хүсэлтийг дэмжиж, у...

Санал болгох