Бидэнтэй нэгдэх

Цаг үе

Сүхбаатар аймагт сэг зэм цуглуулах, устгах ажил үргэлжилж байна

Огноо:

27 өдрийн өмнө

,

БОАЖЯ-ны Салбарын хяналтын газрын дарга Б.Мөнхтогтохоор ахлуулсан ажлын хэсэг Сүхбаатар аймагт ажиллаж байна.
 
Ажлын хэсэг Байгаль орчин, аялал жуулчлалын сайдын 2024 оны гуравдугаар сарын 1-ний өдрийн 02 дугаартай “Орчны бохирдлыг бууруулах, хуулийн хэрэгжилтийг хангах, эрчимжүүлэх талаар” албан даалгаврын хэрэгжилттэй танилцаж, Улсын онцгой комиссын Шуурхай штабтай хамтран аймаг, сумдын онцгой комисст сэг зэм устгалын ажлыг хэрхэн зохион байгуулах талаар мэдээлэл хүргүүлж, орон нутгийн байгаль орчны хяналтын Улсын байцаагчдад чиглэл өгч ажиллалаа.
 
Сүхбаатар аймгийн хувьд өнгөрсөн намар, өвлийн улиралд маш цас орж, шуурсны улмаас зуд болж, улсын хэмжээнд малын зүй бус хорогдол хамгийн их гарсан буюу 1400000 толгой мал хорогдсон дүн мэдээ нэгтгэгдээд байна.
 
Үүссэн нөхцөл байдалтай холбогдуулан 13 сумын 58 багийн нутаг дэвсгэрт 460 гаруй газрын байршлыг Улсын онцгой комиссын Шуурхай штабаар хянуулж, сэг зэм устгах цэгийг тогтоосон байна.
 
Зүй бусаар хорогдсон малын сэг зэмийг цуглуулах, устгах ажлын хүрээнд айлуудын өвөлжөө, хаваржаа, орон нутгийн төв зам дагуу болон уст цэг, булаг шанд орчмын 5268 сэг зэмийг цуглуулж, устгаад байна гэж БОАЖЯ-наас мэдээллээ. 
Уншсан:365
Дэлгэрэнгүй унших

Сэтгэгдэл

Цаг үе

Хайрхан суманд хөвүүр гүүр байрлуулахаар ажиллаж байна

Огноо:

4 цаг 1 минут

,

Архангай аймгийн Хайрхан сумын төвд байрлах Хүнүй голын модон гүүр шар усны үерийн улмаас нурж, орон нутгийн иргэд, мал сүрэг, техник хэрэгсэл нэвтрэх боломжгүй болжээ. 

Зэвсэгт хүчний 234 дүгээр ангийн захирагч хурандаа Г.Эрдэнэбаяраар ахлуулсан усчин дайчид ЗХЖШ-ын даргын тушаалаар Архангай аймгийн Хайрхан суманд ажиллаж байна. 

Томилгоот бүлэг өнөө өглөөнөөс Хүнүй голын хүн ихээр зорчиж, нэвтэрдэг хэсэгт хөвүүр гүүрийг байрлуулахаар ажиллаж эхэллээ.

Хөвүүр гүүрийг төхөөрөмжилж байрлуулснаар хүн, техник саадгүй нэвтрэх боломж бүрдэнэ гэж Зэвсэгт хүчний Жанжин штабаас мэдээллээ. 

Дэлгэрэнгүй унших

Цаг үе

Шар өвс шатаасан 2 иргэнд хариуцлага тооцов

Огноо:

4 цаг 7 минут

,

Нийслэлийн хэмжээнд он гарсаар шар өвс шатсан 48 дуудлага мэдээлэл бүртгэгдээд байна. Дуудлага мэдээллийн дийлэнх нь хүний буруутай үйлдлээс үүдэлтэй бөгөөд ил галын аюулгүй байдал хангаагүйн улмаас гал түймэр гарсан шалтгаан нөхцөлтэй байгаа юм. Дээрх 48 дуудлагын хоёрт буруутай этгээдэд холбогдох хуулийн дагуу хариуцлага тооцлоо.
 
Тухайлбал 2024.04.19-ний өдөр Сүхбаатар дүүргийн 19 дүгээр хороо, Майхан толгойн задгайд Иргэн Б шар өвс шатаасны улмаас 13 га орчим талбай гал түймэрт өртсөн зөрчлийн гомдол, мэдээллийг хүлээн авч Галын аюулгүй байдлын тухай хуулийн 16.2.1 дэх хэсэгт заасан “ахуйн галын аюулгүй байдлыг бүрэн хангаж, холбогдох хууль тогтоомж, галын аюулгүй байдлын норм, нормативын баримт бичгийн шаардлагыг сахин биелүүлэх” иргэний үүргээ биелүүлээгүй тул Зөрчлийн тухай хуулийн 5.14 дүгээр зүйлийн 1 дэх хэсэгт заасан “Иргэн, хуулийн этгээд галын аюулгүй байдлыг хангах үүргээ биелүүлээгүй, эсхүл галын аюулгүй байдлын дүрэм, журам, галын аюулгүй байдлыг хангах талаар тавигдах нийтлэг шаардлагыг зөрчсөн бол учруулсан хохирол, нөхөн төлбөрийг гаргуулж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно” гэсэн заалтын дагуу нэг зуун нэгжээр торгосон.
 
Мөн 2024.04.29-ний өдөр Сүхбаатар дүүргийн 15 дугаар хороо, Ар хустайн 15 дугаар гудамжинд зэргэлдээх 2 айлын хашаанд шар өвсний гал түймэр гарсан талаар зөрчлийн гомдол, мэдээллийг хүлээн авч, шар өвс шатаасан иргэн Д-д Зөрчлийн тухай хуулийн 5.14 дүгээр зүйлийн 1 дэх хэсэгт заасан “Иргэн, хуулийн этгээд галын аюулгүй байдлыг хангах үүргээ биелүүлээгүй, эсхүл галын аюулгүй байдлын дүрэм, журам, галын аюулгүй байдлыг хангах талаар тавигдах нийтлэг шаардлагыг зөрчсөн бол учруулсан хохирол, нөхөн төлбөрийг гаргуулж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно” гэсэн заалтын дагуу нэг зуун нэгжээр торгож тус тус хариуцлага тооцлоо гэж НОБГ-аас мэдээллээ. 
Дэлгэрэнгүй унших

Цаг үе

Импортын цементийн Гаалийн албан татварын хувь, хэмжээг 5 хувь болгон буурууллаа

Огноо:

4 цаг 22 минут

,

Засгийн газрын 2024 оны тавдугаар сарын 01-ний өдрийн ээлжит хуралдаанаар Импортын зарим барааны Гаалийн албан татварын хувь, хэмжээг тогтоох тухай Засгийн газрын 2015 оны 332 дугаар тогтоолд өөрчлөлт оруулав.

Цементийн үйлдвэрүүд түүхий эдийн болон түлшний нөөцөө хангалтгүй бүрдүүлсэн тул энэ оны бүтээн байгуулалтын ажилд шаардагдах цементийн хомсдол үүсэх нөхцөл бий болоод байна.

Иймд Засгийн газрын тогтоолд өөрчлөлт оруулж  импортын цементийн гаалийн албан татварын хувь, хэмжээг 20 хувиас таван хувь болгон буурууллаа.

Дэлгэрэнгүй унших
сурталчилгаа
Цаг үе4 цаг 1 минут

Хайрхан суманд хөвүүр гүүр байрлуулахаар ажиллаж байна
Улстөр нийгэм4 цаг 4 минут

ШӨХТГ: 44 иргэний гомдлыг эцэслэн шийдвэрлэж 4.217.000 төгрөгийн хох...
Цаг үе4 цаг 7 минут

Шар өвс шатаасан 2 иргэнд хариуцлага тооцов
Улстөр нийгэм4 цаг 11 минут

Үндэсний баялгийн сангийн тухай хуулийг хэрэгжүүлэх Засгийн газрын т...
Улстөр нийгэм4 цаг 18 минут

Гурилын хангамж, хүртээмжийн тогтвортой байдлыг хадгалж, нийлүүлэлти...
Цаг үе4 цаг 22 минут

Импортын цементийн Гаалийн албан татварын хувь, хэмжээг 5 хувь болго...
Улстөр нийгэм4 цаг 24 минут

Эм, эмнэлгийн хэрэгслийн хуулийн төслийг УИХ-д өргөн мэдүүллээ
Шударга мэдээ4 цаг 27 минут

Хүүхдээ асрах чөлөөтэй байх хугацааг тасралтгүй ажилласан жилд хамру...
Урлаг спорт4 цаг 31 минут

Монголын хоккейн баг хүрэл медальтай ирлээ
Улстөр нийгэм4 цаг 33 минут

2023 онд батлагдсан Монгол Улсын хуулиудад Төрийн тамга дарах ёслол ...

Санал болгох