Бидэнтэй нэгдэх

Цаг үе

Албан татварын хувь хэмжээний талаарх тогтоолын төсөлд санал авч байна..

Огноо:

5 жил 6 сар.өмнө

,

Монгол Улсын Их Хурлаас 2019 оны 03 дугаар сарын 22-ны өдөр шинэчлэн батлагдсан Хувь хүний орлогын албан татварын тухай хууль 2020 оны 01 дүгээр сарын 01-ний өдрөөс хүчин төгөлдөр үйлчилж байна. Тус хуулийн 21 дүгээр зүйлд заасны хүрээнд хуулиар олгогдсон эрх хэмжээний дагуу аймгийн иргэдийн Төлөөлөгчдийн Хурлаас Өмнөговь аймгийн нутаг дэвсгэрт мөрдөгдөх бичил худалдаа, ажил, үйлчилгээний орлогын сард төлөх албан татварын хувь хэмжээг тогтоосон шийдвэр гаргахаар төлөвлөн ажиллаж байна.
 
Аймгийн иргэдийн Төлөөлөгчдийн Хурлаас бичил худалдаа, ажил, үйлчилгээний орлогоос сард төлөх татварын хэмжээ тогтоосон шийдвэр нь захиргааны хэм хэмжээний акт болохын хувьд Захиргааны ерөнхий хуулийн 62 дугаар зүйлийн 62.1 дэх хэсэгт “Захиргааны хэм хэмжээний актын төслийг тухайн захиргааны байгууллагын цахим хуудас болон мэдээллийн самбарт 30-аас доошгүй хоногийн хугацаанд байрлуулж санал авна” гэсний дагуу цахим хуудсаар дамжуулан санал авах ажиллагааг зохион байгуулж байна.
 
Иймд тогтоолын төсөлтэй танилцаж, бичил худалдаа, ажил, үйлчилгээний орлогоос сард төлөх албан татварын хувь хэмжээний талаарх саналаа комент хэсэгт болон аймгийн Засаг даргын Тамгын газрын Хууль, эрх зүйн хэлтсийн 70532120 дугаарын утсанд ирүүлнэ үү.
 
ТОГТООЛЫН ТӨСӨЛ
ӨМНӨГОВЬ АЙМГИЙН ИРГЭДИЙН ТӨЛӨӨЛӨГЧДИЙН
ХУРЛЫН ТОГТООЛ
 
2020 оны ... сарын … өдөр Дугаар ….
Бичил худалдаа, ажил, үйлчилгээний
орлогын албан татварын хувь, хэмжээ
тогтоох тухай
 
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2 “д”, 19 дүгээр зүйлийн 19.1, 25 дугаар зүйлийн 25.1, Хувь хүний орлогын албан татварын тухай хуулийн 21 дүгээр зүйлийн 21.4, Захиргааны ерөнхий хуулийн 64 дүгээр зүйлийн 64.1 дэх заалт, Хувь хүний орлогын албан татварын тухай хуулийн 21 дүгээр зүйлийн 21.4 дэх заалтуудыг тус тус үндэслэн аймгийн Иргэдийн Төлөөлөгчдийн Хурлын хуралдаанаас ТОГТООХ НЬ:
1. Аймгийн нутаг дэвсгэрт мөрдөгдөх бичил худалдаа, ажил, үйлчилгээний орлогын сард төлөх албан татварын хувь хэмжээг дор дурьдсанаар тогтоосугай.
1.1. Ажлын байр, лангуу зэрэг тодорхой байршилд байрлахгүй ил задгай худалдаа, үйлчилгээ эрхэлж байгаа хувь хүний сард төлөх албан татварын хувь хэмжээг хөдөлмөрийн хөлсний доод хэмжээний 2 хувиар
1.2. Хувиараа зорчигч, эсвэл ачаа тээврийн үйлчилгээ эрхэлж байгаа хувь хүний сард төлөх албан татварыг дараах хувь хэмжээгээр тус тус тогтоосугай.
1.2.1. Хувиараа зорчигч тээврийн болон жижиг оврын ачааны машин /5 тонн хүртэл/ үйл ажиллагаа явуулж буй хувь хүний албан татварыг хөдөлмөрийн хөлсний доод хэмжээний 5 хувиар
1.2.2. Ачаа тээврийн үйлчилгээ эрхэлж байгаа /5-10 тонн бол/ хувь хүний албан татварыг хөдөлмөрийн хөлсний доод хэмжээний 7 хувиар
1.2.3. Ачаа тээврийн үйлчилгээ эрхэлж байгаа /10 тонн дээш бол/ хувь хүний татварыг хөдөлмөрийн хөлсний доод хэмжээний 15 хувиар тус тус тогтоосугай.

2. Бичил худалдаа, ажил, үйлчилгээний орлогын албан татварыг тогтоосон хувиар ногдуулж, хураан авч төсөв төвлөрүүлэх ажлыг зохион байгуулж, хяналт тавьж ажиллахыг аймгийн Засаг дарга /Р.Сэддорж/-д даалгасугай.
 
ХУРЛЫН ДАРГА Б.БАДРАА
Уншсан:2970
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Боловсролын Ерөнхий газар Европын холбооны ЭРАЗМУС+ РИТИЧ төслийн түншлэгч байгуулагаар хамтран ажиллаж байна

Огноо:

14 цаг 44 минут

,

Европын холбооны ЭРАЗМУС+ РИТИЧ буюу "Монгол Улсын багш бэлтгэх боловсролын хөтөлбөрийг ногоон болон дижитал шилжилтэд нийцүүлэн шинэчлэх" төслийн Чанарын баталгаажуулалт хариуцсан хөндлөнгийн шинжээч, доктор Араик Навоян, РИТИЧ төслийн ерөнхий зохицуулагч, доктор Ж.Золбаяр, төслийн үндэсний зохицуулагч, доктор, профессор Б.Одгэрэл нар Боловсролын ерөнхий газраас тус төсөлд хамтран ажиллаж буй Сургалтын хөтөлбөрийн хэрэгжилт, үнэлгээний хөгжлийн газрын дарга Б.Лхагвабаяр, ахлах мэргэжилтэн А.Цэнгүүнжаргал, мэргэжилтэн Н.Болорцэцэг нартай уулзаж, төслийн хэрэгжилтийн явц, түншлэгч байгууллагын оролцоо, хамтын ажиллагаа, цаашид төслийн төлөвлөгөөний дагуу хэрэгжүүлэх үйл ажиллагааны талаар санал солилцлоо.
 
Тус төслийн зорилго нь Европын багшийн боловсролын бодлого, хөтөлбөр, сургалтын шинэ арга зүйгээс суралцаж, багш бэлтгэх хөтөлбөр, багшийн мэргэжлийн тасралтгүй хөгжлийн шилдэг туршлагыг Монгол Улсад нутагшуулахад чиглэж байгаа бөгөөд багш бэлтгэх болон багшийн мэргэжил дээшлүүлэх богино хугацааны сургалтын хөтөлбөрийн агуулга, арга зүй, зохион байгуулалт, үнэлгээг ногоон болон дижитал хэлбэрт шилжүүлэх туршилтын ажлыг 2026-2027 оны хичээлийн жилээс түншлэгч их сургууль, коллежууд болон байгууллагын хүрээнд хамтран хэрэгжүүлэхээр төлөвлөж байна.
 
Төслийн ерөнхий зохицуулагчаар Отгонтэнгэр Их Сургууль ажиллаж байгаа бөгөөд Монгол Улсын Боловсролын яам, Боловсролын ерөнхий газар, Боловсролын судалгааны үндэсний хүрээлэн, Монгол Улсын Боловсролын Их Сургууль, МУИС-ийн Зүүн Бүсийн Сургууль, Хангай Дээд Сургууль, Дархан Дээд Сургууль, Румын улсын Брасов дахь Трансилваний Их Сургууль, Италийн Палермогийн их сургууль, Боловсролын хамтын ажиллагааны байгууллага CESIE зэрэг дотоод, гадаадын боловсролын бодлого, хэрэгжилт, сургалт, судалгаа хариуцсан байгууллагууд хамтран ажиллаж байна. гэж Боловсролын Ерөнхий газраас мэдээллээ.
 

Дэлгэрэнгүй унших

Цаг үе

Сэргээгдэх эрчим хүч, ногоон санхүүжилтийн хамтын ажиллагааны талаар Японы хөрөнгө оруулагчидтай хэлэлцүүлэг өрнүүлэв

Огноо:

14 цаг 55 минут

,

Япон улсын Токио хотноо “Инвест Монголиа: Эрчим хүч ба санхүүгийн салбар, Токио 2026” форум /2026.05.15/ боллоо.

Тус форумд Монгол Улсын Шадар сайд Т.Доржханд, Эрчим хүчний сайд Б.Найдалаа тэргүүтэй төрийн байгууллагуудын төлөөлөл, тухайлбал Монгол Улсын Шадар сайдын Ажлын алба, Хөрөнгө оруулалт, худалдааны газар, Эрчим хүчний яам, Монгол банк, Санхүүгийн зохицуулах хороо, Монгол Улсаас Японд суугаа Элчин сайдын яам болон холбогдох байгууллагын төлөөлөгчид оролцов.

Мөн Япон улсын төр, хувийн хэвшил, хөрөнгө оруулагч байгууллагуудын 240 гаруй төлөөлөгч хүрэлцэн ирж, Монголын хувийн хэвшлийн 14 аж ахуйн нэгж үйл ажиллагаа, төсөл хөтөлбөрөө танилцуулан, Японы бизнесийн байгууллага, хөрөнгө оруулагчидтай бизнесийн харилцаа холбоо тогтоох, хамтын ажиллагааны боломжийн талаар санал солилцлоо.

Форумын хүрээнд Монгол Улсын эрчим хүч, санхүүгийн салбарын хөрөнгө оруулалтын орчин, хэрэгжүүлж буй томоохон төсөл, хөтөлбөрүүд болон хамтын ажиллагааны боломжуудыг танилцуулж, хоёр улсын эдийн засгийн хамтын ажиллагааг өргөжүүлэх чиглэлээр хэлэлцүүлэг өрнүүлэв.

Түүнчлэн сэргээгдэх эрчим хүч, эрчим хүчний шилжилт, ногоон санхүүжилт, тогтвортой хөрөнгө оруулалтын орчны асуудлаар санал солилцож, цаашдын хамтын ажиллагааны шинэ боломж, бодит түншлэлийн гарцуудыг тодорхойллоо.

Энэхүү форум нь Монгол Улсад чиглэсэн хөрөнгө оруулалтыг нэмэгдүүлэх, төр, хувийн хэвшлийн хамтын ажиллагааг бэхжүүлэх, олон улсын түншлэл, эдийн засгийн хамтын ажиллагааг өргөжүүлэхэд чухал ач холбогдолтой арга хэмжээ боллоо.

Дэлгэрэнгүй унших

Цаг үе

2024-2025 онд нийслэлийн хэмжээнд 5928 нэгж талбарыг чөлөөлөв

Огноо:

15 цаг 3 минут

,

Нийслэлийн хэмжээнд гэр хорооллыг орон сууцжуулах, авто зам болон замын байгууламж барих, инженерийн шугам сүлжээ татах, сургууль, цэцэрлэг, тэдгээрийн авто зогсоол зэрэг нийгмийн дэд бүтцийн бүтээн байгуулалтын хүрээнд газар чөлөөлөлтийн ажлыг үе шаттай хэрэгжүүлж байна.

Тодруулбал, 2024 онд нийслэлийн хэмжээнд 1995 нэгж талбарт газар чөлөөлсөн бол 2025 онд 3933 нэгж талбарт газар чөлөөлсөн. 2025 онд 1021 нэгж талбарыг инженерийн дэд бүтцийн ажлын хүрээнд, 2332 нэгж талбарыг хэсэгчилсэн ерөнхий төлөвлөлтийн хүрээнд, 580 нэгж талбарыг нийгмийн дэд бүтцийн бүтээн байгуулалтын хүрээнд тус тус чөлөөлөв.

Харин 2026 онд нийт 4729 га талбайд 20218 нэгж талбарт газар чөлөөлөхөөр төлөвлөснөөс энэ оны эхний таван сарын байдлаар нийслэлийн хэмжээнд 487 нэгж талбарыг чөлөөлөөд байна.

Дэлгэрэнгүй унших
сурталчилгаа
Шударга мэдээ14 цаг 41 минут

“Үнийн өсөлтийн эсрэг авч хэрэгжүүлэх зарим арга хэмжээний тухай...
Цаг үе14 цаг 44 минут

Боловсролын Ерөнхий газар Европын холбооны ЭРАЗМУС+ РИТИЧ төслийн тү...
Цаг үе14 цаг 55 минут

Сэргээгдэх эрчим хүч, ногоон санхүүжилтийн хамтын ажиллагааны талаар...
Улстөр нийгэм14 цаг 59 минут

Б.Мөнхбат: Сэлбэ хот орон сууцжуулах төсөл, Дулааны тавдугаар цахилг...
Цаг үе15 цаг 3 минут

2024-2025 онд нийслэлийн хэмжээнд 5928 нэгж талбарыг чөлөөлөв
Цаг үе15 цаг 16 минут

329 байршилд стандарт бус хашааг буулгаж, нийтийн эзэмшлийн талбайг ...
Цаг үе15 цаг 22 минут

Нөөцийн махны өргөтгөсөн худалдааг нийслэлийн төвийн зургаан дүүргий...
Шударга мэдээ15 цаг 29 минут

Элсэлтийн ерөнхий шалгалтын хуваарийг албан ёсоор баталжээ
Цаг үе2026/05/18

Японы хөрөнгө оруулагчдыг урилаа
Цаг үе2026/05/18

Тусгай хамгаалалттай газар нутгийн тухай хуулийн шинэчилсэн найруулг...

Санал болгох