Үзэл бодол
Мэдээллийн үнэн бодит байдлыг ханган ажиллахыг уриалж байна
Монголбанк нь мэдээллийн ил тод, нээлттэй зарчмыг баримталж, хэрэгжүүлж буй үйл ажиллагаа, бодлогын шийдвэр, мэдээ мэдээллээ тухай бүр олон нийтэд хүргэж ажилладаг билээ. Үүний дагуу сар бүр хэвлэлийн бага хурал хийх, сэтгүүлчдэд зориулсан сургалт, мэдээлэл өгөх, сонирхсон сэдвийнх нь хүрээнд мэдээллээр хангах зэрэг үйл ажиллагааг тогтмол зохион байгуулдаг болно. Ингэснээр олон нийт үнэн бодит мэдээллийг авах, зах зээлийн хүлээлтийг зөв удирдах ач холбогдолтой юм.
Эдгээр үйл ажиллагаанаас сэтгүүлчийн мэдээлэл авах, авсан мэдээллээ нийгэмд түгээх чиглэл нь харилцан ялгаатай билээ. Тухайлбал, хэвлэлийн хурлаар өгч буй мэдээллийг анхдагч эх сурвалжаас нь шууд мэдээлэх боломжтой байдаг бол сургалт мэдээллийн үеэр сэтгүүлчийг тухайн сэдвийнхээ хүрээнд бүрэн ойлголттой болоход нь анхаарч, танин мэдэхүйн шинжтэй болон олон талын өнцгөөс нь тайлбарлан ойлгуулахад мэдээллийн агуулгаа чиглүүлдэг. Энэхүү үйл ажиллагаанд Монголбанкны удирдлагууд оролцож бодлого, үйл ажиллагаагаа тайлбарладаг. Гэтэл Монголбанкнаас наймдугаар сард зохион байгуулсан уулзалтаас нэр бүхий өдөр тутмын сонин нь зөвшөөрөл авч, хүсэлт тавилгүйгээр Монголбанкны Ерөнхийлөгчийн нэр дээр ярилцлага зохиож гаргасан нь мэдээллийн утга агуулга, уялдаа холбоог алдагдуулан Төв банкны бодлого үйл ажиллагааг илтэд гуйвуулсан төдийгүй, нэр хүндэд халдах нөхцөл байдлыг үүсгээд байна.
Иймд хэвлэл мэдээллийн байгууллагууд олон нийтийн мэдэх эрхийг ханган ажиллахдаа мэргэжлийн ёс зүйгээ баримталж, мэдээллийн үнэн бодит байдлыг эрхэмлэж ажиллахыг уриалж байна.
Монголбанкны Хэвлэлийн төлөөлөгч
2020.08.31
Үзэл бодол
Г.Дамдинням: Үүргээ биелүүлэхгүй байгаа шатахуун импортлогчдын тусгай зөвшөөрлийг цуцална
Шатахууны хангамж, нийлүүлэлтийг тогтворжуулах Шуурхай штабын шийдвэрийг хэрэгжүүлэхгүй, шатахуун түгээлтэд хязгаарлалт тогтоож буй аж ахуйн нэгжүүдэд торгууль ногдуулж, шаардлагатай тохиолдолд тусгай зөвшөөрлийг нь цуцлах хүртэл арга хэмжээ авна гэж Аж үйлдвэр, эрдэс баялгийн сайд Г.Дамдинням мэдэгдлээ.
Сүүлийн өдрүүдэд Улаанбаатар хотод АИ-92 автобензиний нийлүүлэлт нэмэгдэж байгаа ч зарим шатахуун түгээх станц 24 цагаар ажиллахгүй, боломжтой бүх түгээгүүрээр үйлчлэхгүй, зөвхөн талон болон гэрээт байгууллагад шатахуун олгох зэргээр борлуулалтад хязгаарлалт хийж байгаа асуудал гарчээ.
Наймдугаар сарын 14-нөөс хойш нийслэлд хоногт 2000-3000 тонн АИ-92 автобензин буулгаж байгаа бөгөөд нийлүүлэлтийг хэвийн болгохын тулд импортлогч компаниуд болон шатахуун түгээх станцууд түгээлтээ нэмэгдүүлэх шаардлагатай байгааг Шуурхай штабаас анхааруулсан байна.
Иймд шатахуун түгээх станцуудыг 24 цагаар ажиллуулах, боломжтой бүх түгээгүүрээр иргэдэд үйлчлэх, талон болон гэрээт байгууллага гэсэн шалтгаанаар жижиглэнгийн борлуулалтыг дур мэдэн хязгаарлахгүй байх чиглэл өгчээ.
Шуурхай штабын өгсөн үүргийг хэрэгжүүлээгүй аж ахуйн нэгжүүдэд эхний ээлжид холбогдох хууль, журмын дагуу торгууль ногдуулж, зөрчил үргэлжилсэн тохиолдолд тусгай зөвшөөрлийг цуцлах хүртэл арга хэмжээ авахыг холбогдох албаныханд үүрэг болгосон байна.
Г.Дамдинням шатахууны нийлүүлэлтийг нэмэгдүүлэхийн зэрэгцээ ирсэн бүтээгдэхүүнийг хэрэглэгчдэд саадгүй хүргэх нь импортлогч, борлуулагч аж ахуйн нэгжүүдийн хүлээсэн үүрэг гэдгийг онцолжээ.
Үзэл бодол
Наймдугаар сард шатахууны нийлүүлэлтийг нэмэгдүүлнэ
Шатахууны нийлүүлэлттэй холбоотой хүндрэлээс болж иргэд олон цагаар дараалалд зогсож, цаг хугацаа, хөрөнгө мөнгө, ажлаа алдаж байгааг Ерөнхий сайд Н.Учрал өөрийн цахим хуудаснаа онцоллоо. Тэрбээр шатахууны хангамжийн бодит нөхцөл байдлыг иргэдээс нуухгүй, мэдээллийг нээлттэй хүргэнэ гэдгээ мэдэгдэв.
Засгийн газар шатахуун, түлшний хангамжийг тогтворжуулах чиглэлээр богино, дунд, урт хугацааны арга хэмжээ хэрэгжүүлж буйг Ерөнхий сайд танилцуулсан юм.
Богино хугацаанд нийлүүлэлтийг тасалдуулахгүй байхад анхаарч, наймдугаар сард ОХУ-аас 49,280 тонн АИ-92, 1,280 тонн АИ-95 автобензин, 89,930 тонн дизель түлш нийлүүлэхээр тохиролцжээ. Үүн дээр нэмээд ОХУ-аас 25 мянган тонн АИ-92 автобензин, 5 мянган тонн онгоцны түлш авахаар болсон аж.
Шатахууны импортыг нэг улсаас хэт хамааралтай байлгахгүй байх хүрээнд БНХАУ-аас эхний ээлжид 6 мянган тонн АИ-92, БНСУ-аас 20 мянган тонн АИ-92 импортлон нөөц бүрдүүлэхээр ажиллаж буй. Ингэснээр шатахууны эх үүсвэрийг төрөлжүүлж, нийлүүлэлтийн сувгийг нэмэгдүүлэхээр төлөвлөжээ.
Дунд хугацаанд Монгол Улс дор хаяж гурван сарын шатахууны нөөцтэй болох зорилт тавьсан. Энэ хүрээнд шинээр байгуулж буй эхний зургаан агуулах, нөөцийн савыг наймдугаар сарын 20-нд ашиглалтад оруулахаар төлөвлөжээ. Эдгээр сав ашиглалтад орсноор АИ-92 автобензиний нөөц 13 хоногоор нэмэгдэх тооцоотой.
Мөн 2026 оныг дуустал нийт 22 нөөцийн савыг ашиглалтад оруулж, шатахууны нөөцийг 45 хоногоор нэмэгдүүлэх, улмаар 2027 онд дор хаяж гурван сарын нөөц бүрдүүлэх зорилт тавьжээ.
Урт хугацаанд дотоодын шатахууны хэрэгцээний тодорхой хэсгийг өөрийн үйлдвэрлэлээр хангах зорилгоор Газрын тос боловсруулах үйлдвэрийн бүтээн байгуулалтыг үргэлжлүүлж буй. Үйлдвэрийг 2028 онд ашиглалтад оруулахаар төлөвлөсөн бөгөөд Ерөнхий сайдын мэдээлснээр бүтээн байгуулалтын гүйцэтгэл 60 орчим хувьд хүрчээ. Төслийн талбайд 5000 гаруй хүн гурван ээлжээр ажиллаж байгаа аж.
Газрын тос боловсруулах үйлдвэр ашиглалтад орсноор Монгол Улс шатахуун, түлшний хэрэгцээний 55-60 хувийг дотоодын үйлдвэрлэлээр хангах боломжтой гэж Засгийн газар тооцжээ.
Ерөнхий сайд Н.Учрал үйлдвэрийн бүтээн байгуулалтын явц, гүйцэтгэлийг сар бүр хянаж, холбогдох байгууллагуудад үүрэг чиглэл өгч ажиллахаа мөн мэдэгдлээ.
Үзэл бодол
Л.Чинбат: Хүн сонирхож, сэтгэл зүрхээ зориулсан зүйлдээ л амжилт гаргадаг
Эх сурвалж: "Онцгой мэдээ" сонин
-
Урлаг спорт2019/09/11
Дээрхийн гэгээнтэний мэлмий гийсэн өдөр мэндэлсэн хүүхдүүдэд бэлэг өгч баярлуулл...
-
Улстөр нийгэм2023/10/27
УИХ: Байнгын хороо, ажлын хэсгүүд хуралдана
-
Шударга мэдээ2024/08/20
Барилгын талбайн хөрсний усаа Үндэсний цэцэрлэг хүрээлэн рүү шланкаар шахан зөрч...
-
Үзэл бодол2024/08/20
Л.Хосбаяр: Монголын старт-апууд Японы технологийн салбарынхантай хамтрах боломж ...