Бидэнтэй нэгдэх

Цаг үе

Цахим залилангийн гэмт хэргийг бууруулах нэгдсэн арга хэмжээ эхэллээ

Огноо:

6 сар 11 өдөр.өмнө

,

Санхүүгийн зохицуулах хороо нь иргэд, олон нийтэд санхүүгийн боловсрол олгох, мэдлэг мэдээлэл түгээх чиг үүргийнхээ хүрээнд Цагдаагийн ерөнхий газар, Кибер гэмт хэрэгтэй тэмцэх хэлтэс, санхүүгийн салбарын 11 мэргэжлийн холбоотой хамтран цахим залилангийн гэмт хэргийг бууруулах, иргэдийн мэдлэг, мэдээллийг нэмэгдүүлэх нэгдсэн арга хэмжээ “Хашир бай” аяныг улсын хэмжээнд эхлүүллээ.

Энэхүү арга хэмжээний хүрээнд цахим болон санхүүгийн залилангийн тоог 2030 он гэхэд 3 дахин бууруулах, иргэд олон нийтийн хуурамч мэдээллийг таних чадварыг 20 хувиар нэмэгдүүлэх зорилготой. Ингэхдээ цахим орчин дахь санхүүгийн боловсролыг нэмэгдүүлэх сургалт, мэдээллийн тогтолцоог үе шаттайгаар бүрдүүлэх, үүрэн холбооны операторуудтай хамтран сэжигтэй линк, дуудлагыг автоматаар хаах зэрэг кибер аюулгүй байдлын нэгдсэн арга хэмжээг хэрэгжүүлэх юм. Мөн иргэдийн санхүүгийн мэдлэгийг нэмэгдүүлэх сургалт, олон нийтийн зөвлөмж, сэрэмжлүүлгийг улсын хэмжээнд тогтмол зохион байгуулна.  

Энэ оны эхний 10 сарын байдлаар цагдаагийн байгууллагад бүртгэгдсэн нийт 41,844 гэмт хэргийн 14,694 буюу 35.1 хувь нь залилах гэмт хэрэг эзэлж байна. Үүнээс цахим орчинд үйлдэгдсэн гэмт хэрэг нь 10,637 бөгөөд үүний 85.3 хувь нь санхүүгийн залилах гэмт хэрэг бөгөөд нийт 19.1 тэрбум төгрөгийн хохирол учиржээ. Цахим орчинд  үйлдэж буй гэмт хэргийн дийлэнх нь фэйсбүүк хаяг ашиглаж мөнгө шилжүүлэхийг хүссэн, телеграмаар даалгавар биелүүлж ашиг олохыг амлах, зээлийн эрх нэмэгдүүлэх нэрээр мэдээлэл авах зэрэг хэлбэр эзэлдэг.  
Уншсан:857
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Ухаалаг камерын системийг найман чиглэлээр ашиглаж байна

Огноо:

1 өдрийн өмнө

,

Ухаалаг камерын системийг дараах найман чиглэлээр ашиглаж байна.

Үүнд

 - Нийслэлийн авто замын хөдөлгөөний түгжрэл, ачааллыг бууруулахад чиглэсэн үйл ажиллагаа 
 - Замын хөдөлгөөний аюулгүй байдлын тухай хууль зөрчих зөрчилд хариуцлага тооцож, хөдөлгөөнд соёлтой оролцуулах
 - Гэмт хэрэг, зөрчлөөс урьдчилан сэргийлэх, тэмцэх
 - Нийслэлийн есөн дүүрэгт теле камерын хяналтын дэд төв байгуулан, системийг төлөвлөх, зохион байгуулах, мэдээллийг ашиглах, нэгдсэн удирдлагаар хангаж байна.
 - Нийслэлийн хот, нийтийн аж ахуйн ажилд хяналтын камер ашиглаж байна.
 - Бүтээн байгуулалтын ажлыг, бодит цагаар хянах
 - Нэгдсэн төвийн хяналтын теле камерыг холбогдох бусад байгууллагууд өөрийн үндсэн чиг үүргийн хүрээнд ашигладаг болсон.
 - Болзошгүй гамшиг ослын мэдээллийг цаг алдалгүй авч, хариу арга хэмжээг шуурхай зохион байгуулахад дэмжлэг үзүүлэх нөхцөлийг бүрдүүлэн ажиллаж байна гэж Замын хөдөлгөөний удирдлагын төвөөс мэдээллээ.

Дэлгэрэнгүй унших

Цаг үе

БНХАУ-д зорчих иргэдийн анхааралд...

Огноо:

1 өдрийн өмнө

,

Монгол Улсын иргэд БНХАУ-д зорчихдоо анхаарал болгоомжгүй байдлаас болж гадаад паспорт, мөнгө зэрэг зүйлсээ гээгдүүлэх, олон нийтийн унаанд мартаж буух тохиолдлууд гарч байна.
 
Гадаад паспортаа гээгдүүлснээр зочид буудалд захиалга хийх боломжгүй болох, нислэгээ цуцлах зэрэг хүндрэлтэй асуудлууд үүсдэг.
 
Энэ тохиолдолд холбогдох дүүргийн Цагдаагийн газарт бүртгүүлж бичиг баримтаа гээгдүүлсэн тухай бичиг авч, БНХАУ-ын НАХЯ-ны Хилээр орох, гарах газраас тус улсын хилээр гарах зөвшөөрөл хүсэж 5-7 хоног хүлээх зэргээр цаг хугацаа алдаж, санхүүгийн хохирол амсдаг.
 
Элчин сайдын яамны зүгээс паспорт гээгдүүлсэн иргэдэд буцах үнэмлэх олгох, тухайн иргэнд Хятад улсын хилээр гарах зөвшөөрөл гаргуулах зэргээр иргэний асуудлыг шийдвэрлэхэд дэмжлэг үзүүлэн ажилладаг.
 
Иймд БНХАУ-аар зорчих Монгол Улсын иргэн та хувийн хариуцлагаа нэмэгдүүлж, сонор сэрэмжтэй байж, гадаад паспорт болон мөнгө, эд зүйлсээ биеэсээ салгахгүй, анхааралтай аялахыг Монгол Улсаас БНХАУ-д суугаа Элчин сайдын яамнаас анхааруулж байна.
Дэлгэрэнгүй унших

Цаг үе

Монголын барилгын инженерүүд “Дүүжин замын тээвэр” төслийн явцтай танилцлаа

Огноо:

1 өдрийн өмнө

,

“Дүүжин замын тээвэр” төслийн барилгын талбайд “Монголын Барилгын Инженерүүдийн Холбоо” ТББ-ын төлөөлөл өнөөдөр /2026.05.28/ зочилж, бүтээн байгуулалтын ажлын явц, хэрэгжилттэй танилцлаа.

Төслийн G1 буюу Яармаг–Арцат чиглэлийн буудлын барилгын талбайд инженерүүд очиж, дүүжин замын тээврийн техник технологийн шийдэл, угсралтын үйл ажиллагаатай танилцсан. Энэ үеэр Монголын Барилгын Инженерүүдийн Холбооны дэд ерөнхийлөгч, Стратеги бодлого төлөвлөлтийн хорооны дарга Т.Түмэн-Өлзий “Нийслэл хотод хэрэгжиж буй дүүжин замын тээврийн томоохон төсөлтэй танилцаж байгаадаа баяртай байна.

Францын “POMA” компани нь дүүжин замын тээврийн салбарт олон улсын хэмжээнд өндөр туршлага, мэргэшлээрээ танигдсан байгууллага юм. Манай инженерүүд энэхүү төслийн хүрээнд олон улсын сайн туршлагаас суралцаж, мэдлэгээ тэлж байгаад талархаж байна. Цаашид манай холбоо Нэгдсэн төслийн удирдлагын газартай хамтран бусад томоохон төслүүдтэй инженер, техникийн ажилтнуудаа танилцуулах сургалт, семинаруудыг зохион байгуулахаар ярилцлаа” гэв.

“Дүүжин замын тээвэр” төсөл нь нийслэлийн авто замын ачааллыг бууруулах, иргэдийн зорчих хөдөлгөөнийг хөнгөвчлөх, орчин үеийн нийтийн тээврийн шинэ шийдлийг нэвтрүүлэхэд чиглэсэн томоохон бүтээн байгуулалтын нэг бөгөөд төслийн ажил үе шаттайгаар үргэлжилж байна.

Өнөөдрийн энэхүү уулзалтын хүрээнд талбайд “Монголын Барилгын Инженерүүдийн Холбоо” ТББ-ын нийт 25 инженер болон “Нэгдсэн төслийн удирдлагын газар”-ын мэргэжилтэн, албан хаагчдын төлөөлөл оролцсон уулзалт семинар зохион байгуулсан. Энэ үеэр НТУГ-ын Төсөл дэмжих менежментийн албаны дарга Б.Содбаатар нийслэл хотод хэрэгжиж буй 16 мега төслийн хэрэгжилт, явцын талаар танилцуулж, дэлгэрэнгүй мэдээлэл ө

Дэлгэрэнгүй унших

Санал болгох