Цаг үе
Сүхбаатарын талбайд болох "Дулаан байшин" өдөрлөгт урьж байна
Энэ сарын 04-07-ны өдрүүдэд "Дулаан байшин" нээлттэй өдөрлөгийг Сүхбаатарын талбайд зохион байгуулах гэж байна. Хот байгуулалт, барилга, орон сууцжуулалтын яам, Эрчим хүчний яам, Байгаль орчин, уур амьсгалын өөрчлөлтийн яам, Агаарын бохирдлыг бууруулах үндэсний хороо, нийслэлийн Засаг даргын Тамгын газар хамтран зохион байгуулах энэхүү арга хэмжээ нь Монгол Улсын Засгийн газраас хэрэгжүүлж буй "Хашаандаа сайхан амьдаръя" хөтөлбөрийг эрчимжүүлэх зорилготой юм.
“Дулаан байшин” өдөрлөгийн үеэр төр, хувийн хэвшлийн төлөөллүүд эрчим хүчний хэмнэлттэй, агаар, хөрсний бохирдлыг бууруулах барилгын салбарын хамгийн сүүлийн үеийн шийдлүүдийг танилцуулахаас гадна даатгал, банк санхүүгийн байгууллагууд орчны бохирдлыг бууруулах ногоон шийдлүүдийг санхүүжүүлэх, эрсдэлээс хамгаалах бүтээгдэхүүн үйлчилгээнийхээ талаар мэдээлэл хүргэж, хамтран ажиллана.
Төрийн банкны хувьд, тогтвортой хөгжлийг эрхэмлэж, хүний эрхийг дээдэлсэн байгаль орчинд ээлтэй, нийгмийн хариуцлага бүхий ногоон банк байх зорилтынхоо хүрээнд нийгмийн хөгжлийг дэмжих санхүүгийн цогц үйлчилгээг тогтвортой, хүртээмжтэй хүргэхийг чухалчлан ажиллаж байна. Энэ хүрээнд, эрчим хүчний хэмнэлттэй амины ногоон орон сууц шинээр барих, орон сууцаа засварлах, дулаалах, эрчим хүчний инновацлаг шийдлүүдийг хэрэглээндээ нэвтрүүлэх хэн бүхэнд ногоон зээлийн үйлчилгээг санал болгож, энэ төрлийн зээлийн багцаа жилээс жилд нэмсээр байна.
Харилцагч та бүхэн Сүхбаатарын талбайд дөрөв хоногийн турш үргэлжлэх “Дулаан байшин” нээлттэй өдөрлөгт хүрэлцэн ирж, байгаль орчинд ээлтэй, сүүлийн үеийн дэвшилтэт технологиудтай танилцаж, ногоон зээлээ газар дээр нь судлуулан сонирхсон бүтээгдэхүүнээ тэр дор нь худалдаж авах боломжтой.
Итгэл төгс Ногоон ирээдүй
Цаг үе
Чингис хаан олон улсын нисэх буудал "Сүү өргөх" зориулалтын цэгтэй болжээ
"Чингис хаан” олон улсын нисэх буудал зорчигчдоо үдэхдээ сүү өргөдөг иргэдэд зориулсан тусгай цэг шинээр байгуулжээ. Нисэх буудлын орчимд сүүг ил задгай өргөх нь шувуу, зэрлэг амьтдыг татаж, агаарын хөлөгтэй мөргөлдөх эрсдэлийг нэмэгдүүлдэг.
Шинэ зохицуулалт нь монголчуудын уламжлалыг хадгалахын зэрэгцээ нислэгийн аюулгүй байдлын шаардлагыг хангахад чиглэж байна.
Иргэдийн өдөр тутмын дадал, хүндэтгэлийн уламжлал зөв байршил, зөв зохион байгуулалттай уялдсанаар нислэгийн аюулгүй байдлыг дэмжих бодит алхам болно гэж нисэх буудлынхан үзэж байна.
Цаг үе
Улаанбаатарт өдөртөө 31 хэм дулаан
Малчид, иргэд, аялагчид, тээвэрчдэд зориулсан мэдээ: Есдүгээр сарын 01-нд баруун аймгуудын нутгийн хойд хэсгээр бороо орж, ихэнх нутгаар дулаан байна.
2026 оны есдүгээр сарын 01-ний 08 цагаас 20 цаг хүртэл: Нутгийн баруун хагаст үүлшинэ, бусад нутгаар багавтар үүлтэй. Увс нуурын хотгор, Алтай, Хангайн, Хөвсгөлийн уулархаг нутгаар бороо, дуу цахилгаантай аадар бороо орно. Бусад нутгаар бороо орохгүй.
Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, Алтайн уулархаг нутгаар зарим үед секундэд 15-17 метр хүрч, шороон шуурга шуурч, борооны өмнө түр зуур ширүүснэ.
Монгол-Алтайн уулархаг нутгаар 13-18 хэм, Увс нуур болон Дархадын хотгор, Улз, Халх голын хөндий, Дорнод-Дарьгангын тал нутгаар 19-24 хэм, Сэлэнгэ, Хараа, Ерөө, Туул голын хөндий, говийн бүс нутгийн баруун хэсгээр 31-36 хэм, бусад нутгаар 26-31 хэм дулаан байна.
УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи өмнөөс секундэд 4-9 метр. Өчигдрөөс 4 хэмаар дулаарч 29-31 хэм дулаан байна.
БАГАНУУР ОРЧМООР: Багавтар үүлтэй. Бороо орохгүй. Салхи өмнөөс секундэд 4-9 метр. Өчигдрөөс 6 хэмаар дулаарч 27-29 хэм дулаан байна.
ТЭРЭЛЖ ОРЧМООР: Багавтар үүлтэй. Бороо орохгүй. Салхи өмнөөс секундэд 3-8 метр. Өчигдрөөс 6 хэмаар дулаарч 27-29 хэм дулаан байна.
2026 оны есдүгээр сарын 02-ноос
2026 оны есдүгээр сарын 06-ныг хүртэлх
цаг агаарын урьдчилсан төлөв
02-нд Алтай, Хангай, Хөвсгөлийн уулархаг нутгаар, 03-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, дуу цахилгаантай аадар бороо, 04-нд төвийн аймгуудын нутгийн өмнөд болон зүүн, зүүн аймгуудын нутгийн баруун хойд хэсгээр, 05-нд төвийн аймгуудын нутгийн зарим газар, говь болон зүүн аймгуудын нутгийн хойд хэсгээр бороо, уулаараа нойтон цас орно. Салхи 02-нд баруун болон говийн аймгуудын нутгийн зарим газраар, 03-нд нутгийн зарим газраар, 04-нд говь, тал хээрийн нутгаар секундэд 15-17 метр хүрч ширүүсэж, шороон шуурга шуурна. Дархадын хотгор, Завхан, Заг, Байдраг голын эхээр шөнөдөө -2-3 хэм, өдөртөө 17-22 хэм, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр шөнөдөө 2-7 хэм, өдөртөө 21-26 хэм, говийн бүс нутгийн өмнөд хэсгээр шөнөдөө 15-20 хэм, өдөртөө 30-35 хэм, бусад нутгаар шөнөдөө 8-13 хэм, өдөртөө 25-30 хэм дулаан байна. 03-нд баруун болон төвийн аймгуудын нутгаар, 04, 05-нд нутгийн хойд хэсгээр эрс сэрүүснэ.
Цаг үе
Өнөөдөр нийслэлд автомашины дугаарын хязгаарлалт үйлчлэхгүй
Хичээлийн шинэ жилийн бэлтгэл болон Олон улсын COP17 хуралтай холбогдуулан наймдугаар сарын 15-наас есдүгээр сарын 12-ныг дуустал нийслэлийн төвийн зургаан дүүрэгт автомашиныг улсын дугаарын тэгш, сондгойгоор ангилан хөдөлгөөнд оролцуулах зохицуулалт хэрэгжиж байна.
Уг зохицуулалт өдөр бүр 07:00-21:00 цагийн хооронд, бүсчлэл харгалзахгүй үйлчилнэ.
Улсын дугаар нь сондгой тоогоор төгссөн автомашин есдүгээр сарын 3, 5, 7, 9, 11-нд хөдөлгөөнд оролцоно.
Улсын дугаар нь тэгш тоогоор төгссөн автомашин есдүгээр сарын 2, 4, 6, 8, 10, 12-нд хөдөлгөөнд оролцоно.
Харин өнөөдөр буюу есдүгээр сарын 1-нд нийслэлийн хэмжээнд автомашины улсын дугаарын хязгаарлалт үйлчлэхгүй байна.
-
Улстөр нийгэм2024/01/19
Дэлхийн эдийн засгийн чуулга уулзалтын үеэр “GoMongolia” арга хэмжээ...
-
Цаг үе2021/02/11
COVID-19: Гэртээ байгаа иргэдэд өгөх зөвлөмж...
-
Цаг үе2021/03/22
Дэлхийн мөнгө угаахтай тэмцэх хүчний дараагийн давалгаа
-
Улстөр нийгэм2020/12/28
УИХ дахь намын бүлэг, ажлын хэсгүүд өнөөдөр хуралдана