Цаг үе
Төрийн банк ЖДҮ эрхлэгчдэд зориулсан сургалт зохион байгууллаа
Дундаж давхаргыг дэмжигч Төрийн банк экспорт, импортын бизнес эрхлэхээр зорьж буй жижиг, дунд үйлдвэрлэл эрхлэгчдэд зориулсан гадаад худалдааны талаарх цогц сургалтыг 2024 оны 5 дугаар сарын 22-ны өдөр зохион байгууллаа.
“Гадаад худалдааг амжилттай эрхлэх туршлага, боломжууд” нэрийн дор хоёр дахь жилдээ зохион байгуулагдаж буй тус сургалтын үеэр салбарын мэргэжилтнүүд импортын барааны өртөг бууруулах боломж, худалдааны санхүүжилтийн үйлчилгээ, экспорт, импортын тээврийг зохион байгуулах зэрэг гадаад худалдаа эрхлэхэд шаардлагатай бүх төрлийн мэдлэг, мэдээллийг олгож, туршлага солилцох боломжоор хангаж буйгаараа онцлогтой.
Төрийн банкнаас санаачлан хэрэгжүүлж буй тус хөтөлбөрийг Нийслэлийн 6 дүүргийн харьяа ЖДҮ-ийг дэмжих Инкубатор төв, Хаан Даатгал ХХК, Үндэсний Давхар Даатгал ХК болон Төв Азийн Зам ХХК-ууд хамтран зохион байгуулж жижиг, дунд үйлдвэрлэл эрхлэгчдэд бизнесээ амжилттай бойжуулахад нь дэмжлэг үзүүлэн ажиллав. Хөтөлбөрт нийслэлийн 120 орчим бизнес эрхлэгчид хамрагдсан нь сургалт авч, бизнесээ өргөжүүлэх, мэргэжлийн баг хамт олноос зөвлөгөө авах хүсэлтэй харилцагчдын тоо жилээс жилд нэмэгдэж байгааг илтгэж байна.
Өдөрлөгийн үеэр Хан-Уул дүүргийн ЖДҮ-ийг дэмжих “Инкубатор төв”-ийн дэргэдэх аж ахуй нэгжүүд үндэсний үйлдвэрлэлийн болон бусад бараа, бүтээгдэхүүнээр үзэсгэлэн гаргаж үйл ажиллагаагаа танилцуулсан аж.
Ажлын байрыг бий болгож, эдийн засгийг бүрдүүлэхэд голлох нөлөө үзүүлэн, техник, технологийн шийдлийг нэвтрүүлэхэд түүчээ болж байдаг жижиг, дунд бизнес эрхлэгчдийн экспорт, импортоор дамжуулан бизнесээ өргөжүүлэхэд нь туслах зорилгоор Төрийн банк нь Америкийн Нэгдсэн Улсын “Каргилл Файнаншл Сервисес Интернэйшнл” Олон Улсын байгууллага (Cargill Financial Services International Inc)-аас гадаад худалдааг дэмжих 25 сая.ам доллар буюу 87 тэрбум төгрөгийн эх үүсвэрийг өнгөрсөн онд татан төвлөрүүлсэн билээ.
Мөн “Бизнес инкубатор” төвөөрөө дамжуулан бизнес эрхлэгчдэд сургалт орж, байнгын уялдаа холбоотой ажиллан бизнесээ өргөжүүлэн бүтээгдэхүүн үйлчилгээгээ олон нийтэд таниулан сурталчлахад нь түлхэц болсоор байна.
Төрийн банк нийгмийн хариуцлагын хүрээнд дотоодын болон гадагшаа чиглэсэн үйл ажиллагаануудыг зохион байгуулахдаа хөгжлийн бэрхшээлтэй жижиг, дунд үйлдвэрлэл эрхлэгчдийн бизнесийг сурталчлан, бүтээгдэхүүн үйлчилгээг нь ашигладаг бөгөөд энэ удаагийн арга хэмжээг зохион байгуулахдаа мөн хамтран ажиллаж, дэмжлэг үзүүлжээ.
Цаг үе
Улаанбаатарт шөнөдөө 24 хэм хүйтэн
Малчид иргэдэд зориулсан мэдээ: 2026 оны нэгдүгээр сарын 1-3-ныг хүртэл ихэнх нутгаар цаг агаар тогтуун байна.
2025 оны 12-р сарын 31-ний 20 цагаас 2026 оны нэгдүгээр сарын 01-ний 20 цаг хүртэлх
цаг агаарын урьдчилсан мэдээ
Хур тунадас, салхи: Ихэнх нутгаар цэлмэг, зөөлөн салхитай.
Агаарын температур: Шөнөдөө Дархадын хотгор, Завхан, Заг-Байдраг голын эх, Идэр, Тэс голын хөндийгөөр 35-40 хэм, Увс нуурын хотгор, Алтай, Хангай, Хөвсгөлийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Хэрлэн, Улз, Халх голын хөндийгөөр 29-34 хэм, Хэнтийн уулархаг нутаг, Тэрэлж голын хөндийгөөр 26-31 хэм, говийн бүс нутгийн баруун өмнөд хэсэг, Хангайн нурууны өвөр бэлээр 12-17 хэм, бусад нутгаар 20-25 хэм хүйтэн, өдөртөө Дархадын хотгор, Завхан, Заг-Байдраг голын эх, Тэс, Ерөө голын хөндийгөөр 23-28 хэм, Увс нуурын хотгор, Монгол-Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Хараа, Хэрлэн, Улз, Халх голын хөндийгөөр 17-22 хэм, Хангайн нурууны өвөр бэл, говийн бүс нутгийн баруун өмнөд хэсгээр 0-5 хэм, Говь-Алтайн уулархаг нутаг, говийн бүс нутгийн хойд хэсгээр 5-10 хэм, бусад нутгаар 10-15 хэм хүйтэн байна.
УЛААНБААТАР ХОТ ОРЧМООР: Цэлмэг. Зөөлөн салхитай. Шөнөдөө Яармаг-Сонгины орчмоор 31-33 хэм, бусад хэсгээр 22-24 хэм, өдөртөө 10-12 хэм хүйтэн байна.
БАГАНУУР ОРЧМООР: Цэлмэг. Зөөлөн салхитай. Шөнөдөө 32- 34 хэм, өдөртөө 13-15 хэм хүйтэн байна.
ТЭРЭЛЖ ОРЧМООР: Цэлмэг. Зөөлөн салхитай.. Шөнөдөө 29-31 хэм, өдөртөө 12-14 хэм хүйтэн байна.
2026 оны нэгдүгээр сарын 2-6-ныг хүртэлх
цаг агаарын урьдчилсан төлөв
Нэгдүгээр сарын 3-нд төвийн аймгуудын нутгийн зүүн хойд хэсэг, зүүн аймгуудын нутгийн зарим газраар цас орно. Бусад хугацаанд нийт нутгаар цас орохгүй. Салхи ихэнх хугацаанд секундэд 4-9 метр, 1-р сарын 3-нд зүүн аймгуудын нутгийн зарим газраар секундэд 12-14 метр хүрч ширүүснэ. Дархадын хотгор, Завхан, голын эх, Хүрэнбэлчир орчим, Идэр, Тэс голын хөндийгөөр шөнөдөө 33-38 хэм, өдөртөө 22-27 хэм, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 27-32 хэм, өдөртөө 15-20 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 11-16 хэм, өдөртөө 0-5 хэм, бусад нутгаар шөнөдөө 20-25 хэм, өдөртөө 7-12 хэм хүйтэн байна.
Цаг үе
Улаанбаатарт өдөртөө 15 хэм хүйтэн
Малчид, иргэдэд зориулсан мэдээ: 31-нд нутгийн зүүн хэсгээр жавартай хүйтэн салхитай байна.
2025 оны арванхоёрдугаар сарын 31-ний 08 цагаас 20 цаг хүртэл: Нийт нутгаар багавтар үүлтэй, цас орохгүй. Салхи ихэнх нутгаар баруун хойноос секундэд 4-9 метр, зүүн аймгуудын нутгийн зарим газраар секундэд 12-14 метр хүрч ширүүснэ. Дархадын хотгор, Завхан, Заг-Байдраг голын эх, Идэр, Тэс, Ерөө голын хөндийгөөр 24-29 хэм, Увс нуурын хотгор, Алтай, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Хэрлэн, Улз, Халх голын хөндийгөөр 18-23 хэм, Хангайн нурууны өвөр бэл, говийн бүс нутгийн өмнөд хэсгээр 4-9 хэм, бусад нутгаар 11-16 хэм хүйтэн байна.
УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 3-8 метр. Өдөртөө 13-15 хэм хүйтэн байна.
БАГАНУУР ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. Өдөртөө 14-16 хэм хүйтэн байна.
ТЭРЭЛЖ ОРЧМООР: Багавтар үүлтэй. Цас орохгүй. Салхи баруун хойноос секундэд 3-8 метр. Өдөртөө 14-16 хэм хүйтэн байна.
2026 оны нэгдүгээр сарын 01-нээс 05-ныг хүртэлх
цаг агаарын урьдчилсан төлөв
Арванхоёрдугаар сарын 3-нд төвийн аймгуудын нутгийн зүүн хойд, зүүн аймгуудын нутгийн зарим газраар цас орно. Бусад хугацаанд нийт нутгаар цас орохгүй. Салхи ихэнх хугацаанд секундэд 4-9 метр, 1-р сарын 3-нд зүүн аймгуудын нутгийн зарим газраар секундэд 12-14 метр хүрч ширүүснэ. Дархадын хотгор, Завхан, голын эх, Хүрэнбэлчир орчим, Идэр, Тэс голын хөндийгөөр шөнөдөө 33-38 хэм, өдөртөө 22-27 хэм, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн Онон, Улз, Халх голын хөндийгөөр шөнөдөө 27-32 хэм, өдөртөө 15-20 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 11-16 хэм, өдөртөө 3-8 хэм, бусад нутгаар шөнөдөө 20-26 хэм, өдөртөө 9-14 хэм хүйтэн байна.
Цаг үе
АТГ: Гэмт хэргийн шинжтэй 78 гомдол, мэдээллийг шалгав
Авлигатай тэмцэх газрын Мөрдөн шалгах хэлтэс 2025 оны 12 дугаар сарын 22-28-ны өдрүүдэд гэмт хэргийн шинжтэй 78 гомдол, мэдээллийг шалгав. Үүнээс 16 гомдол, мэдээлэлд хэрэг бүртгэлтийн хэрэг нээх, 8 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 54 гомдол, мэдээллийг хянан шалгаж байна.
Түүнчлэн эрүүгийн 866 хэрэгт мөрдөн байцаалтын ажиллагаа явуулснаас 1 хэргийг шүүхэд шилжүүлэх, 7 хэргийг хаах саналтай прокурорт хүргүүлж, 1 хэргийг нэгтгэн шалгаж байна. Мөрдөн шалгах ажиллагаанд одоогоор 857 хэрэг шалгагдаж байна.
Өнгөрсөн долоо хоногт хэрэг бүртгэлтийн 1 хэрэгт нийт 12 объектод нэгжлэгийн ажиллагаа явуулж, гэмт хэрэг гарахад нөлөөлсөн шалтгаан нөхцөлийг арилгуулахаар мөрдөгчийн 1 мэдэгдэл бичиж холбогдох байгууллагад хүргүүллээ.
-
Цаг үе2020/09/29
Улаанбаатарт өдөртөө 14 хэм дулаан
-
Улстөр нийгэм2021/06/11
Монгол Улсын Ерөнхийлөгчийн сонгуулийн дүнг УИХ-д өргөн мэдүүлнэ
-
Улстөр нийгэм2025/06/13
Алтанхуягийн Үйлстөгөлдөрийг Ерөнхийлөгчийн Тамгын газрын даргаар томиллоо
-
Улстөр нийгэм2022/04/18
УИХ: Тусгай хяналтын дэд хорооны хуралдаан болно