Урлаг спорт
Налайх дүүргийн сурагчид спорт өдөрлөгт идэвхтэй оролцлоо
МҮОХ-ноос олон улсын түвшинд анхаарал хандуулж буй сэдэв болох өсвөрийн хүүхэд залуусыг спортод дур сонирхолтой болгох, спортод татан оролцуулах, тэдний оролцоог нэмэгдүүлэх зорилгоор бадминтоны спорт өдөрлөгийг С.Ганбат захиралтай Нийслэлийн ерөнхий боловсролын лаборатори 119-р сургуульд зохион байгууллаа.
Налайх дүүрэгт байрлах тус сургууль нь 2013 онд байгуулагдсан бөгөөд өдгөө 2800 сурагч, 112 багш, 38 ажилтантайгаар үйл ажиллагаагаа явуулж байна. Азийн олимпын зөвлөлийн төслийн хүрээнд болсон энэхүү спорт өдөрлөгт 4-5-р ангийн 30 сурагч хамрагдаж олимпын төрлийн спорт болох бадминтоны спортын үндсэн техникийг насны онцлогт тохирсон хөгжөөнт тоглоомын аргаар зааж сургав.
Алслагдсан дүүрэг, сургуулийн сурагчдыг идэвхтэй амьдралын хэв маягт суралцах, спортоор тогтмол хичээллэхийг уриалж тус сургалтад хамрагдсан сурагчдад бадминтоны цохиур бэлэглэсэн юм.
“Сингапур 2010” залуучуудын анхдугаар олимпын наадмын чөлөөт бөхийн аварга Б.Батцэцэг /60кг/, “Наньжин 2014” залуучуудын II олимпын наадмын мөнгөн медальт Б.Дөлгөөн /46кг/ нарын дасгалжуулагч, Налайх дүүргийн “Лиллехаммер” Олимпын зөвлөлийн дарга Д.Мөнхбаяр үйл ажиллагааг хамтран зохион байгууллаа.
Урлаг спорт
Спортын салбарын хүний нөөцийг хөгжүүлэх чиглэлээр хамтран ажиллана
Нийслэлийн Засаг дарга бөгөөд Улаанбаатар хотын Захирагч Б.Пүрэвдагва Токушима дахь Монгол Улсын Өргөмжит консул Каваүчи Широ тэргүүтэй төлөөлөгчдийг хүлээн авч уулзлаа.
Уулзалтаар Улаанбаатар хот болон Япон Улсын хотуудын хооронд нийтийн тээвэр, байгаль орчин, хог хаягдлын менежмент, гамшгийн эрсдэлийн удирдлага, спортын чиглэлээр хамтран ажиллах санал солилцов.
Энэ удаагийн уулзалт хоёр улсын уламжлалт найрсаг харилцааг орон нутгийн түвшинд бэхжүүлэх, Улаанбаатар хот болон Япон Улсын орон нутгийн засаг захиргаа, байгууллага, иргэд хоорондын харилцааг шинэ агуулгаар баяжуулахад чухал ач холбогдолтой. Тодруулбал, Улаанбаатар хотод тийболлын спортыг хөгжүүлж, Япон Улсын багш, дасгалжуулагчийн арга барил, туршлагаас суралцах, тийболлын спортоор хичээллэж буй хүүхдүүдийг Япон Улсад сургах боломжтой талаар хэлэлцлээ.
Токушима дахь Монгол Улсын Өргөмжит консул Каваүчи Широ Улаанбаатар хоттой найрсаг харилцаагаа өргөжүүлж, спортын салбарын хүний нөөцийг чадавхжуулахад хамтран ажиллахаа илэрхийлэв.
Урлаг спорт
С.Жамбалжамц Азийн наадмаас хүрэл медаль хүртлээ
Монголын дугуйчин, ОУХМ С.Жамбалжамц “Айчи–Нагояа 2026” Азийн зуны XX наадмын засмал замын дугуйн эрэгтэйчүүдийн ганцаарчилсан цуваа гараатай уралдаанаас хүрэл медаль хүртлээ. Энэ нь Монголын багийн тус наадмаас хүртсэн анхны медаль болж байна.
С.Жамбалжамц замаа 42 минут 58.06 секундэд туулжээ. Казахстаны Алексей Луценко 41:24.05 амжилтаар түрүүлж, Японы Имамура Шүнсүкэ 42:58.04 амжилтаар мөнгөн медаль хүртсэн байна. Монголын тамирчин мөнгөн медалиас ердөө 0.02 секундээр хоцорчээ.
Ийнхүү С.Жамбалжамц Азийн наадмаас хоёр дахь хүрэл медалиа хүртэв. Тэрбээр өмнөх Ханжоугийн Азийн наадамд мөн хүрэл медаль хүртэж байсан юм.
“Айчи–Нагояа 2026” Азийн наадмын засмал замын дугуйн эрэгтэйчүүдийн бөөн гараатай уралдаан есдүгээр сарын 23-нд болно. Харин эмэгтэйчүүдийн бөөн гараатай уралдаан есдүгээр сарын 22-нд зохион байгуулагдахаар албан ёсны хуваарьт тусгажээ.
Урлаг спорт
Дүнжингарав, Нарантуул худалдааны төвөөр үйлчлүүлэх иргэдэд богино эргэлтийн автобус үнэ төлбөргүй үйлчилнэ
Цөлжилттэй тэмцэх олон улсын COP17 хурал энэ сарын 17-нд Улаанбаатар хотод эхлэх гэж байна. Энэ хуралд дэлхийн 196 орны зочид төлөөлөгчид оролцох бөгөөд авто замын ачааллыг бууруулах үүднээс Дүнжингарав, Нарантуул захын авто машины зогсоолыг түр хугацаанд хаана.
Тус худалдааны төвөөр үйлчлүүлэх иргэдэд богино эргэлтийн автобус үнэ төлбөргүй үйлчлэхээр болсон Иймд 2026 оны наймдугаар сарын 17-ны өдрийн 06:00 цаг хүртэл үргэлжилэх бөгөөд тус маршрут нь
Офицеруудын ордоноос -Нарантуул-Дүнжингарав худалдааны төв хүртэлх хамаарна гэж Нийтийн тээврийн бодлогын газраас мэдээллээ.
-
Улстөр нийгэм2023/11/21
УИХ: Өнөөдөр хуралдах ажлын хэсгүүд
-
Шударга мэдээ2025/05/21
Гол нэрийн зарим барааны үнэ өмнөх сараас 0.8 хувиар өсжээ
-
Улстөр нийгэм2019/07/19
Засгийн газар хоорондын ноот бичгийн төслийг дэмжив
-
Цаг үе2019/11/06
Хар бал бүхий толбо үүсгэж хүнсний бүтээгдэхүүн бохирдуулсан зөрчлийг шалгаж бай...