Улстөр нийгэм
УИХ-ын дарга Г.Занданшатар Бүгд Найрамдах Польш Улсын Ерөнхийлөгч Анджей Дуда-д бараалхлаа
УИХ-ын дарга Г.Занданшатар 2023 оны дөрөвдүгээр сарын 25-ны өдөр Монгол Улсын Ерөнхийлөгч У.Хүрэлсүхийн урилгаар манай улсад төрийн айлчлал хийж буй Бүгд Найрамдах Польш Улсын Ерөнхийлөгч Анджей Дуда-д бараалхлаа.
УИХ-ын дарга Г.Занданшатар олон улсын харилцаа, геополитикийн ээдрээтэй нөхцөл байдлаас үүдэлтэй нийгэм, эдийн засгийн томоохон сорилтуудтай тулгарч байгаа өнөө үед хоёр улсын харилцаа, хамтын ажиллагаанд өндөр ач холбогдол өгч төрийн айлчлал хийж байгаад Бүгд Найрамдах Польш Улсын Ерөнхийлөгч Анджей Дуда-д талархал илэрхийлэв. Тэрбээр, Бүгд Найрамдах Польш Улс нь манай улсын гуравдагч хөрш, дотно түншийн нэг болохыг онцлон тэмдэглэсэн юм.
Хоёр улсын хууль тогтоох байгууллагуудын харилцаа, хамтын ажиллагаа тасралтгүй, идэвхтэй хөгжиж байгааг УИХ-ын дарга Г.Занданшатар дурдаад цаашид боловсрол, шинжлэх ухаан, технологи зэрэг олон салбарын хамтын ажиллагааг шинэ шатанд гаргахад Монгол Улсын Их Хурлаас Бүгд Найрамдах Польш Улсын парламентын Дээд, Доод танхимтай хамтран ажиллана гэлээ.
Мөн Бүгд Найрамдах Польш Улс манай улсад Элчин сайдын яамаа нээх шийдвэр гаргаж, Ерөнхийлөгч Анджей Дуда-гийн төрийн айлчлалын үеэр албан ёсоор нээж байгаа нь хоёр улсын иргэд хоорондын харилцааг эрчимжүүлэхэд чухал түлхэц болохыг тэмдэглэв.
Бүгд Найрамдах Польш Улсын Ерөнхийлөгч Анджей Дуда Польш-Монголын харилцаа нь ардчилал, хүний эрх, эрх чөлөөг эрхэмлэсэн нийтлэг үнэт зүйлсэд тулгуурлан хөгжиж, улс төр, эдийн засаг, худалдаа, дэд бүтэц, соёл, боловсрол зэрэг салбарт өргөжин бэхжиж буйг онцлоод энэ удаагийн төрийн айлчлал Польш-Монголын харилцааг эрчимжүүлэхэд хувь нэмрээ оруулна гэдэгт найдаж байгаагаа илэрхийллээ.
Тэрбээр, Монгол Улс нь асар их нөөц бололцоотой орон гэдгийг цохон тэмдэглээд, харилцан ашигтай хамтын ажиллагааг хөгжүүлж, бүс нутаг болон олон улсын тавцанд хамтын ажиллагаагаа гүнзгийрүүлэхийн төлөө ажиллана гэв. Хоёр улсын Парламент, Засгийн газар, төрийн байгууллагууд, иргэд, бизнес эрхлэгч, баялаг бүтээгчид хоорондын харилцааг улам идэвхжүүлж, Элчин сайдын яамандаа ирэх оноос Консулын хэлтэс ажиллуулахаар болсныг дуулгав. Түүнчлэн Польшид суралцах монгол оюутны тоог нэмэгдүүлэх боломжтой бөгөөд оюутнууд хоёр орны ард иргэдийг холбох гүүр нь болж, уламжлалт найрсаг харилцаа, хамтын ажиллагааг өргөжүүлэн хөгжүүлэхэд чухал хувь нэмрээ оруулна гэдэгт талууд итгэлтэй байгаагаа илэрхийлэв.
Төрийн айлчлалын үеэр хийсэн хэлэлцээ, харилцан тохиролцсон ажлуудыг бодит ажил хэрэг болгож, шинэ боломжуудыг нээхийн төлөө идэвх санаачилгатай ажиллахаа талууд илэрхийллээ хэмээн УИХ-ын Хэвлэл мэдээлэл, олон нийттэй харилцах газраас мэдээлэв.
Улстөр нийгэм
УИХ: Намын бүлэг, зөвлөлийн хуралдаан болно
Өнөөдөр буву 2026 оны есдүгээр сарын 11-ний өдөр хуралдах Намын бүлэг, зөвлөлийн хуралдааны товыг танилцуулж байна.
|
ЦАГ |
БҮЛЭГ, ЗӨВЛӨЛ |
ТАНХИМ |
|
10:00 |
Улсын Их Хурал дахь Монгол Ардын намын бүлгийн хуралдаан |
Жанжин Д.Сүхбаатар |
|
10:00 |
Улсын Их Хурал дахь Ардчилсан намын бүлгийн хуралдаан |
Их Эзэн Чингис хаан |
|
10:00 |
ХҮН намын зөвлөлийн хуралдаан |
Үндсэн хууль |
Улстөр нийгэм
УИХ: Төрийн байгуулалтын байнгын хороо өнөөдөр хуралдана
Өнөөдөр буюу 2026 оны есдүгээр сарын 21-нйи өдөр хуралдах Төрийн байгуулалтын байнгын хорооны хуралдааны тов, хэлэлцэх асуудлыг танилцуулж байна.
|
12:00 |
Хэлэлцэх асуудлууд
|
Улстөр нийгэм
Ерөнхийлөгч У.Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа
Монгол Улсын Ерөнхийлөгч, Үндэсний аюулгүй байдлын зөвлөлийн тэргүүн Ухнаагийн Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа.
Ерөнхийлөгч У.Хүрэлсүх Баян-Өлгий аймагт ажиллах үеэрээ аймгийн удирдах албан тушаалтнуудад үүрэг, даалгавар өгч, биелэлтэд нь онцгой анхаарахаа хэлсэн. Энэ хүрээнд Монгол Улсын Үндсэн хуулийг дээдлэн ажиллах, төрийн холбогдох байгууллагууд тодорхой төлөвлөгөө гаргаж, хэрэгжилтийг хангахыг үүрэг болголоо.
Монгол Улсын тусгаар тогтнол, үндэсний аюулгүй байдал, ард түмний эв нэгдэлд сөргөөр нөлөөлөх эрсдэл бүхий аливаа хууль бус үйл ажиллагааг таслан зогсоож, хуулийн хүрээнд арга хэмжээ авч ажиллахыг анхаарууллаа.
Баян-Өлгий аймгийн сурагчид төрийн албан ёсны хэл болох монгол хэлээ сурч эзэмших нөхцөл, боломжийг сайжруулахад онцгой анхаарах шаардлагатайг онцоллоо.
Монгол Улсын нутаг дэвсгэрт зөвшөөрөлгүй баригдсан хөшөө, дурсгал, бунхан зэргийг цэгцэлж, хууль, эрх зүйн орчныг боловсронгуй болгох, газар, орны нэрийг дураар өөрчлөх зэрэг асуудалд тодорхой зохицуулалт бий болгох нь нэн чухал гэдгийг хэлэв.
Төрийн албаны холбогдох хууль, тогтоомжийн хэрэгжилтэд анхаарч, хүн бүр мэдлэг, чадвар, ёс зүй, хуульд заасан шалгуураар өрсөлдөж ажиллах боломжийг бүрдүүлэх ёстойг дурдлаа.
Дээрх үүрэг, чиглэлийн хүрээнд Үндэсний аюулгүй байдлын зөвлөлийн Ажлын албаны дэргэд Хамтарсан ажлын хэсэг байгуулж, төрийн байгууллага, орон нутгийн удирдлагын үйл ажиллагааг уялдуулан зохицуулж, дэмжлэг үзүүлэн ажиллахыг үүрэг болголоо.
-
Урлаг спорт2025/05/07
VEILED MUSICIAN шоу нэвтрүүлгийн бүртгэл үргэлжилж байна
-
Улстөр нийгэм2022/06/21
Монгол Улсын 2021 оны нэгдсэн төсвийн гүйцэтгэлийг өргөн мэдүүллээ
-
Шударга мэдээ2022/05/09
Энэ долоо хоногт ажиллах шинижлгээний цэгүүд
-
Цаг үе2023/12/08
Томоохон зам, даваануудад хүчтэй цасан шуурга шуурч үзэгдэх орчин хязгаарлагдмал...