Улстөр нийгэм
Төрийн банк Хувьцаа эзэмшигчдийн хурлаа хийжээ
Үүний дагуу системийн нөлөө бүхий банкуудаа Төрийн банк манлайлан өнгөрсөн есдүгээр сарын 30-ны өдөр хувьцаагаа олон нийтэд танилцуулан анхны арилжаагаа “Монголын Хөрөнгийн бирж” ТӨХК-иар дамжуулан олон нийтэд санал болгон, анхдагч зах зээлийн захиалгыг 304.6 хувийн биелэлттэй давуулан биелүүлж, Хөрөнгийн зах зээлийн түүхэнд нэгэн шинэ хуудсыг нээсэн.
Монгол орон даяар 500 орчим салбар 4,000 гаруй ажилтан 2.3 сая харицагчтай Төрийн банк нь Компанийн тухай хуульд заасны дагуу Хувьцаа эзэмшигчдийн ээлжит бус хурлаа арванхоёрдугаар сарын 10-ны өдөр зохион байгууллаа. Тус хурлаар үндсэн гурван асуудал болох Төрийн банк хувьцаат компанийн Хувь нийлүүлсэн хөрөнгийн хэмжээг тогтоох, Банкны дүрэм, Хяналтын зөвлөлийн ажиллах журмыг баталжээ.
Хурлын үеэр хувьцаа эзэмшигч н.Алтантүлхүүр Төрийн банканд Ёс зүйн хороо байгуулах санал гаргасныг хүлээн авч Ёс зүйн хороог байгуулан ажиллуулахаар болсон байна. Мөн Хяналтын зөвлөлийн гишүүдийн тоо тав байсныг долоо болгон өөрчилжээ. Төрийн банкны Хувьцаа эзэмшигчдийн хурал 95.4 хувийн ирцтэйгээр хуралдаж 99.99 хувиар хэлэлцсэн асуудлаа дэмжсэн байна.
Компанийн тухай хуулийн дагуу хурлын шийдвэрийг Санхүүгийн зохицуулах хороонд хүргүүлж, Монголбанк болон Улсын бүртгэлийн Ерөнхий газарт бүртгүүлснээр Төрийн банк нь Нээлттэй хувьцаат компанийн хэлбэрт шилжих аж.
Төрийн банк нь 2022 оны арванхоёрдугаар сарын 10-ны өдрийн байдлаар 3.5 их наяд төгрөгийн актив хөрөнгөтэй 97.5 тэрбум төгрөгийн ашигтай ажиллаж байгаа юм.
Улстөр нийгэм
Батлан хамгаалахын сайд С.Бямбацогт ЗХШТ-т ажиллав
Монгол Улсын Их Хурал, Засгийн газрын гишүүн, Батлан хамгаалахын сайд С.Бямбацогт өнөөдөр (2024.07.25) Зэвсэгт хүчний Жанжин штабт ажиллав.
Монгол Улсын Их Хурлын гишүүн, Засгийн газрын гишүүн, Батлан хамгаалахын сайд С.Бямбацогтыг ЗХЖШ-т хүрэлцэн ирэхэд Төрийн хүндэт харуул жагсаж, хүндэтгэн угтсан юм.
Энэ үеэр ЗХЖШ-ын дарга хошууч генерал С.Ганбямба Батлан хамгаалахын сайд С.Бямбацогтод ЗХЖШ-ын удирдлага, төрлийн цэргийн командлагч нарыг танилцуулсан ба Даргын зөвлөлийн хуралдааны танхимд Зэвсэгт хүчний үйл ажиллагааны талаар танилцуулга хийж, мэдээлэл өглөө.
Дараа нь Батлан хамгаалахын сайд, албаны бүрэлдэхүүний хамт Зэвсэгт хүчний нэгдсэн ажиллагааны төвийн үйл ажиллагаатай нь танилцсан юм гэж Зэвсэгт хүчний Жанжин штабаас мэдээллээ.
Улстөр нийгэм
Хасбаатарын гудамжны авто замыг хааж засвар, шинэчлэлтийн ажлыг хийж гүйцэтгэнэ
Баянгол дүүргийн 9, 10, 11, 12, 13, 14, 15, 22, 34 дүгээр хороо, Хасбаатарын гудамж /Өргөө кино театрын хойд уулзвараас Эх хүүхдийн эрүүл мэндийн үндэсний төвийн уулзвар хүртэлх/ авто замын засвар, шинэчлэлтийн ажлыг 2024 оны долоодугаар сарын 26-ны өдрийн 23:00 цагаас 2024 оны долоодугаар сарын 29-ний өдрийн 06:00 цагийн хооронд хааж засварлана.
Тус ажлын хүрээнд: Инженерийн шугам сүлжээний худгийн тагийг асфальтбетон хучилтын түвшинд тааруулах, шинээр ус зайлуулах шугам сүлжээ суурилуулах, хашлага солих, тэмдэг тэмдэглэгээ, авто замын зорчих хэсгийн асфальтбетон хучилтын ажил хийгдэнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
Нийслэлийн Замын хөгжлийн газар
Улстөр нийгэм
БНСУ-ын Сөүл хотын Халамжийн байгууллагуудын төлөөлөгчдийг хүлээн авч уулзлаа
Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч Л.Хосбаяр Бүгд Найрамдах Солонгос Улсын Сөүл хотын Нийгмийн Халамжийн Зөвлөлийн дарга Ким Хён Хун болон Сөүл хотын халамжийн байгууллагуудын төлөөлөгчдийг хүлээн авч уулзлаа. Энэ үеэр талууд нийгмийн халамжийн чиглэлээр тус хотын холбогдох байгууллагуудтай харилцан туршлага судлах, хамтын ажиллагааг өргөжүүлэх талаар санал солилцсон юм.
Уулзалтын эхэнд Нийслэлийн Засаг даргын орлогч Л.Хосбаяр уулзалтад ирсэн төлөөлөгчдөд талархал илэрхийлэн “Нийслэл хотод халамж асрамжийн 17 байгууллагын 25 төв, 17 түр хамгаалах байр, нэг цэгийн үйлчилгээний төв хүүхэд хамгааллын үйлчилгээг үзүүлэн ажиллаж байна. Төрийн албаны хэрэгцээ шаардлагад тулгуурлан эрэлтэд нийцсэн, ур чадвартай төрийн албан хаагчийн хүний нөөцийг нэмэгдүүлэх зорилтын хүрээнд албан хаагчдаа чадавхижуулах, харилцан туршлага солилцох, гадаад улсад суралцуулах, туршлага судлуулахыг зорин ажиллаж байна. Хөгжлийн бэрхшээлтэй хүүхэд, ахмад настны төрөлжсөн асрамжийн төвийг байгуулах, гэр оронгүй, тэнэмэл амьдралтай иргэдийг нийгэмшүүлэхэд харилцан туршлага солилцон ажиллахад таатай байна” хэмээв.
БНСУ-ын Сөүл хотын Нийгмийн Халамжийн Зөвлөлийн дарга Ким Хён Хун цаашид хоёр талын хамтын ажиллагааг бэхжүүлэх чиглэлд бүхий л талаар хамтран ажиллаж, туршлага солилцохдоо таатай байх болно гэдгээ илэрхийллээ.
-
Цаг үе2021/10/13
БГД-ийн ИТХ-ын Тэргүүлэгчдийн ээлжит хурал боллоо
-
Цаг үе2021/10/04
Үс шинээр үргээлгэх буюу засуулахад тохиромжгүй
-
Цаг үе2021/01/03
ДЭМБ коронавируст халдвар (COVID-19)-аас урьдчилан сэргийлэх анхны вакциныг бата...
-
Цаг үе2021/12/22
ЭМЯ: Монгол Улсад омикрон илэрсэн гэдэг нь ташаа мэдээлэл