Бидэнтэй нэгдэх

Улстөр нийгэм

Авлигын индексээр Филиппин Улс зэрэглэл буурч байна

Огноо:

,

Глобал эрсдэлийн профайл (GRP) байгууллагаас гаргасан улс орнуудын авлигын индексээр Филиппин Улс 3 байр ухарсан ба цар тахлын үед санхүүгийн тусламжийн хөтөлбөрүүд авлига хээл хахуульд өртөх боломжийг бүрдүүлсэн гэж тэмдэглэжээ.

2022 оны улс орнуудын авлигын индексээр Филиппин Улс 196 улсаас 105 дугаар байрт жагсжээ. Харин 2021 онд Филиппин Улс 102 дугаар байрт жагсаж байсан байна.

Энэ жилийн тайланд Филиппин Улс авлигын эрсдэлийн “дунд” түвшинд байгааг харуулсан байна. Тус улсын нийт эрсдэлийн оноо 47.95 болсон нь өмнөх жилийн 46.96 онооноос 0.99 оноогоор өндөр байна.

Тус улс 2020 онд 111 дүгээр байрт, 2019 онд 101 дүгээр байрт, 2018 онд 108 дугаар байрт орж байжээ.

Энэхүү индекс нь төрийн болон хувийн хэвшлийн авлигын талаарх ойлголт, туршлага, түүнчлэн дэлхий даяарх мөнгө угаах, терроризмыг санхүүжүүлэх гэх мэт бусад цагаан захтнуудын гэмт хэргүүдийг хэмждэг.

Зүүн өмнөд Азийн орнуудаас Филиппин Улс нь Сингапур (13 дугаар байр), Малайз (49 дугаар байр), Бруней (70 дугаар байр), Индонез (98 дугаар байр), Тайланд (101 дүгээр байр) зэрэг улсуудаас хоцорч байна.

Харин Зүүн Тимор (114 дугаар байр), Вьетнам (131 дүгээр байр), Лаос (174 дүгээр байр), Камбож (175 дугаар байр), Мьянмар (177 дугаар байр) зэрэг улсын өмнө оржээ.

Одоогоор Челой Великариа-Гарафилын удирдаж байгаа Хэвлэлийн нарийн бичгийн даргын алба уг мэдээллийн талаар шууд тайлбар хийгээгүй байна.

Энэ нь улс орнуудын хээл хахуулийн эрсдэлийн индексэд Филиппин Улсын оноо буурсантай холбоотой бөгөөд Засгийн газар болон төрийн албаны ил тод байдлын оноо хамгийн их буурсан байна.

Мөн тус улс эдийн засгийн эрх чөлөөний индексээр чансаа буурсан нь улс төрийн авлига болон бусад хууль бус үйлдлээс урьдчилан сэргийлэхэд дотоодын институц сул байгааг харуулж байна гэж ажиглагчид үзэж байна.

Зээл болон кредитийн үйлчилгээг хурдацтай нээсэн нь "Авлига, хээл хахууль, мэдүүлгийг хуурамчаар үйлдэх, төсвийн хөрөнгийг шамшигдуулах шинэ боломжуудыг бий болгосон" гэж Глобал эрсдэлийн профайл байгууллага тайландаа цар тахал өвчний талаар дурджээ.

Филиппин Улсын Засгийн газар 2020 онд Ковид-19 цар тахлын халдварыг таслан зогсоохын тулд хатуу хөл хориог хэрэгжүүлсэн. Энэ нь хөл хорионд орсон хамгийн эмзэг салбаруудад бэлэн мөнгө тараасан юм.

Улс төрийн эдийн засгийн профессор Халси А.Жулиано хэлэхдээ, Филиппин Улс онцгой байдал, гамшгийн үед авлигад асар их өртөмтгий байдаг. “Олон улсын валютын сан, Дэлхийн банк, Азийн хөгжлийн банк, ЖАЙКА зэрэг санхүүжүүлэгчдийн тусламжийн мөнгийг зохих газарт нь хүргэх үүднээс хариуцлагын тогтолцоог бий болгох урт хугацааны хүчин чармайлтыг шаардаж байна” гэж тэр тэмдэглэв.

"Үүний зэрэгцээ Засгийн газрын хамтарсан хүчин чармайлтыг орон нутгийн улс төрийн намынхан "ивээн тэтгэгчийн бэлэг" болгон ашиглаж болно" гэж ноён Жулиано хэлсэн ба улс төрчид гамшгийн үед тараасан тусламжийн барааны уут дээр өөрсдийн зургийг наах дуртай байдгийг дурджээ.

Филиппин Улсын их сургуульд улс төрийн хичээл заадаг Мария Эла Л.Атиенза хэлэхдээ, тус улсын хамгийн сүүлийн зэрэглэлд орсон явдалд өмнөх засаг захиргаа буруутай гэжээ. "Цар тахлын үед Засгийн газрын гүйлгээ, худалдан авалтад анхаарал татахуйц ноцтой үйлдэл их гарсан" гэж тэрээр Viber-ийн мессеждээ “өмнөх засаг захиргааны үед Pharmaly Pharmaceutical Corp-д олгосон олон тэрбум долларын цар тахлын гэрээтэй холбоотой авлигын дуулианыг иш татан дурджээ.

Хатагтай Л.Атиенза хэлэхдээ "Фармалийн мөрдөн байцаалтын томоохон ажиллагаа болон Ерөнхийлөгч Дутертег шалгаж болзошгүй тул Сенат холбогдох хүмүүсийг яллахыг зөвшөөрөөгүй нь албан тушаалтнуудын авлигын байж болзошгүй хэргийг шийдвэрлэх улс төрийн хүсэл зориг дутмаг байгааг харуулж байна" гэжээ.

Үүний зэрэгцээ, хатагтай Атиенза хүний эрхийг сурталчлах нь авлигыг таслан зогсооход чухал ач холбогдолтой гэж хэлсэн. Дотоодын болон олон улсын хүний эрхийн өмгөөлөгчид Филиппин Улсад хүний эрхийн байдал муудаж байгааг шүүмжилсээр ирсэн. Ерөнхийлөгч солигдсон ч энэ асуудал хэвээр байгаа талаар дурджээ.

Эх сурвалж: https://www.bworldonline.com

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Баянголын залуус гарааны бизнесийг дэмжих бодлогыг сайшааж байна

Огноо:

,

УИХ-ын сонгуулийн есдүгээр тойрог буюу Баянгол дүүрэгт Монгол Ардын намаас нэр дэвшигч Ж.Ганбаатар, Х.Ганхуяг, Ө.Сумъяабаатар нар ээлжит уулзалтаа оюутан залуусын төлөөлөлтэй хийлээ. Жижиг, дунд бизнес эрхлэгчид болон гарааны бизнес эрхлэх хүсэлтэй залуучуудад үзүүлсэн дэмжлэг, хөрөнгө оруулалтын санхүүжилтээр нийслэлийн есөн дүүргээс хамгийн өндөр үзүүлэлттэй нь Баянгол юм.

Улс орны хөгжил бизнес эрхлэх гэж байгаа хүмүүсийн эрсдэл даах чадварт тулгуурладаг. Энэ нь өөрөө улс орны хөгжлийн гол цэг. Хүн бүр салбар салбартаа өөрийн хэмжээнд сайн ажиллаж байж, тулгамдсан асуудлыг шийднэ. Тиймээс ирээдүйн залуучуудыг бизнесийн мэдлэгтэй болгож үүнийхээ төлөө сэтгэл зүрхээ зориулан сурч, хөдөлмөрлөхөд нь урам зориг өгөх зорилгоор “Шилдэг бизнес төсөл”-ийг Уул уурхай, хүнд үйлдвэрийн сайд Ж.Ганбаатарын санаачилгаар 2016 оноос зохион байгуулж эхэлсэн нь өдгөө зургаа дахь жилтэйгээ золгож байгаа нь үүний илрэл болжээ. 

-Жижиг дунд үйлдвэрлэл үйлчилгээг дэмжих хуульд дахин нэмэлт, өөрчлөлт оруулна-

Харин энэ удаад 2019 онд УИХ-аас баталсан Жижиг, дунд үйлдвэрлэл, үйлчилгээг дэмжих тухай хуулийн шинэчилсэн найруулгад дахин нэмэлт, өөрчлөлт оруулахаа нэр дэвшигчид оюутан, залуусын төлөөлөлд дуулгасан юм. Учир нь одоо хүчин төгөлдөр мөрдөж байгаа хуулиар жилийн 2.5 тэрбум хүртэлх борлуулалтын орлоготой үйлдвэрлэл, худалдаа, үйлчилгээний салбарт үйл ажиллагаа явуулдаг аж ахуйн нэгжийг жижиг, дунд үйлдвэр эрхлэгчид тооцдог юм.

Хуулийг баталснаар жижиг дунд үйлдвэрлэл эрхлэгчид улирал бүр тайлан гаргадаг байсныг халж жилдээ нэг удаа гаргадаг болсон. Мөн нэг хувийн татвар төлөх боломжийг хуульд тусгасан байдаг. Гэхдээ эдгээр зохицуулалтад нэмэлт, өөрчлөлт оруулж, жижиг, дунд үйлдвэрлэл болон гарааны бизнес эрхлэгч залуусыг дэмжсэн заалтыг тусгах нь 2024-2028 онд хийх гол ажлыг нэг гэдгийг нэр дэвшигч Ж.Ганбаатар, Х.Ганхуяг, Ө.Сумъяабаатар нар онцолж байлаа.

Оюутан, залуусын зүгээс ч эзэмшсэн мэргэжлийнхээ хүрээнд ажлын талбарт гарахад нэн түрүүнд шаардлагатай байгаа асуудал нь хууль эрх зүйн болон татварын таатай орчныг бүрдүүлэх гэдгийг хэлж байсан юм. Тиймээс хуульд нэмэлт, өөрчлөлт оруулах замаар гарааны бизнес эрхлэх хүсэлтэй олон залуусыг дэмжсэн бодлого гаргахаа илэрхийлж буй гурван нэр дэвшигчийг багаар нь дэмжинэ гэсэн юм. 

Дэлгэрэнгүй унших

Улстөр нийгэм

“Ард түмэн нэгдмэл бас хүчтэйг харуулахын тулд дарханчууд та бүхэн Ерөнхий сайдын багийг багаар нь дэмжээрэй”

Огноо:

,

Дархан-Уул аймагт 2016-2024 онд улсын төсөв болон гадаадын зээл, тусламжийн эх үүсвэрээр нийт 1.1 их наяд төгрөгийн хөрөнгө оруулалтын төсөл, арга хэмжээ хэрэгжүүлснийг Монгол Ардын намын дарга, Ерөнхий сайд Л.Оюун-Эрдэнэ Дарханчуудтай уулзах үеэрээ хэллээ.

Тэрбээр “Монгол Улсын хоёр дахь том хот, Бурхантын Хөндийн дарханчууд, иргэд сонгогчид та бүхэнтэй өнөөдөр дахин уулзаж байгаадаа баяртай байна. Энэ удаа та бид авлигачид ялах уу, ард түмэн ялах уу гэдгийг сонгох хариуцлагатай сонголтын өмнө байна. Эдийн засаг унаасай, манай намд ашигтай, эрдэнэт хүний амь эрсдэхийг үүлэн чөлөөний нар гэж эндүүрч буй нөхдөд Ард түмэн нэгдмэл бас хүчтэй гэдгээ харуулахын тулд дарханчууд та бүхэн Монгол Ардын намыг, Ерөнхий сайдын багийг багаар нь дэмжээрэй” гэлээ.

Ерөнхий сайд Л.Оюун-Эрдэнэ Дархан-Уул аймагт 2021, 2022, 2023 онд ирж ажиллаж байсан. Тухайн үед дарханчууд орон нутагтаа шаардлагатай төсөл арга хэмжээг эрэмбэлж, саналаа өгсний дагуу Улаанбаатар-Дархан чиглэлийн 204 км авто замыг нээж, хууль бусаар хувьчлагдсан “Дарханы төмөрлөгийн үйлдвэр” ТӨХК-ийг төрийн мэдэлд эргүүлэн авсан. Мөн “Дархан арьс ширний цогцолбор” байгуулах хүрээнд 180 га газар олгож, төвлөрсөн дэд бүтэц татах ажил 70 хувийн гүйцэтгэлтэй үргэлжилж байна. Дархан хотын нийтийн тээврийн үйлчилгээнд 2024 оны нэгдүгээр сараас 20 шинэ автобус үйлчилгээнд явуулж эхэлсэн гээд дэд бүтэц, нийгэм, соёлын олон төсөл хөтөлбөр хэрэгжүүлж буй юм.

УИХ-ын сонгуулийн 5-р тойрог төвийн бүсэд Монгол Ардын намаас Б.Жавхлан, Б.Тулга, Ж.Энхбаяр, Д.Өнөрболор, Г.Дамдинням, Ч.Ундрам, Ж.Батжаргал, Н.Лхагвадорж, С.Лүндэг, Б.Цогтгэрэл нар дэвшиж байна. Л.Оюун-Эрдэнийн Засгийн газрын үед эдийн засаг -4.6 хувиас 7 хувь болж, валютын нөөц 5 тэрбум долларт хүрч, Хөгжлийн банкны өрүүдийг бүрэн төлж, цалин, тэтгэврийг 2 дахин, хөдөөгийн нэмэгдлийг 40 хувиар нэмэгдүүлсэн. Төсөв анх удаа 4 их наяд төгрөгөөр давж биелсэн, “Эрдэнэс Тавантолгой”-н 1072 хувьцааныхаа өгөөжийг иргэд хүртэж эхэлсэн. Тиймээс шударга  ёсны тэмцлээ үргэлжлүүлж, эхлүүлсэн ажлуудаа дуусгахын тулд төвийн бүсэд Монгол Ардын намаас нэр дэвшиж буй энэ 10 нэр дэвшигчийг багаар нь дэмжиж, үзэл санаандаа, үнэт зүйлдээ үнэнч байхыг Ерөнхий сайд дарханчуудаас хүслээ. 

Монгол Ардын намын ирэх дөрвөн жилд хэрэгжүүлэх мөрийн хөтөлбөрт эцсийн бүтээгдэхүүн үйлдвэрлэх хүнд үйлдвэрлэл технологийн паркийг Дархан-Уул аймагт төрөлжүүлэн байгуулахаар тусгасан. Мөн орчин үеийн стандартад нийцсэн нэгдсэн эмнэлгийг шинээр барьж, хог хаягдал ангилан ялгах цех байгуулах юм.

 

 

Дэлгэрэнгүй унших

Улстөр нийгэм

Баянзүрхчүүд МАН-ын мөрийн хөтөлбөрийг хэрэгжүүлэхийн тулд нэр дэвшигчдийг багаар нь дэмжинэ гэв

Огноо:

,

Баянзүрх дүүргийн 16, 24, 40 дүгээр хорооны иргэд, сонгогчидтой МАН-аас нэр дэвшигчид уулзлаа. УИХ-ын гишүүн Э.Бат-Амгалан, Баянзүрх дүүргийн Засаг дарга Н.Баярмөнх болон УИХ-ын гишүүн, Хууль зүй дотоод хэргийн сайд Б.Энхбаяр, УИХ-ын гишүүн, Хөдөлмөр нийгмийн хамгааллын сайд Х.Булгантуяа, УИХ-ын гишүүн Ж.Чинбүрэн нар нь салбар бүрийг төлөөлж буй МАН-ийн нэр цэвэр улстөрчид учраас дэмжинэ гэдгээ Баянзүрх дүүргийн иргэд, сонгогчид хэлж байна.

МАН-аас дэвшүүлж буй мөрийн хөтөлбөрт тусгагдсан “20 минутын хот” буюу иргэд цэцэрлэг, сургууль, цэцэрлэгт хүрээлэн, эмнэлэг, тоглоомын талбай, худалдаа, үзвэр үйлчилгээ, төрийн үйлчилгээ, цагдаагийн үйлчилгээг өөрт ойр буюу 20 минутын зайнаас авах реформыг хийхээр тусгасан. Мөн дэд төвүүдийг шинээр байгуулж гэр хорооллын хөгжлийг дэмжих, дагуул хот байгуулах зэргээр хотын асуудлыг шийдвэрлэх олон ажлыг тусгасан. Энэ бүгдийг Баянзүрхчүүд хэрэгжүүлэх, Ерөнхий сайд Л.Оюун-Эрдэний үйл хэргийг үргэлжлүүлэх хүсэлтэй байгаа тул МАН-аас нэр дэвшигчдийг багаар нь дэмжихээ илэрхийлээ. 

 

 

Дэлгэрэнгүй унших
сурталчилгаа
Улстөр нийгэм2 цаг 40 минут

Баянголын залуус гарааны бизнесийг дэмжих бодлогыг сайшааж байна

Улстөр нийгэм2 цаг 43 минут

“Ард түмэн нэгдмэл бас хүчтэйг харуулахын тулд дарханчууд та б...

Улстөр нийгэм6 цаг 24 минут

Баянзүрхчүүд МАН-ын мөрийн хөтөлбөрийг хэрэгжүүлэхийн тулд нэр дэвши...

Улстөр нийгэм6 цаг 29 минут

“Ард түмэн ялах уу, бүлэглэл ялах уу” гэдгийг сонгинохай...

Цаг үе7 цаг 38 минут

“Нийтийн ахуйн үйлчилгээний төв” төслийн бүтээн байгуула...

Цаг үе7 цаг 44 минут

Нөөцийн махны борлуулалт 64.1 хувьтай байна

Цаг үе7 цаг 47 минут

Улаанбаатарт зургаадугаар сарын 21-22-нд шилжих шөнө бороотой бөгөөд...

Шударга мэдээ7 цаг 50 минут

Үерийн эрсдэлтэй бүсэд суурьшсан 1917 айл өрх байна

Шударга мэдээ7 цаг 52 минут

Зэвсэгт хүчний 119 дүгээр ангийг түшиглэсэн “Оюутан цэрэг&rdqu...

Цаг үе7 цаг 56 минут

Өнөөдөр хууль, эрх зүйн зөвлөгөө үнэ төлбөргүй өгнө

Санал болгох