Бидэнтэй нэгдэх

Улстөр нийгэм

Энх тайвны корпусын сайн дурын ажилтнууд Монголд эргэж ирнэ

Огноо:

,

Гадаад харилцааны яамны Төрийн нарийн бичгийн дарга Н.Анхбаяр АНУ-ын ЭСЯ-ны Хэргийг түр хамаарагч Мейтью Фэрэнс, Монгол дахь АНУ-ын Энх тайвны корпусын Орон хариуцсан захирал Ким Мансарай нарыг 2022 оны 10 дугаар сарын 13-ны өдөр хүлээн авч уулзав.

Уулзалтын үеэр Монгол дахь Энх тайвны корпусын үйл ажиллагааг үргэлж дэмжиж ирсэнд монголын талд талархал илэрхийлээд, КОВИД-19 цар тахлын улмаас нутаг буцаад байсан Энх тайвны корпусын сайн дурын ажилтнууд энэ 10 дугаар сарын 18-ны өдөр Монголд эргэн ирж, үйл ажиллагаагаа сэргээж байгаа талаар мэдээлэв.

Сайн дурын ажилтнуудын эхний ээлж 27 хүний бүрэлдэхүүнтэй байх бөгөөд түлхүү англи хэлний боловсрол болон нийгмийн хөгжлийн чиглэлд үйл ажиллагаа явуулах аж.

АНУ-ын Энх тайвны корпус Монгол Улсад үйл ажиллагаагаа эхлүүлж, анхны сайн дурын ажилтнууд ирсний 30 жилийн ой 2021 онд тохиосон бөгөөд өнөөг хүртэл Энх тайвны корпусын нийт 1,400 гаруй сайн дурын ажилтан манай улсын 21 аймгийн 150 гаруй сумд ажиллаж, монголчуудын нийгмийн хөгжил, ялангуяа англи хэлний боловсролд үнэтэй хувь нэмэр оруулсан юм.

Дэлгэрэнгүй унших
сурталчилгаа

Сэтгэгдэл

Улстөр нийгэм

Монгол Улсын Ерөнхийлөгчийн санаачилгаар “Ойн салбарын үндэсний II чуулган”-ыг зохион байгуулна

Огноо:

,

Монгол Улсын Ерөнхийлөгчийн санаачилгаар “Ойн салбарын үндэсний II чуулган”-ыг 2024 оны 03 дугаар сарын 05-ны өдөр Төрийн ордонд зохион байгуулах гэж байна.

Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд 2021 оны 11 дүгээр сарын 15-ны өдөр “Ойн салбарын үндэсний чуулган”-ыг зохион байгуулж, байгаль орчны салбарын эрх зүйн орчин, тулгамдсан асуудал, цаашдын хөгжлийн чиг хандлага, шинжлэх ухаанд суурилсан ойжуулалт, технологи, инновацын шийдэл, ойн салбарын хүний нөөц, ногоон санхүүжилт зэрэг сэдвээр хэлэлцүүлэг өрнүүлж, зөвлөмж гаргасан юм.

“Ойн салбарын үндэсний II чуулган”-аар “Монгол орны ойн өнөөгийн байдал, салбарын бодлого”, “Тэрбум мод” үндэсний хөдөлгөөн хэрэгжсэнээс хойш гарсан үр дүн ба цаашид хэрэгжүүлэх арга хэмжээ”, “Олон улсын хамтын ажиллагаа, хөрөнгө оруулалт” сэдвээр илтгэл хэлэлцүүлж, ойн салбарын хөгжлийн бодлогын хүрээнд тулгамдаж буй асуудал, шийдлийн талаар хэлэлцэх болно.

Монгол Улсын Ерөнхийлөгчийн Тамгын газар, Байгаль орчин, аялал жуулчлалын яам, Засгийн газрын хэрэгжүүлэгч агентлаг Ойн газраас хамтран зохион байгуулах тус үндэсний чуулганд ойн мэргэжлийн байгууллага, холбоод, олон улсын байгууллагууд, сум дундын болон сумын ойн ангийн инженер, техникийн ажилтнууд, эрдэмтэн судлаачид, аж ахуйн нэгжийн төлөөлөл оролцоно.

Эдийн засгийн өсөлт, нийгмийн хөгжлийн хандлагыг ойн экосистемийн тэнцвэрт байдлыг алдагдуулахгүй байхад чиглүүлэх, ойн тогтвортой менежментийг хэрэгжүүлж Монгол орны ойрхог чанарыг 9 хувь буюу түүнээс дээш хувьд хүргэж, уур амьсгалын өөрчлөлтийн сөрөг нөлөөг бууруулах, амьдралын чанарыг сайжруулах,  ногоон хөгжлийн зорилтуудыг ханган хэрэгжүүлэхэд төр, иргэн, аж ахуйн нэгж, байгууллагын хамтын ажиллагаа, хүчин чармайлтыг нэмэгдүүлэхэд үндэсний чуулганы зорилго оршиж байна.

Дэлгэрэнгүй унших

Улстөр нийгэм

"MERIT" төслийг үргэлжлүүлэх боломжийн талаар хэлэлцэв

Огноо:

,

УУХҮ-ийн дэд сайд Б.Уянга тэргүүтэй төлөөлөгчид Канад улсын Гадаад хэргийн яамны санхүүжилтээр 2016-2024 онд Монгол Улсад эрдэс баялгийн салбарын төрийн албан хаагчдыг чадавхжуулах зорилго бүхий хэрэгжүүлсэн "MERIT" төслийг хэрэгжүүлэгч "Каталистплас" байгууллагын Азийн орнууд хариуцсан захирал Гэйл Ли, тус төслийн суурин төлөөлөгч Женнифер Адамс болон Монгол Улс дахь Канад улсын худалдааны төлөөлөгчийн газрын захирал Жеймс Ким нартай Канадын Торонто хотод уулзлаа.
 
Уулзалтаар талууд төслийн үр нөлөө болон цаашдын хамтын ажиллагааны талаар нээлттэй мэдээлэл солилцож, үргэлжлүүлэн хамтран ажиллах боломжийн талаар хэлэлцэв.
 
Монгол Улсын хувьд эрчим хүчний хараат байдлыг бууруулах, эрчим хүчний ногоон шилжилтийг эрчимжүүлэх, сэргээгдэх эрчим хүчний эх үүсвэрийг нэмэгдүүлэхэд газрын гүний дулаан ашиглах, энэ чиглэлд чадавх бэхжүүлэх зэрэг хэрэгцээ шаардлага байгааг дэд сайд онцлов гэж Уул уурхай, хүнд үйлдвэрийн яамнаас мэдээллээ.  
 
Дэлгэрэнгүй унших

Улстөр нийгэм

Харз, халиа, тошин гүйж, мөс хэврэгших үзэгдэл ажиглагдаж байна

Огноо:

,

Гол, мөрөн, нуурт өрх, цагаан, хар хил үүсэх, томоохон голуудын зарим хэсгээр харз, халиа, тошин гүйж мөс хэврэгших үзэгдэл ажиглагдаж байна. 

Иймд цаг хожих, зам товчлох зэргээр мөсөн дээгүүр явах, авто тээвэр хийхгүй байхыг зөвлөе. 

Бага насны хүүхдийг гол, мөрөн, нуурын мөсөн дээр тоглуулахгүй байх, аж ахуйн нэгж, байгууллагууд амралт зугаалгын арга хэмжээ зохион байгуулахгүй байж болзошгүй эрсдэлээс урьдчилан сэргийлэхийг анхааруулж байна.

Эх сурвалж: ОБЕГ-ын Урьдчилан сэргийлэх газар

Дэлгэрэнгүй унших
сурталчилгаа

Санал болгох