Бидэнтэй нэгдэх

Цаг үе

УУХҮЯ: Нүүрс экспорт өмнөх оны мөн үеэс 3.4 дахин өсөлттэй байна

Огноо:

,

Энэ сарын 15-21-ний өдрүүдэд 737.7 мян.тн нүүрс экспортод гарсан нь өмнөх оны мөн үеэс 3.4 дахин өсөлттэй байна. Оны эхнээс 2022.07.21-ний өдрийн байдлаар:

Нүүрс: Авто замаар 5,981 автомашин, төмөр замаар 300 чингэлэг тээвэрлэгдэн, оны эхнээс нийт 10,113.7 мян.тн нүүрс экспортод гарсан нь өмнөх оны мөн үеэс 1.5%-иар, 7 хоногт 737.7 мян.тн нүүрс экспортод гарсан нь өмнөх оны мөн үеэс 340%-иар тус тус өссөн байна.

Хилээр нэвтэрсэн боомтын мэдээлэл: (оны эхнээс өссөн дүн, 7 хоног)

            Гашуунсухайт – 6,179.5 мян.тн / 464.2 мян.тн

            Замын-Үүд – 929.4 мян.тн / 19.6 мян.тн

            Ханги – 901.5 мян.тн / 84.3 мян.тн

            Шивээхүрэн – 724.0 мян.тн / 143.0 мян.тн

            Ярант – 1,379.2 мян.тн / 26.6 мян.тн

Өдөрт дунджаар 854 автомашин, 43 чингэлэг нүүрс экспортлогдсон байна.

Зэсийн баяжмал: Авто замаар 272 автомашин, төмөр замаар 160 чингэлэг тээвэрлэгдэн, оны эхнээс нийт 820.4 мян.тн зэсийн баяжмал экспортод гарсан өмнөх оны мөн үетэй харьцуулахад 16.5%-иар өссөн байна.

Хилээр нэвтэрсэн боомтын мэдээлэл: (оны эхнээс өссөн дүн, 7 хоног)

            Гашуунсухайт – 452.8 мян.тн / 14.9 мян.тн

            Замын-Үүд – 367.6 мян.тн / 10.7 мян.тн

Төмрийн хүдэр, баяжмал: Авто замаар 445 автомашин, төмөр замаар 1,987 чингэлэг тээвэрлэгдэн, оны эхнээс нийт 2,023.7 мян.тн төмрийн хүдэр, баяжмал экспортод гарсан нь өмнөх оны мөн үеэс 55.2%-иар бууралттай байгаа ч 7 хоногт 167.1 мян.тн гарсан нь өнгөрсөн оны мөн үеэс 5.1%-иар өссөн байна.

Хилээр нэвтэрсэн боомтын мэдээлэл: (оны эхнээс өссөн дүн, 7 хоног)

            Замын-Үүд – 1,936.2 мян.тн / 141.1 мян.тн

            Ханги –  32.1 мян.тн / 1.0 мян.тн

            Бургастай –   52.9 мян.тн / 25.0 мян.тн

            Эрээнцав –  2.6 мян.тн / 0.0 мян.тн

Өдөрт дунджаар 64 автомашин болон 284 чингэлэг төмрийн хүдэр, баяжмал экспортоор гарсан байна гэж Уул уурхай, хүнд үйлдвэрийн яамнаас мэдээллээ.

Дэлгэрэнгүй унших

Сэтгэгдэл

Цаг үе

Компанийн засаглалын тогтолцоог системийн инженерчлэлийн аргаар бэхжүүлэх талаар хэлэлцлээ

Огноо:

,

Компанийн засаглалын тогтолцоог үр дүнтэйгээр хэрэгжүүлэх нь аливаа байгууллагын урт хугацааны тогтвортой өсөлт, хөгжлийг хангахад чухал ач холбогдолтой.

Үүнтэй холбогдуулж Санхүүгийн зохицуулах хороо, “Залуу судлаачдыг дэмжих сан” болон “Санхүүгийн боловсролын зангилаа” ТББ хамтран “ISO 37000 стандарт дээр суурилсан байгууллагын засаглалын тогтолцоог системийн инженерчлэлийн аргаар бэхжүүлэх нь” уулзалт, хэлэлцүүлгийг энэ сарын 1-нд зохион байгууллаа.

“Залуу судлаачдыг дэмжих сан” ТББ-ын тэргүүн Д.Жаргалсайхан энэ үеэр сэтгэлгээний алгоритм, системийн логик зураглал, байгууллагын нэгдмэл зорилгыг хэрэгжүүлэх тохиргоо бүхий угсардаг загвар, компанийн засаглалын олон улсын стандартын шалгууруудыг системийн инженерчлэлийн аргаар хангах талаар танилцуулсан юм. Оролцогчдын зүгээс ISO 9001, ISO 37000 стандарт, Steward-Leadership болон Санхүүгийн зохицуулах хорооноос баталсан “Компанийн засаглалын кодекс” зэрэг засаглалын баримт бичгүүдэд тусгагдсан шаардлагуудыг шийдвэрлэхэд дижитал платформыг хэрхэн ашиглах мөн цаашид хамтран хэрэгжүүлэх шаардлагатай сургалт, судалгаа, шинжилгээний талаар санал солилцож, хэлэлцүүлэг өрнүүлэв гэж Санхүүгийн зохицуулах хорооноос мэдээллээ.

Дэлгэрэнгүй унших

Цаг үе

ЗТХЯ: Хамтарсан зохицуулах хорооны хурал боллоо

Огноо:

,

Зам, тээврийн хөгжлийн яам, Японы Олон Улсын Хамтын Ажиллагааны байгууллага (ЖАЙКА)  хамтран “Монгол Улсын зам цаг уурын нөхцөлд тохирсон авто замын хучилтын технологийн чадавхыг сайжруулах” төслийг 2019 оноос хойш дөрөв дэх жилдээ хэрэгжүүлэн амжилттай дуусган, хамтарсан зохицуулах хорооны хурлыг өнөөдөр /2023.02.02/ зохион байгууллаа.

Төрийн нарийн бичгийн дарга С.Батболд "Монгол орны байгаль цаг уурын нөхцөлд тохирсон авто замын хучилтын технологийн чадавхыг сайжруулах техникийн хамтын ажиллагааны төсөл”-ийг хэрэгжүүлэхэд бүхий талаар дэмжлэг туслалцаа үзүүлсэн ЖАЙКА-гийн Монгол дахь Төлөөлөгчийн газрын дарга Танака Шиничи болон япон мэргэжилтнүүд та бүгдэд талархлаа илэрхийлье. 

Цар тахлын нөхцөл байдлаас шалтгаалж Монгол Улсад ирж ажиллах боломжгүй болсон ч  төслийн хэрэгжих хугацааг нэг жилээр сунгаж, бид бүгд идэвхтэй хамтран ажилласны үр дүнд төсөл амжилттай дууслаа. 

Өнгөрсөн  хугацаанд төсөлтэй холбоотой 2 стандартыг боловсруулан Стандарт, хэмжил зүйн газрын даргаар батлуулан хэрэгжүүллээ. Зам, тээврийн хөгжлийн төв ТӨҮГ-ын төв лабораторид 30 нэр төрлийн 46 ширхэг тоног төхөөрөмж, дагалдах хэрэгслийг нийлүүлж, лабораторийн туршилт хийх сургалтуудыг амжилттай зохион байгуусан. Мөн 2021 онд ЗТХЯ, ЗТХТ-с 2 загвар төслийг, 2022 онд Нийслэлийн замын хөгжлийн газраас мөн 2 загвар төслийг санхүүжүүлж, нийт 4 загвар төслийг амжилттай хэрэгжүүлэн, загвар төслийн эхний мониторинг үнэлгээ хийсэн байна.

Төслийн хүрээнд хийгдсэн туршилт, загварын төслийн талаар эрдэм шинжилгээний өгүүллэгийг хамтран бичиж, олон улсын хуралд илтгэл тавьж, эмхэтгэлд нийтлүүлж, 2019, 2022 онд  19 мэргэжилтнийг Япон Улсад сургалтад хамруулсан байна. Төслийн техникийн семинарыг 2022, 2023 онд 2 удаа зохион байгуулж, нийт 200 авто замын инженер, техникийн ажилтныг хамруулсаныг хэлэхэд таатай байна. Өнөөдрийн хамтарсан зохицуулах хорооны хурлаар төслийн хүрсэн үр дүнг эцэслэн дүгнэнэ"  хэмээн хэллээ.

Дэлгэрэнгүй унших

Цаг үе

Монголбанк: Нэгдүгээр сард 519.8 кг үнэт металл худалдан авлаа

Огноо:

,

Монголбанк 2023 оны нэгдүгээр сард нийт 519.8 кг үнэт металл худалдан аваад байна. Дархан-Уул аймаг дахь Монголбанкны хэлтэс 44.2 кг, Баянхонгор аймаг дахь Монголбанкны хэлтэс 28.9 кг үнэт металл тус тус худалдан авсан.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2023 оны 1 дүгээр сард алт худалдан авах дээд үнэ 216,205 төгрөг байсан бол дундаж үнэ 210,307 төгрөг байв. 

 

Зураг 1: Монголбанкны худалдан авсан үнэт металлын хэмжээ (2018-2023/01)Зураг 1: Монголбанкны худалдан авсан үнэт металлын хэмжээ (2018-2023/01)

 

 

Зураг 2: Монголбанкны алт худалдан авах дундаж үнэ (2023.01)Зураг 2: Монголбанкны алт худалдан авах дундаж үнэ (2023.01)

 

Дэлгэрэнгүй унших
сурталчилгаа
Цаг үе2023/02/02

Компанийн засаглалын тогтолцоог системийн инженерчлэлийн аргаар бэхж...

Шударга мэдээ17 минутын өмнө

Хог тээвэрлэлтийг уртасгасан цагаар зохион байгуулна

Улстөр нийгэм23 минутын өмнө

Г.Занданшатар: Хөдөө аж ахуйд суурилсан өрхийн үйлдвэрлэлийг хөгжүүл...

Шударга мэдээ25 минутын өмнө

Япон улсаас Монгол Улсад жуулчин хүлээн авдаг тур компанийн төлөөлөл...

Цаг үе29 минутын өмнө

ЗТХЯ: Хамтарсан зохицуулах хорооны хурал боллоо

Цаг үе34 минутын өмнө

Монголбанк: Нэгдүгээр сард 519.8 кг үнэт металл худалдан авлаа

Үзэл бодол40 минутын өмнө

Зудын эрсдэл, нөлөөллөөс хүүхэд багачуудаа хамтдаа хамгаалцгаая

Улстөр нийгэм43 минутын өмнө

УИХ-ын гишүүн Ж.Чинбүрэн БНСУ-ын Үндэсний сүрьеэгийн нийгэмлэгийн тө...

Цаг үе47 минутын өмнө

Улаанбаатарт өдөртөө 11 хэм хүйтэн

Цаг үе52 минутын өмнө

Үс шинээр үргээлгэх буюу засуулбал жаргал ирнэ

Санал болгох