Улстөр нийгэм
Гялсбанкаар зургаан гүйлгээ хийгээд iPhone13 утасны эзэн болоорой
“Нийгмийн дундаж давхаргыг дэмжигч Үндэсний тэргүүлэгч банк” байх зорилтыг дэвшүүлэн ажиллаж буй Төрийн банкнаас “Гялсбанк” үйлчилгээндээ урамшуулалт аян зарлажээ.
Энэхүү урамшуулалт аянд оролцохын тулд “Гялсбанк”-аараа сард зургаагаас дээш гүйлгээ хийх ёстой бөгөөд болзол хангасан хэн ч iPhone13 гар утасны эзэн болох боломжтой аж. Төрийн банкнаас Гялсбанкаараа байр болон цахилгааны төлбөр зэрэг идэвхтэй гүйлгээ хийсэн харилцагчдын дундаас сар бүр iPhone13 утасны эзнийг тодруулж байгаа бөгөөд тус аян энэ оны арванхоёрдугаар сарын 31-ний өдрийг дуустал явагдах юм байна. Энэ хугацаанд нийт найман харилцагчийг урамшууллын эзнээр тодруулах юм.
Гялсбанк нь өөрийн санхүүгийн үйлчилгээг нэг дороос олон сувгаар авах боломжтойгоороо онцлог бөгөөд цахим эринд амьдарч буй өнөө цагт Төрийн банк нь тус үйлчилгээг харилцагчдынхаа хэрэгцээнд бүрэн нийцүүлэн, улам хөгжүүлэн ажилласаар байна.
Хэрэв Танд Төрийн банкны Гялсбанк үйлчилгээ байхгүй бол өөрт ойрхон байрлах тус банкны салбар нэгжид бичиг баримттайгаа хандаж, нэг удаа бүртгүүлээд, өөрийн төлбөр тооцоог гар утас, бусад ухаалаг төхөөрөмжөөр хурдан шуурхай, эрсдэлгүй шийдээрэй.
Гялсбанкны урамшуулалт аяны эхний урамшууллын эзнийг энэ сарын 7-ны Мягмар гарагийн 17:00 цагт Төрийн банкны фэйсбүүк хуудсаар тодруулах аж. Гялсбанкаар өөрийн санхүүгээ ГЯЛС шийдээд, IPhone13 утасны эзэн болоорой.
Төрийн банк – Эрсдэлгүй ирээдүйн баталгаа
Улстөр нийгэм
Нийслэлийн төр, захиргааны байгууллагууд жендэрт суурилсан хүчирхийлэлтэй тэмцэх 16 хоногийн аянд нэгдлээ
Жендэрийн үндэсний хорооноос жил бүр Жендэрт суурилсан хүчирхийлэлтэй тэмцэх 16 хоногийн аян зохион байгуулдаг уламжлалтай.
Энэхүү аяныг “Технологи ашиглан үйлдэгдэж буй жендерт суурилсан хүчирхийлэлтэй тэмцэхэд нэгдье” уриан дор 11 дүгээр сарын 25-ны өдрөөс 12 дугаар сарын 10-ны өдрийн хооронд тэмдэглэн өнгөрүүлэх гэж байна.
Энэ аянд Нийслэлийн Засаг даргын Тамгын газар болон Нийслэлийн нутгийн захиргааны байгууллагууд нэгдэж байна.
Улстөр нийгэм
“Гамшигт тэсвэртэй дэд бүтэц” олон улсын эрдэм шинжилгээний хуралд хэлэлцүүлэх бүтээлүүдүүдийг шалгарууллаа
ОБЕГ-ын дэргэдэх Гамшиг судлалын үндэсний хүрээлэн, ДХИС-тай хамтран “Гамшигт тэсвэртэй дэд бүтэц” олон улсын эрдэм шинжилгээний хурлыг ирэх сарын 04-нд зохион байгуулах гэж байна.
Тус эрдэм шинжилгээний хурлын I шатанд 46 бүтээл ирсэн бөгөөд зохион байгуулагч эрдэмтэн, судлаачдын баг II шатанд аман болон ханан илтгэлийг шалгарууллаа.
Шалгарсан эрдэмтэн, судлаачдын бүтээлийг хуралдааны үеэр хэлэлцүүлж, шилдгүүдийг тодруулах юм.
Нийгэм эдийн засгийн хөгжил, хотжилт эрчимтэй явагдаж байгаатай холбоотойгоор хот суурин газруудын гамшигт тэсвэртэй байдлыг хангах, барилга, байгууламж, дэд бүтцийг илүү сайжруулан барьж байгуулах, төр, хувийн хэвшлийн хамтын ажиллагааг дэмжих, хөрөнгө оруулалтыг нэмэгдүүлэх чиглэлд бүх талуудын мэдлэг, ойлголт, оролцоо, нэн ялангуяа шинжлэх ухааны байгууллага, эрдэмтэн, судлаачдын үүрэг оролцоо онцгой чухал учраас энэ удаагийн хурлыг санаачлан зохион байгуулж байгаа гэдгээрээ онцлогтой гэж Онцгой байдлын Ерөнхий газраас мэдээллээ.
Улстөр нийгэм
СOP17-г зохион байгуулах Үндэсний Дэд Хорооны анхдугаар хуралдаан болов
Гадаад харилцааны сайд бөгөөд Цөлжилттэй тэмцэх тухай НҮБ-ын конвенцын Талуудын 17 дугаар бага хурал (СOP17)-ыг зохион байгуулах Үндэсний Хорооны Дэд дарга Б.Батцэцэг ахлан тус Үндэсний Дэд Хорооны анхдугаар хуралдааныг 2025 оны 11 дүгээр сарын 25-ны өдөр цахимаар зохион байгууллаа.
Уг уулзалтын үеэр одоогийн байдлаар дэд хорооны даргын хувьд хийж гүйцэтгэсэн ажлаа дэд хорооны гишүүдэд тайлагнаж, дэд хорооны төлөвлөгөөг хэлэлцэв.
Гадаад харилцааны сайд бөгөөд Цөлжилттэй тэмцэх тухай НҮБ-ын конвенцын Талуудын 17 дугаар бага хурал (СOP17)-ыг зохион байгуулах Үндэсний Хорооны Дэд дарга Б.Батцэцэг Монгол Улс анх удаа НҮБ-ын хурал хүлээн авч зохион байгуулж буй учраас СОР17 бага хурлыг олон дээд, өндөр түвшний зочдын оролцоотойгоор төлөвлөх нь ач холбогдолтой бөгөөд хөрөнгө оруулалт, санхүүжилт татахад чухал хэмээн онцлов.
