Бидэнтэй нэгдэх

Чөлөөт цаг

Энэтхэгчүүдийн 43.2 хувь нь авлигын асуудал бол аз жаргалд нөлөөлдөг гэж үзжээ

Огноо:

,

Энэтхэгийн иргэдийн 43.2 хувь нь авлигын асуудал нь аз жаргалд нөлөөлдөг гэж үзсэн ба эрэгтэйчүүдийн авлигын талаарх ойлголт нь эмэгтэйчүүдээс бага байна гэж судалгааны дүн гарчээ.

HappyPlus Consulting-ийн "Аз жаргалын төлөв байдал"-ын судалгааны тайланд Энэтхэгчүүд өмнөхөөсөө илүү аз жаргалтай байгаа гэж үзсэн бөгөөд тус улсын амьдралын үнэлгээ оноо 6.84 оноотой гарсан  байна.

Субьектив сайн сайхан байдлын гол үзүүлэлт болох энэ оноо нь Энэтхэг улсын аз жаргалын талаарх бусад судалгааны дундаж онооноос илүү сайн байгааг харуулж байна.

Тус тайланд Химачал Прадеш, Пенжаб, Уттаракханд, Керала, Махараштра, Тамил Наду, Пудучерри, Чандигарх, Дели, Гоа зэрэг улсууд аз жаргалын түвшин өндөртэй газруудад багтжээ.

Судалгаанаас харахад Энэтхэгийн иргэдийн 43.2 хувь нь авлига бол төрийн болон бизнесийн салбарт тархсан бөгөөд аз жаргалыг хэмжихэд ашигладаг үнэлгээнд сөргөөр нөлөөлдөг гэж үзжээ.

Судалгаанд Энэтхэгийн 28 муж, найман Холбооны нутаг дэвсгэрийн 20,073 оролцогч хамрагдсан байна.

Тайлангийн бас нэгэн үзүүлэлт бол амьдралын сэтгэл ханамжийн түвшинг өөрчилдөг сөрөг сэтгэл хөдлөлүүд байдаг. Үүнд санаа зоволт, уйтгар гуниг, уур хилэн ордог ба Энэтхэгчүүдийн 32.9 хувь нь үүнийг тогтмол мэдэрдэг болохыг судалгаагаар тогтоожээ.

Түүнчлэн Энэтхэгчүүдийн 65 гаруй хувь нь байнга сандарч, стресст ордог нь ажиглагдсан бөгөөд гол шалтгаан нь Ковидтой холбоотой тодорхойгүй байдал, эрүүл мэнд, санхүүгийн чадавхи, гэр бүл, найз нөхөд, ажлын байрны дарамт зэрэг нь нөлөөлдөг байна.

Судалгаанд эерэг ба сөрөг сэтгэл хөдлөл зэрэг сайн сайхан байдлын субьектив үзүүлэлтүүдээс гадна нийгмийн дэмжлэг, амьдралын сонголт хийх эрх чөлөө, авлигын талаарх ойлголт, нэг хүнд ногдох Улсын дотоодын цэвэр бүтээгдэхүүн, бичиг үсэг тайлагдалтын түвшин, дундаж наслалт ба эрүүл мэндийн индексийн үзүүлэлтүүд орсон байна.

Мөн "Эмэгтэйчүүд эрчүүдээс илүү аз жаргалтай, инээдэг ч санаа зовох, уйтгар гуниг, уур уцаарыг илүү тод мэдрэгддэг. Эрэгтэйчүүд эмэгтэйчүүдтэй харьцуулахад илүү өндөр нийгмийн дэмжлэгт хамрагдаж, амьдралдаа олон сонголт хийх зэргээр эрх чөлөөг их мэдэрдэг. Мөн авлигын талаарх ойлголт бага байдаг" гэж судалгаанд дурджээ.

Өнөөгийн цаг үед залуу үеийнхэн ахмад настнуудтай харьцуулахад аз жаргал, инээд хөөр, эерэг сэтгэл хөдлөлийг их мэдэрч байгаа гэж судалгаагаар үзжээ.

Эх сурвалж: https://www.business-standard.com/article/current-affairs/corruption-affects happiness-of-43-2-indians-study-finds-122031700996_1.html

Дэлгэрэнгүй унших

Сэтгэгдэл

Чөлөөт цаг

Санхүүгийн зохицуулах хорооны ээлжит хуралдаан боллоо

Огноо:

,

Санхүүгийн зохицуулах хорооны ээлжит 21 дүгээр хуралдаан 2022 оны 11 сарын 25-ны өдөр боллоо. Хуралдаанаар нэг компанид хөрөнгө итгэмжлэн удирдах үйл ажиллагаа эрхлэх тусгай зөвшөөрөл олгохоор, мөн нэг компанийн дүрэм, хөрөнгө оруулалтын бодлогын баримт бичигт нэмэлт, өөрчлөлт оруулах зөвшөөрөл олгохоор шийдвэрлэлээ.

Мөн даатгалын төлөөлөгчийн үйл ажиллагаа эрхлэх тусгай зөвшөрлийг нэг компанид, хоёр хадгаламж зээлийн хоршооны үйл ажиллагаа эрхлэх тусгай зөвшөрлийн хугацааг сунгаж, банк бус санхүүгийн чиглэлээр үйл ажиллагаа явуулдаг нэг компанийн хаалттай өрийн бичгийг бүртгэхээр, гурван компанид банк бус санхүүгийн зээлийн үйл ажиллага эрхлэх тусгай зөвшөөрөл болон гадаад валютын арилжаа, цахим төлбөр тооцоо, мөнгөн гуйвуулгын үйлчилгээ, факторингийн үйлчилгээний үйл ажиллагаа эрхлэх тусгай зөвшөөрлийг нэмж олгохоор шийдвэрлэв.

Виртуал хөрөнгийн үйлчилгээ үзүүлэгчийн тухай хуульд зөвхөн Санхүүгийн зохицуулах хороонд бүртгэлтэй виртуал хөрөнгийн үйлчилгээ үзүүлэгчээр дамжуулж холбогдох үйлчилгээг үзүүлэхээр хуульчилсан. Энэ дагуу өнөөдрийн хуралдаанаар “Анд Дэнөүд” ХХК, “Капекс Капитал” ХХК-уудыг виртуал хөрөнгийн үйлчилгээ үзүүлэгчээр бүртгэхээр шийдвэрлэлээ. Түүнчлэн үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрлийг хоёр компанид, нэг компанид салбар байгуулах, үнэт металл, үнэт чулууны эсхүл тэдгээрээр хийсэн эдлэлийн арилжаа эрхлэгчийн үйл ажиллагаа эрхлэх тусгай зөвшөөрлийг нэг иргэнд олгохоор тус тус шийдвэрлэсэн юм гэж Санхүүгийн зохицуулах хорооноос мэдээллээ.

Дэлгэрэнгүй унших

Чөлөөт цаг

Томуугийн вирус таны эргэн тойронд хэр удаан "амьдардаг" вэ

Огноо:

,

Томуугийн вирус 1-2 өдөр гадаргуу дээр амьдрах чадвартай байдаг тул орон гэр, ажлын байр, үйлчилгээний байгууллагад тогтмол цэвэрлэгээ, халдваргүйжүүлэлт хийж хэвшээрэй. 

Хатуу гадаргуу дээр /ширээ, сандал, гар утас г.м/ 24-48 цаг

Зөөлөн гадаргуу дээр /ор, дэр, хувцас, цаас г.м/ 8-12 цаг 

Дэлгэрэнгүй унших

Чөлөөт цаг

Улс орон даяар цэргийн тангараг өргөх ёслол боллоо

Огноо:

,

Монгол Улс Анхдугаар Үндсэн хуулиа баталж, Бүгд Найрамдах Улсаа даян дэлхийд тунхаглан зарласан түүхт 98 жилийн ойн өдөр Зэвсэгт хүчний нэгтгэл, ангиудад 2022 оны хоёрдугаар ээлжээр хугацаат цэргийн албанд татагдан ирсэн шинэ дайчдын цэргийн тангараг өргөх ёслол боллоо.

Улс орон даяар зохион байгуулагдсан энэхүү ёслолын арга хэмжээнд БХЯ, ЗХЖШ, Төрлийн цэргийн командлал, орон нутгийн удирдлагууд, дайчдын ар гэрийн төлөөлөл оролцов.

Тухайлбал, Алтангадас одонт, хошууч генерал Ч.Самбуугийн нэрэмжит Зэвсэгт хүчний 119 дүгээр ангийн хугацаат цэргийн алба хаагчдын эх орны хүү болсноо батлан тангараглах ёслолд Зэвсэгт хүчний Хуурай замын цэргийн командлагч, бригадын генерал Ч.Цогтжаргал оролцож, баяр хүргэлээ.

Бригадын генерал Ч.Цогтжаргал шинэ дайчдад хандаж “Цэргийн тангараг өргөж байгаа мянга мянган дайчдадаа баяр хүргэе. Таны өргөж байгаа тангарагт төр, ард түмнийхээ өмнө эх орноо батлан хамгаалах ариун үүрэг батгаж байгаа бөгөөд үг, өгүүлбэр бүртээ асар үнэ цэн агуулж байгаа андгай юм” гээд цэргийн албанаас та өөрийгөө олж таних, алсын хараа, ирээдүйгээ тодорхойлох, эх оронч үзлээр цэнэглэгдэх, тэвсэр хатуужилтай болох гээд олон эрхэм чанарыг өөртөө авах болно” гээд албандаа өндөр амжилт гаргахыг ерөөлөө. 

Мөн Байлдааны гавьяаны улаан тугийн болон Алтангадас одонт, БНМАУ-ын маршал Г.Дэмидийн нэрэмжит Зэвсэгт хүчний 186 дугаар ангийн хугацаат албаны дайчдын цэргийн тангараг ёслолд Орхон аймгийн ИТХ-ын дарга Б.Мөнхбат, аймгийн ЗДТГ-ын орлогч дарга А.Түвшинжаргал нарын албаны зочид, байлдагч нарын эцэг эх, ахан дүүс, найз нөхөд оролцов.

Тангараг өргөсөн дайчдын сэтгэгдлийг хуваалцахад “Цэргийн бахдам түүх, бахархам амжилтыг сонсож биш дунд нь орж бүтээлцэж байгаадаа бид баяртай байна. Та бүхнийхээ итгэлийг дааж албаа нэр төртэй хаах болно гэдгээ дайчин уламжлалтай монгол цэргийн ариун жагсаалын өмнө эр цэргийн ёсоор тангараглаж байна” гэсэн юм.

Арга хэмжээний дараа дээрх ангиудад бусад нэгтгэл, ангиудын жишгээр гардан тулаан, жагсаалын үзүүлэх тоглолт, урлагийн тоглолт, хүчит 32 бөхийн барилдаан зохион байгуулагдлаа гэж Батлан хамгаалах яамнаас мэдээллээ.

Дэлгэрэнгүй унших
сурталчилгаа
Чөлөөт цаг2 цаг 52 минут

Санхүүгийн зохицуулах хорооны ээлжит хуралдаан боллоо

Чөлөөт цаг2 цаг 54 минут

Томуугийн вирус таны эргэн тойронд хэр удаан "амьдардаг" в...

Улстөр нийгэм2 цаг 56 минут

Монгол Улс, БНСУ-ын Засгийн газар хоорондын хамтарсан хорооны ээлжит...

Шударга мэдээ2 цаг 59 минут

Өнөөдөр нийслэлийн бүх шатны сургууль, цэцэрлэг цахимаар хичээллэнэ

Чөлөөт цаг3 цаг 2 минут

Улс орон даяар цэргийн тангараг өргөх ёслол боллоо

Чөлөөт цаг3 цаг 4 минут

ТЦА: Халтиргаатай замд хэрхэн автомашин жолоодох вэ

Улстөр нийгэм3 цаг 8 минут

Монгол Улсын Ерөнхийлөгч У.Хүрэлсүх Бүгд Найрамдах Хятад Ард Улсад а...

Улстөр нийгэм3 цаг 12 минут

УИХ: Намын бүлэг, ажлын хэсгүүд хуралдана

Чөлөөт цаг3 цаг 16 минут

Үс шинээр үргээлгэх буюу засуулбал эд, мал арвидна

Шударга мэдээ2022/11/25

Хилийн боомтууд дээр гаалийн салбар лабораторийг байгууллаа

Санал болгох