Бидэнтэй нэгдэх

Улстөр нийгэм

Д.Сумъяабазар: Түгжрэлийн эсрэг төрийн албаныхан манлайлал үзүүлэх хэрэгтэй байна

Огноо:

,

Засгийн газрын өнгөрсөн долоо хоногийн хуралдаанаар Үндэсний дөрвөн хороо байгуулсны нэг нь Хот хөдөөгийн хөгжлийн тэнцвэрийг хангах, төвлөрлийг сааруулах, авто замын түгжрэлийг бууруулах үндэсний хороо юм. Тэгвэл тус хорооны анхны хурал өнөөдөр боллоо.

Хурлаар Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Түгжрэлийн эсрэг төрийн албаныхан манлайлал үзүүлэх хэрэгтэй байна. Холбогдох байгууллагуудад энэ чиглэлээр үүрэг, даалгавар өгсөн. Жилд Улаанбаатар хотын тээврийн хэрэгслийн тоо 70-80 мянгаар нэмэгддэг. Түгжрэлийн асуудлыг 2021-2025 онд цэгцлэхгүй бол, энэ байдал удаан үргэлжилбэл замын хөдөлгөөний хурд зургаан км цаг болж, явган явж байгаагаас ялгаагүй болно. Түүнчлэн хамран сургах тойргийг зөв зохицуулбал түгжрэл тодорхой хэмжээнд буурна. Энэ бол богино хугацаанд хийх ажил” хэмээн ярив.

Хотын дарга Д.Сумъяабазарын яриа: https://youtu.be/g987_CF2zQA

Боловсрол, шинжлэх ухааны сайд Л.Энх-Амгалан “Цэцэрлэг, ерөнхий боловсролын сургууль, их, дээд сургууль гээд боловсролын гурван байгууллагын түвшинд түгжрэлийг бууруулах судалгааг эхлүүлсэн. Энэ хүрээнд 25 цэцэрлэгт 60 ээлжийн багш ажиллуулахаар боллоо. Мөн цэцэрлэг, сургуулийн эхлэх, тарах цагийг зөв зохицуулах ёстой. Түүнчлэн байгууллагын цэцэрлэгийг дэмжих нь  бага зардлаар том асуудлыг шийдэх шийдэл. Гэр хороололд 2-4 айлын газрыг авч, мөн олон хүн амтай орон сууцны хорооллын нэг давхрыг цэцэрлэг, бага сургууль болгох, цэцэрлэг, сургуулийн стандартыг шинэчлэхээр судалж байна. Сургуулийн автобус явуулах нь үр дүнтэй байгаа. Мөн богино хугацааны шийдэл нь сургуулийн хэв шинжийг өөрчлөх. Өөрөөр хэлбэл, нийслэлд 5000-аас олон хүүхэдтэй төрийн өмчийн 10 сургууль бий. Түгжрэл үүсгэж байгаа энэ 10 сургуулийг ойролцоо ачаалал багатай сургуулиудтай нэгтгэж, бага, дунд, ахлах сургуулийн цогцолбор байдлаар хөгжүүлэх боломж байна. Түүнчлэн их, дээд сургуулийн цагийн хуваарийг өөрчлөх хувилбарыг судалж байна” гэв.

Боловсрол, шинжлэх ухааны сайд Л.Энх-Амгалангийн яриа: https://youtu.be/n2kalo_UHt8

Энэ үеэр мөн Ерөнхий сайд Л.Оюун-Эрдэнэ хэд хэдэн асуудлыг судалж, танилцуулах үүрэг өглөө. Тодруулбал,

  • Эхний ээлжид богино хугацааны шийдэлд анхаарах,
  • Төрийн алба хаагчдын тээврийн хэрэгслийн тоо бүртгэлийг гаргах,
  • Орон нутгаас ирж байгаа тээврийн хэрэгслийн зорилгыг тодорхойлох,
  • Түгжрэлийн эсрэг үйл ажиллагааг төсвийн бодлогоор дэмжих арга замуудыг судлах,
  • Хотын төвд барилга барихыг дэмжихгүй, харин хотын захад барилга баривал төсвөөс дэмждэг болох,
  • Хотоос нүүх шийдвэр гаргасан их, дээд сургуулиудад төсвийн дэмжлэг үзүүлэх,
  • Хотын төвөөс ажлын байраа нүүлгэвэл төсвийн дэмжлэг үзүүлдэг болох,
  • Хотоос хөдөө рүү нүүсэн иргэдэд дэмжлэг үзүүлдэг болох,
  • Нийтийн тээврийн асуудлыг хувийн хэвшилтэй хамтарч шийдэх боломжийг судлах,
  • Алхах болон дугуй унахад ээлтэй нөхцөлийг бүрдүүлэх боломжийг судлах,
  • Буруу талдаа жолооны хүрдтэй тээврийн хэрэгслийн импортыг хязгаарлах асуудлыг судлах, цаг хугацааны хувьд хэзээнээс хэрэгжүүлэх боломжтой, үр дүнтэй эсэхийг судлах,
  • Зөрчил гаргасан тээврийн хэрэгслийг замын хөдөлгөөнд оролцуулахыг байх арга үр дүнтэй эсэхийг судлах,
  • Хотын төвийн хэсэгт автомашин гадаа огт зогсдоггүй болгох,
  • Сургуулийн автобусыг түрээслэх аргаар шийдвэрлэх боломжийг судлах,
  • Хотын төвд баригдах барилгуудад зогсоолын стандарт тогтоох,
  • Төрийн алба хаагчдыг ажлын нэг өдөрт цахимаар ажиллуулбал үр дүнтэй эсэхийг судлах,
  • Хотын төвийн гол замуудыг нэг урсгалтай болгох,
  • Түгжрэлийн эсрэг санаачилга гаргасан иргэн, аж ахуйн нэгжийг урамшуулдаг тогтолцоог судлах,
  • 1-р эгнээнд орхисон машины торгууль, шийтгэврийн орлогыг түгжрэлтэй холбоотой ажилд зарцуулдаг болох талаар судлах,
  • Худалдааны төвүүдийн цагийг зөрүүлэх,
  • Хувийн болон төрийн байгууллагын ажлын цагийг зөрүүлэх гэх зэрэг саналууд боломж, үр дүнтэй эсэхийг судалж тогтоох үүргийг Монгол Улсын Ерөнхий сайд Л.Оюун-Эрдэнэ холбогдох албан тушаалтнуудад өгөв. Түүнчлэн богино хугацааны шийдлээ энэ баасан гарагт, дунд хугацааны шийдлээ ирэх долоо хоногийн даваа гарагт танилцуулахыг үүрэг болголоо.
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

1-2 насны хүүхдийг яслийн үйлчилгээнд хамруулан ээжүүдийн хөдөлмөр эрхлэлтийг нэмэгдүүлнэ

Огноо:

,

Монгол Ардын намын дарга, Монгол Улсын Ерөнхий сайд Л.Оюун-Эрдэнэ Сүхбаатар аймгийн Баруун-Урт хотноо тус аймагт ажиллаж, амьдарч буй эмэгтэйчүүдийн төлөөлөлтэй өнөөдөр уулзлаа.

Уулзалтын эхэнд Үндсэн хуулийн өөрчлөлт, шийдвэр гаргалтад нийгмийн төлөөллийг нэмэгдүүлсэн. Жирэмсэн эмэгтэй, гурав хүртэлх насны хүүхэдтэй ажилтныг уян хатан нөхцөлөөр ажиллуулах; албан томилолтоор ажиллуулахыг хориглох; Хөдөлмөрийн гэрээний ажлын бүтэн бус цагаар ажиллуулах, гэрээсээ ажиллах, зайнаас ажиллах төрлүүд нь эмэгтэйчүүд ажил амьдралын хэмнэлээ зохистой зохицуулах боломжийг олгож байгааг хэллээ.

Мөн Монгол Ардын намын сонгуулийн мөрийн хөтөлбөрт бизнес эрхлэгч эмэгтэйчүүдийг дэмжсэн:

  • Бүсийн эдийн засгийн тэргүүлэх чиглэлтэй уялдсан бизнесийн ААНОАТ-ыг 5 хувь болгон бууруулах эрхзүйн орчныг бүрдүүлнэ.
  • Гарааны бизнесийг татварын бодлогоор дэмжих, гурван жилийн хугацаанд татварын хөнгөлөлт эдлэх, шаталсан татвар тогтоох боломжийг бүрдүүлнэ.
  • Хөдөө аж ахуйн салбарыг ашигтай бизнесийн салбар болгох реформ хийж, хөдөө аж ахуйн гаралтай бүтээгдэхүүний үнийг чөлөөлж, нийлүүлэлтийг дэмжинэ гэсэн бодлого туссаныг намын дарга танилцууллаа.

Мөн эхчүүдэд зориулсан төрөлжсөн мэргэжлийн асрах үйлчилгээ үзүүлэх төвийн үйл ажиллагааг хувийн хэвшилтэй хамтран хэрэгжүүлнэ. Хүүхэд харах үйлчилгээний чанар, хүртээмжийг дээшлүүлж, 1-2 хүртэлх насны хүүхдийг яслийн үйлчилгээнд хамруулан ээжүүдийн хөдөлмөр эрхлэлтийг нэмэгдүүлнэ. Цэцэрлэгийн хүүхэд хүлээн авах, тарах цагийг уртасгаж эцэг, эхчүүд ажил хөдөлмөр эрхлэх боломжийг нэмэгдүүлэхээр тусгажээ.

МАН-ын дарга Л.Оюун-Эрдэнэ энэ удаагийн сонгуулийн онцлог, мөрийн хөтөлбөрөө танилцууллаа. Улс төрчид тойрогт, мэргэжлийн экспертүүд жагсаалтад нэр дэвшсэн.  Намын дарга, Ерөнхий сайд тойрогт нэр дэвшсэн нь шинэ хүмүүст боломж олгох зорилготойг онцоллоо. Зүүн бүс нутагтаа хамт нэр дэвшсэн эрхмүүдээ танилцуулж, Ерөнхий сайдаа багаар нь дэмжихийг уриаллаа.

Дэлгэрэнгүй унших

Улстөр нийгэм

Баруун бүсэд нэр дэвшиж буй “Морьтой Аравт” багийнхан Ховдын бизнес эрхлэгчидтэй уулзлаа

Огноо:

,

УИХ-ын сонгуулийн II тойрог буюу баруун бүсийн Ховд, Говь-Алтай, Завхан, Увс аймагт Монгол Ардын намаас нэр дэвшигчид Ховд аймгийн баялаг бүтээгчидтэй уулзлаа. Баруун бүсийн II тойрог 10 мандаттай бөгөөд  Монгол Ардын намаас  Д.Амарбаясгалангийн тэргүүлсэн “Морьтой Аравт” багт С.Бямбацогт, Ч.Хүрэлбаатар, Б.Чойжилсүрэн, Б.Баярсайхан, Э.Болормаа, Ц.Цэрэнпунцаг, З.Мэндсайхан, Б.Заяабал, С.Энхболд нар нэр дэвшиж байгаа юм.  

Бүсчилсэн хөгжлийн реформоор Баруун бүс нутаг өөрсдийн гэсэн зах зээлтэй болж, бүсдээ үйлдвэрлэл эрхлэх боломжийг бий болгох юм. Улаанбаатар хотоос 1000-1600 км-ийн цаана амьдарч буй иргэд заавал хот суурин газар руу шилжих амьдарч буй бүсдээ үйлдвэрлэл эрхлэх боломж олгох нь Монгол Ардын намаас дэвшүүлж буй Бүсчилсэн хөгжлийн реформын гол зорилго юм.

Монгол Ардын намын мөрийн хөтөлбөрт бүс бүрд тохирсон татварын бодлого хэрэгжүүлж, аймаг бүр өөрсдийн онцлогтоо тулгуурлан бүсээрээ хөгжихөөр тусгасан. Бизнес эрхлэгчдийн зүгээс  энэхүү бүсчлэн хөгжүүлэх хөтөлбөрийг дэмжиж буйгаа илэрхийлж байна.

Төр, хувийн хэвшилтэй өрсөлдөхгүй байх зарчмыг УИХ-ын сонгуулийн II тойрогт нэр дэвшигч Д.Амарбаясгалан  уулзалтын үеэр онцолж байлаа. Тэрбээр ЗГХЭГ-ын даргаар ажиллаж буй хугацаандаа хувийн хэвшлийн гүйцэтгэж буй ажлуудыг төр хийхгүй байх, төрийн зарим ажил, үйлчилгээг хувийн хэвшил, мэргэжлийн холбоод руу шилжүүлэх ажлуудыг гардан хийсэн. Цаашид ч энэ бодлого үргэлжилж, хувийн хэвшилд боломж олгох ажлууд тогтвортой хийгдэнэ гэдгийг онцолсон.

Ховд аймагт “Шинэ Ховд” үйлдвэрлэл, технологийн паркийн бүтээн байгуулалтын ажил үргэлжилж байна. 2025 оны улсын төсөвт уг паркийн дэд бүтцийн ажлыг хийх хөрөнгө оруулалтыг тусгаж чадсан. Тус парк ашиглалтад орсноор Баруун бүсдээ хөнгөн үйлдвэрлэл хөгжиж, эцсийн бүтээгдэхүүн гарах боломж бүрдэнэ. “Шинэ хоршоо” хөдөлгөөний хүрээнд байгуулагдаж буй малчдын хоршооноос анхан шатандаа боловсруулсан бүтээгдэхүүнүүд уг паркд нийлүүлэгдэж, байнгын тогтвортой ажиллана гэдгийг нэр дэвшигчид онцолж байна. 

Улсын Их Хурлын сонгуулийн II тойрог буюу Баруун бүсийн Говь-Алтай,  Ховд, Завхан, Увс аймаг 10 мандаттай бөгөөд Монгол Ардын намаас Д.Амарбаясгалан, С.Бямбцогт, Ч.Хүрэлбаатар, Б.Чойжилсүрэн, Б.Баярсайхан, Э.Болормаа, Ц.Цэрэнпунцаг, З.Мэндсайхан, Б.Заяабал, С.Энхболд  нар нэр дэвшиж байгаа юм. Д.Амарбаясгалангийн тэргүүлсэн “Морьтой Аравт”  багийн баруун бүсэд хийж буй уулзалт үргэлжилсээр байна.

 

 

 

 

 

 

 

 

 

 

Дэлгэрэнгүй унших

Улстөр нийгэм

Баянзүрх дүүргийн алслагдсан хороодын иргэдтэй уулзлаа

Огноо:

,

УИХ-ын ээлжит сонгуулийн Vlll тойрог, Баянзүрх дүүрэгт Монгол Ардын намаас нэр дэвшигчид намын мөрийн хөтөлбөрөө танилцуулах уулзалтаа алслагдсан 11, 20, 33 дугаар хорооны иргэд, сонгогчидтой хийлээ. 

Баянзүрх дүүргийн 11, 20, 33 дугаар хороо буюу Хонхор, Гачуурт бол алслагдсан, малчин өрхүүдтэй. Гэвч хөгжлийг алс бус ойр байх зорилгыг дэвшүүлж өнгөрсөн хугацаанд тохижилт, бүтээн байгуулалтын олон ажлыг Баянзүрх дүүрэгт шат шатандаа хэрэгжүүлснээр иргэдэд хөгжлийг ойртуулж чадсан.

УИХ-ын гишүүн Э.Бат-Амгалан, Баянзүрх дүүргийн Засаг дарга Н.Баярмөнх, УИХ-ын гишүүн, Хууль зүй дотоод хэргийн сайд Б.Энхбаяр, УИХ-ын гишүүн, Хөдөлмөр нийгмийн хамгааллын сайд Х.Булгантуяа, УИХ-ын гишүүн Ж.Чинбүрэн нарт алслагдсан хороодын иргэд итгэл хүлээлгэж, дэмжихээ илэрхийлж байлаа. Мөн өнгөрсөн дөрвөн жилийн хугацаанд Баянзүрх дүүрэгт хийсэн ажил, хэлсэн үгтэй нэр цэвэр дээрх нэр дэвшигчдийг Монгол Ардын намаас илгээсэн учраас эхлүүлсэн ажлыг нь дуусгах боломж олгоно гэсэн юм.

 

Дэлгэрэнгүй унших
сурталчилгаа
Улстөр нийгэм2 цаг 1 минут

1-2 насны хүүхдийг яслийн үйлчилгээнд хамруулан ээжүүдийн хөдөлмөр э...

Улстөр нийгэм2 цаг 4 минут

Баруун бүсэд нэр дэвшиж буй “Морьтой Аравт” багийнхан Хо...

Улстөр нийгэм2 цаг 8 минут

Баянзүрх дүүргийн алслагдсан хороодын иргэдтэй уулзлаа

Улстөр нийгэм2 цаг 10 минут

Зүүн бүсийн нэр дэвшигчдийн сонгуулийн зардлын явцын тайланг нийтэд ...

Улстөр нийгэм13 цагын өмнө

Цэрэн “элийрэгч” Уянгыг гадаадынхны гар хөл гэж үзэж буй...

Улстөр нийгэм16 цаг 58 минут

Хан-Уул дүүрэгт Монгол Ардын намаас нэр дэвшигчид МҮХАҮТ болон &ldqu...

Улстөр нийгэм17 цаг 3 минут

Монгол Ардын намын дарга, Ерөнхий сайд Л.Оюун-Эрдэнэ Дорнод аймгийн ...

Улстөр нийгэм17 цаг 7 минут

Баянзүрх дүүргийн алслагдсан хороодын иргэдтэй уулзлаа

Цаг үе17 цаг 27 минут

Туул голын усны түвшин Лүн сум орчмоор 50 см нэмэгдэх хандлагатай ба...

Улстөр нийгэм18 цаг 10 минут

Монгол Улсаас Бүгд Найрамдах Узбекистан Улсад суугаа Элчин сайдын яа...

Санал болгох