Цаг үе
Энхийг дэмжих ажиллагаанд оролцох цагдаагийн алба хаагчдыг үдэх ёслол боллоо
Нэгдсэн Үндэстний Байгууллагын Энхийн ажиллагааны газрын Цагдаагийн албанаас Африк тивийн Бүгд Найрамдах Өмнөд Судан Улс дахь Энхийг дэмжих ажиллагаанд оролцох Монгол Улсын Цагдаагийн байгууллагын 7 алба хаагчийг үдэх ёслолын үйл ажиллагаа өнөөдөр /2021.07.26/ боллоо.
Энэхүү үйл ажиллагаанд Цагдаагийн ерөнхий газрын тэргүүн дэд дарга, цагдаагийн хурандаа Ц.Ням-Очир оролцож хэлсэн үгэндээ: Африк тивийн Бүгд Найрамдах Өмнөд Судан Улс дахь энхийг дэмжих ажиллагаа /UNMISS/-нд эх орноо болон Монголын цагдаагийн байгууллагын бие бүрэлдэхүүнийг төлөөлөн, өргөн бүрэлдэхүүнтэйгээр үүрэг гүйцэтгэхээр болсон та бүхэндээ Цагдаагийн ерөнхий газрын даргын зөвлөлийн нэрийн өмнөөс болон хувиасаа баяр хүргэж, Энхийг дэмжих ажиллагаанд нь амжилт хүсье.
Монгол Улс цагдаагийн байгууллагаас сүүлийн 5 жилийн хугацаанд НҮБ-ын Энхийг дэмжих ажиллагаанд цагдаагийн зөвлөхөөр нийт 19 алба хаагч үүрэг гүйцэтгэсэн бөгөөд одоогийн байдлаар Бүгд Найрамдах Өмнөд Судан болон Бүгд найрамдах Судан улсын дундын бүсэд 1 алба хаагч үүрэг гүйцэтгэж байгаа бөгөөд бусад нь үүргээ амжилттай гүйцэтгээд эх орондоо ирсэн.
Та бүхний томилогдож буй энэхүү Энхийг дэмжих ажиллагаа /UNMISS/-нд 2016 оноос хойш манай байгууллагын нийт 20 алба хаагч томилогдож, хүлээсэн үүргээ нэр төртэйгөөр, амжилттай гүйцэтгэснийг НҮБ-аас өндрөөр үнэлж, уг ажиллагаан дахь Монгол Улсын Цагдаагийн ажилтны орон тоог 8 болгон нэмэгдүүлснээр өнөөдөр ийнхүү өргөн бүрэлдэхүүнтэйгээр оролцох боломж нээгдсэн.
Та бүхнийг цэнхэр дуулгатнуудынхаа залгамж халааг авч, үйл хэргийг нь үргэлжлүүлэн, гаргасан амжилтыг нь бататган, эх орон, цагдаагийн албаныхаа нэр хүндийг өндөрт өргөж энхийн манаанд хүч хөдөлмөрөө дайчлан ажиллана гэдэгт итгэлтэй байна. Аян замдаа сайн явж, зорьсон газраа саадгүй хүрч, хүлээсэн үүргээ нэр төртэйгөөр биелүүлэн, эрүүл энх эргэж ирэхийг хүсэн ерөөе хэмээв.
Монгол Улсын Цагдаагийн байгууллага нь НҮБ-ын мандаттай энхийг дэмжих цагдаагийн ажиллагаанд 2016 оноос оролцож эхэлсэн бөгөөд БНӨСУ, БНСуУ тус хоёр улсын Энхийг дэмжих ажиллагаанд өнөөдрийн байдлаар нийт 20 алба хаагч бие даасан цагдаагийн ажилтнаар үүрэг гүйцэтгээд байгаа юм. БНӨСУ нь 2011 онд тусгаар тогтносноос хойш НҮБ-ын Аюулгүйн зөвлөлийн шийдвэрээр БНӨСУ дахь НҮБ-ын энхийг дэмжих ажиллагаа /UNMISS/ явуулах болсон. Одоогоор дэлхийд явагдаж буй энхийг дэмжих 12 ажиллагаанаас цэрэг, цагдаагийн хүч, төсөв, хамрах хүрээгээрээ хамгийн өргөн цар хүрээтэйд тооцогдож буй уг ажиллагаанд Цагдаагийн байгууллагаас нийт 20 алба хаагч бие даасан цагдаагийн ажилтнаар томилогдон ажиллаж, хүлээсэн үүргээ амжилттай гүйцэтгэсэн нь тухайн ажиллагаан дахь манай улсын цагдаагийн ажилтны орон тоог 8 болгон нэмэгдүүлж, Монголын цагдаагийн ур чадварыг өндрөөр үнэлүүлсэн юм.
Үүргээ идэвх санаачилгатай, үнэнч шударгаар гүйцэтгэн, өндөр зохион байгуулалт, сахилга бат, тэсвэр хатуужлын үнэлгээ, дайчин уламжлалыг улам батжуулж яваа нийт энхийг сахиулагчдадаа цаашдынх нь ажил албанд өндөр амжилт хүсье.
Цаг үе
Томоохон зам, даваануудад хүчтэй цасан шуурга шуурч үзэгдэх орчин хязгаарлагдмал байна
А0603 дугаартай Цэцэрлэг-Тосонцэнгэл-Нөмрөг чиглэл Солонготын даваа, А1102 дугаартай Мөрөн-Улиастай чиглэл Загастайн даваа, А18 дугаартай Нөмрөг-Сонгино-Наранбулаг чиглэл Цагаан дөрөлж/Ялаат/ зэрэг томоохон зам даваанууд болон нийт чиглэлүүдэд хүчтэй цасан шуурга шуурч замын зорчих хэсэгт цасан бүрхүүл тогтож үзэгдэх орчин хязгаарлагдмал байна.
Шуурхай ажлын хэсгүүд шаардлагатай арга хэмжээг авч ажиллаж байгаа тул авто замын хөдөлгөөнд оролцогч жолооч, тээвэрлэгчид анхаарал болгоомжтой зорчино уу.
Онцын шаардлагагүй бол холын замд гаралгүй цаг агаарын нөхцөл байдлын мэдээ мэдээллийг авч замын хөдөлгөөнд оролцоорой гэж ЗАВХАН АЗЗА ТӨХК-иас мэдээллээ.
Цаг үе
Аюулгүй байдлаа хангаагүй 3928 зөрчил илрүүлэн, 545 зөрчлийг арилгууллаа
Нийслэлийн Онцгой байдлын газраас болзошгүй гал түймрээс урьдчилан сэргийлэх, эрсдэлийг бууруулах зорилгоор хэрэгжүүлж байгаа “Эрсдэлгүй Улаанбаатар” аяны хүрээнд өчигдөр ”Хамтдаа шалгаж-Өнтэй өвөлжье” нэгдсэн арга хэмжээг мэргэжлийн байгууллагуудтай хамтран зохион байгууллаа.
Нэгдсэн арга хэмжээгээр Чингэлтэй дүүргийн 12, 16 дугаар хорооны 3300 айл өрхийн аюулгүй байдлыг шалгаж, 3928 зөрчил илрүүлэн, 545 зөрчлийг арилгууллаа.
Үзлэг шалгалтаар илэрсэн зөрчлийг ангилвал:
- Гэр хоорондын зай хэмжээ зөрчигдсөн- 324
- Мухар гудамж- 98
- Өндөрлөг газар буусан- 154
- Хаяг тодорхой бус- 52
- Өндөр хүчдэлийн доор буусан- 101
- Цахилгаан дамжуулах утасны - 318
- Розетка болон олон залгуурын - 273
- Цахилгаан дамжуулах утас олон төрлийн утас холбосон-382
- Пийшин зуух гэмтэлтэй-148
- Яндангийн залгааг буруу хийсэн-184
- Цонолт өгөх магадлалтай-228
- Пийшин зуухны амны доор 700х500мм хэмжээтэй металл хамгаалалт байрлуулаагүй -322
- Түүхий нүүрс хэрэглэж байсан –65
- Яндангаа хөөлөөгүй-165
- Үнс нурмаа, төмөр таглаа бүхий саванд хадгалаагүй- 397
- Угаар мэдрэгч ажиллагаагүй- 242
- Шингэрүүлсэн шатдаг хийн аюулгүй байдал хангагдаагүй- 96
- Цахилгаан халаагуурын аюулгүй байдал хангагдсан эсэх-84
- Цахилгаан дамжуулах утасны чанар муудсан-295 зөрчил илэрсэн байна.
Иргэдэд болзошгүй гал түймэр, цахилгааны ашиглалт угсралтын аюулгүй байдлаа хэрхэн хангах, сайжруулсан шахмал түлшний хэрэглээ, угаарын хийн хордлогоос урьдчилан сэргийлэх мэдлэг мэдээлэл олгож, 2700 санамж, сэрэмжлүүлгийн материал тарааж мэргэжил арга зүйн заавар, зөвлөмж өгч ажиллалаа.
Нийслэлийн Онцгой байдлын газар, төвийн 6 дүүргийн Онцгой байдлын хэлтэс, дүүргийн Цагдаагийн газар, “Таван толгой түлш” ХХК-ийн хяналтын алба, дүүргийн Гэр бүл хүүхэд залуучуудын хэлтэс, дүүргийн Эрүүл мэндийн төв, дүүргийн Улаан загалмайн хороо, Гамшгаас хамгаалах сайн дурын хэсэг, Цахилгаан түгээх сүлжээ Чингэлтэй хэрэглэгчдэд үйлчлэх төвийн нийт 470 гаруй ажилтан, алба хаагч хамтран хяналт шалгалтыг зохион байгуулсан юм.
Эх сурвалж: НОБГ
Цаг үе
Монгол Улсад боловсролын чанарын ялгаа хаана хамгийн их байна вэ
Сэтгэгдэл