Бидэнтэй нэгдэх

Чөлөөт цаг

Өнөөдөр цахилгаан шугам тоноглолд засвар үйлчилгээ хийх хуваарь

Огноо:

,

Өнөөдөр буюу 2019 оны наймдугаар сарын 27-ны Мягмар гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.


БАЯНЗҮРХ ДҮҮРЭГ

⏱ 11:00-16:00 цагт: БЗД 5-р хороо 15-р хороолол, 9/А, Б, 203, 204-р байрууд, Иргэн Нанжиддорж /гутал засвар/, ЖМБО ХХК, УБИС, Ингэт сүү, Стандарт ньюс ХХК-ууд, Баян өргөө СӨХ болон эдгээрийн ойр орчмоор,

СҮХБААТАР ДҮҮРЭГ

⏱ 11:00-16:00 цагт: СБД 9-р хороо Өсөх СӨХ, Өөдөө байгаль, Иргэн Эрдэнэбат, Батмөнх, Сайнзаяа, Юнител ГанэрдэнэСӨХ, Иргэн Сонинцэцэг, Сангийн яамны 60 айл, Олонтүмэн, Чинбат, өнгөт фасад, Хас гоёл болон ойр орчмын хэрэглэгчид.

ЧИНГЭЛТЭЙ ДҮҮРЭГ

⏱ 10:30-20:00 цагт: ЧД 16-р хороо 42, 44, 45, 50-р гудамжууд, Иргэн Гомбодорж, Баттөгс, Буянхишиг, Хатанбаатар, Онги шүтээн, Хайтур ХХК-ууд, Тэгш өлзий ББН эмнэлэг, Сайн хөрш цэцэрлэг болон эдгээрийн ойр орчмоор,

БАЯНГОЛ ДҮҮРЭГ

⏱ 11:00-18:00 цагт: БГД. 4, 5-р хороо 10-р хороолол 46, 47, 47-2, 47-3, 49-5, 49-6, 201, 202, 203, 302, байрууд, тэр орчмын ААН-үүд,

ХАН-УУЛ ДҮҮРЭГ

⏱ 11:00-18:00 цагт: ХУД 7, 10-р хороо Яармагийн 15-22-р гудамж, Хантуул, Ази фарма, Түшээ дунд гол, УСУГ-ын худгууд, 3-р хороо Хүнсний коллеж, Хаан банк болон эдгээрийн ойр орчмоор,

НАЛАЙХ ДҮҮРЭГ

⏱ 10:00-18:00 цагт: НД 2-р хороо Нарлаг, Наадам гудамж, Локаторын ЦА, Мера ХХК.


Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Засварын ажлыг тухайн тоноглолыг хүчдэлээс бүрэн чөлөөлсний дараа хийдэг нөхцөл байдлыг харгалзан үзэж хэрэглээгээ түр зохицуулан, хүлээцтэй хандахыг хэрэглэгч Та бүхнээс хүсье.

Цахим үйлчилгээ: http://my.tog.mn
Мэдээлэл, лавлагаа авах утас: 70047004

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Косовын Засгийн газар Авлигатай тэмцэх ажлын хэсгийг татан буулгалаа

Огноо:

,

Бүгд Найрамдах Косово Улсын Засгийн газар 2020 оны 10 дугаар сарын 19-ний өдөр 10 жилийн турш үйл ажиллагаа явуулсан Авлигатай тэмцэх ажлын хэсгийг татан буулгалаа.

Ажлын хэсэг нь Засгийн газраас хэтэрхий хараат тул үр дүнтэй ажиллах боломжгүй байсан бөгөөд тус ажлын хэсгийг татан буулгах шийдвэр нь эрх мэдлийн хуваарилалтыг сайжруулах зорилготой талаар Засгийн газар мэдээлэв.

Авлигатай тэмцэх ажлын хэсэг нь нийт 30 албан хаагч болон даргын бүрэлдэхүүнтэй ажиллаж байсан бөгөөд Косовын Цагдаагийн газрын Мөрдөн шалгах газарт өөрсдийн үйл ажиллагааг тайлагнадаг байна.

Хууль зүйн сайд Селим Селими тухайн ажлын хэсгийг татан буулгах эсэх талаарх санал хураалтад санал өгөөгүй бөгөөд өөрийн цахим хуудсанд “...Бидэнд илүү сайн төлөвлөгөө хэрэгтэй... Мөн томоохон авлигын хэргийг шалгах ажиллагаанд саад тотгор учруулах эрсдэлтэй.” хэмээн мэдэгджээ.

Косовын Хууль зүйн институт тус шийдвэрийг хяналт шалгалтын эсрэг хийж байгаа улс төрийн үйлдэл хэмээн тодорхойлжээ. Ажлын хэсэг нь 10 жилийн хугацаанд үйл ажиллагаа явуулахдаа хэд хэдэн томоохон авлигын хэргийг шалгаж шийдвэрлэсэн.

Косово Улсад суугаа Европын холбооны Хууль дээдлэх төлөөлөгчийн газар[1] нь тус албыг авлига илрүүлэх, мөрдөн шалгах ажиллагаанд чухал үүрэгтэй байсан талаар дүгнэжээ. Цаашлаад “Ажлын хэсэг нь улс төрд нөлөө бүхий, нэр хүндтэй хүмүүстэй хамааралтай томоохон авлигын хэргүүдээс гадна төрийн өмчийн хувьчлал, нийтэд зарласан тендер зэрэг нийтийн төсөвт 7 сая гаруй еврогийн хохирол учруулсан санхүүгийн ээдрээтэй хэргүүдийг илрүүлэн, мөрдөн шалгасан” тухай ЕХХДТГ-ын Хууль зүйн хяналт шалгалтын тайланд тусгасан байна.

Мөн тайланд тусгаснаар хэд хэдэн өндөр албан тушаалтнууд хэрэг хянан шийдвэрлэх ажиллагаанд саад учруулсан талаар дурджээ. Цаашлаад “Зарим хэргийг мөрдөн шалгах ажиллагааны эхэн үед гацаах хандлага ажиглагдсан байна. Хэрэг нээх ажиллагааг Косовын Тусгай Прокурорын газраас хуульд заасан эцсийн хугацаа хүртэл хойшлуулж байсан нь тухайн хэргийн мөрдөн шалгах ажиллагаанд санаатайгаар хүндрэл учруулж хуульд заасан гэмт хэргийг хөөн хэлэлцэх 2 жилийн хугацааг өнгөрөөх эсхүл өөр төрлийн дарамт үзүүлэх сэдэлтэй байсан байж болзошгүй.” хэмээн тайланд тусгажээ.

ЕХХДТГ-ын тайланд тусгагдсан зөвлөмжид Косово дахь Цагдаагийн авлигатай тэмцэх ажлын хэсгийн үйл ажиллагааг дэмжих нь авлигыг илрүүлэх, мөрдөн шалгахад онцгой ач холбогдолтой талаар дурдсан байна.

Эх сурвалж: exit.al

Дэлгэрэнгүй унших

Чөлөөт цаг

"1000 инженер-ажлын байр 2020" өдөрлөг болно

Огноо:

,

Боловсрол, шинжлэх ухааны яамнаас 6 дахь жилдээ хэрэгжүүлж буй "Инженер, технологийн дээд боловсрол" төсөл “Таны амжилт шийдвэр гаргахаас эхэлнэ” уриан дор "1000 инженер-ажлын байр 2020" өдөрлөгийг 2 дахь жилдээ зохион байгуулах гэж байна.

Өдөрлөгт төслийн хүрээнд Япон Улсад инженерийн чиглэлээр суралцаж 2020 оны 04 дүгээр сард сургуулиа төгсөж эх орондоо ирсэн Коосэн хөтөлбөрийн 23, Бакалаврын хамтарсан хөтөлбөрийн 44 нийт 67 төгсөгч болон ШУТИС-ийн оюутнууд оролцох юм. Япон Улсад суралцсан төгсөгчдийн хувьд Барилга дэд бүтэц, механик, мэдээллийн систем, цахилгаан электроник, архитектур зэрэг мэргэжил эзэмшсэн байна.

Төслийн Коосэн, Бакалаврын хамтарсан хөтөлбөрт хамрагдаж буй оюутнууд Японы Улсад иенийн хөнгөлөлттэй зээлийн хөрөнгөөр 100 хувийн тэтгэлэгтэй суралцаад төгсөж ирээд эх орондоо 5 жил тасралтгүй ажилласан тохиолдолд зээл нь тэтгэлэг болох боломжтой байдаг.

Өдөрлөгт барилга, инженер, мэдээллийн технологи, дэд бүтэц, архитектур, үйлдвэрлэлийн чиглэлээр үйл ажиллагаа явуулдаг монголын томоохон аж ахуйн нэгж байгууллагууд /20 гаруй/ оролцож төгсөгчид болон ШУТИС-д суралцаж буй оюутнуудтай ажлын ярилцлага хийж, сонгон хамтран ажиллах боломжтой.

Зохион байгуулагчдын зүгээс энэхүү өдөрлөгийг дээрх оюутнуудыг ажлын байранд зуучлах, өндөр хөгжилтэй оронд сурч, эзэмшсэн мэргэжил, мэдлэг, ур чадварыг Монгол Улсынхаа хөгжил дэвшилд ашиглах зорилгоор зохион байгуулах гэж байгаа бөгөөд төслийн хүрээнд суралцаж төгссөн төгсөгчдийг хүссэн байгууллагадаа, эзэмшсэн мэргэжлээрээ ажиллах боломж, бололцоог нээж өгч байгаагаараа онцлогтой гэж үзэж байна.

Тус өдөрлөгийг Төсөл хэрэгжүүлэх нэгж, Шинжлэх ухаан, технологийн их сургуультай хамтран 10 дугаар сарын 30-ны өдрийн 10:00-16:00 цагт Шинжлэх ухаан, технологийн их сургуулийн 8 дугаар байрны 12 давхарт зохион байгуулна гэж БШУЯ-наас мэдээллээ. 

Дэлгэрэнгүй унших

Чөлөөт цаг

“Асуудал, шийдэл” сэдэвт хэлэлцүүлэг боллоо

Огноо:

,

“Хэнийг ч хөгжлийн гадна үлдээхгүй” уриан дор “Асуудал, шийдэл” сэдэвт харааны бэрхшээлтэй залуучуудын хэлэлцүүлэг болжлоо. “Монголын хараагүйчүүдийн үндэсний холбоо” төрийн бус байгууллагаас зохион байгуулсан уг хэлэлцүүлэгт УИХ-ын гишүүн Ч.Ундрам, Д.Сарангэрэл, Б.Саранчимэг, Б.Жаргалмаа, Т.Доржханд болон Хөдөлмөр, нийгмийн хамгааллын яам, Боловсрол, шинжлэх ухааны яамны мэргэжилтнүүд, харааны бэрхшээлтэй залуусын төлөөлөл оролцлоо.

Энэхүү хэлэлцүүлгээр боловсролын хүртээмж сэдвийн хүрээнд “Төрөөс хөгжлийн бэрхшээлтэй залууст боловсрол эзэмшүүлэх талаар авч хэрэгжүүлж буй арга хэмжээ”, “Боловсрол эзэмшихэд харааны бэрхшээлтэй залууст тулгамдаж буй асуудал”, Хөдөлмөр эрхлэлтийн хүртээмж сэдвийн хүрээнд “Төрөөс хөгжлийн бэрхшээлтэй залуусын хөдөлмөр эрхлэлтийг дэмжих талаар авч хэрэгжүүлж буй арга хэмжээ” зэрэг сэдвээр илтгэл тавьж, хэлэлцүүллээ. Монгол Улсын хэмжээнд харааны бэрхшээлтэй 11.800 орчим иргэн байдаг. Тэдний 30 хувь нь 18-30 настай хөдөлмөрийн насны иргэн байна. Эдгээр иргэдэд сурах, хөдөлмөрлөх тэгш боломж олгох нь төрийн бодлогын цөм байх ёстой гэдгийг хэлэлцүүлэгт оролцож буй талууд хэлж байна.

Гэвч бодит байдалд өнөөг хүртэл харааны бэрхшээлтэй иргэдэд зориулсан сурах бичиг хүрэлцээгүй, шаардлагатай тоног төхөөрөмж байхгүй, хуулиар олгогдсон хөдөлмөрлөх  эрхээ эдэлж чадахгүй хэвээр байгаа юм. УИХ-ын гишүүд тусгай хэрэгцээт иргэдийн өмнө тулгамдаж буй асуудалд онцгой анхаарч ажиллана гэлээ. УИХ-ын эмэгтэй гишүүд дээрх иргэдийн сурч боловсроход шаардлагатай сурах бичиг, хэрэглэгдэхүүнийг хангах санхүүжилтийн эх үүсвэрийг 2021 оны төсөвт суулгах, хөдөлмөрлөх эрхийг хангах, хууль, эрх зүйн орчныг сайжруулахын төлөө ажиллахаа илэрхийлэв.

Хэлэлцүүлгээс гарсан санал санаачилгыг нэгтгэн УИХ-ын гишүүд болон холбогдох байгууллагуудад хүргүүлэх юм байна.

Дэлгэрэнгүй унших

Санал болгох