Бидэнтэй нэгдэх

Улстөр нийгэм

Банкны тухай хуульд нэмэлт, өөрчлөлт оруулах хуулийн төслийн анхны хэлэлцүүлгийг дэмжлээ

Огноо:

,

УИХ-ын намрын ээлжит чуулганы 2021 оны нэгдүгээр сарын 20-ны өдрийн нэгдсэн хуралдаанаар Банкны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг үргэлжлүүлэв. Уг хуулийн төслийн анхны хэлэлцүүлгийг чуулганы энэ сарын 14-ний өдрийн нэгдсэн хуралдаанаар явуулж, Эдийн засгийн байнгын хорооноос гаргасан зарчмын зөрүүтэй саналуудаар санал хураалт явуулахын өмнө Улсын Их Хурлын гишүүн, Улсын Их Хурал дахь АН-ын бүлгийн дарга Д.Ганбат дээрх хуулийн төсөл нь банк, түүний харилцагч хоорондын асуудлыг хөндөж байгаа учраас Монголбанкны мэдээллийг сонсож нэгдсэн ойлголттой болох, бүлэг дээрээ сайн ярилцаж байр сууриа нэгтгэх, түүнчлэн Байнгын хороо, ажлын хэсгийн хүрээнд дахин сайтар нягтлах шаардлагатай байна гэсэн үндэслэлээр хуулийн төслийн хэлэлцүүлгээс тав хоногийн завсарлага аваад байв.

Намын бүлгийн авсан завсарлагын хугацаа дууссан тул хуулийн төслийг анхны хэлэлцүүлэгт бэлтгэх шатанд Байнгын хорооноос гаргасан зарчмын зөрүүтэй 23 саналын томьёоллоор нэгбүрчлэн санал хурааж шийдвэрлэв. Тухайлбал, төслийн 1 дүгээр зүйлийн 1 дэх заалт буюу 4.2 дахь хэсгийг “Банкны системд нөлөө бүхий банк нь нээлттэй хувьцаат компани хэлбэртэй, бусад банк хувьцаат компанийн хэлбэртэй байна." гэж, төслийн 1 дүгээр зүйлийн 5 дахь заалт буюу 3.1.20 дахь заалтыг “банкны системд нөлөө бүхий банк" гэж банкны хөрөнгө, өр төлбөрийн хэмжээ, төлбөрийн систем дэх гүйлгээний нийт дүнд эзлэх хувь, банкны үндсэн үйл ажиллагаа, санхүүгийн тогтолцоо дахь хамаарал зэрэг шалгуурыг нэгэн зэрэг баримтлан банкны тогтолцоонд нөлөөтэй гэж Монголбанкнаас тогтоосон банкийг”гэж тус тус өөрчлөн найруулах ажлын хэсгийн саналыг Байнгын хорооны хуралдаанд оролцсон гишүүдийн олонх нь дэмжив. Мөн төслийн 2 дугаар зүйлийн "30.3 дахь хэсгийн “бүрэн эрхт төлөөлөгчийн" гэсний дараа “оролцоо", “саналаар” гэсний дараа "хурал, хурлын шийдвэр” гэж" гэснийг “банкны нөхцөлт удирдлага хэрэгжүүлсэн тохиолдолд хувьцаа эзэмшигчийн эрхээс үл хамааран бүрэн эрхт төлөөлөгчийн оролцоо, шийдвэрээр хурал, хурлын шийдвэр хүчин төгөлдөр болно.” гэж өөрчлөн найруулж, 2 дугаар зүйлээс хасаж 3 дугаар зүйлд шилжүүлэхээр тогтов.

Төслийн 2 дугаар зүйлийн 3.1.12 дахь заалтын "хувьцаа эзэмшигчийг" гэсний дараа “банкны хувьцааны эцсийн өмчлөгчийн эрхийг шууд бусаар хэрэгжүүлдэг этгээдийг;” гэж," гэснийг “3.1.12."банкны нөлөө бүхий хувьцаа эзэмшигч” гэж банкны хувьцааны тав ба түүнээс дээш хувийг дангаар болон холбогдох этгээдийн хамт эзэмшиж байгаа этгээд, тэдгээрийн эцсийн өмчлөгч хүн, эсхүл банкны бодлого, шийдвэр болон удирдлагад нөлөөлөхүйц хувьцаа эзэмшигч, түүний эцсийн өмчлөгч хүнийг;" гэж өөрчлөн найруулах саналыг дэмжив. Харин төслийн 2 дугаар зүйлийн "3.1.16 дахь заалтын “хяналт шалгалтаар” гэсний дараа "банкны зохистой засаглал алдагдсан буюу" гэж," гэснийг “3.1.1б.“банкны нөхцөлт удирдлага" гэж Монголбанкны хяналт шалгалтаар банкны зохистой засаглал алдагдсан, эсхүл банк богино хугацаанд хэвийн үйл ажиллагаа явуулах боломжгүй болсон. эсхүл банкны удирдлагыг хэрэгжүүлж байгаа этгээд, албан тушаалтан хуулийг ноцтой зөрчсөн нь банкны үйл ажиллагааг алдагдуулах нөхцөл үүсгэсэн, эсхүл банк их хэмжээний алдагдал хүлээх эрсдэл нэмэгдсэн, төлбөрийн чадвар муудаж байгаа нь тогтоогдсон бол тухайн банкны хэвийн үйл ажиллагааг хангах, санхүүгийн байдлыг нь сайжруулах зорилгоор банкны удирдлага, зохион байгуулалт, санхүү. үйл ажиллагаатай нь холбогдуулан хуульд заасны дагуу Монголбанкнаас авч хэрэгжүүлэх цогц арга хэмжээг;” хэмээн өөрчлөн найруулж, 2 дугаар зүйлээс хасаж 3 дугаар зүйлд шилжүүлэхээр тогтов.

Мөн төслийн 3 дугаар зүйлийн 1 дэх заалт буюу 36 дугаар зүйлийн 36.3-36.11 дэх хэсгийг өөрчлөн найруулж, дугаарыг өөрчлөх, мөн зүйлийн 8 дахь заалт буюу 27.1.2 дахь заалтыг "Энэ хуульд өөрөөр заагаагүй бол банк төлбөрийн чадваргүй болсон, эсхүл төлбөрийн чадваргүй болох гарцаагүй нөхцөл байдал үүссэн тухай Монголбанкны шийдвэр гарсан, эсхүл хувь нийлүүлсэн хөрөнгийн доод хэмжээний шаардлагыг биелүүлээгүй бол;” гэж өөрчлөн найруулахаар боллоо. Түүнчлэн уг хуулийн нэмэлт, өөрчлөлтийг батлагдсан өдрөөс нь эхлэн дагаж мөрдөх ажлын хэсгийн саналыг нэгдсэн хуралдаанд оролцсон гишүүдийн олонх нь дэмжлээ.

Дараа нь Банкны тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн төслийн талаар ажлын хэсгээс гаргасан зарчмын зөрүүтэй саналаар санал хураалт явуулж шийдвэрлэв. Байнгын хорооны ажлын хэсэг Банкны тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн төслийг бүхэлд нь өөрчлөн найруулах санал гаргасан нь дэмжигдлээ. Тухайлбал, банк нь Банкны тухай хуулийн 4.2 болон 36.1-д заасан шаардлагыг хэрэгжүүлэх хугацаа, үнэт цаасаа нийтэд нээлттэй болон хаалттай хүрээнд санал болгох төлөвлөгөө, хувьцааны үнийн төсөөлөл, боломжит хөрөнгө оруулагчдын тандан судалгаа зэргийг тусгасан төлөвлөгөөг баталж, 2021 оны 07 дугаар сарын 01-ний өдөрт багтаан Монголбанк, Санхүүгийн зохицуулах хороонд ирүүлэх, банкнаас ирүүлсэн төлөвлөгөө нь хэрэгжих боломж хязгаарлагдмал, үндэслэлгүй, энэ хуулийн 3 дугаар зүйлд заасан журмын шаардлага хангаагүй бол Санхүүгийн зохицуулах хорооны саналыг үндэслэн Монголбанкны шаардсанаар банк төлөвлөгөөг өөрчлөхөөр тусгажээ.

Түүнчлэн банкийг нээлттэй хувьцаат компани хэлбэрээр өөрчлөн байгуулах, банкны хувь нийлүүлсэн бүтэц, хэмжээг энэ хуульд нийцүүлэн өөрчлөх, энэ хуулийн 1 дүгээр зүйлд заасан төлөвлөгөөг боловсруулах, хэрэгжүүлэх, тайлагнах, хянах түр журмыг Монголбанк, Санхүүгийн зохицуулах хороо хамтран батлах зохицуулалтыг дэмжив. Мөн энэ хууль хүчин төгөлдөр болохоос өмнө байгуулагдсан банк 2022 оны 06 дугаар сарын 30-ны өдрийн дотор холбогдох хуулийн дагуу компанийн хэлбэрээ өөрчилсөн байх, 2021 оны 02 дугаар сарын 01-ний өдрөөр банк байгуулах тусгай зөвшөөрөлтэй банк нь Банкны тухай хуулийн 36.1-д заасан шаардлагыг 2023 оны 12 дугаар сарын 31-ний өдрийн дотор хангасан байхаар зохицуулсан байна. Монголбанк энэ хуульд заасан шаардлагыг биелүүлээгүй банкинд энэ зүйлд заасан арга хэмжээг авахдаа тухайн зөрчил, дутагдал, үүссэн нөхцөл байдал, шаардлагад тохирсон арга хэмжээ авахаар зохицуулах нь зүйтэй гэж гишүүдийн олонх нь дэмжив.

Ингээд хуулийн төслийг эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Халхголчууд Засгийн газрын бодлогыг тогтвортой үргэлжлүүлж, МАН-ыг багаар нь сонгоно гэлээ

Огноо:

,

УИХ-ын сонгуулийн VI тойрог, Зүүн бүсийн Дорнод, Сүхбаатар, Хэнтий аймагт Монгол Ардын намаас нэр дэвшиж байгаа Ерөнхий сайд Л.Оюун-Эрдэнээр ахлуулсан Лхагвасүрэнгийн Соронзонболд, Мөнгөнцогийн Ганхүлэг, Пүрэв-Очирын Анужин, Ухнаагийн Отгонбаяр, Мягмарсүрэнгийн Бадамсүрэн, Цагаанхүүгийн Идэрбат нар сонгуулийн сурталчилгааны уулзалтаа Дорнод аймгийн Халхгол сум болон Ялалт багийн иргэд, сонгогчидтой хийлээ.

Нэр дэвшигчид Монгол Ардын намын мөрийн хөтөлбөр нь бүсчилсэн хөгжлийн бодлоготой салшгүй холбоотой. Энэ удаагийн сонгууль томсгосон тойрог, холимог тогтолцоогоор болж буй онцлогтой. Сүүлийн жилүүдэд Ерөнхий сайдын эхлүүлсэн авлигын эсрэг тэмцэл цааш үргэлжлэх эсэхийг шийдэх түүхэн үүрэгтэй. Өөрөөр хэлбэл, Монгол Улс урагшлах уу, ухрах уу гэдгээ шийднэ. Тэр тусмаа Сэцэн ханчууд Монгол Улсын ирэх дөрвөн жилийн хувь заяаг тодорхойлох, нутгийнхаа хүүг Ерөнхий сайдаар үргэлжлүүлж ажиллуулах эсэхийг шийдэх чухал түүх бүтээх гэж байгааг тэмдэглээд багаар нь сонгохыг иргэдэд уриалав.

Монгол Ардын намын мөрийн хөтөлбөрт зүүн бүс нутгийг түүхэн аялал жуулчлалын бүс болгон хөгжүүлэх, Хэнтий, Дорнод, Сүхбаатар аймгийн Бурхан Халдун, Буйр нуур, Алтан-Овоо зэрэг түүхэн дурсгалт газруудыг холбосон аялал жуулчлалын дэд бүтцийг шинээр байгуулахаар тусгасан. Евро-Азийн эдийн засгийн тээврийн коридорт холбогдох зүүн бүсийн босоо тэнхлэг Эрээнцав, Чойбалсан, Хөөт, Бичигт боомт чиглэлийн 588 км төмөр замыг барих, олон улсын стандартад нийцсэн бүсийн оношилгоо, эмчилгээний төв байгуулах зэрэг мөрийн хөтөлбөрт тусгагдсан ажил, тэдгээрийн ач холбогдлыг танилцууллаа.

Тус сумын нутагт  үйл ажиллагаа явуулдаг “Петрочайна Дачин Тамсаг” ХХК жилд дундажаар 424921,61 тн газрын тос экспортолдог аж. Гэхдээ цаашид тус компанийн орон нутаг, улс оронд өгөх үр өгөөжийг дээшлүүлэх, дэд бүтэц, бүтээн байгуулалтуудад хөрөнгө оруулах шаардлагатай гэдгийг иргэд онцолсон юм. Халхгол сум хойд талаараа БНХАУ-ын Хөлөнбуйр, зүүн талаараа Хянган, өмнөд талаараа Шилийн гол аймгуудтай хиллэдэг. Сүмбэр-Рашаант, Баянхошуу-Өвдөг гэсэн хоёр хилийн боомттой. Засгийн газраас хэрэгжүүлж буй Шинэ сэргэлтийн бодлого, үүнээс Боомтын сэргэлт, Хот, хөдөөгийн сэргэлт, цалин, тэтгэврийн нэмэгдэл, орон нутгийн урамшууллын бодлого зах хязгаар нутагт суугаа иргэдийн амьдрал, орон нутгийн хөгжилд бодитой нөлөөлж буйг ч хэлж байв.

Түүнчлэн тус сумын Ялалт баг түүхэн аялал жуулчлалын гол маршрут болох боломжтой. Аялал жуулчлалыг бүс нутаг, нэгдсэн зохион байгуулалтаар хөгжүүлэх нь зөв гэдэгтэй нутгийн удирдлага, иргэд санал нэгдэж байсан. 

Халхгол сум 3600 гаруй хүн амтай бөгөөд нутгийн иргэд Ерөнхий сайд Л.Оюун-Эрдэнийн тэргүүлсэн Засгийн газар зоримог, маш сайн ажиллаж байгаа учир бодлогоо үргэлжлүүлж ажиллах ёстой. Энэ удаагийн сонгуульд дэвшүүлсэн намын мөрийн хөтөлбөр нь бодитой, жагсаалтаар нэр дэвшиж байгаа 48 хүн нь нэр цэвэр, тойрогт нэр дэвшигчид нь эв нэгдэлтэй, ажил, мэргэжлийн өндөр туршлагатай, бүх талаараа бусад нам, улс төрийн хүчнүүдээс нэр дэвшигчдээс ялгарч байгаа учраас Монгол Ардын намын нэр дэвшигчдийг багаар нь сонгохоо илэрхийлж байлаа.

 

Дэлгэрэнгүй унших

Улстөр нийгэм

Баянзүрх дүүргийн 13, 14, 42 дугаар хорооны иргэд МАН-ын нэр дэвшигчдийг багаар нь дэмжинэ гэв

Огноо:

,

УИХ-ын Vlll тойрог Баянзүрх дүүрэгт Монгол Ардын намаас нэр дэвшигчид тус дүүргийн 13, 14, 42 дугаар хорооны иргэд, сонгогчидтой уулзлаа. УИХ-ын гишүүн Э.Бат-Амгалан, Баянзүрх дүүргийн Засаг дарга Н.Баярмөнх болон УИХ-ын гишүүн, Хууль зүй дотоод хэргийн сайд Б.Энхбаяр, УИХ-ын гишүүн, Хөдөлмөр нийгмийн хамгааллын сайд Х.Булгантуяа, УИХ-ын гишүүн Ж.Чинбүрэн нар нь салбар бүрийг төлөөлж буй Монгол Ардын намын нэр цэвэр улстөрчид учраас дэмжинэ гэдгээ Баянзүрх дүүргийн иргэд, сонгогчид хэлж байна.

Баянзүрх дүүргийн 13, 14, 42 дугаар хороонд дахин төлөвлөлтийн ажил эрчимтэй өрнөж буй. Тиймээс дахин төлөвлөлтийн ажлыг эхнээс нь зөв зохион байгуулалттай, иргэдийн эрх ашгийг хамгаалсан байдлаар зөв зохицуулалттай хийхийг үүрэг болгосон юм.

Мөн Монгол Ардын намаас дэвшүүлж буй мөрийн хөтөлбөрт тусгагдсан “20 минутын хот” буюу иргэд цэцэрлэг, сургууль, цэцэрлэгт хүрээлэн, эмнэлэг, тоглоомын талбай, худалдаа, үзвэр үйлчилгээ, төрийн үйлчилгээ, цагдаагийн үйлчилгээг өөрт ойр буюу 20 минутын зайнаас авах реформыг хийхээр тусгасан. Мөн дэд төвүүдийг шинээр байгуулж гэр хорооллын хөгжлийг дэмжих, дагуул хот байгуулах зэргээр хотын асуудлыг шийдвэрлэх олон ажлыг тусгасан. Баянзүрхчүүд энэ бүгдийг хэрэгжүүлэх, Ерөнхий сайд Л.Оюун-Эрдэнийн үйл хэргийг үргэлжлүүлэх хүсэлтэй байгаа тул Монгол Ардын намаас нэр дэвшигчдийг багаар нь дэмжихээ илэрхийллээ.

Дэлгэрэнгүй унших

Улстөр нийгэм

Ерөнхий сайдын эхлүүлсэн ажлыг үргэлжлүүлэхийн тулд Монгол Ардын намаас нэр дэвшигчдийг багаар нь дэмжинэ

Огноо:

,

Монгол Ардын намын дарга, Ерөнхий сайд Л.Оюун-Эрдэнэ эдийн засгийн 4 жилийн төлөвлөгөөг “Алсын хараа-2050” хөгжлийн бодлого, “Шинэ сэргэлтийн бодлого”-д тулгуурлан Бүсчилсэн хөгжлийн реформ нэртэй зарласан гээд салбар бүрийг төлөөлж буй Монгол Ардын намын нэр дэвшигчдийг багаар нь дэмжихийг Дорноговьчуудад уриаллаа.

Мөн тэрбээр “Энэ удаа та бид авлигачид ялах уу, ард түмэн ялах уу гэдгийг сонгох хариуцлагатай сонголтын өмнө байна. Эдийн засаг унаасай, манай намд ашигтай, эрдэнэт хүний амь эрсдэхийг үүлэн чөлөөний нар гэж эндүүрч буй нөхдөд ард түмэн нэгдмэл бас хүчтэй гэдгээ харуулахын тулд та бүхэн Монгол Ардын намыг, Ерөнхий сайдын багийг багаар нь дэмжээрэй” гэлээ.  

Монгол Ардын нам инженерүүд, эмч, багш, хөгжлийн бэрхшээлтэй иргэдийн төлөөлөл, хилийн чанадад амьдарч буй иргэд, хувийн хэвшил, үйлдвэрчин, Шинжлэх ухааны академийн төлөөллөөс намынхаа жагсаалтад багтаасан. Улстөрчдийг тойрогт, мэргэжлийн экспертүүдийг намын жагсаалтад багтаасан нь шинэ хүмүүст боломж олгохоос гадна улс орны хэтийн хөгжилд хэрэгтэй чухал шийдвэр байсныг дорноговьчууд хэлж, талархан хүлээн авч байв.

Говийн бүсийн тэргүүлэх чиглэл бол (Өмнөговь, Дорноговь, Дундговь, Говьсүмбэр) аж үйлдвэр, эрдэс баялгийн болон сэргээгдэх эрчим хүчний төрөлжсөн бүс, тусгай татвар, палеонтологи, байгаль, шашин, хил орчим, хил дамнасан аялал жуулчлал юм. Мөн ирэх дөрвөн жилд Зүүнбаян-Сайншанд-Баруун-Урт - Хөөт чиглэлийн 249 км төмөр зам барьж, Боомтын сэргэлтийн хүрээнд эхлүүлсэн ажлуудаа үргэлжлүүлнэ. Хог хаягдал ангилан ялгах цех байгуулж, орон сууцны хороолол барихаар төлөвлөснийг Ерөнхий сайд хэллээ.

УИХ-ын сонгуулийн 7-р тойрогт Монгол Ардын намаас нэр дэвшиж буй Б.Дэлгэрсайхан, Ө.Золбаяр, Б.Саранчимэг, Г.Батсуурь, Г.Мөнхцэцэг, Т.Энхтүвшин, Н.Наранбаатар нарыг мөрийн хөтөлбөрөө биелүүлж ажиллахыг иргэд захиж байв. Мөн Ерөнхий сайдын эхлүүлсэн ажлыг үргэлжлүүлэхийн тулд Монгол Ардын намаас нэр дэвшигчдийг багаар нь дэмжихээ дорноговьчууд илэрхийлээ.

Дорноговь аймагт 2016-2024 онд улсын төсөв болон гадаадын зээл, тусламжийн эх үүсвэрээр нийт 1.1 их наяд төгрөгийн хөрөнгө оруулалтын төсөл, арга хэмжээ хэрэгжүүлсэн байна. Тухайлбал, хүүхдийн парк, хүүхдийн зуслан, халдвартын эмнэлэг, ахмадын сувилал, 1000 хүний спорт цогцолбор, Замын-Үүд боомтын зорчигч, ачаа тээврийн цогцолбор зэрэг томоохон бүтээн байгуулалтыг ашиглалтад оруулсан. Алтанширээ суманд стратегийн чухал ач холбогдол бүхий газрын тосны үйлдвэрийн 3 дахь багц ажил эхэлсэн. АШУҮИС-ийн салбар Анагаах ухааны сургуулийн цогцолборын барилгын тендер зарлагдаж, аймгийн Саран хөхөө театрын барилга, Замын-Үүд сумын Соёл урлагийн ордон, Даланжаргалан сумын сургуулийн барилгын төсөл тус тус хэрэгжиж байна.

 

 

Дэлгэрэнгүй унших
сурталчилгаа
Улстөр нийгэм8 цаг 57 минут

Халхголчууд Засгийн газрын бодлогыг тогтвортой үргэлжлүүлж, МАН-ыг б...

Цаг үе9 цаг 5 минут

Монгол Ардын намаас Төвийн бүсэд нэр дэвшигчид Дархан-Уул аймагт ажи...

Улстөр нийгэм9 цаг 13 минут

Баянзүрх дүүргийн 13, 14, 42 дугаар хорооны иргэд МАН-ын нэр дэвшигч...

Улстөр нийгэм12 цаг 13 минут

Ерөнхий сайдын эхлүүлсэн ажлыг үргэлжлүүлэхийн тулд Монгол Ардын нам...

Улстөр нийгэм13 цаг 47 минут

Налайх, Багануур, Багахангай дүүргийн бүтээн байгуулалтыг үргэлжлүүл...

Улстөр нийгэм13 цаг 49 минут

Говьсүмбэрчүүд хийсэн ажил, хэлэх үгтэй нэр дэвшигчдэд итгэл хүлээлг...

Улстөр нийгэм18 цаг 44 минут

Монгол Ардын намаас Сонгинохайрхан дүүрэгт нэр дэвшигчид “Улаа...

Улстөр нийгэм18 цаг 47 минут

Монгол Ардын намаас Хан-Уул дүүрэгт нэр дэвшигчдэд иргэд итгэл үзүүл...

Улстөр нийгэм19 цаг 2 минут

Зүүн бүсийг хөгжүүлэх төлөвлөгөө нь бэлэн учраас Ерөнхий сайдаа бага...

Улстөр нийгэм19 цаг 5 минут

Монгол Ардын намын Ерөнхий Нарийн Бичгийн дарга Д.Амарбаясгалан Завх...

Санал болгох