Шударга мэдээ

Эрдэнэт үйлдвэрийн уурхайчид оны эхнээс үйлдвэрлэлийн төлөвлөгөөт бүх үзүүлэлтээ 100-аас дээш хувиар биелүүлж байна

Огноо:

5 жил 4 сар.өмнө

2020/11/03

Эрдэнэт үйлдвэрийн бүтээлч хамт олон 2020 оны эхний арван сар болон 10 дугаар сарын үйлдвэрлэлийн бүх төлөвлөгөөт үзүүлэлтээ 100-аас дээш хувиар давуулан биелүүллээ. Ил уурхайд өнгөрсөн сард уулын цул гаргалт 2211 мянган метр куб буюу төлөвлөгөөний биелэлт 107.4 хувиар, хөрс хуулалтын гүйцэтгэл 945.9 мянган метр куб буюу биелэлт 117.6 хувиар тус тус давсан үзүүлэлттэй байна. Эдгээрийг оны эхний арван сарын байдлаар авч үзвэл, уурхайчид 21397 мянган метр куб уулын цул гаргаж, төлөвлөгөө 104 хувиар, 9396.6 мянган метр куб хөрс хуулалтын ажил гүйцэтгэж, төлөвлөгөөг 106.8 хувиар биелүүлжээ. Хүдэр олборлолт өнгөрсөн сард 3226 мянган тонн, оны эхний арван сард 30601 мянган тоннд хүрч, төлөвлөгөө 100.9-101.9 хувиар биелсэн байна. Оны эхнээс 413750 тууш метр, өнгөрсөн сард 39150 тууш метр өрөмдлөг хийж, төлөвлөгөө 102.2-103.8 хувиар биелэв. Баяжуулагчид энэ хугацаанд өндөр амжилт гаргаж, өнгөрсөн 10 дугаар сард 2759 мянган тонн хүдэр боловсруулсан бол оны эхний арван сард нийт 27153 мянган тоннд хүргэсэн байна. Төлөвлөгөөний биелэлт 101.1-101.4 хувьтай байна.

Хүдэр дэх зэсийн агуулга оны эхний арван сарын байдлаар 0.461 хувь буюу төлөвлөгөө 100.3 хувь, молибденийн агуулга 0.0171 хувь буюу төлөвлөгөөний биелэлт 115.8 хувьтай байв. Харин өнгөрсөн сарын хувьд хүдэр дэх зэс, молибденийн агуулгын төлөвлөгөө 100.2-157.8 хувийн биелэлттэй байна. Зэс болон молибденийн металл авалтын төлөвлөгөө өнгөрсөн сард 101-114.6 хувийн үзүүлэлттэй бол оны эхний байдлаар 100.4-109.2 хувиар биелсэн дүн гарчээ. Өнгөрсөн сарын үзүүлэлтээр зэсийн баяжмал гаргалтын төлөвлөгөө 102.8 хувь, молибденийн баяжмал гаргалт 179.5 хувьтай байна. Энэ үзүүлэлт оны эхний арван сарын байдлаар харвал, 102-123.5 хувиар биеллээ.

Эрдэнэт үйлдвэрийнхэн өнгөрсөн сард 50065 тонн зэсийн баяжмал ачуулж, төлөвлөгөөг 103.7 хувиар, 483.6 молибденийн баяжмал ачуулж, төлөвлөгөөг 129.4 хувиар, оны эхнээс нийт 484681 тонн зэсийн баяжмал, 4653 тонн молибденийн баяжмал тус тус ачуулж, төлөвлөгөөг 101.7- 116.2 хувиар биелүүллээ. Оны эхний арван сард ачигдсан зэс, молиденийн баяжмалын чанарын төлөвлөгөө 102.2-104 хувь, өнгөрсөн 10 дугаар сарын үзүүлэлтээр зэс, молибденийн баяжмалын чанарын төлөвлөгөө 101.8-101.9 хувиар биелсэн байна.

М.Балжинням
Фото Б.Баттөгс

Уншсан:3778

Дараах мэдээ

Эрдэнэт үйлдвэр 2020 оны хүлээгдэж буй гүйцэтгэлээр 30 гаруй сая ам.долларын нэмэлт орлого олох боломж бүрдлээ

Өмнөх мэдээ

“Goldman Sachs” групп авлигын хэргээс болж шагналт цалингаа танав

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Шударга мэдээ

Өргөдөл, гомдлын шийдвэрлэлт 83.3 хувьтай байна

Огноо:

10 өдрийн өмнө

2026/02/13

Гадаадын иргэн, харьяатын газарт иргэн, албан хаагчаас ирүүлсэн өргөдөл, гомдлыг “Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль”-д заасан шаардлагын дагуу хүлээн авч, шийдвэрлэлтэд хяналт тавьж ажиллалаа.

Энэ оны нэгдүгээр сард байгууллагад нийт нийт 83 өргөдлийг хүлээн авч, 76 өргөдлийг шийдвэрлэлээ. Өргөдөл, гомдлын шийдвэрлэлт өссөн дүнгээр 83.3 хувьтай байгаа бөгөөд хяналтад буюу шийдвэрлэх шатанд 27 өргөдөл байна.

Үүнээс Засгийн газрын иргэд олон нийттэй харилцах 11-11 төвөөс 1 хүсэлт, 4 гомдол шилжүүлснийг хүлээн авч, шуурхай шийдвэрлэв.

Өргөдөл, гомдлыг хүлээн авсан өдрөөс хойш 30 хоногт багтаан шийдвэрлэнэ. Шаардлагатай бол удирдах албан тушаалтан 30 хүртэл хоногоор сунгана. Харин саналын шинжтэй өргөдлийн хариуг 90 хоногт багтаан шийдвэрлэнэ.

Дэлгэрэнгүй унших

Шударга мэдээ

Үндэсний баялгийн сангийн орлогыг нэмэгдүүлэх, хөрөнгийг арвижуулах, зарцуулах талаар иргэдтэй зөвлөлдөнө

Огноо:

11 өдрийн өмнө

2026/02/12

Газрын хэвлийн баялгийн өгөөжийг Үндэсний баялгийн санд төвлөрүүлж одоо ба ирээдүй үеийн иргэн бүрд тэгш, шударга хүртээх, Үндэсний баялгийн сангийн орлогыг нэмэгдүүлэх, хөрөнгийг арвижуулах, зүй зохистой зарцуулах асуудлыг шийдвэрлэх арга замын талаар иргэдтэй зөвлөлдөх, зөвшилцлийг хангах зорилгоор “Зөвлөлдөн шийдье” зөвлөлдөх санал асуулгыг зохион байгуулна.

Төрийн үйл хэрэгт оролцох иргэдийн оролцоог хангах, мэдлэг, мэдээлэл олгох, ил тод, нээлттэй байх зарчмыг баримтлан Зөвлөлдөх санал асуулгын тухай хуулийн дагуу зөвлөлдөх зөвлөгөөнийг энэ оны дөрөвдүгээр сарын 15-ны өдрийн дотор Улаанбаатар хотод Төрийн ордны “Их Монгол” танхимд явуулахаар тогтов.

2024 онд батлагдсан Үндэсний баялгийн сангийн тухай хуульд зааснаар Үндэсний баялгийн сан байгуулах бөгөөд "Үндэсний баялгийн сан" нь газрын хэвлийн баялгийн үр өгөөжийг төвлөрүүлэх, үр ашигтай хөрөнгө оруулалт хийх, одоо ба ирээдүй үеийн иргэн бүрд тэгш, шударга хуваарилах, хуримтлуулах төрөлжсөн сангаас бүрдэх тогтолцоо юм. Энэ хүрээнд 2025 оны эцсийн байдлаар Үндэсний баялгийн сангийн төрөлжсөн сангуудад 6.7 их наяд төгрөг, 2026 оны эцэст 9.6 их наяд төгрөг хүрэх төсөөлөлтэй байна. Энэ бол хууль батлагдан хэрэгжүүлж байгаагийн үр дүнд гарч буй бодит ахиц, дэвшил боловч хуримтлалын үр өгөөж нь иргэн бүрд хэзээ, яаж хүрч мэдрэгдэх нь тодорхойгүй байна. Засгийн газрын гол зорилт бол байгалийн нөөц, баялгаа улс орон, иргэдийнхээ эрх ашигт нийцүүлэн тэгш, шударгаар хүртээж, бодит үр дүнг харуулах явдал. 2030 он хүртэл сангуудын зарцуулалт хийхээргүй байгаа нь эрүүл мэнд, боловсрол, орон сууц, ипотекийн санхүүжилтийн өнөөгийн бодит хэрэгцээтэй нийцэж байна уу гэдгийг бодлогын түвшинд дахин нягтлах шаардлага байна.

Иймээс газрын хэвлийн баялгийн өгөөжийг Үндэсний баялгийн санд төвлөрүүлэх, сангийн орлогыг нэмэгдүүлэх, хөрөнгийг арвижуулах, одоо ба ирээдүй үеийн иргэн бүрд тэгш, шударга хүртээх, зүй зохистой зарцуулах, үр өгөөжийн дийлэнх хувийг ард түмэнд ногдуулах асуудлыг шийдвэрлэх арга замын талаар иргэдтэй зөвлөлдөх, иргэд, олон нийтэд энэ талаар мэдлэг, мэдээлэл өгөх, төрийн үйл хэрэгт оролцох иргэдийн оролцоог хангах зорилгоор Засгийн газраас зөвлөлдөх санал асуулгыг санаачлан явуулах нь зүйтэй гэж үзлээ.

Дэлгэрэнгүй унших

Шударга мэдээ

Таван шарын нүхэн гарц орчимд 90 метр урттай явган хүний гүүрэн гарц барина

Огноо:

13 өдрийн өмнө

2026/02/10

Улаанбаатар хотын авто замын түгжрэлийг бууруулах зорилгоор Таван шар, Геологийн төв лаборатори, “Хермес” төв, Нарантуул захын дөрвөн замын уулзвар гэсэн дөрвөн байршилд нүхэн гарц барихаар төлөвлөсөн. Энэ хүрээнд Таван шарын нүхэн гарцын авто замын зорчих хөдөлгөөнийг 2024 оны есдүгээр сард нээсэн. Үргэлжлүүлэн ногоон байгууламж, замын таних тэмдэг, тэмдэглэгээ, орчны арчилгаа зэрэг дагалдах тохижилтын ажлуудыг гүйцэтгэсэн. Тэгвэл Таван шарын нүхэн гарц орчимд 90 метр урттай явган хүний гүүрэн гарц барихаар бэлтгэл ажлыг хангаж байна. Уг явган хүний гүүрэн гарцыг ирэх зун ашиглалтад оруулах юм.

Гүүрэн гарцтай болсноор явган зорчигчид авто зам, төмөр замын хөдөлгөөнөөс ангид, аюулгүй зорчих боломж бүрдэнэ. Мөн гүүрэн гарцад гурван орц, гарц бүхий рамп, пандусыг байрлуулснаар бүх иргэн тэгш, хүртээмжтэй зорчино. Өөрөөр хэлбэл, явган зорчигч өгсөх, уруудахад огцом налуугүй байх тул хөгжлийн бэрхшээлтэй иргэд, ахмад настан, хүүхдийн тэрэгтэй болон дугуйтай иргэд аюулгүй, тав тухтай зорчино гэж тооцоолжээ.

Ташрамд, Таван шарын нүхэн гарц нь төмөр замын доогуур 169 метр урт, 5.8 метр өндөр, 10.2 метр өргөнтэй хос туннел, иж бүрэн ус зайлуулах систем бүхий инженерийн байгууламж гэдгээрээ Улаанбаатар хотдоо анхдагч бүтээн байгуулалт болж байв.