Бидэнтэй нэгдэх

Чөлөөт цаг

АНУ-ын F, J, I ангиллын визийн журамд өөрчлөлт орох тухай

Огноо:

,

АНУ-ын Дотоодын аюулгүй байдлын яам 2020 оны 9 дүгээр сарын 24-ний өдөр цагаачлалын бус F, J, болон I ангиллын визтэй гадаадын оюутан, солилцооны хөтөлбөрт оролцогч болон хэвлэл мэдээллийн байгууллагын төлөөлөгчид АНУ-д оршин суух хугацаанд тодорхой хугацаа заадаг болох тухай шинэ журмын төсөл танилцууллаа. Энэ нь гадаад улсын иргэд АНУ-ын визийн журмыг зөрчих, хууль бусаар удаан хугацаанд тус улсад оршин суух явдлыг бууруулж, үндэсний аюулгүй байдлаа баталгаажуулахад чиглэгдсэн ажээ.

Одоо хэрэгжиж буй журмаар дээрх 3 ангиллын визтэй иргэд АНУ-ын хилээр нэвтрэх үед паспорт дээр нь “Duration of Status” гэсэн тэмдэглэгээ хийж өгдөг ба ингэснээр тухайн иргэн статусаа хэвээр хадгалж байгаа нөхцөлд АНУ-ыг орхин гарах цаад хугацаа гэж байдаггүй байсан. Тухайлбал, F визтэй оюутан паспорт дээрээ 1 сарын хугацаанд АНУ-д нэвтрэх зөвшөөрөл бүхий визтэй байсан ч АНУ-ын хилээр нэвтрэн орж ирэхэд нь түүнд “Duration of Status” тэмдэглэгээ хийдэг бөгөөд тухайн оюутан сургуульдаа үргэлжлүүлэн сурч, оюутны статусаа хүчинтэй байлгасан тохиолдолд хэлний бэлтгэлээс эхлээд бакалавр, магистр, докторын зэрэг горилох хүртлээ АНУ-д хууль ёсны дагуу амьдрах боломжтой.

Харин энэхүү шинээр танилцуулсан журам хэрэгжиж эхэлбэл, F, J, I визтэй цагаач бус иргэдийг АНУ-ын хилээр нэвтрэх үед 2 жилийн хугацаа дарж өгөх бөгөөд инэгснээр оюутны хувьд урьдын адил өөрийн оюутны статусаа хүчинтэй хэвээр хадгалахын тулд сургуульдаа заавал сурах шаардлагатай ба 2 жилийн дараа АНУ-д оршин суух хугацаагаа давхар сунгуулах шаардлага үүсэх юм.

Шинэ журам нь F, J, I визээр нэвтэрсэн иргэд нь АНУ-д оршин суух хугацаагаа хэтрүүлсэн үзүүлэлт 10%-иас дээш үзүүлэлттэй байгаа 60 гаруй улсын иргэдэд хамаарах аж. Өнөөдрийн байдлаар АНУ-д манай улсаас 2,972 оюутан байдаг бөгөөд АНУ-ын Дотоодын аюулгүй байдлын яамны мэдээгээр 2018 оны байдлаар манай улсаас сурч буй оюутны 13,13%, 2019 оны байдлаар 12,25% нь визийн хугацаагаа хэтрүүлсэн үзүүлэлттэй байна.

Шинэ журмын төсөл батлагдсан тохиолдолд Улаанбаатар дахь АНУ-ын ЭСЯ-наас монгол оюутнуудад олгож буй визийн хугацаа хэвээр байх бөгөөд 2 жилийн дараа АНУ-д байх хугацаандаа буюу эх орондоо заавал буцалгүйгээр визийн хугацаагаа сунгуулах боломжтой.

Одоогоор журмын төслийг олон нийтэд 30 хоногийн турш танилцуулж, санал авах ажил хийгдэж байгаа юм байна.

ГАДААД ХАРИЛЦААНЫ ЯАМ

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Автобусанд бага насны хүүхэд, настай хүмүүсийг дагуулсан зорчигчид ихэсчээ

Огноо:

,

Нийтийн тээврийн үйлчилгээнд өдөрт 06:00-10:00, 17:00-22:00 цагийн хооронд 864 автобус, 10:00-17:00 цагийн хооронд автобусны тоог 50%-иар багасгаж 400 гаруй автобус шугаманд явж байна. Гадаа хүйтэрсэн учраас автобусны халдваргүйжүүлэлтийг 10:00-17:00 цагуудад, оройн буултын дараа хийж байгаа.

Шалгалтын явцад бага насны хүүхэд, настай хүмүүсийг дагуулсан зорчигчид ихэссэн байх бөгөөд зорчигч хоорондын зай зөрчигдөх зөрчил гарсаар байна. Жолооч нар хоорондын зайгаа баримтлах талаар шаардлага тавьж байгаа боловч гадаа хүйтэн дараагийн автобусыг хүлээж чадахгүй гэх шалтгаанаар шаардлагыг биелүүлэхгүй байх хүндрэлүүд гарч байна.

НИЙСЛЭЛИЙН МЭРГЭЖЛИЙН ХЯНАЛТЫН ГАЗАР

Дэлгэрэнгүй унших

Чөлөөт цаг

Өмнөговь аймаг ахмад настангууддаа 2 тонн нүүрс үнэ төлбөргүй олгоно

Огноо:

,

Өмнөговь аймгийн ИТХ-ын шийдвэрээр тус аймагт хэрэгжиж буй "Нутгийн хишиг" хөтөлбөрийн хүрээнд Тавантолгой ХК-тай хамтран тухайн орон нутгийн харьяалалтай 60 болон түүнээс дээш насны ахмад настан тус бүрт 2 тонн нүүрсийг 2020 оны 12 дугаар сарын 01-нээс 2021 оны 02 дугаар сарын 01-ний хооронд үнэ төлбөргүй олгохоор боллоо.

Мөн нүүрсний үнийг хямдруулж уурхайн аман дээрээс 30.800 төгрөг болгон 20 хувиар буурууллаа. Даланзадгад хотын ахмадууд тухайн 2 тонн нүүрсийг талон тараасан өдрөөс эхлэн Таван толгой ХК-ийн нүүрс борлуулах цэгээс авахыг анхаарна уу.
Дэлгэрэнгүй унших

Чөлөөт цаг

Улаанбаатарт өдөртөө 19 хэм хүйтэн

Огноо:

,

Малч­ид, иргэд, тээвэрчдэд зориулсан мэдээ: Ойрын хоногуудад ихэнх нутгаар хүйтэн байна.

2020 оны 12 дугаар сарын 03-ны 08 цагаас 20 цаг хүртэл: Баруун болон төвийн аймгуудын нутгаар солигдмол үүлтэй, Увс нуурын хотгор болон Хэнтийн уулархаг нутгаар ялимгүй цас орно. Бусад нутгаар багавтар үүлтэй, цас орохгүй. Салхи ихэнх нутгаар баруун хойноос секундэд 5-10 метр. Завхан голын эх, Хүрэнбэлчир орчмоор 24-29 хэм, Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Туул, Тэрэлж голын хөндийгөөр 18-23 хэм, Сэлэнгийн сав газар, говийн бүс нутгийн баруун өмнөд хэсэг, цас багатай газраар 6-11 хэм, бусад нутгаар 14-19 хэм хүйтэн байна.

УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 4-9 метр. 17-19 хэм хүйтэн байна.

2020 оны 12 дугаар сарын 04-нөөс 12 дугаар сарын 08-ныг хүртэлх
цаг агаарын урьдчилсан төлөв

5, 6, 7-нд Хангай, Хөвсгөл, Хэнтийн уулсаар цас орно. Салхи их төлөв баруун хойноос секундэд 5-10 метр. Завхан голын эх, Хүрэнбэлчир орчмоор шөнөдөө 38-43 хэм, өдөртөө 24-29 хэм, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр шөнөдөө 30-35 хэм, өдөртөө 18-23 хэм, говийн бүс нутгийн баруун хэсэг болон цас багатай газраар шөнөдөө 16-21 хэм, өдөртөө 7-12 хэм, бусад нутгаар шөнөдөө 22-27 хэм, өдөртөө 15-20 хэм хүйтэн байна.

ЦАГ УУР, ОРЧНЫ ШИНЖИЛГЭЭНИЙ ГАЗАР
УРЬДЧИЛАН МЭДЭЭЛЭХ ХЭЛТЭС

Дэлгэрэнгүй унших
сурталчилгаа

Санал болгох