Бидэнтэй нэгдэх

Чөлөөт цаг

“Kansai electric” компани өмнөх удирдлагуудаа хээл хахуулийн хэргээр шүүхэд өглөө

Огноо:

,

Япон Улсын цахилгаан эрчим хүчний Кансай компани өнгөрсөн мягмар гарагт хээл хахуулийн асуудлаар өмнөх таван удирдлагынхаа эсрэг хохирол барагдуулах нэхэмжлэл гаргаж шүүхэд өгсөн гэдгээ мэдэгдэв.

1.94 тэрбум иен (18 сая ам.доллар)-ийн уг нэхэмжлэлд тус компанийн атомын цахилгаан станцуудын нэг байршиж буй нэгэн хотын орлогч даргатай холбоотой хээл хахуулийн асуудал багтаж байгаа юм.

Фукуи мужийн Такахама хотын орлогч даргад Кансай Электрик компанийн удирдлага болон ажилтнууд нь хээл хахууль өгч өөрийн холбоотой компаниуддаа ажил олж авдаг байсан нь өнгөрсөн 9-р сард тогтоогдсоноос хойш Осака хотод байрлах компани нь шүүмжлэлд өртөж эхэлсэн юм.

Нэр бүхий таван хүн ТУЗ-ийн үүргээ гүйцэтгэж чадаагүй гэсэн дүгнэлтийг даваа гарагт болсон хурлаар тус компанийн аудитын зөвлөлөөс танилцуулсны дараа уг нэхэмжлэлийг Осака хотын шүүхэд гаргасан байна.

Шүүхэд гаргасан нэхэмжлэлийн хариуцагчаар компанийн дарга асан Макото Яги, ерөнхийлөгч асан Шигеки Иване болон Шосуке Мори зэрэг хүмүүс дурдагдсан байна.

Тус компани уг хэргийн улмаас тендерийн үйл ажиллагааг түдгэлзүүлэхтэй холбоотой үйл ажиллагаанд зарцуулсан 879 сая иен (8.19 сая доллар), олон нийтийн итгэлийг сэргээх зорилгоор зар сурталчилгаанд зарцуулсан 284 сая иен (2.64 сая доллар)-ийг хохиролд тооцон тусгасан байна.

Такахама хотын орлогч дарга Иижи Морияамад 1987 оноос хойш гуч гаруй жилийн хугацаанд нийтдээ 360 сая иен (3.35 сая доллар)-ийн дүн бүхий бэлэн мөнгө, бэлэг, хувцасны ваучер, сумогийн тасалбар өгч байсан гэж 3-р сард хөндлөнгийн шинжээчид дүгнэлт гаргасан.

Тус компани өмнө ажиллаж байсан болон одоо ажиллаж байгаа 93 удирдах ажилтан, ажиллагчдаа хээл хахуультай холбоотой хэргээр хариуцлага хүлээлгэсэн байна.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Манлай сумын иргэн У.Пагмадуламынх хувийн байшинтай боллоо

Огноо:

,

2020 оныг Өмнөговь аймгийн хэмжээнд ӨРХ ГЭР БҮЛИЙН ХӨГЖЛИЙН ЖИЛ болгон зарлаж, 22 өрхийг хувийн байшинтай болоход аймгийн ЗДТГ-аас тус бүр 10.000.000 төгрөгийн дэмжлэг үзүүлсэн. Сум, баг зохион байгуулалт хийж айл өрхүүдээ байшинтай болгосоор байна.

Өнөөдрийн билэгт сайн өдөр Манлай сумын У.Пагмадуламынх иж бүрэн хувийн байшинтай боллоо. 3 хүүхдийн хамт амьдардаг өрх толгойлсон ээж бөгөөд сумын Эрүүл мэндийн төвд ажилладаг. Ажилдаа хариуцлагатай, хөдөлмөрч түүнийг сонгож Манлайчууд 7*8 харьцаатай, иж бүрэн хувийн байшинг барьж бүрэн хашаажуулсны зэрэгцээ дотоод тохижилт тавилга, эд зүйлсийг ч шийдэж өгсөн байна.
Дэлгэрэнгүй унших

Чөлөөт цаг

Дархан, Сэлэнгийг газар тариалан, эрчимжсэн мал аж ахуйн бүс нутаг болгоно

Огноо:

,

Ерөнхий сайд У.Хүрэлсүх, Хүнс, хөдөө аж ахуй, хөнгөн үйлдвэрийн сайд З.Мэндсайхан болон албаны хүмүүс 09 дүгээр сарын 18-ны өдөр  Сэлэнгэ аймгийн Цагааннуур суманд зохион байгуулагдсан “Газар тариалангийн салбарын техник, технологийн шинэчлэл-Эрчимжсэн мал аж ахуй” сэдэвт нээлттэй өдөрлөгт оролцов.

Энэхүү өдөрлөгийн үеэр тус аймагт газар, тариалан эрхлэгчид өөрсдийн үйлдвэрлэдэг бүтээгдэхүүнээрээ үзэсгэлэн гаргасан юм. Түүнчлэн газар тариалангийн салбарын техник, тоног төхөөрөмжийн шинэчлэл, ургацын талбай болон агуулах хадгалалтын орчин нөхцөлтэй Ерөнхий сайд У.Хүрэлсүх, Хүнс, хөдөө аж ахуй, хөнгөн үйлдвэрийн сайд З.Мэндсайхан тэргүүтэй хүмүүс танилцсан юм.  Тэд үйлдвэрлэгчидтэй уулзаж, тулгамдаж байгаа асуудлыг сонсч шийдвэрлэх арга замыг эрэлхийлнэ гэдгээ хэлсэн.

 Өдөрлөгт оролцогч Ургамал газар тариалангийн хүрээлэнгийн хувьд техник, тоног төхөөрөмжийн шинэчлэл хийх, хүний нөөцийг чадавхижуулах чиглэлд анхаарч өгөхийг хүслээ.

“Майнд Тэч” компанийнхан энэ өдөрлөгт эх орны хөрсөнд ургуулсан рапс тос, тэжээлийн бүтээгдэхүүнээр оролцсон. Тус компанийн зүгээс рапсаас гаргаж авсан тэжээлийн шимт байдал нь өндөр байгааг хэлж байв. Тиймээс рапс тариалалтын талаар тариаланч болоод иргэдэд зөв ойлголт өгч, бодлогоор дэмжлэг үзүүлэх шаардлагатай байгааг учирлалаа.

Энэ үеэр Сэлэнгэ аймагт өсгөн үржүүлж байгаа мах, сүүний чиглэлийн зарим үүлдрийн үхэр, хонины аж ахуйг үзэж сонирхлоо.  Тариаланчдын зүгээс Дархан, Сэлэнгэ аймгийг газар тариалангийн бүс нутаг болгож, эрчимжсэн мал ахуйг хөгжүүлэхэд сайтар анхаарах хэрэгтэйг хэлж байв. Ингэхгүй бол тариалангийн талбайд бэлчээрийн мал талхлах үзэгдэл гарч байгааг учирлаж байв. Засгийн газрын үйл ажиллагааны хөтөлбөр болон бусад бодлогын баримт бичигт Дархан Сэлэнгэ аймгийг газар тариалангийн бүс нутаг болгохоор тусгасан. Иймд шаардлагатай бүх арга хэмжээг үе шаттай авч ажиллахаа З.Мэндсайхан сайд хэллээ. Харин тариалан эрхлэгчид хөрс хамгааллын асуудалд онцгой анхаарах хэрэгтэйг мөн хэлсэн юм. Өдөрлөгийн төгсгөлд З.Мэндсайхан сайд газар тариалангийн салбарынхантай уулзаж, тэдний санаа бодлыг сонссон юм.

Эх сурвалж: ХХААХҮЯ

Дэлгэрэнгүй унших

Чөлөөт цаг

Улаанбаатарт өдөртөө 16 хэм дулаан

Огноо:

,

Малч­ид, иргэд, тариаланчдад зориулсан мэдээ: Ойрын өдрүүдэд ихэнх нутгаар цаг агаар тогтуун байна.

2020 оны 09 дүгээр сарын 20-ны 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн өмнөд хэсгээр бага зэргийн бороо орно. Бусад нутгаар бороо орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, тал, хээрийн нутгаар секундэд 13-15 метр хүрч ширүүснэ.  Хөвсгөл, Хэнтийн уулархаг нутаг, Хүрэнбэлчир орчим, Тэрэлж, Хэрлэн, Онон, Улз, Халх голын хөндийгөөр 9-14 хэм, Их нууруудын хотгор болон говийн бүс нутгийн өмнөд хэсгээр 17-22 хэм, бусад нутгаар 13-18 хэм дулаан байна.

УЛААНБААТАР ХОТ ОРЧМООР:  Багавтар үүлтэй. Бороо орохгүй. Салхи баруун хойноос секундэд 5-10 метр. 14-16 хэм дулаан байна.

2020 оны 09 дүгээр сарын 22-ноос 09 дүгээр сарын 26-ныг хүртэлх
цаг агаарын урьдчилсан төлөв

22-нд зүүн аймгуудын нутгийн хойд, говийн аймгуудын нутгийн өмнөд хэсгээр, 23-нд  зүүн аймгуудын нутгийн хойд хэсгээр,  25-нд баруун аймгуудын нутгийн зарим газраар, төвийн аймгуудын нутгийн баруун хэсгээр хур тунадас орно. Салхи 22-нд тал, хээрийн нутгаар секундэд 12-14 метр, 24-нд Алтайн салбар уулс болон Арц Богдын өвөр хоолойгоор, 25-нутгийн зарим газраар секундэд түр зуур 18-20 метр хүрч ширүүснэ. 22, 23-нд зүүн аймгуудын нутгаар, 25-нд баруун аймгуудын нутгаар сэрүүхэн байх боловч бусад хугацаанд өдөртөө дулаарч Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Онон, Улз, Халх голын хөндийгөөр шөнөдөө 1-6 хэм хүйтэн, өдөртөө 12-17 хэм, Их нууруудын хотгор болон говийн бүс нутгийн өмнөд хэсгээр шөнөдөө 7-12 хэм, өдөртөө 20-25 хэм, бусад нутгаар шөнөдөө 2-7 хэм, өдөртөө 17-22 хэм дулаан байна.

ЦАГ УУР, ОРЧНЫ ШИНЖИЛГЭЭНИЙ ГАЗАР
УРЬДЧИЛАН МЭДЭЭЛЭХ ХЭЛТЭС

Дэлгэрэнгүй унших
сурталчилгаа
Үзэл бодол5 цаг 48 минут

Н.Баярчимэг: Миний боловсрол Монголд хэрэгтэй

Улстөр нийгэм7 цаг 16 минут

МАН-ын Хяналтын Ерөнхий Хорооны даргаар Б.Баярбаатар томилогдлоо

Чөлөөт цаг15 цаг 21 минут

Манлай сумын иргэн У.Пагмадуламынх хувийн байшинтай боллоо

Улстөр нийгэм15 цаг 29 минут

Гадаад харилцааны сайд Н.Энхтайван ОХУ-д албан ёсны айлчлал хийж бай...

Чөлөөт цаг15 цаг 35 минут

Дархан, Сэлэнгийг газар тариалан, эрчимжсэн мал аж ахуйн бүс нутаг б...

Улстөр нийгэм15 цаг 38 минут

Ерөнхийлөгч Х.Баттулга Өлгий сумын бүтээн байгуулалтын ажлын явцтай ...

Улстөр нийгэм15 цаг 41 минут

Ерөнхийлөгч Х.Баттулга “Азат Халал” махны үйлдвэрээр зоч...

Шударга мэдээ15 цаг 45 минут

Баян-Өлгий аймгийн 548 ээж “Эхийн алдар” одон хүртлээ

Улстөр нийгэм15 цаг 48 минут

Монгол Улсын Ерөнхийлөгч Х.Баттулга Баян-Өлгий аймагт ажиллалаа

Чөлөөт цаг15 цаг 53 минут

Улаанбаатарт өдөртөө 16 хэм дулаан

Санал болгох