Бидэнтэй нэгдэх

Чөлөөт цаг

18-25 насны залуусын майхант зуслан зохион байгуулагдана

Огноо:

,

Галзуу эрх чөлөө, адал явдал, шинэ найз нөхөд, мэдлэг мэдээллийг нэг дор багтаасан энэ зуны залуучуудын хамгийн том майхант зусланд оролцолгүй өнгөрвөл харамсаад барашгүй.

Найз нөхдөөрөө агаар салхинд гарах гээд төлөвлөөд л байна уу?  

Өдөр болгон сонирхолтой арга хэмжээ, хөтөлбөртэй майхант цугларалтад найз нөхдөөрөө нэг баг болж орох сайхан боломж байна. Учир нь Монголын Скаутын Холбооноос 4 жилд нэг удаа зохион байгуулдаг 18-25 насны залуучуудын зуслан цугларалт буюу “Ровермүүт” 2019 оны 7 дугаар сарын 2-6-ны өдрүүдэд Төв аймгийн Батсүмбэр сум “Скаут-Эко” зусланд зохион байгуулагдах гэж байна.

Ровермүүтийн үйл ажиллагаа нь адал явдалт, нийгмийн хөгжлийн гэсэн 2 үндсэн хэсгээс бүрдэх бөгөөд бусад үеэр хотхон дунд зохион байгуулагдах тэмцээн уралдаан, шоу тоглолтууд, галын наадамд оролцох, чөлөөт цагаараа спорт болон хөлөгт тоглоомуудаар тоглох боломжтой юм. Хоол хүнс, аюулгүй байдал, унаа тээвэрлэлтэд санаа зоволгүйгээр зүгээр л найзуудаараа ирэхэд хангалттай. Таныг олон төрлийн үйл ажиллагаа, зохион байгуулагч баг хамт олон хүлээж байна.

Холбоо барих утас: 11324171, 88151131, 88244125





Дэлгэрэнгүй унших
сурталчилгаа

Сэтгэгдэл

Чөлөөт цаг

Таван зуун кг сайжруулсан түлш тээвэрлэж явсан зөрчил илрүүллээ

Огноо:

,

Хоногийн /2019.11.14/ хугацаанд хяналт, шалгалтаар сайжруулсан түлш зөөж тээвэрлэсэн 1 зөрчлүүдийг илрүүлэн шалгаж, тээврийн хэрэгслийг түр саатууллаа.

- СХД-ийн 21-р хороо 361 гарамын замд Kia Bongo маркийн автомашины жолооч Н нь 500 кг сайжруулсан түлш тээвэрлэж явсныг илрүүлсэн байна.

Иймд иргэд та бүхнийг Нийслэлийн засаг даргын 2019.10.24-ний өдрийн А/1118 дугаар захирамжид заасны дагуу агаарын чанарыг сайжруулах бүс рүү түүхий нүүрс нэвтрүүлэхгүй, сайжруулсан шахмал түлшийг бүсээс гаргахгүй байхыг Тээврийн цагдаагийн албанаас анхааруулж байна.

Эх сурвалж: ТЦА

Дэлгэрэнгүй унших

Чөлөөт цаг

Нийслэлд өнөөдөр архи, согтууруулах ундаа худалдах, түүгээр үйлчлэхийг хориглолоо

Огноо:

,

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Хууль тогтоомж, стандартын хэрэгжилтийг хангах зарим арга хэмжээний тухай захирамж гаргалаа.

Захирамжид “Холбогдох хууль тогтоомж, стандартын биелэлт, тохижилт, цэвэрлэгээний шаардлагыг хангуулах чиглэлээр худалдаа, үйлчилгээний газруудад хийсэн аттестатчиллын шалгалтын мөрөөр гүйцэтгэлийн хяналт хэрэгжүүлэхтэй холбогдуулан 2019 оны 11 дүгээр сарын 15-ны өдрийн 08:00-22:00 цагийн хооронд Улаанбаатар хотын нутаг дэвсгэрт архи, согтууруулах ундаа худалдах, түүгээр үйлчлэхийг түр зогсоож, хэрэгжилтэд хяналт тавьж ажиллахыг Нийслэлийн Цагдаагийн удирдах газар /Д.Ядамдорж/, Нийслэлийн Мэргэжлийн хяналтын газар /Л.Эрдэнэчулуун/, дүүргүүдийн Засаг дарга нарт тус тус үүрэг болгосугай” гэжээ.

Дэлгэрэнгүй унших

Чөлөөт цаг

Улаанбаатарт өдөртөө 4 хэм хүйтэн

Огноо:

,

Малчид, ард иргэд, тээвэрчдийн анхааралд: 16, 17-нд ихэнх нутгаар цас орж, хүчтэй цасан шуурга шуурч, хүйтний эрч чангарах тул хальтиргаа гулгаа ихэсч, зам, даваа гүвээ хаагдахыг онцгойлон анхааруулж байна.

2019 оны 11 дүгээр сарын 15-ны 08 цагаас 20 цаг хүртэл: Ихэнх нутгаар үүлшинэ. Баруун болон төвийн аймгуудын нутгийн хойд хэсгээр цас орж, зөөлөн цасан шуурга шуурна. Бусад нутгаар цас орохгүй. Салхи ихэнх нутгаар баруун өмнөөс секундэд 7-12 метр, Алтайн салбар уулс болон Арц-Богдын өвөр хоолойгоор секундэд 15-17 метр хүрч ширүүснэ. Их нууруудын болон Дархадын хотгор, Хангай, Хөвсгөл, Хэнтийн уулархаг нутаг, Тэс, Тэрэлж, Хэрлэн, Онон, Улз, Халх голын хөндийгөөр 6-11 хэм хүйтэн,  говийн бүс нутгийн өмнөд хэсгээр 4-9 хэм дулаан, бусад нутгаар 2-7 хэм хүйтэн байна.

УЛААНБААТАР ХОТ: Үүлшинэ. Цас орохгүй. Салхи баруун өмнөөс секундэд 7-12 метр. 2-4 хэм хүйтэн байна.

2019 оны 11 дүгээр сарын 16-наас 11 дүгээр сарын 20-ныг хүртэлх
цаг агаарын урьдчилсан төлөв

16-нд баруун болон төвийн аймгуудын ихэнх нутаг, зүүн аймгуудын нутгийн баруун хэсгээр, 17-нд нутгийн зүүн хагаст, 18-нд зүүн аймгуудын нутгийн зүүн хэсгээр цас орно. Салхи 16-нд ихэнх нутгаар, 17-нд говь, талын нутгаар секундэд 18-20 метр, зарим үед секундэд 24 метр хүрч  хүчтэй цасан болон шороон шуурга шуурна. 16-нд нутгийн баруун хагаст, цаашдаа ихэнх нутгаар хүйтний эрч чангарч Дархадын хотгор, Хөвсгөл, Хэнтийн уулархаг нутаг, Хүрэн бэлчир орчим, Завхан голын эх, Идэр, Тэс голын хөндийгөөр шөнөдөө 35-40 хэм, өдөртөө 22-27 хэм,  Алтай, Хангайн уулархаг нутаг, Орхон, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 30-35 хэм, өдөртөө 16-21 хэм, говийн бүс нутгийн өмнөд хэсгээр шөнөдөө 17-22 хэм, өдөртөө 8-13 хэм, бусад нутгаар шөнөдөө 23-28 хэм, өдөртөө 12-17 хэм хүйтэн байна. 19-нөөс ихэнх нутгаар хүйтний эрч бага зэрэг суларна.

Дэлгэрэнгүй унших

Санал болгох