Цаг үе
БНТУ-ын 12 мужид их хэмжээний цас орж, огцом хүйтэрчээ
БНТУ-ын төвийн бүсэд хамаарах 12 мужид их хэмжээний цас орж, агаарын хэм шөнөдөө 10, өдөртөө 4 хэмд хүрч огцом хүйтэрчээ. Үүний улмаас хот хоорондын авто замуудад 787 тээврийн хэрэгсэл цасанд боогдож, арван хоёр мужийн сургууль, цэцэрлэгийн үйл ажиллагааг бүрэн хаасан байна.
Цаашид Кайсери, Малатия, Сивас зэрэг хотод 20-30 см зузаан цас орох төлөвтэй байгаа учраас орон нутгийн Цаг агаарын байгууллагаас улбар шар түвшний сэрэмжлүүлэг зарлаж, оршин суугчдыг шаардлагагүй үед холын замд хөдөлгөөн үйлдэхгүй байх, гадагшаа гарахдаа дулаан хувцаслахыг анхаарууллаа гэж ОБЕГ-аас мэдээллээ.

Цаг үе
Шөнийн автобус 22:00-02:00 цагийн хооронд үйлчилж байна
Шөнийн автобус өдөр бүр 22:00-02:00 цагийн хооронд иргэдэд үйлчилж байна.
ШҮ:1 5 шар-Офицеруудын ордон
ШҮ:2 Сүхбаатарын талбай-Нисэх
ШҮ:3 Зунжин худалдааны төв-Сүхбаатарын талбай
ШҮ:4 Сүхбаатарын талбай-Чингис хаан ОУНБ

Цаг үе
Сэлбэ голын түшиц хана болон тохижилтын ажил 75 хувьтай үргэлжилж байна
Сэлбэ голын түшиц хана болон тохижилтын ажлын нийт явц 75 хувьтай үргэлжилж байна. Ажлын явцын талаар УБЗАА-ны Хотын инженерийн дэд бүтцийн газрын дарга Л.Алтангэрэл мэдээлэл өглөө.
УБЗАА-ны Хотын инженерийн дэд бүтцийн газрын дарга Л.Алтангэрэл “2023 онд Сэлбэ гол үерлэж Сүхбаатар дүүргийн 1, Баянзүрх дүүргийн 45 дугаар хороо орчмын 80 гаруй орон сууцны зоорьны давхар усанд автаж байсан.
Тухайн үед 40 тэрбум төгрөгийн шууд бус хохирол учирч байв. Бид иргэдийн амь нас, эд хөрөнгийг хамгаалахын тулд голын эрэг дээр байсан “S Outlets” дэлгүүрийг буулгаж, 1.4 км урттай түшиц хананы ажлыг эхлүүлсэн. Түшиц ханын бетон хийцлэлийн ажил бүрэн дууссан. Өнөөдрийн байдлаар гадна эрэг болон голын эрэг дагуух тохижилт бүтээн байгуулалтын ажлууд үргэлжилж байна.
Сэлбэ голын голдирол дахь Дамбадаржаа, Долоон буудалын орчим 160-200 метр орчим өргөн байдаг бол Сүхбаатар дүүргийн 1, Баянзүрх дүүргийн 45 дугаар хороо орчимд 40-50 метр өргөнтэй болсон байдаг. Тиймээс түшиц ханыг барих ёстой болсон юм” гэлээ.
“Силла констракшн” ХХК-ийн ерөнхий менежер Х.Халиун “Ногоон байгууламжийн ажил 14 хоногийн өмнө эхэлсэн. Үрслэгээ, газар шорооны ажил, олон настын үр суулгах, зүлгээ хамгаалах зэрэг ажлыг хийж байна. Нийт 8378 ам метр талбайд ногоон тохижилтын ажил хийх төлөвлөгөөтэй. Үүнээс 3000 гаруй ам метр талбайд ногоон зүлэг тарьсан. Үрслэгээ хийснээс хойш зүлэг 21 хоног арчилж байж бүрэн ургадаг” гэлээ.




Цаг үе
Монгол Улсын Үндсэн хуулийн цэцийн их суудлын хуралдаан болов
Монгол Улсын Үндсэн хуулийн цэцийн их суудлын хуралдаан болов. Монгол Улсын Үндсэн хуулийн цэцийн 2026 оны 05 дугаар сарын 27-ны өдрийн их суудлын хуралдаанаар Улсын Их Хурлаас 2021 оны 01 дүгээр сарын 15-ны өдөр баталсан Монгол Улсын шүүхийн тухай хуулийн 36 дугаар зүйлийн 36.7 дахь хэсгийн “Улсын дээд шүүхийн Ерөнхий шүүгчийг Улсын дээд шүүх санал болгосноос хойш Ерөнхийлөгч 14 хоногийн дотор зургаан жилийн хугацаагаар, зөвхөн нэг удаа томилно.” гэсэн заалтын “… зөвхөн нэг удаа …” гэсэн хэсэг нь Монгол Улсын Үндсэн хуулийн цэцийн 2016 оны 12 дугаар дүгнэлтийн дагуу хүчингүй болсон зохицуулалтыг агуулгаар нь дахин сэргээсэн гэж үзэн Монгол Улсын шүүхийн тухай хуулийн 36 дугаар зүйлийн 36.7 дахь хэсгийн “… зөвхөн нэг удаа …” гэсэн хэсгийг хүчингүй болгон шийдвэрлэж, Үндсэн хуулийн цэцийн 2026 оны 03 дугаар тогтоол гаргалаа гэж Монгол Улсын Үндсэн хуулийн цэцээс мэдээллээ.
-
Улстөр нийгэм2021/10/25
Хийн хоолойн төслийн асуудлаар “Газпром” НХН-ийн Удирдах зөвлөлийн о...
-
Урлаг спорт2021/04/13
П.Буяндэлгэр Азийн бөхийн холбооны Ерөнхий нарийн бичгийн даргаар сонгогдов
-
Улстөр нийгэм2021/03/06
Ерөнхий сайд Төв аймгийн хорих ангид очиж, эрүүдэн шүүлтэнд өртсөн Т.Чимгээтэй у...
-
Цаг үе2023/01/05
Үс шинээр үргээлгэх буюу засуулбал эд, мал арвидна
