Урлаг спорт

Өвөрмонголчууд Б.Чинбат, Ц.Сарнай нарын эмчилгээнд 45 сая төгрөг хандивлажээ

Огноо:

4 жил 4 сар.өмнө

2020/01/16

"Sweetymotion” хамтлагийн продюссер, "Никитон” хамтлагийн даралтат хөгжимчин, төгөлдөр хуурч Б.Чинбат элэгний хатуурлын улмаас яаралтай мэс засалд орж, түүний гэргий Ц.Сарнай донор нь болсон билээ. Хэдийгээр хагалгаа амжилттай болсон ч хагалгааны дараах эмчилгээ нь эрсдэлтэй учраад байгаа юм.

Иймээс уран бүтээлчид аян өрнүүлж, халуун сэтгэлийн гараа сунгасаар буй.

Сүүлд ӨМӨЗО-ны уран бүтээлчид нэгдэн хосуудын эмчилгээний зардалд 112,935 мянган юан буюу 45 сая гаруй төгрөгийг цуглуулан хандивлажээ.

Аяныг ӨМӨЗО-ны хөгжмийн зохиолч, СТА н.Ашидаа, ӨМӨЗО-ны “Хөх хээр” хамтлагийн дуучин, СТА Ж.Үндэс нарын санаачлан өрнүүлсэн аж."Хос зүрхээ хамгаалъя" сайн үйлсийн аяны хүрээнд Өвөрмонгол, Дээд Монгол, Шинжааны Монголчууд, АНУ, Япон болоод БНХАУ-ын уран бүтээлч найзуудаас эхлээд, энгийн иргэд, хөдөөний малчин тариачид хүртэл хамрагдсан байна.

Хандивын аянд нэгдэхийг хүсвэл Ц.Сарнайгийн Хаан банкин дахь 5212071351 данс руу шилжүүлэг хийж уран бүтээлчдэд өглөгийн гараа сунгаарай.

Сэтгэлийг өглөг багадахгүй.

Уншсан:2139

Дараах мэдээ

Сонгуулийн бэлтгэл ажлын талаар мэдээлэл хийлээ

Өмнөх мэдээ

Хөгжмийн зохиолч Б.Чинбатын эмчилгээний зардалд зориулан Засгийн газраас 10 сая төгрөгийн дэмжлэг үзүүлнэ

Дэлгэрэнгүй унших

Урлаг спорт

Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд оролцоно

Огноо:

5 цаг 4 минут

2024/04/29

Туркийн Станбул хотноо ирэх тавдугаар сарын 9-12-ны өдрүүдэд зохион байгуулагдах олимпын эрх олгох сүүлчийн буюу дэлхийн эрхийн тэмцээнд Монголын сонгомол бөхийн холбооны 2 тамирчин, дасгалжуулагчийн хамтаар оролцоно.

Тодруулбал, 60 кг-д Батхуягийн Мөнх-Эрдэнэ, 97 кг-д Балтмөнхийн Бадамдорж нар дасгалжуулагч С.Мөнхсүхийн удирдлага дор олимпын эрхийн төлөө өрсөлдөх гэж байна.

Б.Мөнх-Эрдэнэ хэдхэн хоногийн өмнө өндөрлөсөн бөхийн чөлөөт барилдааны олимпын эрх олгох Азийн бүсийн тэмцээнд амжилттай оролцож хагас шигшээд шалгарсан бол Б.Бадамдоржийн хувьд сонгомол бөхийн ААШТ-д хүрэл медалийн төлөө барилдаж, V байрт шалгарч байсан гэж Монголын чөлөөт бөхийн холбооноос мэдээллээ.

Дэлгэрэнгүй унших

Урлаг спорт

Д.Цолмон пара туялзуур сэлэмний Ази тивийн хүрэл медалийн болзол хангалаа

Огноо:

4 өдрийн өмнө

2024/04/25

Тайланд улсад ᠋пара туялзуур сэлэмний “Парис-2024” зуны паралимпын эрхийн оноо олгох Ази тивийн аварга шалгаруулах тэмцээн болж байна.

Тэмцээнд манай улсаас дасгалжуулагч М.Мөнхтулга, Б.Гэрэлмаа нарын удирдлага дор эрэгтэй дөрөв, эмэгтэй гурван тамирчин өрсөлдсөнөөс эмэгтэйчүүдийн ангилалд Дамбийбалжирын Цолмон хүрэл медалийн төлөөх тулаанд Хонгконгийн тамирчныг (13:10) буулган авснаар Ази тивийн аварга шалгаруулах тэмцээний хүрэл медалийн болзол хангалаа.

Түүний энэ амжилт Монголын пара туялзуур сэлэмний спортын түүхэн дэх Ази тивийн анхны медаль. Тэрбээр удахгүй мөнгөн медалийн төлөө Тайландын домогт тамирчин, паралимп, ДАШТ, Азийн АШТ-ий алтан медальт Жианатай тулалдана.

Д.Цолмон өнгөрсөн онд БНХАУ-ын Ханжоу хотод болсон Азийн зуны паралимпын наадамд ялалт байгуулсан анхны монгол тамирчин болж байсан ба туялзуур сэлэмний спортоор тав дахь жилдээ хичээллэж байна гэж Биеийн тамир, спортын улсын хорооноос мэдээллээ.

Дэлгэрэнгүй унших

Урлаг спорт

Улаанбаатар хотноо олон улсын бүжигчдийн тэмцээн болно

Огноо:

7 өдрийн өмнө

2024/04/22

НЗДТГ дэмжлэгтэйгээр “World Ballet and Dance Grand Prix Mongolia – 2024” дэлхийн хэмжээний тэмцээн Улаанбаатар хотноо дөрөвдүгээр сарын 22-29-ний өдрүүдэд Соёлын төв өргөөнд болох гэж байна. Монгол Улсад анх удаа зохион байгуулагдах гэж буй энэхүү тэмцээнд Орос, Казакстан, Америк, Сингапур, Солонгос, Монгол, Япон, Эстони, Хятад, Филиппин Улсын зэрэг олон улсын шилдэг бүжигчид оролцох юм.

Тэмцээний хөтөлбөр:

04.22-нд: Нээлтийн тоглолт;
04.23, 24, 25-нд: Сонгодог урлагийн тэмцээн;
04.26, 27, 28-нд: Этник болон контемпорари бүжгийн тэмцээн;
04.29-нд: Хаалтын буюу “Гала” тоглолт.

Гала тоглолтод:

Казакстан Улсын Астана операгийн тэргүүн гоцлооч, дэлхийн од Бахтияар Адамжан;
ОХУ-ын Большой театрын тэргүүн гоцлооч, дэлхийн од Элизавета Кокорева;
ОХУ-ын Красноярск хотын Годенкогийн нэрэмжит Бүжгийн Эрдмийн Чуулгын гоцлол;
Филиппин Улсын шилдэг бүжигчин, “DPP Dance” театрын захирал Мариахао;
Филиппин Улсын “DPP Dance” театрын бүжиг дэглээч, гоцлооч Акира Лидиа Абао зэрэг бүжгийн урлагийн одууд оролцоно.