Бидэнтэй нэгдэх

Улстөр нийгэм

Улсын дээд шүүхийн шүүгчийн болон анхан шатны шүүхийн шүүгчийн албан тушаалд зарим хүнийг томиллоо

Огноо:

,

Монгол Улсын Ерөнхийлөгч Х.Баттулга Улсын дээд шүүхийн шүүгчийн албан тушаалд томилох тухай, Шүүгчийн албан тушаалд шилжүүлэн томилох тухай, Зарим хүмүүсийг анхан шатны шүүхийн шүүгчийн албан тушаалд томилох тухай зарлиг гаргалаа. Зарлиг гаргасантай холбогдуулан 2019 оны 12 дугаар сарын 30-ны өдөр Төрийн ордны Ёслол хүндэтгэлийн Их танхимд Монгол Улсын Ерөнхийлөгч Х.Баттулга шүүгч нарт шүүгчийн үнэмлэхийг нь гардуулж өгөв.

Улсын дээд шүүхийн шүүгчийн албан тушаалд томилох тухай зарлигт:

“Монгол Улсын Үндсэн хуулийн Тавин нэгдүгээр зүйлийн 2, Монгол Улсын Ерөнхийлөгчийн тухай хуулийн 9 дүгээр зүйлийн 1, 12 дугаар зүйлийн 16, Шүүгчийн  эрх зүйн байдлын тухай хуулийн 15 дугаар зүйлийн 15.1 дэх хэсгийг тус тус үндэслэн ЗАРЛИГ БОЛГОХ нь:

Болдын Амарбаясгаланг Улсын дээд шүүхийн шүүгчийн албан тушаалд томилсугай” гэжээ.

Зарим хүмүүсийг анхан шатны шүүхийн шүүгчийн албан тушаалд томилох тухай зарлигт:

“Монгол Улсын Ерөнхийлөгчийн тухай хуулийн 9 дүгээр зүйлийн 1, Шүүгчийн эрх зүйн байдлын тухай хуулийн 15 дугаар зүйлийн 15.1, 15.5 дахь хэсгийг тус тус үндэслэн ЗАРЛИГ БОЛГОХ нь:

Дашдэлэгийн Элбэгзаяаг Архангай аймаг дахь сум дундын иргэний хэргийн анхан шатны шүүхийн шүүгчийн, Энхтөрийн Оюун-Эрдэнийг Завхан аймаг дахь сум дундын иргэний хэргийн анхан шатны шүүхийн шүүгчийн, Заяндүүгийн Ганчимэгийг Дундговь аймаг дахь сум дундын иргэний хэргийн анхан шатны шүүхийн шүүгчийн, Дашнамжилын Дарьсүрэнг Сүхбаатар дүүргийн Эрүүгийн хэргийн анхан шатны шүүхийн шүүгчийн, Пүрэвийн Пагмыг Өмнөговь аймаг дахь сум дундын эрүүгийн хэргийн анхан шатны шүүхийн шүүгчийн, Цэвээний Эрдэнэчимэгийг Баянгол дүүргийн Эрүүгийн хэргийн анхан шатны шүүхийн шүүгчийн албан тушаалд тус тус томилсугай” гэжээ.

Шүүгчийн албан тушаалд шилжүүлэн томилох тухай зарлигт:

“Монгол Улсын Ерөнхийлөгчийн тухай хуулийн 9 дүгээр зүйлийн 1, Шүүгчийн эрх зүйн байдлын тухай хуулийн 15 дугаар зүйлийн 15.5 дахь хэсэг, 18 дугаар зүйлийн 18.3.3 дахь заалтыг тус тус үндэслэн ЗАРЛИГ БОЛГОХ нь:

  1. Архангай аймаг дахь Захиргааны хэргийн анхан шатны шүүхийн шүүгч Сарантуяагийн Ганбат, Хэнтий аймаг дахь Захиргааны хэргийн анхан шатны шүүхийн шүүгч Бямбаагийн Мөнх-Эрдэнэ нарыг Нийслэл дэх Захиргааны хэргийн анхан шатны шүүхийн шүүгчийн, Увс аймаг дахь сум дундын эрүүгийн хэргийн анхан шатны шүүхийн шүүгч Сугарын Болортуяаг Баянгол дүүргийн Эрүүгийн хэргийн анхан шатны шүүхийн шүүгчийн, Баян-Өлгий аймаг дахь сум дундын эрүүгийн хэргийн анхан шатны шүүхийн шүүгч Пүрэвцэрэнгийн Доржбалыг Завхан аймаг дахь сум дундын эрүүгийн хэргийн анхан шатны шүүхийн шүүгчийн, Ховд аймаг дахь сум дундын иргэний хэргийн анхан шатны шүүхийн шүүгч Бадарчийн Маринаг Хэнтий аймаг дахь сум дундын иргэний хэргийн анхан шатны шүүхийн шүүгчийн албан тушаалд тус тус шилжүүлэн томилсугай.
  1. Адил шатны шүүхийн шүүгчийн албан тушаалд шилжүүлэн томилох болсонтой холбогдуулан шүүгч Сарантуяагийн Ганбатыг Архангай аймаг дахь Захиргааны хэргийн анхан шатны шүүхийн шүүгчийн, шүүгч Бямбаагийн Мөнх-Эрдэнийг Хэнтий аймаг дахь Захиргааны хэргийн анхан шатны шүүхийн шүүгчийн, шүүгч Сугарын Болортуяаг Увс аймаг дахь сум дундын эрүүгийн хэргийн анхан шатны шүүхийн шүүгчийн, шүүгч Пүрэвцэрэнгийн Доржбалыг Баян-Өлгий аймаг дахь сум дундын эрүүгийн хэргийн анхан шатны шүүхийн шүүгчийн, шүүгч Бадарчийн Маринаг Ховд аймаг дахь сум дундын иргэний хэргийн анхан шатны шүүхийн шүүгчийн албан тушаалаас тус тус чөлөөлсүгэй” гэжээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

УИХ-ын сонгуулийн II тойрогт нэр дэвшигч Д.Амарбаясгалан, Э.Болормаа нар Ховд аймгийн дөрвөн сумын иргэд, сонгогчидтой уулзлаа

Огноо:

,

УИХ-ын сонгуулийн  II тойрог, баруун бүсэд  нэр дэвшигчид Ховд аймагт ажиллаж байна. Тодруулбал, Монгол Ардын намын Ерөнхий Нарийн Бичгийн дарга Д.Амарбаясгалан, Ховд аймгийн Засаг дарга Э.Болормаа нарын хувьд Жаргалант, Зэрэг, Манхан, Чандмань сумын иргэд сонгогчидтой уулзан, Засгийн газраас  хийж хэрэгжүүлсэн ажлын талаар болон Монгол Ардын намаас дэвшүүлж буй “Шинэ сэргэлтийн бодлого-Бүсчилсэн хөгжлийн реформ” мөрийн хөтөлбөрөө танилцуулан,   баруун бүсийн  цаашдын хөгжлийн талаар ярилцлаа.

Монгол Ардын Намаас Бүсчилсэн хөгжлийн бодлогоор баруун бүсийн аймгууд хоорондоо, аймгийн төвөөс сумд, аймгийн төвөөс боомтууд хүртэл гэсэн гурван чиглэлээр авто замын бүтээн байгуулалт хийхээр тусгасан. Энэ хүрээнд Ховд-Улаангом чиглэлийн 163 км авто зам барихаар тусгаад байна. Мөн Ховд аймагт Хөнгөн үйлдвэрлэл,технологийн парк байгуулна. Ингэснээр анхан шатандаа хоршоодоор дамжуулан боловсруулалт хийгдсэн түүхий эдийг баруун бүсдээ төвлөрүүлэн, Ховдын хөнгөн үйлдвэрлэл, технологийн парк тогтвортой ажиллах боломж бүрдэнэ. Үүний тулд Монгол Ардын Нам  Боомтын сэргэлтийг бий болгохоор ажиллаж байгааг уулзалтын эхэнд Д.Амарбаясгалан дарга тодотгож байв.

Монгол Ардын намын Ерөнхий  Нарийн Бичгийн дарга, Монгол Улсын Сайд, ЗГХЭГ-ын дарга Д.Амарбаясгалангийн зохион байгуулж, манлайлан оролцож буй “Шинэ хоршоо” хөдөлгөөнд Ховд аймгийнхан маш идэвхтэй хамрагдаж байгаа бөгөөд улсын хэмжээн дэх хамгийн өндөр дүнтэй  буюу 1 тэрбум 295 сая төгрөгийн хөрөнгө оруулалтын зээлийг Ховд аймгийн Ховд суманд шинээр байгуулагдсан “Хөх сэрхийн шилмэл сүрэг” хоршооныхон авсныг уулзалтын үеэр мөн тодотгож байв. Харин  захчин түмэн Зэрэг сумынхны хувьд  таван хоршооны 23 малчин нийт 643 сая төгрөгийн хөрөнгө оруулалтын зээл авчээ. Үүний 445 сая төгрөгийн зээлийг Зээлийн батлан даалтын сангаас батлан даасан байна.

Ийнхүү бүс нутгаараа хөгжиж, өөрсдийн зах зээлээ бий болгосноор иргэд заавал Улаанбаатар хот руу шилжиж, сайхан амьдрал эрэлхийлэх шаардлагагүй болно. Тиймээс баруун бүсийнхэн авто зам, дэд бүтэц, боомтын сэргэлтээр бүсдээ хөгжих боломжийг бүрдүүлнэ. Энэ Засгийн газрын үед орон нутагт ажиллаж буй төрийн албан хаагчдын цалинг 20-40 хувиар нэмэгдүүлэх шийдвэрийг гарган хэрэгжүүлж эхэлснээс гадна хөдөө орон нутгийг дэмжих бодлого хэрэгжүүлж, малчин ардынхаа амьжиргааг дээшлүүлэх боломж бүрдүүлж буй “Шинэ хоршоо” хөдөлгөөнийг зохион байгуулж, манлайлан оролцож байгаа  Д.Амарбаясгаланд Ховдчууд талархал илэрхийлээд баруун бүсийн хөгжлийг түүчээлэн, шинэ 30 жилийг бүсчилсэн хөгжлөөр эхлүүлэх гэж буй “Морьтой Аравт”-ыг багаар нь дэмжихээ илэрхийлж байна. 

 

 

 

 

Дэлгэрэнгүй унших

Улстөр нийгэм

Чингис хотынхон шинэ 30 жилийн төлөө Ерөнхий сайдаа багаар нь сонгоно

Огноо:

,

УИХ-ын сонгуулийн VI тойрогт Монгол Ардын намаас нэр дэвшигчид Хэнтий аймгийн Баянхутаг сум болон Хэрлэн сум буюу Чингис хотын иргэд сонгогчидтой уулзаж, мөрийн хөтөлбөрөө танилцууллаа. Хэрлэн сум нь төвийн тав, хөдөөгийн гурван багтай. Тус сумын баг болох Өлзийт, Тахилгат тосгонд нэр дэвшигчид очиж ажиллан, 170 гаруй иргэд сонгогчтой уулзав.

Монгол Ардын намын дарга, Ерөнхий сайд Л.Оюун-Эрдэнээр ахлуулан Пүрэв-Очирын Анужин, Мягмарсүрэнгийн Бадамсүрэн, Мөнгөнцогийн Ганхүлэг, Ухнаагийн Отгонбаяр, Цагаанхүүгийн Идэрбат, Лхагвасүрэнгийн Соронзонболд нар зүүн бүсийн тойрогт нэр дэвшиж байгаад иргэд сэтгэл хангалуун байна.

Баянхутаг суманд өнгөрсөн дөрвөн жилд улсын төсвийн хөрөнгө оруулалтаар сургуулийн спорт заал, цэцэрлэгийн өргөтгөл, ХХААХҮЯ-ны төслийн хүрээнд хуурай сүүний үйлдвэр ашиглалтад оржээ. Төвлөрсөн халаалт, цэвэр усны хангамжтай болсон сумдын нэг. Засгийн газраас одоо хэрэгжүүлж байгаа бодлого, шийдвэрийнх нь үргэлжлэл МАН-ын мөрийн хөтөлбөртэй маш сайн уялдаж байгаад, “Шинэ хоршоо”-г амжилттай хэрэгжүүлж байгаад иргэд талархаад  улс төрийн манлайлал үзүүлж тойрогт нэр дэвшиж буй Ерөнхий сайд Л.Оюун-Эрдэнийг багаар нь дэмжихээ тус сумын иргэд илэрхийлж байв. Ялангуяа хөдөөг хөгжүүлэх, ажиллаж амьдрах таатай нөхцөл бүрдүүлэх замаар Улаанбаатар хот дахь хэт төвлөрлийг бууруулах, улсыг бүсчилж хөгжүүлэх нь зөв хэмээн үзэж байна.

Тухайлбал, залуу малчин Э.Энх-Амар “Боомтуудын үйл ажиллагааг сэргээх, төмөр зам тавьж, зам харилцааг сайн хөгжүүлж байна гэж боддог.  Зам дагаж хөгжил ирнэ гэдэг. Энэ удаагийн сонгуулиар Ерөнхий сайдаа багаар нь сонгоно. Багаар нь сонгосноор сум орон нутаг маань хөгжинө” гэсэн бол иргэн Х.Батхүрээ "Гэр бүлээрээ шилжиж ирээд нэг жил болж байна. ХААН банканд бүтээгдэхүүн үйлчилгээний зөвлөхөөр, эхнэр багшаар ажиллаж байна. Давхар хуваариа бизнес эрхэлж, кофены соёл түгээж эхэлсэн. Хөдөөд  ажиллаж амьдрах маш их боломж байна. Ерөнхий сайдаа багаар нь сонгож "Алсын хараа-2050", "Шинэ сэргэлтийн бодлого"-оо үргэлжлүүлээсэй гэж бодож байна” гэлээ.

Бүсчилсэн хөгжлийн бодлогоор Хэнтий, Дорнод, Сүхбаатар аймаг буюу зүүн бүсийг эрчимжсэн мал аж ахуй, боомт, тээвэр логистик, түүхэн аялал жуулчлал гэсэн эдийн засгийн тэргүүлэх чиглэлээр хөгжүүлнэ. Энэхүү концепцын дагуу гурван аймагт олон бүтээн байгуулалтын ажил өрнөж, дэд бүтцийг өргөжүүлэхээр тусгасан. Тиймээс МАН-аас нэр дэвшигчдийг багаар нь сонгож, Сэцэн ханаа хамтдаа хөгжүүлэхийг нэр дэвшигчид иргэдэд уриалав.

Хэнтий аймгийн Хэрлэн сум 24 мянга гаруй хүн амтай. Уулзалт хийсэн баг бүрд иргэд идэхтэй оролцож байлаа. Ерөнхий сайд Л.Оюун-Эрдэнийг цар тахлын хүнд үед ажлаа хүлээн авсан ч зоригтой, шийдэмгий, эх оронч сэтгэлээр ажиллаж одоогийн эдийн засгийн өсөлтийг авчирсан хэмээн цөөнгүй иргэн ярив.

Мөн “Өнгөрсөн “30 жилийн алдаа, оноог дэнсэлж, шинэ 30 жилийг эхлүүлэхийн тулд төрийн бодлого цаашид тогтвортой хэрэгжих ёстой”, “МАН-ын жагсаалтаар нэр дэвшигчид нийгмийг бодитой төлөөлж чадна”, “Системийн авлигыг бүрэн цэгцлэхийн тулд Л.Оюун-Эрдэнэ сайдаа үргэлжлүүлж ажиллуулах хэрэгтэй”, “Авлигачид дахиад төр рүү зүтгэж алдсанаа буцааж авахаар улайрч байгаа учраас сонгхгүй байхад л болно”, “Зүүн бүсэд нэр дэвшигчид гурван аймгийн төлөөллийг жигд багтаасан, жендэрийн харьцааг хангасан, шилдэг залуус байна”, “Бүсчилсэн хөгжлийн бодлого жалга довын үзлээс салгаж, шинэ 30 жилийг эхлүүлнэ”, “Тосгосон тойргоор явж байгаа анхны сонгуулиар МАН-д итгэл хүлээлгэнэ”, “Хэнтийг хөгжүүлсэн шигээ зүүн бүсийг хөгжүүлнэ гэдэг итгэж байна”, “Сэцэн ханыхан нэгдэж, сэргэж байгаад баяртай байна” хэмээн ярьцгааж байлаа.

Чингис хотынхон бүсчилсэн хөгжлийн бодлогыг бүрэн утгаар нь хэрэгжүүлэхийн төлөө, шинэ 30 жил, ирээдүйн хөгжлийн төлөө, найм байтугай дөрвөн жилийн өмнөх Хэнтийг өөрчилж чадсан учраас Ерөнхий сайдаа багаар нь сонгохоо илэрхийлж байна.  

Өнгөрсөн хугацаанд Чингис хотод “Хан Хэнтий” чуулгын барилга, аймгийн музей, ЕБС-ийн нэгдүгээр сургуулийн 1500 суудалтай шинэ барилга, 5-р сургуулийн шинэ барилга, гурван цэцэрлэгийн өргөтгөл, гэр хорооллын шугам сүлжээ 1, 2-р төсөл зэрэг маш олон бүтээн байгуулалт бэлэн болжээ. Одоогоор улсын төсвийн хөрөнгө оруулалтаар яслийн шинэ барилга, гэр хорооллын инженерийн шугам сүлжээ 3, 4, 5-р төсөл, шинэ ДЦС, Өндөрхаан- Дадал чиглэлийн хатуу хучилттай автозам зэрэг бүтээн байгуулалтын ажлууд өрнөж байна. 

 

Дэлгэрэнгүй унших

Улстөр нийгэм

Авлигатай нам харгалзахгүй тэмцэж байгаа Ерөнхий сайдаа багаар нь дэмжинэ

Огноо:

,

Монгол Ардын намын дарга, Ерөнхий сайд Л.Оюун-Эрдэнэ Хэнтий аймгийн Бэрх тосгоны иргэд сонгогчидтой уулзаж, УИХ-ын сонгуулийн онцлог, МАН-ыг багаар нь яагаад сонгох ёстойг тайлбарлалаа. Энэ удаагийн сонгуулиар намын жагсаалт болон томсгосон тойргоос парламентын 126 гишүүн сонгогдоно. Ингэснээр иргэдийн төлөөлөл хууль тогтоох байгууллагад нэмэгдэж, зөвхөн нэг аймгийн аль нэг сум биш, Монгол Улсын хөгжлийг том зургаар хардаг болно. Тиймээс Сэцэн ханчууд сонгуульдаа идэвхтэй оролцож, Ерөнхий сайдаа багаар нь сонгож, эхлүүлсэн ажлыг нь үргэлжлүүлэх боломж олгон, авлигын эсрэг ард түмний ялалтад нэгдэхийг уриалав.

Ерөнхий сайд Л.Оюун-Эрдэнээр ахлуулан УИХ-ын сонгуулийн VI тойрог буюу зүүн бүсийн Дорнод, Сүхбаатар, Хэнтий аймагт Монгол Ардын намаас У.Отгонбаяр, М. Ганхүлэг, П.Анужин, Л.Соронзонболд, М.Бадамсүрэн, Ц.Идэрбат нар нэр дэвшиж байна. Нэр дэвшигчид бүс нутгаа хөгжүүлэх 2024-2028 оны мөрийн хөтөлбөрөө иргэдэд танилцуулж, тулгамдаж буй асуудлыг нь сонсож байгаа юм.

Зүүн бүсийг хөгжүүлэх гарц, шийдэл, намын мөрийн хөтөлбөрийг бодит ажил болгох салбар бүрийн шилдэг төлөөллийг багтаа нэгтгэсэн гэдгийг энэ үеэр Ерөнхий сайд онцлоод 30 жил хүссэн шударга ёсны үзэл санаа, тэмцэл дээрээ, үнэнч үлдэхийг уриалж, ард түмний дуу хоолой парламентад байх уу, эсвэл улстөрчид байх уу гэдэг сонголтын өмнө та,бид байна гэлээ.

Хэнтий аймгийн Бэрх тосгонд олон улсын хөтөлбөртэй Кембриджийн сургууль, Чингис хот-Бэрхийн 50 км хатуу хучилттай авто зам, олон улсын стандарт нийцсэн хөлбөмбөгийн талбайг өнгөрсөн хугацаанд ашиглалтад оруулжээ. Мөн газар доорх инженерийн шугам сүлжээг бүрэн шинэчилсэн байна.

Монголын нийгэмд сүүлийн 30 жилд үүссэн авлига, шударга бустай хүний өөрийнгүй нам харгалзахгүй тэмцэж байгаа Ерөнхий сайдаа багаар нь дэмжихээ Бэрхчүүд хэлж, зүүн бүс нутагт түүхэн аялал жуулчлалыг цогцоор нь хөгжүүлэхийг захилаа. 

 

 

 

 

Дэлгэрэнгүй унших
сурталчилгаа
Улстөр нийгэм1 минутын өмнө

УИХ-ын сонгуулийн II тойрогт нэр дэвшигч Д.Амарбаясгалан, Э.Болормаа...

Улстөр нийгэм4 минутын өмнө

Чингис хотынхон шинэ 30 жилийн төлөө Ерөнхий сайдаа багаар нь сонгон...

Улстөр нийгэм6 минутын өмнө

Авлигатай нам харгалзахгүй тэмцэж байгаа Ерөнхий сайдаа багаар нь дэ...

Улстөр нийгэм13 цаг 46 минут

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нары...

Улстөр нийгэм13 цаг 50 минут

Баянзүрх дүүрэгт Монгол Ардын намаас нэр дэвшигчид иргэд сонгогчидто...

Улстөр нийгэм13 цаг 52 минут

Чойбалсан хотынхон Ерөнхий сайдаа багаар нь сонгож, бүсийн хөгжлөө э...

Улстөр нийгэм13 цаг 54 минут

Д.Амарбаясгалан тэргүүтэй “Морьтой Аравт” баг Ховд, Увс,...

Цаг үе13 цаг 57 минут

Нийт дуудлагын 112 нь ус цаг уурын гаралтай байжээ

Улстөр нийгэм14 цаг 1 минут

Хандив, зарцуулалтын явцын тайлангаа аудитын байгууллагад хүргүүлнэ

Урлаг спорт14 цаг 26 минут

Дархан хотод спорт цогцолбор ашиглалтад орлоо

Санал болгох