Урлаг спорт

Үзэгчдэд хүлээлт үүсгээд байсан “УЛААН ЯВАР” кино 2024 оны нэгдүгээр сарын нэгнээс кино театруудаар гарч эхэлнэ

Огноо:

4 сар 2 өдөр.өмнө

2023/12/28

Үзэгчдэд хүлээлт үүсгээд байсан тулаант, инээдмийн “УЛААН ЯВАР” уран сайхны кино 2024 оны нэгдүгээр сарын 1-нд тэсрэлт хийх гэж байна.

Юнивал энтэртайнментийн ээлжит бүтээл болох инээдмийн тулаант жанрын “Улаан явар” нэртэй уран сайхны кино 2024 оны нэгдүгээр сарын 1-нд бүх кино театруудад гарч эхэлнэ. Киноны гол дүрд жүжигчин У.Цогтбаяр / МУСТА /, О.Самданпүрэв, М.Мөнгөнсүх, Д.Бэхбилэг, /МУСТА/ Ц.Баясгалан /МУГЖ / болон Б.Хулан /health coach/ нар тогложээ.

Говь-Алтай аймгийн Бигэр сумын “Онцын Улаан Явар” нэртэй байгалийн үзэсгэлэнт газар киноны зураг авалтыг хийснээрээ онцлог аж.

Түүнчлэн Хөвсгөл далай, Булган аймгийн үзэсгэлэнт газар, Эрдэнэт хотод ихэнх зураг авалтыг хийжээ. Энэхүү “Улаан Явар” уран сайхны кинонд “Монгол стант” баг хамтран ажиллаж, тулааны найруулагчаар Г.Цэрэгбаяр, гол дүрийн жүжигчин У.Цогтбаярын орлон тоглогчоор Б.Даваанямбуу ажилласан байна.

“Улаан явар” уран сайхны кино нь Юнивал энтэртайнментийн гурав дах уран бүтээл бөгөөд “Хайрын аялгуу” /2020 /, “Миний сахилгагүй залуу” /2021/ зэрэг залуусын ээдрээт хайрын сэдэвтэй бүтээлийг тус тус бүтээжээ. Уг киноны найруулагч, зохиолч Б.Пүрэвдорж нь СУИС-ийг найруулагч, жүжигчний мэргэжлээр төгссөн ба “Охид” /018/ олон ангит киноны ерөнхий найруулагчаар ажиллаж байжээ.

“Улаан явар” киноны нээлтийн тасалбар 2024 оны нэгдүгээр сарын 1-нээс эхлэн худалдаанд гарна.

Нэгдүгээр сарын нэгэнд Тэнгис болон Өргөө /IMAX/ кино театр, Нэгдүгээр сарын 2-нд Cinema next, нэгдүгээр сарын 3-нд Өргөө 1-д тус бүр нээлтийн арга хэмжээг зохион байгуулахаар ажиллаж байна.

Та бүхнийг “Улаан Явар” тулаант, инээдмийн уран сайхны киног хүрэлцэн ирж үзэхийг урьж байна.

Уншсан:4630

Дараах мэдээ

Үс шинээр үргээлгэх буюу засуулахад тохиромжгүй

Өмнөх мэдээ

“Сүмбэр орд” хотхоноос “Олонлог” сургууль хүртэл замын бүтээн байгуулалт хийнэ

Дэлгэрэнгүй унших

сурталчилгаа

Урлаг спорт

Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд оролцоно

Огноо:

1 цаг 57 минут

2024/04/29

Туркийн Станбул хотноо ирэх тавдугаар сарын 9-12-ны өдрүүдэд зохион байгуулагдах олимпын эрх олгох сүүлчийн буюу дэлхийн эрхийн тэмцээнд Монголын сонгомол бөхийн холбооны 2 тамирчин, дасгалжуулагчийн хамтаар оролцоно.

Тодруулбал, 60 кг-д Батхуягийн Мөнх-Эрдэнэ, 97 кг-д Балтмөнхийн Бадамдорж нар дасгалжуулагч С.Мөнхсүхийн удирдлага дор олимпын эрхийн төлөө өрсөлдөх гэж байна.

Б.Мөнх-Эрдэнэ хэдхэн хоногийн өмнө өндөрлөсөн бөхийн чөлөөт барилдааны олимпын эрх олгох Азийн бүсийн тэмцээнд амжилттай оролцож хагас шигшээд шалгарсан бол Б.Бадамдоржийн хувьд сонгомол бөхийн ААШТ-д хүрэл медалийн төлөө барилдаж, V байрт шалгарч байсан гэж Монголын чөлөөт бөхийн холбооноос мэдээллээ.

Дэлгэрэнгүй унших

Урлаг спорт

Д.Цолмон пара туялзуур сэлэмний Ази тивийн хүрэл медалийн болзол хангалаа

Огноо:

4 өдрийн өмнө

2024/04/25

Тайланд улсад ᠋пара туялзуур сэлэмний “Парис-2024” зуны паралимпын эрхийн оноо олгох Ази тивийн аварга шалгаруулах тэмцээн болж байна.

Тэмцээнд манай улсаас дасгалжуулагч М.Мөнхтулга, Б.Гэрэлмаа нарын удирдлага дор эрэгтэй дөрөв, эмэгтэй гурван тамирчин өрсөлдсөнөөс эмэгтэйчүүдийн ангилалд Дамбийбалжирын Цолмон хүрэл медалийн төлөөх тулаанд Хонгконгийн тамирчныг (13:10) буулган авснаар Ази тивийн аварга шалгаруулах тэмцээний хүрэл медалийн болзол хангалаа.

Түүний энэ амжилт Монголын пара туялзуур сэлэмний спортын түүхэн дэх Ази тивийн анхны медаль. Тэрбээр удахгүй мөнгөн медалийн төлөө Тайландын домогт тамирчин, паралимп, ДАШТ, Азийн АШТ-ий алтан медальт Жианатай тулалдана.

Д.Цолмон өнгөрсөн онд БНХАУ-ын Ханжоу хотод болсон Азийн зуны паралимпын наадамд ялалт байгуулсан анхны монгол тамирчин болж байсан ба туялзуур сэлэмний спортоор тав дахь жилдээ хичээллэж байна гэж Биеийн тамир, спортын улсын хорооноос мэдээллээ.

Дэлгэрэнгүй унших

Урлаг спорт

Улаанбаатар хотноо олон улсын бүжигчдийн тэмцээн болно

Огноо:

7 өдрийн өмнө

2024/04/22

НЗДТГ дэмжлэгтэйгээр “World Ballet and Dance Grand Prix Mongolia – 2024” дэлхийн хэмжээний тэмцээн Улаанбаатар хотноо дөрөвдүгээр сарын 22-29-ний өдрүүдэд Соёлын төв өргөөнд болох гэж байна. Монгол Улсад анх удаа зохион байгуулагдах гэж буй энэхүү тэмцээнд Орос, Казакстан, Америк, Сингапур, Солонгос, Монгол, Япон, Эстони, Хятад, Филиппин Улсын зэрэг олон улсын шилдэг бүжигчид оролцох юм.

Тэмцээний хөтөлбөр:

04.22-нд: Нээлтийн тоглолт;
04.23, 24, 25-нд: Сонгодог урлагийн тэмцээн;
04.26, 27, 28-нд: Этник болон контемпорари бүжгийн тэмцээн;
04.29-нд: Хаалтын буюу “Гала” тоглолт.

Гала тоглолтод:

Казакстан Улсын Астана операгийн тэргүүн гоцлооч, дэлхийн од Бахтияар Адамжан;
ОХУ-ын Большой театрын тэргүүн гоцлооч, дэлхийн од Элизавета Кокорева;
ОХУ-ын Красноярск хотын Годенкогийн нэрэмжит Бүжгийн Эрдмийн Чуулгын гоцлол;
Филиппин Улсын шилдэг бүжигчин, “DPP Dance” театрын захирал Мариахао;
Филиппин Улсын “DPP Dance” театрын бүжиг дэглээч, гоцлооч Акира Лидиа Абао зэрэг бүжгийн урлагийн одууд оролцоно.