Бидэнтэй нэгдэх

Шударга мэдээ

М.Ганбаатар: 24 цагаар ажиллах 50 борлуулалтын цэг нэмэх бэлтгэл ажлыг хийж дууслаа

Огноо:

,

Сайжруулсан шахмал түлшний түгээлт, борлуулалт, нөөцлөлт, үйлдвэрлэлийн үйл явцын талаар өнөөдөр “Тавантолгой түлш” ХХК-ийн гүйцэтгэх захирал М.Ганбаатар, Борлуулалт, маркетингийн хэлтсийн дарга Д.Миняа, инженер Ж.Батбилэг нар мэдээлэл хийлээ.

“Тавантолгой түлш” ХХК-ийн гүйцэтгэх захирал М.Ганбаатар “Өндөржүүлсэн бэлэн байдлын горимд үйлдвэр ажиллаж байна. Өнөөдрийн байдлаар үйлдвэр есөн шугамаар өдөрт 2400-2500 тонн түлш үйлдвэрлэж байгаа. Түлшний түүхий эд болон бусад шаардлагатай материалуудын хүрэлцээ хангалттай бий. Улаанбаатар хотын гэр хорооллынхны сайжруулсан түлшний хэрэгцээ нь өдөрт 1700-2100 тонн гэсэн бодит тооцоо судалгаа байдаг. Бид энэ хэрэгцээнээс давсан хэрэглээг үйлдвэрлэж байна. Оройн цагаар зарим цэгүүдэд түлш тасрах, хоромдол үүсч байгаатай холбогдуулан 24 цагаар ажиллах 50 борлуулалтын цэг нэмж ажиллуулахаар бэлтгэл ажлыг хийж дуусгалаа. Түлшний хангалт болон нөөцлөлтийн хувьд хүндрэл байхгүй” гэлээ.

Улаанбаатар хотод 430-аад борлуулалтын цэг ажиллаж байна. Эндээс 200 цэг нь өөрсдөө савлагаагаа хийдэг. Энэхүү цэгүүд дээр дундын 10 баазыг оруулаад, нийтдээ 3000 орчим иргэд түлшийг савлах ажлыг хийж гүйцэтгэж байна. Үйлдвэрт 1500 орчим хүн ажилладаг. Шинэ ажил эхлэхэд хүндрэл мэдээж тулгардаг. Энэ бүхнийг бид даван туулах ёстой.  Үйлдвэрлэлийн хүчин чадал хүрэлцээтэй байгаа. Ард иргэдийг түлшний хомсдолд орж  болзошгүй гэсэн янз бүрийн мэдээ мэдээллийн дагуу ихээр нь авч нөөцлөх гэж зохиомол хомсдол үүсгэх шаардлагагүй гэдгийг онцлон хэлмээр байна. Бид тулгамдсан асуудлуудаа  тухай бүрт нь шийдээд явж байна. Үйлдвэрлэлийн хүчин чадалд эргэлзэхгүй байж болно хэмээн хэвлэлийн хурлын үеэр онцолж байв.  

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Шударга мэдээ

Цахилгааны шөнийн тарифийн хөнгөлөлтөд 189,5 мянга орчим айл өрх хамрагдана

Огноо:

,

Монгол Улсын Засгийн газрын 2017 оны 199 дүгээр тогтоолоор батлагдсан Гэр хорооллын айл өрхөд цахилгаан эрчим хүчний хөнгөлөлт үзүүлэх журмын дагуу хүйтний улиралд нийслэлийн гэр хорооллын өрхийн орой, шөнийн цагт хэрэглэсэн цахилгааны тарифыг 100 хувь, аймгийн төв болон арван мянгаас дээш хүн амтай сум, суурин газрын гэр хорооллын айл өрхийн шөнийн цахилгааны хэрэглээний тарифыг 50 хувь хөнгөлж ирсэн.

Уг тогтоолоор батлагдсан журмын 2 дугаар зүйлийн 2.2 дахь заалтыг “100 хувиар” гэж өөрчлөхөөр холбогдох яамдаас саналыг авч, Засгийн газрын  өнөөдөр /2020.09.23/-ийн хуралдаанаар шийдвэрлүүллээ.

Агаарын бохирдлыг бууруулах зорилгоор Төв, Зүүн, Өмнөд, Баруун, Алтай-Улиастайн бүсийн эрчим хүчний системийн нэгдсэн сүлжээнд холбогдсон гэр хорооллын тарифт тоолууртай өрхийн тухайн оны 11 дүгээр сараас дараа оны 03 дугаар сарыг дуустал оройн 21:00 цагаас өглөөний 06:00 цагийн хооронд хэрэглэсэн цахилгааны тарифт хөнгөлөлт үзүүлнэ.

Энэхүү хөнгөлөлтөд Улаанбаатар хотын 9 дүүрэг, 21 аймгийн төв, 3 сум (Хархорин, Мандал, Замын-Үүд)-ын 189,5 мянга орчим гэр хорооллын тарифт тоолууртай айл өрхүүд хамрагдах юм гэж Эрчим хүчний яамнаас мэдээллээ.

Дэлгэрэнгүй унших

Шударга мэдээ

Я.Содбаатар: Төр байгаа цагт хяналт шалгалт байна

Огноо:

,

Монгол Улсын Шадар сайд Я.Содбаатар энэ сарын 23-ны өдөр  Мэргэжлийн хяналтын ерөнхий газарт ажиллаж, 21 аймаг болон хилийн боомтуудын албан хаагчидтай цахим сүлжээгээр холбогдон үүрэг чиглэл өглөө. Энэ үеэр Шадар сайд мэргэжлийн хяналтын байгууллагын албан хаагчид Монгол Улсын Засгийн газрын “Түүхий нүүрс хэрэглэхийг хориглох тухай” тогтоолын хэрэгжилтийг хангуулах болон цар тахлын хүнд үед тэргүүн эгнээнд ачаалал ихтэй ажиллаж байгааг онцлоод талархал илэрхийлэв.

Түүнчлэн “Т.Гантулга дарга улс төр, төрийн ажлын туршлагатай хүн. Ажлаа дижитал шилжилт хийхээс эхлүүлж байгаа нь их чухал зүйл. Төр байгаа цагт нүд, чих нь болж хяналт шалгалт байж таарна. Гэхдээ ёс зүйн хэм хэмжээгээ сайтар баримталж ажиллах, төрийн үйлчилгээг ил тод,  шуурхай үзүүлэх шаардлагатай” гээд дараах үүрэг чиглэлийг өглөө.

-Мэргэжлийн хяналтын байгууллагын боловсон хүчний бодлого тогтвортой, мэргэшсэн байхад анхаарах,

-Өвчин, осол гэмтэл гарсан ч төрийн нэрийн өмнөөс хамгийн түрүүнд очдог цөөхөн хэдэн байгууллагын нэг нь Мэргэжлийн хяналтын байгууллага. Тийм учраас албан хаагчдынхаа нийгмийн хамгааллын асуудал болон мэргэшүүлэх чиглэлд байнга анхаарч ажиллах,

-Эрсдэлд суурилсан хяналт шалгалтыг Олон Улсын стандартад нийцүүлж, боловсронгуй болгох,

-Коронавируст халдварын улмаас хүнд нөхцөлд ажиллаж байгаа аж ахуйн нэгжүүддээ зөвлөн туслах үйлчилгээг түлхүү үзүүлж, үйл ажиллагааг нь дэмжих чиглэлд анхаарч ажиллах хэрэгтэй гэв.

Дэлгэрэнгүй унших

Шударга мэдээ

Дотоод орчны агаарын чанар, аюулгүй байдлыг хангасан шинэ цэцэрлэг үүдээ нээлээ

Огноо:

,

НҮБ-ын Хүүхдийн Сан, БШУЯ хамтран хэрэгжүүлдэг “Бага насны хүүхдийн цогц хөгжлийг хангах” төслийн хүрээнд 1 тэрбум 200 сая төгрөгийн хөрөнгө оруулалтаар 3-р цэцэрлэгийн хуучин барилгыг буулгаж, 100 хүүхдийн хүчин чадалтай цэцэрлэгийн шинэ барилгыг ашиглалтад оруулж, өнөөдөр хүүхдүүдээ хүлээн авлаа.

Цэцэрлэгийн нээлтийн үйл ажиллагаанд Улсын их хурлын гишүүн Х.Булгантуяа Боловсрол, шинжлэх ухааны сайд Л.Цэдэвсүрэн, НҮБ ын Хүүхдийн сангийн Монгол дахь Суурин төлөөлөгч Алекс Хaйкенс, болон бусад албаны хүмүүс оролцлоо.

Энэхүү цэцэрлэгийн барилга нь дотоод орчны агаарын чанар, аюулгүй байдлыг хангасан хүүхдэд ээлтэй орчныг бүрдүүлж байгаагаараа онцлог юм. Барилгын механик агааржуулалтын систем нь хүүхдийг агаарын бохирдлоос хамгаалах аж. Мөн цэцэрлэгийн халаалтыг цахилгаанаар шийджээ.

Боловсрол, шинжлэх ухааны яамнаас тус цэцэрлэгт сургалтын таатай орчин бүрдүүлэх тавилга, тоног төхөөрөмжийг нийлүүлээд байна.

Засгийн газраас хүүхдийн цэцэрлэгийн барилга барих хөрөнгө оруулалтыг жилээс жилд нэмэгдүүлж, зөвхөн 2020 оны 09 дүгээр сарын байдлаар 45 цэцэрлэгийн барилга ашиглалтад орж, 5,905 хүүхэд шинээр сургуулийн өмнөх боловсролын үйлчилгээнд хамрагдах боломжтой болоод байна.

Дэлгэрэнгүй унших
сурталчилгаа

Санал болгох