Цаг үе
Монгол Улс, Уругвай Улсын Гадаад харилцааны яамд хоорондын анхдугаар зөвлөлдөх уулзалт болов

Монгол Улсын Гадаад харилцааны яам болон Дорнын Бүгд Найрамдах Уругвай Улсын Гадаад харилцааны яам хоорондын анхдугаар Улс төрийн зөвлөлдөх уулзалтыг 2023 оны 4 дүгээр сарын 14-ний өдөр цахим хэлбэрээр зохион байгуулав.
Төлөөлөгчдийг монголын талаас Гадаад харилцааны дэд сайд Г.Амартүвшин, уругвайн талаас Гадаад харилцааны дэд сайд Николас Альбертони нар ахлан оролцов.
Зөвлөлдөх уулзалтын үеэр талууд Монгол, Уругвайн хооронд дипломат харилцаа тогтоосны 25 жилийн ой 2022 онд тохиосныг тэмдэглээд хоёр орны найрсаг харилцаа, хамтын ажиллагаа сүүлийн жилүүдэд идэвхжиж буйд баяртай байгаагаа илэрхийлэв.
Цаашид хоёр талын хамтын ажиллагааг боломжит бүхий л салбарт өргөжүүлэн хөгжүүлэх эрмэлзэлтэй байгаагаа харилцан нотолж, чингэхдээ, худалдаа, эдийн засаг, аялал жуулчлал, боловсрол, соёл, спорт зэрэг салбарт түлхүү хөгжүүлэх, хөдөө аж ахуй, тэр дотроо мал аж ахуйн салбарыг хамтын ажиллагааны тэргүүлэх салбараар тодорхойлж, Уругвайн мал, амьтныг бүртгэлжүүлэх, тогтолцоог бий болгосон туршлага, холбогдох хууль эрх зүй, бүтэц зохион байгуулалт, зохицуулалтыг судалж хамтран ажиллах боломжийг эрэлхийлж ажиллахаар болов.
Түүнчлэн хоёр улсын нийслэл хотуудын хооронд хамтын ажиллагааны эхлэл тавигдаж, санамж бичиг байгуулсантай холбогдуулан, улсынхаа нийгэм, эдийн засаг, соёлын төв болсон нийслэл хотуудын харилцааг хөгжүүлэх, их сургуулиуд хоорондын хамтын ажиллагааг нэмэгдүүлэх эрмэлзэлтэй байгаагаа харилцан илэрхийлэв.
Цаг үе
Модны хоёрын авто замыг хааж, шугам сүлжээ шинэчилнэ

Цаг үе
Их Монгол Улсын гудамжнаас Оргил худалдааны төвийн уулзвар хүртэлх замыг хэсэгчлэн хааж шинэчилнэ
Удирдлагын академийн гудамжны засвар, шинэчлэлтийн ажлын хүрээнд Их Монгол Улсын гудамжнаас Оргил худалдааны төвийн уулзвар хүртэлх авто замыг хааж асфальтбетон хучилт, тэмдэглэгээний ажлыг хийж гүйцэтгэнэ.
- Зам хаах: 8 дугаар сарын 29-ний 23:00 цаг
- Зам нээх: 9 дүгээр сарын 1-ний 05:00 цаг
Иймд иргэд, жолооч та бүхэн бусад замыг сонгон хөдөлгөөнд оролцоно уу.
Цаг үе
Улаанбаатарт өөртөө 20 хэм дулаан
Малчид, иргэд, хадланчдын анхааралд: 29-ний өдөр Өвөрхангайн хойд хэсэг, Төв, Сэлэнгэ, Хэнтийн нутгаар бороо, дуу цахилгаантай аадар бороо орох тул болзошгүй мөндөр, аянга цахилгаан, үерийн аюулаас сэрэмжтэй байхыг анхааруулж байна.
2025 оны наймдугаар сарын 29-ний 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн баруун, говийн аймгуудын нутгийн хойд хэсгээр бороо, дуу цахилгаантай аадар бороо, мөндөр орно. Салхи нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр, нутгийн зарим газраар борооны өмнө түр зуур ширүүснэ.Нутгийн хойд хэсгээр сэрүүсэж Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 9-14 хэм, Алтай, Хэнтийн уулархаг нутаг, Орхон-Сэлэнгийн сав газар, Туул, Тэрэлж, Хэрлэн голын хөндийгөөр 15-20 хэм, говийн бүс нутгийн өмнөд хэсгээр 26-31 хэм, бусад нутгаар 20-25 хэм дулаан байна.
УЛААНБААТАР ХОТ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 5-10 метр, борооны өмнө түр зуур ширүүснэ. 18-20 хэм дулаан байна.
БАГАНУУР ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 6-11 метр, борооны өмнө түр зуур ширүүснэ 18-20 хэм дулаан байна.
ТЭРЭЛЖ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 4-9 метр, борооны өмнө түр зуур ширүүснэ. 17-19 хэм дулаан байна.
2025 оны наймдугаар сарын 30-наас
2025 оны есдүгээр сарын 03-ныг хүртэлх
цаг агаарын урьдчилсан төлөв
Наймдугаар сарын 30-нд төв болон говийн айгуудын нутгийн зүүн хэсэг, зүүн аймгуудын нутгийн зарим газраар, 31-нд Монгол-Алтай, Хангай, Хөвсгөлийн уулархаг нутаг, Онон, Улз голын хөндийгөөр, 9-р сарын 01-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 02-нд баруун аймгуудын нутгийн хойд хэсэг, төв болон говийн аймгуудын нутгийн зарим газар, зүүн аймгуудын нутгийн баруун хэсгээр бороо, дуу цахилгаантай аадар бороо, мөндөр орно. Салхи 31-нд Алтайн уулархаг нутгаар секундэд 18-20 метр, 9-р сарын 01, 02-нд говь, тал, хээрийн нутгаар секундэд 15-17 метр хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр шөнөдөө 4 хэмийн хүйтнээс 1 хэмийн дулаан, өдөртөө 12-17 хэм, говийн бүс нутгийн өмнөд хэсгээр шөнөдөө 12-17 хэм, өдөртөө 23-28 хэм, бусад нутгаар шөнөдөө 4-9 хэм, өдөртөө 17-22 хэм дулаан байна. 09-р сарын 01-нд нутгийн зүүн хагаст, 02-нд нутгийн зүүн өмнөд хэгсээр дулаан байна.
-
Шударга мэдээ2021/10/11
Тогтвортой хөгжлийн зорилтууд ба Нутгийн өөрөө удирдах байгууллагын манлайлал сэ...
-
Улстөр нийгэм2022/06/30
Нийслэлд цэргийн албыг биеэр дүйцүүлэн хаах иргэний тоог 75-аар батлав
-
Шударга мэдээ2019/08/12
Барилгын материалын үйлдвэрлэл өсөн нэмэгдэж байна
-
Улстөр нийгэм2023/01/09
Үндсэн хуулийн өдөрт зориулсан оюутны эрдэм шинжилгээний хурал болно