Бидэнтэй нэгдэх

Цаг үе

“Цагаадайн улсын өв соёл”- гэрэл зургийн үзэсгэлэн, баримтат кино, номын нээлт болно

Огноо:

3 жил 10 сар.өмнө

,

Профессор Ойдовын Нямдаваагийн“Цагаадайн улсын өв соёл”- гэрэл зургийн үзэсгэлэн, баримтат кино, номын Монголын Үндэсний музейн "Эзэнт гүрэн" танхимд 2022 оны 11 сарын 18-ны 11.00 цагт болно.

Тэрбээр өмнө нь Алтан орд улс, Ил хант улс, Шинжаан Уйгар дахь Цагаадайн нутгаар, Монгол-Энэтхэгийн эрт өнөөгийн харилцаа, хамтын ажиллагаа, Дэлхийн Монголчууд, Балбын Монголчуудын тухай цуврал үзэсгэлэн, ном, баримтат кино 2012 оноос эхлэн гаргаж нийтийн хүртээл болгож, олон нийтийн хэвлэл мэдээллийн хэрэгслээр цацсан. Эдгээр ажлыг хийхдээ очсон орнуудын эрдэмтэн судлаачтай уулзаж, бодит байдалтай танилцан, эрдэм шинжилгээний судалгаа бүхий бүтээл гаргаж, зарим зүйлийг монгол хүний нүдээр харж түүнд шүүмжлэлтэй ханддаг. "Цагаадайн улсын өв соёл”, судалгааг Төв Азийн орнуудаар 20 гаруй хоног 6500 км аялж, Төв Азид Цагаадай хааны байгуулсан 4 хувь нэмэрийг ( Төв Азийн улс орнуудын засаг захиргааг өөрчилж Түмтийн системд оруулсан, Торгоны замын аюулгүй байдлыг бий болгосон, 700 жилийн түүхтэй Цагаадай хэлийг бий болгосон, Цагаадай хааныг дагаж очсон 4 аймгийг дөрвөн газар байрлуулж улмаар тэдгээр нь өөрсдийн амьдарч байгаа орон нутгаа монгол аймгуудынхаа нэрээр нэрэлж мөнхрүүлсэн зэрэг) гарган тавив.
 
Цагаадай хааны нэртэй хаалга, Цагаадайн ярилцлага нэртэй олон нийтийн байгуулллага, Цагаадай хэл, Цагаадай нэртэй дүүрэг өнөөдрийг хүртэл Төв Азид үлдсэнийг анхлан гарган тавилаа. Тэнд өнөөдөр Монгол аймгийн нэртэй Нукуз, Хонгирад, Найман, Харш, Чагатай зэрэг хотууд байж Монголоо дурсдаг юм байна. Монголын Барлас аймгийг Кашкадарьяад, Найман аймгийг Ферганы хөндийд, Жалайр аймгийг өнөөгийн Тажикстаны Хоженте хотод, Нукуз аймгийг Амударьяа голын сав нутагт тус тус Цагаадай хаан байрлуулжээ. Тэдний өнөөгийн амьдралыг нэгэн адил гаргалаа. Мөн Цагаадай хааны хамгийн сүүлчийн удмын хаан Буян Кулийн бунхан, Төмөр хааны анхны хатан Биби Ханумын бунхан, Шинжан Уйгар, Туркменистан, Тажикстанд байгаа зүйлүүд, Кыргыз улсын Монголдор байгууллагын талаар таны мэлмийг мялааж байна.

Нээлт: 2022 оны 11 дүгээр сарын 18 ний 11 цагт Монголын Үндэсний музейн Эзэнт улсын танхимд болно. Үзэсгэлэн 11 сарын 26 хүртэл үргэлжилнэ.
Уншсан:2140
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ

Огноо:

2 өдрийн өмнө

,

НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.

Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.

“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.

2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.

2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.

Дэлгэрэнгүй унших

Цаг үе

УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь

Огноо:

2 өдрийн өмнө

,

Өнөөдөр буюу 2026 оны есдүгээр сарын 03-ны Пүрэв гарагт цахилгаан шугам сүлжээнд хийх засварын хуваарийг танилцуулж байна.
- - - - - - - - - - - -
СОНГИНОХАЙРХАН ДҮҮРЭГ
 
10:00-17:00 цагт: 9, 10-р хороо Арьс ширний үйлдвэрийн нэгдэл 60, 120 айл, Баруун баян уул 9, Зүүнбаян уулын 3-27-р гудамжууд, 10-р хорооны цогцолбор, 38-р цэцэрлэг, Цагдаагийн 2-р хэлтэс, Өрнөл трейд ХХК, Дэлхийн зөн олон улсын байгууллага болон эдгээрийн ойр орчмоор
- - - - - - - - - - - -
НАЛАЙХ ДҮҮРЭГ
 
09:00-17:00 цагт: 4-р хороо Нисэхийн 43-59-р гудамжууд болон эдгээрийн ойр орчмоор
- - - - - - - - - - - -
ТӨВ АЙМАГ
 
09:00-19:00 цагт: Зуунмод сум Энхтайван гэр хорооллын 0-10, 10-14, 15-18-р гудамжууд болон эдгээрийн ойр орчмоор
- - - - - - - - - - - -
ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
 
Эх сурвалж: УБЦТС ТӨХК
Дэлгэрэнгүй унших

Цаг үе

Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно

Огноо:

2 өдрийн өмнө

,

Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.

Тодруулбал:

Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.

Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.

Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.

Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.

Дэлгэрэнгүй унших

Санал болгох