Бидэнтэй нэгдэх

Цаг үе

“Иргэний нисэхийн хэвлэл мэдээллийн зөвлөл” байгуулагдлаа

Огноо:

2 жил 11 сар.өмнө

,

Иргэний нисэхийн салбарын талаарх үнэн зөв мэдээллийг нэг цонхоор иргэдэд хүргэх, мэдээллийн давхардлыг арилгах зорилгоор Иргэний нисэхийн салбарт үйл ажиллагаа явуулдаг байгууллагууд хамтран Хэвлэл мэдээллийн зөвлөл байгууллаа. Иргэний нисэхийн үндэсний төвийн Хамтын ажиллагааны газрын санаачилгаар байгуулсан тус зөвлөлийн анхдугаар хурал өнөөдөр болов.
 
Иргэний нисэхийн хэвлэл мэдээллийн зөвлөлд ИНЕГ, ИНҮТ, “МИАТ” ТӨХК, “Изинис Эйрвэйз” ХХК, Монголиан Эйрвэйз” ХХК, “Аэромонголиа” ХХК, “Монголын ерөнхий зориулалтын агаарын тээврийн холбоо”, Онцгой байдлын нисэх 111 дүгээр анги, “Скайжет” ХХК, “Тэнгэрийн улаач” ХХК, “А-Жет Авэйшн” ХХК, “Топ Экстрим Экшин Монголиа” ХХК, “Air Busan” Монгол дахь төлөөлөгчийн газар, “НУБИЭ” ХХК болон “Буянт-Ухаа” Олон улсын нисэх буудлын төлөөлөл багтаж байгаа юм.
 
Иргэний нисэхийн салбарын үйл ажиллагааг хэрхэн олон нийтэд хүргэх талаар өөрсдийн саналыг хэлж, нээлттэй хэлэлцлээ. Тухайлбал, Иргэний нисэхийн салбарын бүхий л мэдээ мэдээллийг нэг дор багтаасан аппликэшн бий болгох, нисэхийн мэргэжлээр хэрхэн суралцах, юуг анхаарах зэргийг олон нийтэд тогтмол хүргэх, салбарын мэдээллийг хүргэх подкаст хийх, мөн салбарын болон авиа компаниудын талаарх мэдээллийг сонирхолтой байдлаар олон нийтэд тогтмол хүргэж ойлголтын зөрүүг арилгах зэрэг саналыг зөвлөлийн гишүүд тавилаа.
Эх сурвалж: ИНЕГ
Уншсан:1489
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Д.Мөнхбаатар: ААН-үүд “Тавантолгой түлш” ХХК-тай гэрээ байгуулан хямдралтай үнээр мидлинг худалдан авч хэрэглэнэ

Огноо:

20 цаг 6 минут

,

ХУД-ийн 16-р хороонд Вьетнам авто засвар газар утаа их ялгаруулж, агаар бохирдуулж байна гэсэн дуудлага мэдээллийн дагуу нийслэлийн Агаар, орчны бохирдолтой тэмцэх газрын дарга Д.Мөнхбаатар болон холбогдох албаныхан тухайн байршилд ажиллалаа.

Нийслэлийн Агаар, орчны бохирдолтой тэмцэх газрын дарга Д.Мөнхбаатар "Хяналт шалгалтын хүрээнд Улаанбаатар хотод зөвшөөрөлтэй түлш хэрэглэж байгаа эсэхийг шалгах, урьдчилан сэргийлэх ажлуудыг хийж буй. Энэ хүрээнд Хан-Уул дүүргийн 16 дугаар хороо, 294 тоот Вьетнам авто засвар дээр ажиллалаа. Тус засварын газар нь өнгөрсөн онд худалдан авсан шахмал түлш ашиглаж байна. Улаанбаатар хотод шахмал түлшийг зөвхөн айл өрхөд нийлүүлдэг. Харин аж ахуйн нэгжүүд “Тавантолгой түлш” компанитай гэрээлж, шигшсэн мидлинг түлш авах ёстой. Өмнө нь “Энержи Ресурс” компани үнэгүй нийлүүлдэг байсан бөгөөд одоо нэг тонн түлш үйлдвэрлэх өртөг 600 мянган төгрөгт хүрсэн. Тиймээс ААН-үүд нэг тонныг 250 мянган төгрөгөөр гэрээ байгуулан авах боломжтой" гэлээ.

Цаашид ахуйн зориулалтын нүүрс түлэхийг хориглоно. Зарим аж ахуйн нэгж хэрэглэсэн тос масло шатаадаг нь хар тугалга, хүнд металл ялгаруулдаг тул ийм үйлдэл илэрвэл үйл ажиллагааг зогсооно. Тус засварт урьдчилан анхааруулга өгч, цаашид зөвшөөрөгдсөн түлш хэрэглэх, “Тавантолгой түлш” ХХК-тай гэрээ байгуулах шаардлагатай гэдгийг Агаар, орчны бохирдолтой тэмцэх газрын дарга Д.Мөнхбаатар хэлж байв.

Дэлгэрэнгүй унших

Цаг үе

“Мөнгө өсгөж өгнө” гэх зараар 13 сая төгрөгөө залилуулжээ

Огноо:

20 цаг 16 минут

,

Энэ оны аравдугаар сарын 9-ний өдөр “Телеграммаар даалгавар биелүүлж мөнгө өсгөж өгнө гэх зараар холбогдоод залилуулчихлаа” гэх дуудлага, мэдээлэл цагдаагийн байгууллагад бүртгэгдсэн.

Тодруулбал, иргэн А дээрх зарын дагуу 5 удаагийн үйлдлээр нийт 13.240.000 төгрөгийг бусад руу шилжүүлэн залилуулжээ.

Амар хялбар аргаар мөнгө олох гэсэн санаа, зорилготой этгээдүүд залилах гэмт хэргийн талаарх зар, мэдээ мэдээллийг цахим орчинд ихээр байршуулж байгаа тул иргэд Та бүхэн анхаарал, сэрэмжтэй байж, мэдээллийн сайтар нягтлаарай.

Хэрэв телеграмм аппликейшнээр дамжуулан хэн нэгэн таныг сэжигтэй групп чатад оруулсан байвал өөрийн утасны дугаарыг харагдахгүй болгох тохиргоо хийж, үл таних этгээдэд мөнгө шилжүүлэхгүй байхыг цагдаагийн байгууллагаас зөвлөж байна.

Дэлгэрэнгүй унших

Цаг үе

“Соёлын орон зай-Бидний орчин” бүтээлч аян өрнөж байна

Огноо:

20 цаг 18 минут

,

Соёлын орон зай бол театр, музей, галерей, соёлын төв, ордон, кино театр зэрэг соёл урлагийн байгууллагуудаас гадна гудамж, талбай, хороолол, өргөн чөлөө, гэр орон төдийгүй хамт олны соёл, хувь хүмүүсийн хандлага, оюун санаа зэргээр илэрч бид бүхний хамтдаа аж төрөх тухтай орчныг бүрдүүлэгч, хамтын ойлголцол, хүчин зүтгэлийн өргөн хүрээтэй ойлголт юм.

Соёлын орон зай нь үнэт зүйлс, утга санааг бий болгож, илэрхийлж, хуваалцах биет ба бэлгэдлийн цогц нийлбэр бөгөөд энэхүү орон зайг өргөжүүлж, нийгэмд эерэг уур амьсгалыг бүрдүүлэх зорилгоор “Соёл түгээе” уриан дор “Соёлын орон зай-Бидний орчин” бүтээлч аяныг 2025 оны аравдугаар сарын 3-наас 11 дүгээр сарын 3-ныг хүртэл улсын хэмжээнд зохион байгуулж байна.

Соёл, урлагийн байгууллагууд болон бүх шатны албан байгууллагуудыг аяны хүрээнд идэвхтэй оролцож, бүтээлч санаагаа хуваалцан соёл түгээхэд нэгдэхийг Соёл урлагийн газраас уриалж байна.
Дэлгэрэнгүй унших

Санал болгох