Үзэл бодол
Ж.Батбаясгалан: Усгүйгээр эдийн засгийн хөгжил, иргэдийн сайн сайхан амьдрал, ирээдүйн талаар ярих боломжгүй
“Нийслэлийн усны тулгамдсан асуудал ба шийдэл 2022” хэлэлцүүлэг өнөөдөр боллоо. Хэлэлцүүлгийн зорилго нь нийслэлийн усны тулгамдсан асуудлын талаар олон талын оролцоог ханган санал солилцох, цаашид баримтлах нэгдсэн бодлого, системтэйгээр хэрэгжүүлэх арга хэмжээний цогц үйл ажиллагааг тодорхойлж, төлөвлөгөө боловсруулах юм.
Нийслэлийн ИТХ-ын дарга Ж.Батбаясгалан, Нийслэлийн Засаг дарга бөгөөд Улаанбаатар хотын захирагч Д.Сумъяабазар, АНУ-аас Монгол Улсад суугаа Онц бөгөөд Бүрэн эрхт Элчин сайт Майкл С. Клечески болон Нийслэлийн ИТХ-ын төлөөлөгчид Улаанбаатар хотын Ерөнхий менежер, ажил хариуцсан бусад албан тушаалтнууд, салбарын мэргэжилтнүүд, эрдэмтэн судлаачид, иргэний нийгмийн байгууллагын төлөөллүүд энэхүү хэлэлцүүлэгт оролцож, олон талын байр сууриа хэлэлцүүлэв. Мөн Улаанбаатар хотын усны тулгамсан асуудлыг шийдвэрлэх гарц, гаргалгааг тодорхойллоо.
Нийслэлийн ИТХ-ын дарга Ж.Батбаясгалан хэлэлцүүлгийг нээж хэлсэн үгэндээ “...Монголд төдийгүй дэлхий нийтэд тулгамдаж буй хүрээлэн буй орчны аюулгүй байдал тэр дундаа Та бидний амьдралын эх үүсвэр болсон ЦЭВЭР УС-ны эх үүсвэр түүний аюулгүй байдал, нөөцийн хадгалалт, хамгаалалтын асуудал бол шийдэх чухал асуудал мөн. Усгүйгээр бид эдийн засгийн хөгжил, иргэдийн сайн сайхан амьдрал, ирээдүйн тухай ярих боломжгүй. Ус бол Та бидний үр хойчдоо үлдээх үнэт өв юм...” гэдгийг онцолсон юм.
Хэлэлцүүлгээр мөн Улаанбаатар хотын ус хангамжийн аюулгүй байдлын талаар Нийслэлийн ИТХ-ын төлөөлөгч, Ус сувгийн удирдах газар ОНӨААТҮГ-ын дарга Ц.Төрхүү илтгэл тавьж, хэлэлцүүллээ. Түүнчлэн Улаанбаатар хотын инженерийн бэлтгэл арга хэмжээний өнөөгийн байдал, нийслэлийн усны чанар, аюулгүй байдал, усны нөөцийн ашиглалт, хамгаалалтын асуудал, үерийн эрсдэл, нийслэлийн инженерийн бэлтгэл арга хэмжээний мастер төлөвлөгөө, Улаанбаатар хотын нийт ус хангамжийг нэмэгдүүлэх, хөтөлбөрийн танилцуулга, Туул голын урсгалд уур амьсгалын өөрчлөлтийн нөлөөлөл...зэрэг олон сэдвээр албаны хүмүүс танилцуулж, хэлэлцүүлгийг өрнүүлсэн юм.
Үзэл бодол
Х.Нямбаатар: Барилгын компаниуд норм дүрмийн дагуу шугам сүлжээнүүдээ шинэчилж, зэвтэй усны асуудлаа шийдмээр байна
Нийслэлийн удирдах ажилтнуудын шуурхай зөвлөгөөн 14 хоног тутамд болдог. Энэ удаагийн шуурхай зөвлөгөөнөөр өмнөх буюу есдүгээр сарын 22-ны өдрийн зөвлөгөөнөөр өгсөн 38 үүрэг даалгаврын биелэлтийг 80.3 хувьтай байгааг дүгнэлээ.
Энэ үеэр Улаанбаатар хотын орлогод нийцсэн ногоон орон сууцны ажлууд, Европын сэргээн босголтын банкны төслөөр ирсэн машин техникүүдийн ашиглалт, хамгаалалтын талаар болон дүүргүүд хот, нийтийн аж ахуй, ногоон байгууламжийн чиглэлээр хэрэгжүүлж буй ажлуудаа танилцууллаа.
Өмнөх зөвлөгөөнөөс хойш “Улаанбаатар смарт карт” ХХК-ийг Улсын бүртгэлд бүртгүүлэн, нийслэлийн өмчид 100 хувь шилжүүлэн авлаа. Өнгөрсөн 14 хоногийн хугацаанд Хан-Уул дүүргийн Өлзийтийн шалган нэвтрүүлэх товчоогоор нэг удаагийн үйлдлээр нийт 5 тонн түүхий нүүрс зөвшөөрөлгүй тээвэрлэсэн зөрчлийг илрүүллээ.
Сүхбаатар дүүргийн 13 дугаар хорооны нутаг дэвсгэрт Том оврын тээврийн хэрэгслийн авто зогсоол байгуулах ажлын хүрээнд 44 нэгж талбарын 1.5 га талбайг чөлөөлөх ажил хийгдэж байгаа бөгөөд 19 нэгж талбарыг бүрэн чөлөөлжээ. Баянзүрх дүүргийн 26 дугаар хороо, Дүнжингарав худалдааны төвийн урд байрлах 207 дугаар байрыг буулгах ажил 23 хувийн гүйцэтгэлтэй байгаа аж.
Энэ удаагийн шуурхай зөвлөгөөнөөр
- Дүүргүүдэд ногоон байгууламжийг нэмэгдүүлэх,
- Улаанбаатар хотод тээврийн хэрэгслийн бүрэн бүтэн байдлыг ханган хөдөлгөөнд оролцоогүй тээврийн хэрэгсэлд хяналтыг сайжруулах,
- Барилгын компаниудыг норм дүрмийн дагуу холбогдох шугам сүлжээнүүддээ анхаарах, уялдаатай, зөв төлөвлөлттэй барилга барих зэрэг үүрэг даалгаврыг өглөө.
Үзэл бодол
Өвөлжилтийн бэлтгэл ажлыг эрчимжүүлэхийг үүрэг болголоо
Үзэл бодол
“Сахал” Ж.Бат-Эрдэнийн хэлсэн үг сэтгүүл зүйд биш шантаачдад чиглэжээ
Хэн дуртай нь хэвлэл мэдээллийн хэрэгслээр хүний нүд рүү хор цацна, ална тална гэдэг. Цахим сүлжээнд өнөөхийг нь сэвж, мөнгөний шантааж, попролыг өдөөдөг муу жишгийг одоо халах цаг болсон. Монгол хүн амны билгээрээ, ах захтай ард түмэн шүү.
-
Урлаг спорт2020/03/31
МҮОНРТ “MNB-Гэр бүл” сувагтай болно
-
Шударга мэдээ2021/10/08
Дэлхийн банкны санхүүжилтээр ЭМЯ-ны хэрэгжүүлж буй төслийн хүрээнд нийлүүлэгдсэн...
-
Улстөр нийгэм2021/05/03
Словени улсад харилцан визгүй зорчино
-
Цаг үе2025/08/26
У.Баатар: “Сэлбэ 20 минутын хот” төслийн хүрээнд барих орон сууцны дундаж хэ...