Шударга мэдээ

Төрийн банк “Гоолингоо ментор клуб”-тэй хамтран ажиллана

Огноо:

4 жил 4 сар.өмнө

2022/01/06

Төрийн банк "Дундаж давхаргыг дэмжигч Үндэсний тэргүүлэгч банк байх" зорилтын хүрээнд зорилтод хэсэгт чиглэсэн санхүүгийн үйлчилгээг хөгжүүлэх, бүтээгдэхүүн үйлчилгээний хүртээмжийг нэмэгдүүлэх, санхүүгийн боловсрол олгох, иргэд, аж ахуйн нэгжүүдэд зөвлөгөө мэдээлэл өгөх чиглэлүүдээр ажиллаж байна.

Үүний дагуу Төрийн банк нь “Гоолингоо ментор клуб”-тэй хамтран ажиллах санамж бичгийг байгууллаа. Хамтын ажиллагааны санамж бичгийн хүрээнд Төрийн банк нь 2022 онд жижиг, дунд бизнес эрхлэгч, гарааны бизнес эрхлэгч эмэгтэйчүүдэд санхүүгийн боловсрол олгох, инкубатор төвүүдээр дамжуулан сургалт зөвлөгөөг өгөх, санхүүгийн бүтээгдэхүүн үйлчилгээг таатай нөхцөлөөр хүргэх, дундаж давхаргыг дэмжих банкны үйл ажиллагааг бодитоор хэрэгжүүлэх юм.

“Гоолингоо ментор клуб” нь гарааны бизнес эрхэлж буй эмэгтэйчүүдийн дуу хоолойг нэгтгэх, тэдэнд тулгарч буй асуудлыг хамтын хүчээр шийдвэрлэх, бизнес эрхлэгч бүсгүйчүүдийн оролцоог нэмэгдүүлэхээр 2021 оны 1 дүгээр сараас үйл ажиллагаагаа явуулж эхэлсэн бөгөөд өнгөрсөн хугацаанд 500 гаруй эмэгтэйчүүдэд сургалт зохион байгуулсаны зэрэгцээ 100 орчим эмэгтэй гишүүдтэйгээр ажиллаж, тэдний 16 шинэ бизнесийг амжилттай эхлүүлсэн байна.

Мөн дээрх ажлын хүрээнд жижиг дунд бизнес эрхлэгч, гарааны бизнес эрхлэгч нарын санхүүгийн боловсрол мэдээллийг нэмэгдүүлэхэд тулгарч буй асуудлыг нээн илрүүлэх, түүнийг даван туулах боломж бололцоог бий болгоход чиглэсэн хөтөлбөрийг нэг жилийн хугацаанд хамтран хэрэгжүүлэх юм.

Уг хөтөлбөрүүд хэрэгжсэнээр бичил болон жижиг, дунд үйлдвэр, үйлчилгээ эрхлэгчдийн мэдлэг, чадварыг дээшлүүлэх, санхүүгийн чадамжийг нэмэгдүүлж, дундаж давхаргын нийгэмд эзлэх хувь хэмжээг өсгөхөд бодитой хувь нэмрийг оруулж чадна хэмээн Төрийн банкны зүгээс ихээхэн ач холбогдол өгч байгааг цохон тэмдэглэлээ.

Уншсан:2385

Дараах мэдээ

Улаанбаатарт өдөртөө 10 хэм хүйтэн

Өмнөх мэдээ

“Хэрэглэгчийн аян-2022” сэдэвт аяныг зохион байгуулж байна

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Шударга мэдээ

"Монгол эр хүн" зорилтот төслийн хүрээнд 1238 эрэгтэй сурагчдыг эрүүл мэндийн үзлэгт хамруулна

Огноо:

14 цаг 54 минут

2026/05/05

Дархан-Уул аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн санаачилгаар “Эрүүл мэндийн газар, Боловсролын газар, Нэгдсэн эмнэлэг, Гүүднэйборс ОУТББ-ын Мангирт ОНХХ хамтран аймгийн Ерөнхий боловсролын сургууль, коллежийн 17 насны 1238 эрэгтэй суралцагчийг урьдчилан сэргийлэх, эрүүл мэндийн үзлэг, оношилгоонд хамруулна.

Энэ үйл ажиллагааг 2026 оны 05.04-05.08-ны өдрүүдэд зохион байгуулж байна.

Энэхүү үзлэг нь ирээдүйд учирч болох эрүүл мэндийн эрсдэлээс урьдчилан сэргийлэх, өвчлөл илэрсэн тохиолдолд дараагийн шатлалын эрүүл мэндийн байгууллагад эрүүлжүүлэх, эмнэлгийн тусламж үйлчилгээг авах нөхцөл бололцоог бүрдүүлэх юм.

Үзлэгийн багцад дараах оношилгоо, зөвлөгөө багтсан байна.

Ерөнхий эмчийн үзлэг
Хэвлийн хэт авиан оношилгоо
Зүрхний цахилгаан бичлэг
Нүдний үзлэг
Мэс засал, Арьс харшлын үзлэг
Сэтгэцийн эмчийн зөвлөгөө
Биеийн жингийн индекс тодорхойлох
Бэлгийн замын халдварт өвчний түргэвчилсэн шинжилгээ

Дэлгэрэнгүй унших

Шударга мэдээ

100 байршилд автобусны карт цэнэглэгч киоск төхөөрөмжийг байршуулжээ

Огноо:

15 цаг 2 минут

2026/05/05

Нийслэлийн 100 байршилд UBCARD автобусны картыг худалдан авах болон цэнэглэх боломжтой. Мөн та гар утсандаа UBCARD аппликейшнийг ашиглан картаа хүссэн үедээ, хаанаас ч хялбархан цэнэглэх боломжтой юм байна.

Дэлгэрэнгүй унших

Шударга мэдээ

Эрчим хүчний салбарт төсөл хэрэгжүүлэх сонирхлоо илэрхийллээ

Огноо:

4 өдрийн өмнө

2026/05/01

Эрчим хүчний сайд Б.Найдалаа Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд Башак Гэнч Юксэлийг хүлээн авч уулзав.

Монгол Улсын эрчим хүчний салбарын хараат бус байдлыг дээшлүүлэх, засаглалыг сайжруулах зэрэг урт хугацаанд олон талын оролцоотой ажлууд хийхээр зорьж байгааг сайд Б.Найдалаа энэ үеэр тэмдэглээд, хамтын ажиллагааг өргөжүүлэх ихээхэн боломжтойг тодотгов.

Монголд хөрөнгө оруулах сонирхолтой Туркийн хувийн хэвшлийнхний тоо нэмэгдэж буй бөгөөд манай улсыг сэргээгдэх эрчим хүчний асар их боломжтой хэмээн үзэж байгаагаа Элчин сайд Башак Гэнч Юксэл онцолсон юм. Сүүлийн жилүүдэд тус улс сэргээгдэх эх үүсвэрээс эрчим хүч үйлдвэрлэхэд ихээхэн амжилт гаргасан байна. Одоогоор эрчим хүчнийхээ 60 хувийг сэргээгдэх эх үүсвэрээс гарган авч буй аж. Иймээс эл салбарын хамтын ажиллагааг өргөжүүлэх боломжтойг илэрхийллээ.

Эрчим хүчний салбарын шинэчлэлийг богино хугацаанд хийсэн туршлага нь монголчуудын анхаарлыг ихээхэн татдагийг Б.Найдалаа сайд тодотгоод, “Гадаад хамтын ажиллагаа, хөрөнгө оруулалтад өмнөхөөс илүү нээлттэй байхыг зорьж байгаа” гэв. Турк улсын Засгийн газрын зүгээс, эсвэл хувийн хэвшилтэйгээ хамтраад Монголд төсөл хэрэгжүүлэх талаар судлахыг хүсээд, эрчим хүчний салбарын боловсон хүчин бэлтгэх, дахин сургах, дадлагажуулах, сэргээгдэх эрчим хүчний үйлдвэрлэлийг нэмэгдүүлэхэд богино хугацаанд ахиц гаргасан туршлагаас нь судлах зэргээр хамтран ажиллах саналтай байгаагаа мөн илэрхийллээ.

Нар, салхи, усны эрчим хүчний тоног төхөөрөмж үйлдвэрлэлээр бүс нутагтаа тэргүүлэгч тус улсын “Туркийн тэтгэлэг” (“Türkiye Bursları”) хөтөлбөрөөр дамжуулан монгол залуус шилдэг их, дээд сургуулиудад нь эрчим хүчний инженерчлэл, цахилгаан холбооны чиглэлээр суралцаж байгаа юм. Туркийн хамтын ажиллагаа, зохицуулах агентлаг (ТИКА) нь Монголын эрчим хүчний салбарын боловсон хүчнийг чадавхжуулах, богино хугацааны сургалтад хамруулах ажлыг зохион байгуулдаг гэж Эрчим хүчний яамнаас мэдээллээ.