Улстөр нийгэм
Эмгэнэл
Тэрээр 1987-1997 онд Төв аймгийн 10 жилийн сургууль, 1997-2001 онд Монгол, Солонгосын хамтарсан Улаанбаатарын Их Сургуулийг Компьютер, солонгос хэлний орчуулагч багш мэргэжлээр төгсжээ. Талийгаач нь оюутан ахуй цагаасаа эхлэн хэвлэл мэдээлэл, тэр дундаа чөлөөт хэвлэлийн салбарт сонины дизайнераар ажлын гараагаа эхэлж, 1999-2002 хүртэл Хэвлэл мэдээлийн “Итгэлт-Оюу” ХХК-нд дизайнер, 2002 оноос “Зиндаа” сонины дизайнер, 2005 онд “Хаан пресс” хэвлэлийн компанийг үүсгэн байгуулж, захирлаар нь ажиллаж байв.
2006-2007 онд “Хувийн амьдрал” сонины эрхлэгч, 2008-2013 он хүртэл “Зиндаа” сонины дизайнер, 2013 оноос МЗЭ-ийн төв хэвлэл “Утга зохиол Урлаг” сонины дизайнераар ажиллах явцдаа олон арван зохиолч, яруу найрагчдын номын эх бэлтгэлийн зохиогчоор ажилласны нэг нь “МММ”-ийн Хүрээлэнгээс эрхлэн гаргадаг “50 Чухал хүн”, “Монголыг өөрчлөх хүмүүс” цуврал бүтээл юм.
2015 оноос “Нийслэл групп” ХХК-ийн ерөнхий дизайнер, менежереер өдийг хүртэл ажиллахдаа leaders.mn гэх мэт хэд хэдэн сайтыг үүсгэн байгуулж, хэвлэл мэдээлэл, хүний эрх, эрх чөлөө, шударга ёсны төлөө бүтээн туурвиж байв.
Б.Ууганбат нь зөвхөн дизайнер төдийгүй авьяаслаг зохион байгуулагч, итгэлт нөхөр байсан юм. Тэрбээр Нийслэлийн засаг даргын орлогч З.Төмөртөмөөгийн Шадар туслахын албанд томилогдон төрийн албанд зүтгэж явсан хөдөлмөрч, хичээнгүй нийгмийн зүтгэлтэн байлаа. Түүний хөдөлмөр зүтгэлийг төр засгаас өндрөөр үнэлж 2016 онд “Хөдөлмөрийн хүндэт медаль”-иар болон ажиллаж байсан байгууллага бүрийнхээ ШИЛДЭГ АЖИЛТАН-аар шалгарч, хамт олныхоо хайр хүндэтгэлийг хүлээсэн нэгэн байв. Эрхэм таны хөдөлмөрч, цагаан цайлган, тусч энэрэнгүй, нөхөрсөг зан чанар бидний зүрхэнд үүрд дурсагдан үлдэх болно. Сайн төрлийг олж Монгол эх орондоо эргэн төрөөрэй. Ум сайн амгалан болтугай.
Улстөр нийгэм
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Улстөр нийгэм
УИХ: Өнөөдөр чуулганы нэгдсэн хуралдаанаар...
Монгол Улсын Их Хурлын чуулганы өнөөдрийн /2025.06.19/ нэгдсэн хуралдааны тов, хэлэлцэх асуудлуудыг та бүхэнд танилцуулж байна.
|
Д/Д |
ХУРАЛДААН |
ХЭЛЭЛЦЭХ АСУУДАЛ |
ЦАГ |
ТАНХИМ |
|
1 |
· Хот байгуулалтын тухай хууль /Шинэчилсэн найруулга/-д нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Алдаржавхлан 2025.05.02-ны өдөр өргөн мэдүүлсэн, хэлэлцэх эсэх, үргэлжилнэ/ · Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Улсын Их Хурлын гишүүн Д.Цогтбаатар нарын 9 гишүүн 2025.01.23-ны өдөр өргөн мэдүүлсэн, анхны хэлэлцүүлэг, үргэлжилнэ/ · Төрийн албаны зөвлөлийн гишүүнийг томилох, чөлөөлөх тухай асуудал |
10.00 |
“Их хуралдай” |
|
|
· “Засгийн газарт чиглэл өгөх тухай” Улсын Их Хурлын тогтоолын төсөл · Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2024.12.27-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/ · Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Б.Түвшин нарын 41 гишүүн 2025.05.09-ний өдөр өргөн мэдүүлсэн, хэлэлцэх эсэх, асуулт, хариулт 150 минут/ |
14.00 |
|||
Улстөр нийгэм
ЗГХЭГ-ын Тэргүүн дэд даргын үүрэг гүйцэтгэгчээр Д.Мөнх-Эрдэнийг томиллоо
ЗГХЭГ-ын Тэргүүн дэд дарга Б.Солонгоо Монгол Улсын Ерөнхий сайдын зөвлөхөөр ажиллах болсонтой холбогдуулан тус газрын Тэргүүн дэд даргын үүрэг гүйцэтгэгчээр Дэмбэрэлцэрэнгийн Мөнх-Эрдэнийг томиллоо.
Д.Мөнх-Эрдэнэ Засгийн газрын Хэрэг эрхлэх газрын Хууль, эрх зүйн газарт шинжээч, референт, газрын даргаар ажиллаж байжээ.
-
Цаг үе2022/06/06
“Хүнсний хангамж, аюулгүй байдал - Хүнс үйлдвэрлэл” үзэсгэлэн худалд...
-
Улстөр нийгэм2020/09/16
Монгол Улсын Гадаад харилцааны сайд Н.Энхтайван БНХАУ-ын Төрийн зөвлөлийн гишүүн...
-
Цаг үе2020/04/08
Үс шинээр үргээлгэх буюу засуулбал өлзийтэй сайн
-
Цаг үе2020/03/18
Улаанбаатарт өдөртөө 0 хэм орчим дулаан