Улстөр нийгэм
Төрийн банк 400 гаруй СӨХ-ны удирдлагуудад банкны үйлчилгээний сургалт орлоо
Баянзүрх дүүргийн Хөгжлийн төвөөс өнгөрөгч амралтын өдрөөр “Хөгжлийн зөвлөгөөн-2021” зөвлөлдөх арга хэмжээг зохион байгууллаа. Тус арга хэмжээнд тус дүүрэгт үйл ажиллагаа явуулдаг 400 гаруй сууц өмчлөгчдийн холбооны удирдлагууд болон гишүүд оролцсон юм.
Төрийн банк дундаж давхаргыг дэмжигч Үндэсний тэргүүлэгч банк байх зорилтын хүрээнд зорилтот бүлгүүдэд санхүүгийн боловсрол олгох хөтөлбөрийг хэрэгжүүлж байгаа бөгөөд тус арга хэмжээний үеэр СӨХ-ны удирдлагуудад орон сууцны хэрэглээний төлбөрийг хялбар төлөх шийдэл болох “И-биллинг үйлчилгээ” болон зах зээлд шинээр нэвтрүүлээд буй “Киоск төхөөрөмж”-ийг тус тус танилцууллаа.
Төрийн банкны хувьд Киоск төхөөрөмжийн үйлчилгээг энэ оны долоодугаар сараас эхлэн нэвтрүүлж, орон сууц, хүн амын төвлөрөл ихтэй өөрийн салбар нэгжүүдэд байршуулж эхэлсэн.
Мөн И-биллинг үйлчилгээ болон Киоск төхөөрөмжөөр дамжуулан иргэд Төрийн банкны карт болон бусад аль ч банкны картаар орон сууцны хэрэглээний төлбөрөө төлөх боломжтой болсон.
Зөвлөгөөний үеэр Иргэдийн цаг завыг хэмнэсэн Киоск төхөөрөмж болон И-биллингийн үйлчилгээг зах зээлд нэвтрүүлж, иргэдийн төлбөр тооцоо хийх шинэ сувгийг гаргасан явдалд талархаж байгаагаа арга хэмжээнд оролцогч СӨХ-үүдийн төлөөлөл илэрхийллээ.
Улстөр нийгэм
Төрийн өмчит дулааны цахилгаан станцуудад онцгой дэглэм тогтоож ажиллах чиглэл өглөө
Засгийн газрын ээлжит хуралдаан 2025 оны зургадугаар сарын 18-нд болж, Эрчим хүчний салбарын өнөөгийн нөхцөл байдал, 2025-2026 оны өвөлжилтийн бэлтгэл ажлын явц, цаашид анхаарах асуудал болон “Дулааны гуравдугаар цахилгаан станц”-д гарсан осол, гал түймрийн талаар Эрчим хүчний сайд Б.Чойжилсүрэн Засгийн газрын хуралдаанд танилцууллаа. Танилцуулгатай холбогдуулан Ерөнхий сайд Г.Занданшатар Төрийн өмчит дулааны цахилгаан станцуудад онцгой дэглэм тогтоож ажиллах чиглэл өглөө.
Монгол Улсын Эрчим хүчний салбарын өвөлжилтийн бэлтгэл ажлыг төлөвлөсөн хугацаанд хийж дуусгах, ажлын явцад хяналт тавих, шаардлагатай тохиолдолд гарсан хүндрэлийг шуурхай зохицуулах, мэдээллээр ханган хяналт тавин ажиллаж байна. Эрчим хүчний салбарын нийт 46 компанийн хэмжээнд 2025-2026 оны өвөлжилтийн бэлтгэл хангах үндсэн болон туслах тоноглолын их засвар, техник зохион байгуулалт, хөрөнгө оруулалтын ажлын явц өнөөдрийн байдлаар дунджаар 30 орчим хувийн гүйцэтгэлтэй байна.
Дулааны цахилгаан станцуудын тоноглолын насжилт 35-60 жил, цахилгаан дамжуулах, түгээх сүлжээний насжилт 32-62 жил болж 40 орчим хувийнх нь ашиглалтын хугацаа дууссан байна.
Эрчим хүчний нүүрс олборлогч уурхайнуудын хувьд 2025-2026 оны өвөлжилтийн бэлтгэл хангах ажлын явц энэ өдрийн байдлаар “Багануур” ХК, “Шивээ-Овоо” ХК, “Шарын гол” ХК-ийн нийт гүйцэтгэл 40 гаруй хувьтай байна.
Улстөр нийгэм
УИХ: Өнөөдөр болох хэлэлцүүлгүүд
Монгол Улсын Их Хурлын байнгын хороодоос зохион байгуулах өнөөдрийн /2025.06.18/ хэлэлцүүлгүүдийн товыг та бүхэнд хүргэж байна.
|
Д/Д |
ХУРАЛДААН |
ХЭЛЭЛЦЭХ АСУУДАЛ |
ЦАГ |
ТАНХИМ |
|
1 |
УИХ-ын даргын 2024 оны 98 дугаар захирамжаар байгуулагдсан ажлын хэсэг |
Эрүүл мэндийн тусламж, үйлчилгээний чанар, хүртээмжийг сайжруулах |
09.30 |
“Жанжин Д.Сүхбаатар” |
|
2 |
Ёс зүй, дэгийн байнгын хороо |
Улс төрийн намын шударга байдал ба ёс зүй |
09.30 |
“Үндсэн хууль” |
Улстөр нийгэм
УИХ: Өнөөдөр хуралдах байнгын болон дэд хороод
Монгол Улсын Их Хурлын байнгын болон дэд хороодын өнөөдрийн /2025.06.18/ хуралдааны тов, хэлэлцэх асуудлын дарааллыг та бүхэнд хүргэж байна.
|
Д/Д |
ХУРАЛДААН |
ХЭЛЭЛЦЭХ АСУУДАЛ |
ЦАГ |
ТАНХИМ |
|
1 |
Аж үйлдвэржилтийн бодлогын байнгын хороо |
· Байнгын хорооны тогтоолын төсөл /Ажлын хэсгийн бүрэлдэхүүнд өөрчлөлт оруулах тухай/ · “Тавантолгой түлш” ХХК-ийн үйлдвэрлэл, технологийн үйл ажиллагааны талаар шалган судлах, холбогдох санал, дүгнэлт гаргах, шийдвэрийн төсөл боловсруулах үүрэг бүхий хянан шалгах ажлын хэсгийн санал, дүгнэлт · Өрхийн, бичил, жижиг, дунд үйлдвэрлэлийг дэмжих, хөгжүүлэх бодлогын хүрээнд холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийн санал, дүгнэлт |
10.00 |
“Их Эзэн Чингис хаан” |
|
2 |
Хууль зүйн байнгын хороо |
· Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2024.12.27-ны өдөр өргөн мэдүүлсэн, анхны хэлэлцүүлэг/ · Эрүүгийн хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Х.Тэмүүжин нарын 20 гишүүн 2025.05.30-ны өдөр өргөн мэдүүлсэн, хэлэлцэх эсэх/ · Байнгын хорооны тогтоолын төсөл /Ажлын хэсэг байгуулах тухай/ |
12.00 |
“Их Эзэн Чингис хаан” |
|
3 |
Нийгмийн бодлогын байнгын хороо |
· Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Б.Түвшин нарын 41 гишүүн 2025.05.09-ний өдөр өргөн мэдүүлсэн, хэлэлцэх эсэх/ · Нийгмийн даатгалын үндэсний зөвлөлийн 2024 оны үйл ажиллагааны тайлан · Байнгын хорооны тогтоолын төсөл /Нэр дэвшигчийн сонсголын тов тогтоох, сонсгол даргалагчийг сонгох тухай/ |
14.00 |
“Их Эзэн Чингис хаан” |
|
4 |
Төсвийн зарлагын хяналтын дэд хороо |
· Төсвийн ерөнхийлөн захирагч нарын 2024 оны урсгал зардлын "Бусдаар гүйцэтгүүлсэн ажил, үйлчилгээний төлбөр, хураамж"-ийн зарцуулалтын талаар Сангийн яам, Үндэсний аудитын газар болон холбогдох бусад байгууллагын мэдээллийг сонсох |
16.00 |
“Их Эзэн Чингис хаан” |
-
Улстөр нийгэм2024/06/11
Улаанбаатар-Прага чиглэлд долоо хоногт хоёр удаа нислэг үйлдэнэ
-
Цаг үе2020/02/27
Улаанбаатарт өдөртөө 8 хэм хүйтэн
-
Улстөр нийгэм2022/09/22
Шинжлэх ухаан, технологийн тухай хуулийн төсөл боловсруулах ажлын хэсэг хуралдла...
-
Улстөр нийгэм2021/12/28
УИХ-ын чуулганы нэгдсэн хуралдаан болно