Цаг үе
“Сэтгүүлчдийн номын өдөрлөг” цахим яармаг, худалдаа болно
Жил бүрийн 5 дугаар сарын 3-ны Дэлхийн хэвлэлийн эрх чөлөөний өдрөөр ЮНЕСКО-оос гаргасан уриалгын дор МСНЭ Нийслэлийн ЗДТГ-тай хамтран “Хараат бус сэтгүүл зүйн форум”-ыг зохион байгуулан тэмдэглэдэг уламжлалтай. Гэвч цар тахлын амаргүй нөхцөл байдлын улмаас энэ удаагийн Форумыг цахимаар зохион байгуулахаар боллоо.
Түүнчлэн энэ хүнд цаг үед хэвлэл мэдээллийн салбар туйлын хүнд байдалд орсон ч үүргээ биелүүлж, Цар тахлын тухай хуулийн дагуу мэдээллийг үнэ төлбөргүйгээр бэлтгэн дамжуулж, олон нийтийг мэдээллээр хангасаар байгаа юм.
Тиймээс онц хүнд цаг үед тохиож буй Дэлхийн хэвлэлийн эрх чөлөөний өдрийн хамтын ажиллагааны хүрээнд хэвлэлийн эрх чөлөөг хамгаалах, хараат бус сэтгүүл зүйг дэмжих зорилгоор Нийслэлийн Засаг Дарга бөгөөд Улаанбаатар Хотын Захирагч Д.Сумьяабазарын санаачлагаар “Сэтгүүлчдийн номын өдөрлөг” цахим яармагийг 5 дугаар сарын 1, 2-ны өдрүүдэд зохион байгуулахаар боллоо.
Цахим өдөрлөг нь сэтгүүлчдийн ном, бүтээлийг эдийн засгийн эргэлтэд оруулах, нөгөө талаас иргэдийн соён гэгээрэх хэрэглээг дэмжихэд чиглэгдэх юм. Сэтгүүлчид маань өөрсдийн бүтээлээ эмхэтгэн ном болгон хэвлүүлэхийн зэрэгцээ яруу найраг, өгүүллэгийн түүвэр, өөрийн дурсамж, Монголын алдартан, түүхэн хүмүүсийн намтар, хөрөг, нутаг усны ой, салбар, байгууллагын түүх, ойн ном бүтээл, түүнчлэн эрдэм шинжилгээ судалгаа, шүүмжийн бүтээлүүдийг хэвлэн гаргаж, оюуны уурхайд тасралтгүй эрэл хайгуул, олборлолт хийж байдаг авьяаслаг, хөдөлмөрч хүмүүс билээ.
Цар тахал оюун ухаан, авьяас билэг, үзэл санааг хорьж дийлэхгүй гэдгийг харуулж, сүүлийн хоёр жилд сэтгүүлчид маань урьд урьдынхаас илүү ихээр бичин туурвиж, номын хураар арвин байлаа. Цахим яармаг, худалдааг хоёр өдрийн турш “Монголын сэтгүүлчдийн нэгдсэн эвлэл” хуудсаар болон Zoom талбараар шууд оролцох, танилцах, борлуулах байдлаар зохион байгуулж, бүтээл номоо хүргэлтийн компаниар дамжуулан арилжих боломжийг нээж, бусад хэвлэл мэдээллийн хэрэгслээр түгээн дэлгэрүүлэхийг зорьж байна. Өдөрлөгт оролцох сэтгүүлч, уран бүтээлчид МСНЭ-д урьдчилан бүртгүүлнэ.
Бүртгэл хийлгэхдээ зохиогч болон бүтээл, номын товч танилцуулга, зураг /зохиогчийн өөрийн болон номын/, холбоо барих утасны дугаар, фэйсбүүк хаяг, и-мэйл хаягийг МСНЭ-ийн mseonline@yahoo.com хаягаар 2021 оны 04 дүгээр сарын 30-ны дотор ирүүлнэ. Дэлгэрэнгүй мэдээллийг 94111727, 99097968 дугаараас лавлана уу.
Цаг үе
"Сургуулийн эргүүлийн ажиллах журам"-д өөрчлөлт оруулах саналыг ажлын хэсэг хэлэлцлээ
Тухайлбал, журмын 1.3 дахь заалтад “Сургуулийн эргүүлийн үүрэг гүйцэтгэж байгаа иргэнд ажил олгогч байгууллага хагас өдрийн цалинтай чөлөө олгоно” гэж заасныг “бүтэн өдрийн цалинтай чөлөө олгоно” болгон өөрчлөх санал дэвшүүлжээ.
Мөн журмын 2.2 дахь заалтад Ерөнхий боловсролын сургуулийн захирал тухайн хичээлийн жилд сургуулийн орчинд эргүүлийн үүрэг гүйцэтгэх сурагчдын эцэг эх /асран хамгаалагч, харгалзан дэмжигч/-ийн хуваарийг гарган баталж, эргүүлд ажиллах иргэдэд урьдчилан 7 хоногийн өмнө мэдэгдэнэ гэж заасан байдаг. Эргүүлийг хичээлийн өглөөний ээлж /07:30–13:30/, өдрийн ээлж /13:30–19:30/ цагт тус бүр хоёр хүн гаргахаар зохион байгуулдаг байсныг сургуулийн орчинд эрсдэлийн үнэлгээ хийж, ээлж бүрд гурван хүн ажиллуулахаар өөрчлөх саналыг хэлэлцэв.
Түүнчлэн журмын 2.3 дахь заалтад “Сургуулийн эргүүл” нэг удаад дөрвөн эцэг эхийг эргүүлд гаргах бөгөөд хоёр эргүүл замын хөдөлгөөний аюулгүй байдлыг хангаж, хоёр эргүүл сургуулийн ойр орчимд хөдөлгөөнт эргүүлийн үүрэг гүйцэтгэнэ гэж заасныг нэг удаад зургаан эцэг эх эргүүлд ажиллах, үүнээс гурван эргүүл замын хөдөлгөөний аюулгүй байдлыг хангаж, гурван эргүүл сургуулийн орчимд хөдөлгөөнт эргүүлийн үүрэг гүйцэтгэхээр өөрчлөх зэрэг утга найруулга, зохион байгуулалтын хэд хэдэн өөрчлөлтийг тусгажээ.
Ажлын хэсгийн гишүүд журамд тусгаж байгаа саналуудыг "Хэнд ч хэрэггүй, нэмэлт ажил гэж хүлээж авч шүүмжлэхээсээ илүү миний хүүхдийн аюулгүй байдал, эрүүл мэнд, амь насыг сахин хамгаалж байгаа үйл хэрэг гэж ойлгох хэрэгтэй. Эцэг эхчүүд хэн нэг танихгүй хүнд мөнгө төлж хүүхдийн минь аюулгүй байдлын төлөө сургуулийн цагдаа хийж өгөөч хэмээн мөнгө төлөх, эцэг, эхийн үүргээ ухамсарлаж энэхүү ажилд оролцох хоёр тун ялгаатай" гэдгийг онцолж байлаа. Дээрх журмын өөрчлөлтийг НИТХ-ын гуравдугаар сарын хуралдаанд хэлэлцүүлэхийг Ажлын хэсгийн гишүүд дэмжлээ.
Хуралд НИТХ-ын төлөөлөгч Б.Ану-Үжин, Д.Отгонсүрэн, Нийслэлийн Боловсролын газрын дарга Б.Амартүвшин, ЦЕГ-ын Тээврийн цагдаагийн албаны Урьдчилан сэргийлэх хэлтсийн дарга Д.Оюун, Сурагчдын холбооны дарга О.Сэлэнгэ нар цахимаар оролцож, санал бодлоо илэрхийллээ.
Ажлын хэсгийн гишүүд журамд тусгаж байгаа саналуудыг НИТХ-ын гуравдугаар сарын хуралдаанд хэлэлцүүлэхийг дэмжлээ. Хуралд НИТХ-ын төлөөлөгч Б.Ану-Үжин, Д.Отгонсүрэн, Нийслэлийн Боловсролын газрын дарга Б.Амартүвшин, ЦЕГ-ын Тээврийн цагдаагийн албаны Урьдчилан сэргийлэх хэлтсийн дарга Д.Оюун, Сурагчдын холбооны дарга О.Сэлэнгэ нар цахимаар оролцож, санал бодлоо илэрхийллээ.
Цаг үе
Ирэх 10 хоногийн цаг агаарын урьдчилсан төлөв
2026 оны гуравдугаар сарын 09-нөөс 18-ныг хүртэлх 10 хоногийн цаг агаарын урьдчилсан төлөв
11-нд нутгийн баруун хагаст, 12-нд нутгийн зүүн хагаст цас орж, хүчтэй цасан болон шороон шуурга шуурч, ихэнх нутгаар хүйтрэхийг онцгойлон анхааруулж байна.
Хур тунадас: 09, 10-нд Монгол-Алтайн уулархаг нутгаар, 11-нд баруун аймгуудын ихэнх нутаг, төвийн аймгуудын нутгийн баруун хэсгээр, 12-нд баруун аймгуудын нутгийн зарим газар, төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр, 13-нд төв болон говийн аймгуудын нутгийн зүүн хэсэг, зүүн аймгуудын ихэнх нутгаар, 14-нд Халх голын сав газар, 16-нд Алтайн уулархаг нутгаар, 17-нд баруун аймгуудын нутгийн зарим газраар бороо, нойтон цас, цас орж, цасан шуурга шуурна.
Салхи: Ихэнх хугацаанд ихэнх нутгаар секундэд 5-10 метр, 10-нд Алтайн салбар уулсаар, 11-нд баруун аймгуудын ихэнх нутгаар, 12-нд төв, говь, зүүн аймгуудын нутгаар, 13-нд тал, хээрийн нутгаар, 16-нд Алтайн уулархаг нутгаар секундэд 18-20 метр, зарим үед секундэд 24 метрийг давж ширүүсэж, нутгийн өмнөд хэсгээр хүчтэй шороон шуурга шуурна.
Агаарын температур: 9, 10-нд ихэнх нутгаар, 11-нд нутгийн зүүн хагаст дулаарч Дархадын хотгор, Завхан голын эх, Хүрэнбэлчир орчим, Идэр, Тэс, голын хөндийгөөр шөнөдөө 18-23 хэм, өдөртөө 8-13 хэм, Алтай, Хөвсгөл, Хэнтийн уулархаг нутаг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 13-18 хэм, өдөртөө 1-6 хэм хүйтэн, Хангайн нурууны өвөр бэл, говийн бүс нутгийн өмнөд хэсгээр шөнөдөө 1-6 хэм хүйтэн, өдөртөө 15-20 хэм дулаан, говийн бүс нутгийн хойд хэсгээр шөнөдөө 2-3 хэм дулаан, өдөртөө 11-16 хэм дулаан, бусад нутгаар шөнөдөө -3-8 хэм хүйтэн, өдөртөө 5-10 хэм дулаан байна. 11-нд баруун аймгуудын нутгаар, 12, 13-нд ихэнх нутгаар хүйтэрч Увс нуурын болон Дархадын хотгор, Завхан голын эх, Хүрэнбэлчир орчим, Идэр, Тэс, голын хөндийгөөр шөнөдөө 33-38 хэм, өдөртөө 16-21 хэм, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 25-30 хэм, өдөртөө 11-16 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 7-12 хэм, өдөртөө 1 хэмийн дулаанаас 4 хэм, говийн бүс нутгийн хойд хэсгээр шөнөдөө шөнөдөө 14-19 хэм, өдөртөө 1-6 хэм, бусад нутгаар шөнөдөө 19-24 хэм, өдөртөө 5-10 хэм хүйтэн байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 12-нд цас орж, цасан шуурга шуурна. Бусад хугацаанд цас орохгүй.
Салхи: Ихэнх хугацаанд секундэд 3-8 метр, 12-нд баруун өмнөөс хойш эргэж секундэд 12-14 метр хүрч, шороон шуурга шуурна.
Агаарын температур: 09-11-ний хооронд өдөртөө дулаарч шөнөдөө Яармаг-Сонгины орчмоор -9-14 хэм, бусад хэсгээр 3-8 хэм хүйтэн, өдөртөө 5-10 хэм дулаан байна. 12-13-нд хүйтэрч шөнөдөө 19-24 хэм, өдөртөө 4-9 хэм хүйтэн байна.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Өнөөдөр буюу 2026 оны гуравдугаар сарын 10-ны Мягмар гарагт цахилгаан шугам сүлжээнд хийх засварын хуваарийг танилцуулж байна.
ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
