Шударга мэдээ

Улаанбуудай, төмсний хэрэгцээг дотоодоос бүрэн хангана

Огноо:

5 жил.өмнө

2020/08/26

Засгийн газрын ээлжит бус хуралдаан 2020 оны 08 дугаар сарын 25-ны өдөр болж дараах асуудлыг хэлэлцэн шийдвэрлэлээ. 2020 оны ургацын урьдчилсан балансын дүнгийн талаар сайд З.Мэндсайхан танилцуулав.

Энэ онд 394 мянга гаруй га-д үр тариа, үүнээс 364 мянган га-д улаан буудай, 18.6 мянган га-д төмс, 9.6 мянган га-д хүнсний ногоо, 61.1 мянган га-д тос, 52.7 мянган га-д тэмжээлийн ургамал тариалсан байна. Урьдчилсан балансаар 513.3 мянган тонн үр тариа, үүнээс 487.6 мянган тонн буудай, 237 мянган тонн төмс, 113.6 мянган тонн хүнсний ногоо, 32.8 мянган тонн тосны ургамал, 109.4 мянган тонн тэжээлийн ургамал хураан авах төлөв гарчээ.

Ингэснээр улаанбуудайн хэрэгцээг 100 хувь, төмсийг 140 хувь, хүнсний ногоог 60 хувь дотоодоос хангах боломж бүрдэж байна. Ургац хураалтыг богино хугацаанд зохион байгуулах, дараа оны тариалалтад хүрэлцэх хэмжээний үр тариа, тэжээлийн ургамлын үрийн нөөц бүрдүүлэх, төмс, хүнсний ногоо хадгалах, борлуулахад дэмжлэг үзүүлэх чиглэлээр ажиллахыг сайд З.Мэндсайханд даалгав.

Уншсан:3850

Дараах мэдээ

Станцууд 20-иос доошгүй хоногийн нүүрсний нөөц бүрдүүлнэ

Өмнөх мэдээ

Нийгмийн халамжийн үйлчилгээг өнөөдрөөс цахимаар үзүүлж эхэлнэ

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Шударга мэдээ

Нийслэлийн цэцэрлэгийн хоёрдугаар шатны бүртгэл наймдугаар сарын 28-нд эхэлнэ

Огноо:

15 цаг 23 минут

2025/08/26

Нийслэлийн цэцэрлэгт хамруулах хоёрдугаар шатны хүсэлтийг 2025 оны наймдугаар сарын 28-наас есдүгээр сарын 08-ны өдрийг дуустал e-Mongolia системээр хүлээн авна. Нийслэлийн цэцэрлэгт хамруулах хоёрдугаар шатны бүртгэлээр нэгдүгээр шатны бүртгэлээс хоцорсон болон түр оршин суугчийн хүүхэд хамрагдах боломжтой.

Цэцэрлэгт хамрагдах хүсэлтийн хариуг таны бүртгүүлсэн дугаарт мессежээр мэдээлэх болно. Мөн Та e-mongolia системд нэвтрэн орж Нийслэлийн цэцэрлэгт хамрагдах хүсэлтийн үр дүн үйлчилгээг авч харах боломжтой.

Нийслэлийн цэцэрлэгийн нэгдүгээр шатны цахим бүртгэл наймдугаар сарын 4-18-ны өдрүүдэд явагдаж дууссан. Цэцэрлэгийн цахим бүртгэлд нийтдээ 101.117 хүүхэд бүртгүүлжээ.

Дэлгэрэнгүй унших

Шударга мэдээ

Киргизийн аж ахуйн нэгжүүд Монгол Улсаас мах импортлох хүсэлтээ илэрхийллээ

Огноо:

16 цаг 57 минут

2025/08/27

Монгол Улсын Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийж, хоёр улсын харилцааг Иж бүрэн түншлэлийн түвшинд хүргэх шийдвэрт хүрсэн билээ.

Энэ айлчлалын хүрээнд Хүнс, хөдөө аж ахуй, хөнгөн үйлдвэрийн сайд Ж.Энхбаяр болон Бүгд Найрамдах Киргиз Улсын Усны нөөц, хөдөө аж ахуй, дахин боловсруулах үйлдвэрлэлийн сайд Торобаев Бакыт Эргешевич нар хоёр улсын хөдөө аж ахуйн салбарын хамтын ажиллагааг өргөжүүлэх зорилгоор харилцан ойлголцлын санамж бичигт гарын үсэг зурсан юм.

Төрийн тэргүүний айлчлалын дараа Бүгд Найрамдах Киргиз улсын аж ахуйн нэгжүүдийн төлөөлөл Монгол Улсад ирээд байна. Тэдний хүсэлтээр ХХААХҮЯ-ны Бодлогын хэрэгжилтийг зохицуулах газрын дарга Ц.Болорчулуун, Монголын махны холбоо болон аж ахуйн нэгжүүдийн төлөөлөлтэй хамт /2025.08.26/ хүлээн авч уулзлав.

Уулзалтын үеэр Киргизийн аж ахуйн нэгжүүд Монгол Улсаас бүх төрлийн малын мах импортлох хүсэлтэй байгаагаа илэрхийлж, урт хугацааны хамтын ажиллагаа өрнүүлэх сонирхолтой байна гэв. Мөн Киргиз Улсад үйлдвэрлэсэн жимс, жимсгэнэ болон хүнсний ногоог Монгол Улсад экспортлох бүрэн боломжтой гэдгээ танилцуулсан юм.

Ийнхүү хоёр тал бараа бүтээгдэхүүний эргэлтийг харилцан ашигтай, тогтвортой болгох чиглэлээр санал солилцож, цаашдын хамтын ажиллагааны боломж, чиглэлийн талаар ярилцлаа гэж ХХААХҮЯ-наас мэдээллээ.

Дэлгэрэнгүй унших

Шударга мэдээ

Сангийн сайд Б.Жавхлан хэлэлцээрийн протоколд гарын үсэг зурлаа

Огноо:

1 өдрийн өмнө

2025/08/26

Бүгд Найрамдах Солонгос Улсын Засгийн газрын 5.6 сая ам.долларын буцалтгүй тусламжаар хэрэгжих “Монгол Улсын Гаалийн ерөнхий газрын эрсдэлийн удирдлагын үйл ажиллагаа болон агаарын тээврийн зорчигчийн дагалдах ачаанд тавих гаалийн хяналтыг сайжруулах төсөл”-ийн хэлэлцээний тэмдэглэлд Сангийн сайд Б.Жавхлан, БНСУ-ын Олон улсын хамтын ажиллагааны байгууллага KOICA-ийн Ерөнхийлөгч Жан Ван Сам нар 2025 оны наймдугаар сарын 25-ны өдөр гарын үсэг зурлаа.

Уг төсөл нь Эрсдэлийн удирдлага ба зорчигчийн ачаа тээшийн хяналтын системийг нэвтрүүлэх, гаалийн бүрдүүлэлтийн зөвлөх үйлчилгээ үзүүлэх, албан хаагчдын чадавхыг бэхжүүлэх замаар гаалийн байгууллагын үйл ажиллагааны шинэчлэлийг дэмжих зорилготой юм.

Монгол Улсын гадаад худалдааны хэмжээ сүүлийн 3 жилийн дунджаар жил бүр 20 хувиар өсөж, үүнтэй зэрэгцэн улсын төсөвт эзлэх Гаалийн орлогын хувь хэмжээ 22 хувьд хүрчээ.

Гэвч техник технологийн хүрэлцээгүйгээс гаалийн шуурхай бүрдүүлэлт хийх, худалдааг хөнгөвчлөх асуудал хүндрэлтэй байв.

Энэхүү төслийг хэрэгжүүлснээр гаалийн үйл ажиллагааны ил тод байдал, үр ашиг нэмэгдэж, улсын төсвийн орлогын бүрдүүлэлт, эдийн засгийн идэвхжилд эерэг нөлөө үзүүлнэ гэж үзэж байна.

Гарын үсэг зурах ёслолд БНСУ-аас Монгол Улсад суугаа Элчин сайд Чой Жин Вон, КОЙКА-гийн Ерөнхийлөгчийн Монгол Улс дахь Суурин төлөөлөгч Жу Хэйн Нан, ГЕГ-ын дарга Р.Отгонжаргал нарын албаны хүмүүс оролцлоо гэж Монгол Улсын Сангийн яамнаас мэдээллээ.