Цаг үе

Хогоо ил задгай шатаах болон хогоо зориулалтын цэгт хаяхгүй байх нь хууль зөрчсөн үйлдэл юм

Огноо:

6 жил 4 сар.өмнө

2020/05/25

Сүүлийн үед айл өрх хог хаягдлаа ил задгай хаях, шатаах нь ихсэх хандлагатай байна. Хогоо ил задгай шатаасны улмаас гал алдаж өөрийн болон бусдын эд хөрөнгө, эрүүл мэндэд нэлээдгүй хохирол учруулах өндөр эрсдэлтэй гэдгийг сайтар санаж байх хэрэгтэй.

Зарим албан байгууллага аж ахуйн нэгжүүд болон гэр хорооллын иргэд хашаандаа хогоо ил задгай шатааж байгаа нь хууль зөрчсөн үйлдэл мөн үү? Хуулийн ямар зохицуулалт бий вэ?

Шинээр батлагдсан Зөрчлийн хуулийн 6.1 дүгээр зүйлд:" Хог хаягдлыг ил задгай шатаасан бол учруулсан хохирол,нөхөн төлбөрийг гаргуулж хүнийг 50.0 төгрөгөөр,хуулийн этгээдийг 500.0 төгрөгөөр торгохоор хуульд зааж өгсөн байдаг . Түүнчлэн хогоо зориулалтын цэгт хаядаггүй, орцондоо хаядаг,суваг шуудуунд хийж орхидог зэрэг зөрчлүүд байдаг.
Хог хаягдлыг зориулалтын цэгээс өөр газарт хаясан бол иргэнийг 30.0 төгрөгөөр,хуулийн этгээдийг 300.0 төгрөгөөр торгохоор хуульчилсныг анхаарч,хуулиа мөрдөхийг зөвлөж байна.

Иймд иргэн, аж ахуйн нэгж хуурайшилтын үед асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийж байх, түймрийн хуурайшилт ихтэй үед ой хээр, хашаандаа ил задгай гал түлэхгүй байхыг анхааруулж байна.

ЦЕГ Экологийн цагдаагийн албаны УСХАХ-ийн мэргэжилтэн Б.Анура

Уншсан:3120

Дараах мэдээ

"Ард Даатгал" ХК-ийн хувьцаа хамгийн их уналттай байлаа

Өмнөх мэдээ

“Playtime” хөгжмийн фестиваль ирэх оны зун хүртэл хойшлогдлоо

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ

Огноо:

2 өдрийн өмнө

2026/09/03

НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.

Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.

“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.

2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.

2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.

Дэлгэрэнгүй унших

Цаг үе

УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь

Огноо:

2 өдрийн өмнө

2026/09/03

Өнөөдөр буюу 2026 оны есдүгээр сарын 03-ны Пүрэв гарагт цахилгаан шугам сүлжээнд хийх засварын хуваарийг танилцуулж байна.

- - - - - - - - - - - -

СОНГИНОХАЙРХАН ДҮҮРЭГ

10:00-17:00 цагт: 9, 10-р хороо Арьс ширний үйлдвэрийн нэгдэл 60, 120 айл, Баруун баян уул 9, Зүүнбаян уулын 3-27-р гудамжууд, 10-р хорооны цогцолбор, 38-р цэцэрлэг, Цагдаагийн 2-р хэлтэс, Өрнөл трейд ХХК, Дэлхийн зөн олон улсын байгууллага болон эдгээрийн ойр орчмоор

- - - - - - - - - - - -

НАЛАЙХ ДҮҮРЭГ

09:00-17:00 цагт: 4-р хороо Нисэхийн 43-59-р гудамжууд болон эдгээрийн ойр орчмоор

- - - - - - - - - - - -

ТӨВ АЙМАГ

09:00-19:00 цагт: Зуунмод сум Энхтайван гэр хорооллын 0-10, 10-14, 15-18-р гудамжууд болон эдгээрийн ойр орчмоор

- - - - - - - - - - - -

ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.

Эх сурвалж: УБЦТС ТӨХК

Дэлгэрэнгүй унших

Цаг үе

Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно

Огноо:

2 өдрийн өмнө

2026/09/03

Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.

Тодруулбал:

Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.

Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.

Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.

Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.