Цаг үе
В. Зеленский НАТО-гийн гишүүн болох хүсэлтээ орхижээ
Украины Үндэсний мэдээллийн агентлагийн мэдээлснээр, Украины Ерөнхийлөгч Володимир Зеленский энэ сарын 14-нд мэдэгдэхдээ, НАТО-д элсэх нь Украины хувьд хамгийн бодит аюулгүй байдлын баталгаа хэдий ч АНУ болон Европын зарим түнш орнуудын эсэргүүцлийг харгалзан, НАТО-гийн 5-р зүйлийн хамтын хамгаалалтын заалттай дүйцэхүйц аюулгүй байдлын баталгааг АНУ болон Европоос авах хувилбарыг Украин хүлээн зөвшөөрөхөд бэлэн байгааг онцолжээ.
Тэрээр хэлэхдээ, Оросын болзошгүй халдлагаас урьдчилан сэргийлэх зорилгоор Украин нь АНУ, Европын орнууд, Канад зэрэг улстай НАТО-гийн 5-р зүйлийн хамтын хамгаалалтын заалттай төстэй аюулгүй байдлын баталгаанд гарын үсэг зурахаар төлөвлөж байгаа бөгөөд үүнийг Украины зүгээс хийж буй тодорхой буулт гэж тайлбарласан байна.
Мөн Ерөнхийлөгч Зеленский 14-ний өдөр Германы нийслэл Берлин хотноо хүрч, Германы канцлер Фридрих Мерц болон Европын бусад орны удирдагчидтай уулзаж, хэлэлцээ хийхээр төлөвлөжээ.
Үүнтэй зэрэгцэн Их Британийн “Файнэншл Таймс” сонин мөн өдөр мэдээлснээр, В.Зеленский НАТО-гийн гишүүнчлэлийн хүсэлтээ түр хойшлуулж, АНУ болон Европоос аюулгүй байдлын тодорхой баталгаа авах чиглэлд бэлтгэл ажлаа эхлүүлсэн байна.
Цаг үе
С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ
НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.
Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.
“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.
2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.
2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Цаг үе
Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно
Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.
Тодруулбал:
Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.
Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.
Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.
Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.
.jpg?w=1000)
-
Цаг үе2025/03/31
Нийслэлийн хэмжээнд өнгөрсөн долоо хоногт гал түймрийн 51 дуудлага бүртгэгджээ
-
Улстөр нийгэм2025/08/04
АНУ-д оршин суугаа монгол иргэдийн анхааралд!
-
Цаг үе2024/01/18
Нийгмийн даатгалын нийт тэтгэвэр, тэтгэмж авагчдын тоо 748.354 байна
-
Цаг үе2025/07/22
Монгол-Киргизийн боловсрол, соёлын төв байгуулна