Цаг үе
Санхүүгийн хориг арга хэмжээ авах байгууллагын ээлжит чуулга уулзалт боллоо
Хуралдаанд 200 гаруй орны төлөөлөл, олон улсын байгууллагын ажиглагчид оролцож, мөнгө угаах болон терроризмыг санхүүжүүлэх, үй олноор хөнөөх зэвсэг дэлгэрүүлэхийг санхүүжүүлэхтэй тэмцэх чиглэлээрх асуудлыг хэлэлцэв.
Энэ удаагийн уулзалтаар харилцан үнэлгээний шинэлэгдсэн тавдугаар шатны аргачлалын дагуу хийсэн анхны үнэлгээний тайланг баталсан нь онцлох үйл явдал боллоо. ФАТФ-ын шинэчлэгдсэн аргачлалаар Бельги, Малайз улсууд нь харилцан үнэлгээнд орсон хамгийн анхны улсууд болж байгаа ба тус аргачлал нь мөнгө угаах, терроризмыг санхүүжүүлэх, үй олноор хөнөөх зэвсэг дэлгэрүүлэхийг санхүүжүүлэхтэй тэмцэх үйл ажиллагааны бодит үр дүнд илүү ач холбогдол өгч байгаагаараа онцлогтой байна.
Мөн гэмт хэргийн орлого, хөрөнгийг илрүүлэх, хураах, буцаан олгох үр дүнтэй тогтолцоог бүрдүүлэх зорилгоор хөрөнгө буцаан олгох чиглэлээр холбогдох удирдамжийг баталлаа. Энэхүү удирдамж нь гэмт этгээдүүдийн хууль бус хөрөнгийг нуух, хил дамнан шилжүүлэх ажиллагааг таслан зогсоож, энэ чиглэлээрх чадавхыг бэхжүүлэхэд дэмжлэг үзүүлэх юм. Түүнчлэн ФАТФ-аас хиймэл оюун ухаан (AI) болон хиймэл оюун ухааны тусламжтай хуурамч дүрс шалгах технологи (deepfake)-ийг хууль бусаар ашигласнаар үүсэж болзошгүй эрсдэлийн талаар олон нийтэд анхааруулах мэдэгдлийг гаргалаа. Олон улсын хамтын ажиллагаа, уялдаа холбоог сайжруулах чиглэлээр Ямайк, Нигери улсууд анх удаа уулзалтад оролцож, “Зочин санаачилга”-ын хүрээнд бүс нутгийн төлөөлөл, үзэл бодлыг өргөжүүлэхэд хувь нэмэр орууллаа.
“Хар” ба “Саарал” жагсаалтад орсон өөрчлөлтүүд:
Цаг үе
АНУ-д гэр бүлийн маргаантай холбоотой буудалцаанд найман хүүхэд амиа алджээ
АНУ-ын Луизиана мужийн Шривпорт хотод гарсан буудалцааны улмаас найман хүүхэд амиа алдсан талаар цагдаагийн байгууллага мэдээллээ.
Албаныхны мэдээлснээр 31 настай этгээд эхлээд нэг эмэгтэйг буудаж, улмаар ойролцоох байшинд байсан хүүхдүүдийг буудан хөнөөсөн байна. Амиа алдсан хүүхдүүдийн долоо нь түүний өөрийнх нь хүүхдүүд байсан бөгөөд нас нь ойролцоогоор 1–12 хооронд байжээ. Эмгэнэлт үйл явдал орон нутгийн цагаар 2026 оны дөрөвдүгээр сарын 18-ны орой болсон байна.
Хэрэг явдлын үеэр хоёр эмэгтэй хүнд шархадсан бөгөөд тэдний биеийн байдал хүнд байгаа талаар албаныхан тодотгов. Сэжигтэн хэрэг үйлдсэний дараа автомашин дээрэмдэн зугтсан ч цагдаагийн мөрдлөгийн явцад буудуулж амиа алджээ.
Цагдаагийн байгууллага уг хэргийг гэр бүлийн маргаантай холбоотой, “дотоодын шинжтэй” хэрэг гэж үзэж байгаа бөгөөд шалтгааныг тогтоохоор мөрдөн шалгах ажиллагаа үргэлжилж байна.
Цаг үе
Сэлбэ голын гадна тохижилтын ажил 60 орчим хувьтай үргэлжилж байна
Сэлбэ голын тохижилтын ажил 2024 оны зургаадугаар сард эхэлсэн. Нийт 1.4 км урт түшиц ханын ажил бүрэн дууссан. Түшиц ханын дотуур хийх чулуун бэхэлгээний ажил дуусах шатандаа байна. Голын урсгал доор урсгал тохируулгын ажил хийж байна. УБЗАА-ны Хотын инженерийн дэд бүтцийн газрын дарга Л.Алтангэрэл болон холбогдох албаныхан төслийн талбайд ажиллалаа.
“Силла констракшн” ХХК-ийн ерөнхий менежер Х.Халиун “Тохижилтын ажил үргэлжилж байна. Голын эрэг дагуу ногоон байгууламжийн үрслэгээний хөрсийг тавьж байна. Шөнөдөө нэмэх хэмд хүрсний дараа олон наст ургамлын үрийг суулгана. Голын хоёр талын явган замын ажил хийгдэж байна. Газар шорооны ажил 90 хувьтай байна” гэв.
УБЗАА-ны Хотын инженерийн дэд бүтцийн газрын дарга Л.Алтангэрэл “Сэлбэ голын тохижилтын ажлыг Сөүл хотын төвөөр урсдаг голын тохижилтын ажилтай харьцуулан ярьдаг. Тус голыг сэргээхдээ Хан мөрнөөс ус татан голын урсцыг байнгын тогтмол урсацтай болгосон. Ингэснээр голын түвшин өөрчлөгдөж үерийн эрсдэл үүсдэггүй. Харин Сэлбэ голын тухайд өөрийн гэсэн онцлогтой юм” гэв.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
-
Цаг үе2021/08/18
Гэнэтийн үер ус, аянга цахилгаанаас сэрэмжтэй байхыг анхааруулж байна
-
Улстөр нийгэм2019/06/20
Л.Оюун-Эрдэнэ: Ш.Батхүүгийн битүүмжилсэн эд хөрөнгийг борлуулах эсэхийг судалж б...
-
Улстөр нийгэм2020/12/22
Монгол Улсын Ерөнхийлөгч Х.Баттулга та оффшор бүст нуусан мөнгөө оруулж ирж, яд...
-
Цаг үе2020/10/27
Ирэх сард хийгдэх тусгай үүргийн нислэгийн хуваарь