Бидэнтэй нэгдэх

Цаг үе

“Цахим нутагшуулах миний мазаалай” гар зургийн уралдаанд идэвхтэй оролцоорой!

Огноо:

7 сар 2 өдөр.өмнө

,

ЗОРИЛГО
Нэн ховордсон, зөвхөн Монгол орны говь цөлд тархсан баавгайн дэд зүйл Мазаалай баавгайн хамгааллыг сайжруулах, амьдрах орчны доройтлыг бууруулах, тархац нутгийг тэлэх, тоо толгойн өсөлтийг хангах, үндэсний хэмжээнд таниулах, “Үндэсний бахархалт Мазаалай" баавгайг хамгаалах асуудалд хүүхэд, залуучууд, олон нийтийн цахим сүлжээ хэрэглэгчдийн анхаарлыг хандуулах зорилгоор Байгаль орчин уур амьсгалын өөрчлөлтийн яам, Цахим Тодотгол НҮТББ хамтран “Цахим нутагшуулах миний мазаалай” гар зургийн уралдааныг 2024.12.12-2024.12.21-ий хооронд 09-15 насны хүүхдүүдийн дунд зарлаж байна.
 
СЭДЭВ
Мазаалайг хамгаалахад олон нийтийг дуу хоолой, оролцоогоо нэгтгэхийг уриалсан агуулгатай байна.
 
ХАМРАХ ХҮРЭЭ
10-15 насны хүүхдүүд зөвхөн нэг ангиллаар оролцоно.
 
ТАВИГДАХ ШААРДЛАГА
Уралдаанд оролцох бүтээл нь оролцогчын уран сэтгэмжээр зурагдсан байх бөгөөд интернэт, ном, сэтгүүл, сурах бичгээс хуулбарласан байж болохгүй.
 
Бүтээлийг цаасан дээр усан будаг, гуаш, өнгийн харандаа, балын харандаа зэрэг зургийн хэрэгсэл ашиглан А3 форматын /42х59.4 см/ цаасан дээр зурж, дижитал хэлбэрт өндөр нягтаршилтайгаар шилжүүлсэн байх шаардлагатай бөгөөд зургийн баруун доод өнцөгт бүтээгчийн овог, нэр /бүтнээр/, хүйс, дүүрэг хороо /аймаг, сум/ сургууль, анги, харилцах утасны дугаарыг бичнэ.
 
Мөн өөрийн нэр болон бүтээлийг зурж дууссан хугацааг бичих ба нэг оролцогч хэдэн ч бүтээл ирүүлж болно.
Уралдаанд ирүүлсэн бүтээлийг Байгаль орчин уур амьсгалын өөрчлөлтийн яам, Цахим Тодотгол ТББ-ийн хамтарсан комисс цахимаар хүлээн авч, бүртгэлжүүлэн цахим сүлжээнд байршуулан олон нийтэд түгээж, Мазаалайг хамгаалахад уриалсан сурталчилгаанд ашиглана.

 
БҮТЭЭЛИЙГ ИРҮҮЛЭХ ХУГАЦАА
Бүтээлийг 2024 оны 12 дугаар сарын 21-нөөс өмнө savemymazaalai@gmail.com майл хаягаар ирүүлэх бөгөөд бүтээлийг хүлээн авсан эсэх талаар зохион байгуулагч тухайн үед нь мэдэгдэнэ.
 
БҮТЭЭЛИЙГ ШАЛГАРУУЛАХ
Нэгдсэн шалгаруулалтыг шүүгчид 2024 оны 12 дугаар сарын 23-ны дотор хийж дүнг олон нийтэд зарлаж шагналыг гардуулна.
 
ШАГНАЛ
Эхний 3 байр эзлүүлэн өргөмжлөл, мөнгөн шагналаар шагнана.
I байр 500.000₮,
II байр хүн 300,000₮,
III байр 100.000 ₮
 
Утас: 88906988
 
Цахим хаяг: https://todotgol.mn
E-mail: savemymazaalai@gmail.com
 
НӨЛӨӨЛЛИЙН АЯНЫГ ЗОХИОН БАЙГУУЛАХ АЖЛЫН ХЭСЭГ
2024 он.
Уншсан:585
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Улаанбаатарт дуу цахилгаантай аадар бороо орно

Огноо:

5 өдрийн өмнө

,

Малчид, иргэд, тээвэрчдэд зориулсан мэдээ: Долоодугаар сарын 07, 08-нд Хангай, Хөвсгөл, Хэнтийн уулархаг нутгаар дуу цахилгаантай аадар бороо орно.

2025 оны долоодугаар сарын 07-ны 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн хойд болон зүүн хэсэг, төв, говь, зүүн аймгуудын нутгийн зарим газраар бороо, дуу цахилгаантай аадар бороо орно. Салхи нутгийн баруун хэсгээр баруун өмнөөс хойш эргэж, бусад нутгаар баруун өмнөөс секундэд 5-10 метр, борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор 17-22 хэм, говийн бүс нутаг, Орхон-Сэлэнгэ, Халх голын сав газраар 28-33 хэм, бусад нутгаар 23-28 хэм дулаан байна.

УЛААНБААТАР ХОТ ОРЧМООР: Үүлшинэ. Дуу цахилгаантай аадар бороо орно. Салхи зүүн өмнөөс секундэд 5-10 метр, борооны өмнө түр зуур ширүүснэ. 26-28 хэм дулаан байна.

БАГАНУУР ОРЧМООР: Үүлшинэ. Дуу цахилгаантай аадар бороо орно. Салхи зүүн өмнөөс секундэд 5-10 метр, борооны өмнө түр зуур ширүүснэ. 26-28 хэм дулаан байна.

ТЭРЭЛЖ ОРЧМООР: Үүлшинэ. Дуу цахилгаантай аадар бороо орно. Салхи зүүн өмнөөс секундэд 5-10 метр, борооны өмнө түр зуур ширүүснэ. 24-26 хэм дулаан байна.

2025 оны долоодугаар сарын 08-наас 12-ныг хүртэлх
цаг агаарын урьдчилсан төлөв

8-нд баруун болон зүүн аймгуудын нутгийн хойд хэсэг, төвийн аймгуудын ихэнх нутаг, говийн аймгуудын нутгийн зарим газраар, 9-нд баруун аймгуудын нутгийн хойд, говийн аймгуудын нутгийн зүүн хэсэг, төв болон зүүн аймгуудын ихэнх нутгаар, 10-нд нутгийн хойд хэсгээр, 11-нд төв болон зүүн аймгуудын нутгийн хойд хэсгээр бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. Нутгийн хойд хэсгээр бага зэрэг сэрүүсэж Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор шөнөдөө 4-9 хэм, өдөртөө 17-22 хэм, говийн бүс нутгийн өмнөд хэсгээр шөнөдөө 17-22 хэм, өдөртөө 29-34 хэм, бусад нутгаар шөнөдөө 11-16 хэм, өдөртөө 23-28 хэм дулаан байна.

Дэлгэрэнгүй унших

Цаг үе

Сэлбэ хотын орон сууцжуулах төслийн шинэчилсэн таван багц тендерийг зарлалаа

Огноо:

5 өдрийн өмнө

,

Сэлбэ хотын орон сууцжуулах төслийн 3, 4 дүгээр багц тендерийг задалж, тав хувааж зарлана гэдгийг өнгөрсөн долоо хоногт албаныхан мэдэгдэж байсан. Тэгвэл уг таван багц тендерийг долоодугаар сарын 3-ны өдөр албан ёсоор зарлалаа.

Уг багцад инженерийн шугам сүлжээ, орон сууцны барилга, ногоон байгууламж бүхий цогц бүтээн байгуулалт болох Сэлбэ хотын гол хэсгийг бүрдүүлэх төслийн ажлууд багтаж байна. Тендер зарлахаас өмнө бэлтгэл ажлын хүрээнд талбайг хашаажуулах ажил бүрэн дууссан. Цэвэрлэгээ, ариутгал, инженерийн дэд бүтцийн ажлууд дуусах шатандаа үргэлжилж байна.

Уг 3, 4 дүгээр багц тендерийг 5 багц болгон өргөжүүлснээр дотоодын үйлдвэрлэгчид, дотоодын барилга угсралтын компаниудыг дэмжих ач холбогдолтой. 3, 4 дүгээр багц тендерийг 5 багц болгон задалснаар төслийн зохион байгуулалтад өөрчлөлт орсон хэдий ч ерөнхий графикт өөрчлөлт оруулахгүйгээр алдагдсан хугацааг шахаж, 2026 ондоо 5 багц тендерийн ажлыг дуусгах хуваарийн дагуу ажиллахаа “Сэлбэ хорин минутын хот корпорац” ХХК-ийн төслийн багаас мэдээллээ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Цаг үе

УБЦТС: Энэ долоо хоногт хийгдэх засварын хуваарь

Огноо:

5 өдрийн өмнө

,

Энэ долоо хогт буюу буюу 2025 оны долоодугаар сарын 07-оос 09-ний өдрүүдэд цахилгаан шугам сүлжээнд хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.

Дэлгэрэнгүй унших

Санал болгох