Бидэнтэй нэгдэх

Шударга мэдээ

Хүнсний хог хаягдлыг эх үүсвэр дээр нь бууруулах “Хоосон таваг” аян эхэллээ

Огноо:

11 сар 29 өдөр.өмнө

,

Хот байгуулалт, хотын стандартын газраас нийслэлийн Нийтлэг үйлчилгээний газартай хамтран 2022 онд НИТХ-аар баталсан “Хог хаягдлын менежмент” бүлгийн хотын стандартыг нийслэлийн нутгийн захиргааны байгууллагад нэвтрүүлэх ажлыг үе шаттай хэрэгжүүлж байна.

Энэ хүрээнд хүнсний хог хаягдлыг эх үүсвэр дээр нь бууруулах зорилгоор “Хоосон таваг” аяныг арваннэгдүгээр сарын 1-ний өдрөөс арванхоёрдугаар сарын 1-ний өдрийг хүртэл зохион байгуулж байна. 

Өнгөрсөн онуудад “Хог хаягдлын менежмент” бүлгийн UCS 1701A:2022 хотын стандартын хэрэгжилтийн хангах чиглэлээр нийслэлд үйл ажиллагаа явуулж буй хувийн хэвшлийн байгууллагууд болон ерөнхий боловсролын сургуулиудтай хамтран ажиллаж байсан. Харин энэ онд нийслэлийн нутгийн захиргааны байгууллагууд руу чиглэсэн арга хэмжээнүүдийг үе шаттай хэрэгжүүлж байна. Хүнсний органик хаягдал нь хурдан хугацаанд муудаж өөрөөсөө үнэр, шингэн ялгаруулдаг бөгөөд бусад хог хаягдлыг урвалд орох, ялзрах химийн хорт бодис ялгаруулах үндсэн шалтгаан нөхцөл болдог. Иймээс хүнсний органик хог хаягдлыг тусад нь хадгалах, эх үүсвэр дээр нь бууруулах нь өндөр ач холбогдолтой гэдгийг Хот байгуулалт, хотын стандартын газрын Агаарын чанарын стандарт хариуцсан мэргэжилтэн Б.Болороос онцолж байв. 

Уншсан:1383
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Шударга мэдээ

МИАТ: Ирэх сараас Сингапур руу шууд нислэг үйлдэнэ

Огноо:

20 цаг 29 минут

,

МИАТ ТӨХК нь 11-р сарын 4-ний өдрөөс эхлэн Сингапур чиглэлд долоо хоног бүрийн мягмар, бямба гарагуудад шууд нислэг үйлдэнэ. Энэ талаар "МИАТ" ТӨХК-ийн Гүйцэтгэх захирал Б.Мөнхтамир:
 
-"МИАТ компанийн нислэгийн үйл ажиллагаа хэвийн явагдаж байна. Өнөөдрийн байдлаар 3526 нислэгээр 983 мянган зорчигч тээвэрлээд байна. Өнгөрсөн оны мөн үетэй харьцуулахад энэ нь 2,7 хувийн өсөлттэй байна. Ачаа тээврийн хувьд 8579 тонн ачаа тээвэрлэсэн байна.
 
-2025 оны 11 сарын 04-ны өдөр Улаанбаатар-Сингапурын анхны шууд нислэг үйлдэгдэхэд бэлэн болоод байна.
 
-МИАТ компани өнөөдрийн байдлаар олон улсын 14, орон нутгийн 8 чиглэлд нислэг үйлдэж байна. Өдөрт дунджаар 10 нислэг үйлдэж байна. Урин дулааны улиралд өдөрт 25-30 нислэг үйлддэг бол өвлийн цагийн хуваарьт 2025.10 сарын 26-нд шилжснээр зарим хотын нислэгийн тоо буурсан үзүүлэлттэй байна. Тухайлбал, Сөүл чиглэлийн нислэгийн тоо буурч өдөрт 2, долоо хоногт 14 удаагийн нислэг үйлдэж байна.
 
-Тулгамдаж буй асуудал нь, өнгөрсөн сард “НУБИЭ ХХК”-ийн Гүйцэтгэх захирал Нода Тэцүотай уулзаж хэд хэдэн асуудлаар зөвлөлдсөн. Тухайлбал, 2026 оны 01 сарын 01-нээс эхлээд хоёр улсын “Чингис Хаан” Олон Улсын Нисэх Буудлын хөөрөлт, бууралтын хураамж болон бусад дагалдах хураамжийн үнэ хоёр улсын Концессын гэрээний дагуу өсөж байгаа. Тодруулбал, хураамжийн үнэ өнөөдрийн байдлаар 17000 төгрөг байсан бол 2026 оны 01 сарын 01-нээс 18 ам.доллар болж өсөхөөр байна. Энэ нь дэлхийн бусад нисэхийн компаниудын зах зээлийн үнээс даруй 2-3 дахин өндөр үнэтэй байгаа юм. Энэ талаар хоёр талаасаа санал солилцоод, Концессын гэрээнд өөрчлөлт хийх боломжуудыг хэлэлцэх шаардлагатай байна. Концессын гэрээг нь Эдийн засаг, хөгжлийн яам хариуцан ажиллаж байна" гэв.
Дэлгэрэнгүй унших

Шударга мэдээ

АТГ: Ашиг сонирхлын зөрчилд хамаарах 104 гомдол, мэдээллийг хянан шалгав

Огноо:

1 өдрийн өмнө

,

Авлигатай тэмцэх газрын Хяналт шалгалт, дүн шинжилгээний хэлтэс нь 2025 оны 10 дугаар сарын 20-24-ний өдрүүдэд нийтийн албанд томилогдохоор нэр дэвшсэн 452 иргэний хувийн ашиг сонирхлын урьдчилсан мэдүүлгийг шалган, 289 мэдүүлгийг хянан шийдвэрлэлээ. Одоогоор ажиллагаанд 163 нэр дэвшигчийн хувийн ашиг сонирхлын урьдчилсан мэдүүлэг хянагдаж байна. Тухайн ажил үүргийг гүйцэтгэхэд илт ашиг сонирхлын зөрчил үүсэхээр нөхцөл байдал тогтоогдсон 2 иргэний талаар томилох эрх бүхий албан тушаалтанд мэдэгдэв.

Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 104 гомдол, мэдээллийг хүлээн авч шалгаснаас 9 гомдол, мэдээллийг хянан шийдвэрлэлээ. Хяналт шалгалтаар төсвийн хөрөнгийг зориулалтын бусаар зарцуулж эрх мэдэл, албан тушаалын байдлаа урвуулан ашигласан байж болзошгүй гэмт хэргийн шинжтэй нөхцөл байдал тогтоогдсон нэр бүхий албан тушаалтныг шалгуулахаар Мөрдөн шалгах хэлтэст шилжүүлэв.

Төлөвлөгөөт хяналтаар болон иргэдээс ирүүлсэн өргөдөл, гомдол, мэдээллийн дагуу 47 албан тушаалтны хувийн ашиг сонирхлын болон хөрөнгө, орлогын мэдүүлгийг хянан шалгав. Хяналт шалгалтаар өөрийн болон гэр бүлийн гишүүний орлого, зээлийг дутуу мэдүүлсэн албан тушаалтанд Авлигын эсрэг хуульд заасан хариуцлага тооцуулахаар холбогдох албан бичгийг хүргүүллээ.

Дэлгэрэнгүй унших

Шударга мэдээ

Түлш тээврийн гэрээгээ муу биелүүлсэн 2 компанийг хар жаргаалтад оруулжээ

Огноо:

2 өдрийн өмнө

,

Нийслэлийн Засаг даргын орлогч А.Амартүвшин  тендерт шалгарсан түлш тээврийн 26 компанитай гэрээ байгуулан ажиллаж байгаагаас гэрээний үүргээ маш муу биелүүлсэн “Ю Би холболт“ компани болон “Баянбүрд Инвест” компаниудын гэрээг цуцалж хар жагсаалтад оруулсан талаар мэдээлжээ. Мөн гэрээни биелэлт хангалтгүй найман компанид сануулга өгсөн байна.

Улаанбаатар хотын гэр хорооллын айлууд энэ өвөл шинэ түлш хэрэглэнэ. Эхнээсээ хагас коксон түлшний цэгүүд ажиллаж, иргэдэд худалдаалж байгаа ч цэгийнх нь тоо цөөн, түлш нь хаанаа ч хүрэлцэхгүй байгааг иргэд хэлж байна. Нэг айл долоо хоногт долоон шуудай түлш худалдан авах эрхтэй байдаг. Гэтэл энэ тоог цөөлж, түлш хүрэлцэхгүй байгаа учраас гурав, дөрвөн шуудайгаар хувааж авдаг болсон талаар бид энэ долоо хоногт сурвалжлага бэлдсэн юм.

Дэлгэрэнгүй унших

Санал болгох