Шударга мэдээ
Өнөөдөр цахилгаан шугам тоноглолд засвар үйлчилгээ хийх хуваарь
Өнөөдөр буюу 2019 оны зургаадугаар сарын 20-ны Пүрэв гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.
БАЯНЗҮРХ ДҮҮРЭГ
⏱ 11:00-17:30 цагт: 8, 17-р хороо Тайгын булаг ХХК, иргэн Мөнхтуяа, Мөнх-Эрдэнэ, Аваасүрэн, Энхсайхан, Баттөгс, Ганбаатар, Энхтайван, Л.Гэрэлмаа, Баттөмөр /цайны газар/, Сэрдамба, Ж.Болдбаатар, Данзан, Хуяг /блок/, Батцэнд, Энхбат, Готовчулуун /гараж/, Болдбаатар, Энхтайван, Ундрахбат, Эрдэнэбилэг, Маналжав /дугуй засвар/, Даваасүрэн, Төмөрхуяг, Түмэндэмбэрэл, Ж.Хүрэлбат, Энхтайван, Баяраа /ХОС/, Ч.Отгонбаяр, Сэргэлэнбат, Бат-Эрдэнэ, Ц.Одхүү, Баянмөнх, Баясгалан, Баасанжав, Жи-Мобайл, Скайтел, Мосол, Охин хүү, Натуца, Бэсрэгтрейд, Эрхэс трейд, Од мөнх, Энх мөнх трейд, Амин уул, Трансбус, Манлай, Мод эд, ХАОЕН, Престиж фүүд трейд интернэшнл ХХК-ууд, Орхон түшээ мөрөн БГБХ, 016-р ЦА-ийн зоорь болон эдгээрийн ойр орчмоор,
СҮХБААТАР ДҮҮРЭГ
⏱ 10:00-16:00 цагт: 6, 7-р хороо 135-р цэцэрлэг, 10, 11-р байрууд, ОСНААУГ-ын ХҮТ-5, Зүүн түгээх төв, СБД-ийн Гэрэлтүүлэг, Богино трейд, Хүннү, Халиун трейд, Дэлгэр тур, Улаанбаатар барилга ХХК-ууд, Эрдэм төгс сургууль, Жимобайл, Хас банкны 8-р салбар болон эдгээрийн ойр орчмоор,
ХАН-УУЛ ДҮҮРЭГ
⏱ 10:00-16:00 цагт: 10-р хороо МТ Сайншанд ШТС-129, 153, Арамдаун Мүёг ХХК болон эдгээрийн ойр орчмоор,
БАЯНГОЛ ДҮҮРЭГ
⏱ 09:30-16:00 цагт: 7, 8-р хороо 9-15, 17, 32/Г, 36, 38-р байрууд, 89, 93, 94-р цэцэрлэгүүд болон эдгээрийн ойр орчмоор
⏱ 10:00-16:00 цагт: 13, 14-р хороо 10, 11, 12, 13/А, 18/1, 20-р байрууд, 85-р цэцэрлэг болон эдгээрийн ойр орчмоор
⏱ 10:00-17:00 цагт: 20-р хороо Химийн шингэн, Сор кашмер, Инкон, Алтан булаг ХХК-ууд, ДЦС-4-ийн 1-8-р гудамжууд болон эдгээрийн ойр орчмоор,
НАЛАЙХ ДҮҮРЭГ
⏱ 09:00-16:00 цагт: 2-р хороо Нарлаг, Наадам гэр хороолол, Локаторын цэргийн анги болон эдгээрийн ойр орчмоор,
БАГАХАНГАЙ ДҮҮРЭГ
⏱ 11:00-17:00 цагт: Тоосго, Хотхон, Үнэгтэй, Нисэх,
ТӨВ АЙМАГ
⏱ 08:30-17:00 цагт: Баянцогт, Баянхангай, Аргалант, Лүн сумд, Гуна хэсэг, ЭМЖЖМЭТ, Даргиатын ам төмрийн үйлдвэр, ШШГЕГ-ын харьяа 403-р хорих анги, БОАЖЯ-ны Ногоон хэрэм 1, 2 төсөл, Мөнх их мандал ХХК, Тэс петролиум ШТС, иргэн Сэр-Од, Баттогтох /ногооны талбай/, Батсүх /үнээний ферм/ болон эдгээрийн ойр орчмоор.
Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.
Засварын ажлыг тухайн тоноглолыг хүчдэлээс бүрэн чөлөөлсний дараа хийдэг нөхцөл байдлыг харгалзан үзэж хэрэглээгээ түр зохицуулан, хүлээцтэй хандахыг хэрэглэгч Та бүхнээс хүсье.
Цахим үйлчилгээ: http://my.tog.mn
Мэдээлэл, лавлагаа авах утас: 70047004
Шударга мэдээ
Багануурын Ус, дулаан дамжуулах төвийг шинэчилж, 2289 метр урт дулааны шугам угсарч байна
Багануур дүүргийн 5 дугаар хороо, Залуус хэсгийн 24.8 га талбайн дахин төлөвлөлтийн асуудлаар нийслэлийн Засаг даргын нэгдүгээр орлогч Т.Даваадалай Багануур дүүргийн Засаг дарга С.Даваасүрэнтэй ажиллалаа. Өнөөдрийн байдлаар тухайн байршилд инженерийн шугам сүлжээний ажлууд хийгдэж, 60 хувийн гүйцэтгэлтэй байна.
Багануур дүүргийн Засаг дарга С.Даваасүрэн “Энэ хэсэгт Багануурын анхны шавийг тавьж байсан. Хүн ам олноор суурьшиж нарийн гудамжууд олонтой болсон. Иргэдийн амьдрах орчныг сайжруулах зорилгоор энэ хэсэгт айл өрх, аж ахуйн нэгжийн 500 орчим нэгж талбарыг чөлөөлөх хэрэгтэй байгаа. Хамгийн түрүүнд газрын дахин үнэлгээг хийх шаардлагатай” гэлээ.
“Бум од” компанийн төслийн менежер н.Батхүрэл “2024 оноос энэ хэсэгт дэд бүтцийн ажлыг эхлүүлсэн. 2026 он хүртэл 3 жилийн хугацаанд үргэлжилнэ. Ус, дулаан дамжуулах төвийг буулган шинэчлэх, 2289 метр 5 хос дулааны шугам угсрах, 2500 метр ариутгах татуургын ажлыг хийнэ. 2024 онд Ус, дулаан дамжуулах төвийн буулгалт, шинэчлэлийн иж бүрэн ажлыг хийж дуусгасан. 2289 метр 5 хос дулааны шугам угсрах ажил хийхээс 1000 метр шугамыг угсарсан. Аравдугаар сарын 1-нд энэ жилийн төлөвлөгөөт ажлууд дуусна. Трасс шугам угсрахад газар чөлөөлөх хэрэгтэй” гэв.
Нийслэлийн Засаг даргын нэгдүгээр орлогч Т.Даваадалай Багануур дүүрэгт Устөрөгчийн үйлдвэр, сэргээгдэх эрчим хүчний станц барих, эмнэлэг, сургуулийн их засвар, гудамж, талбайн тохижилт, дулааны станцыг шинэчлэх, авто зам барих гээд олон ажлын үр дүнтэй танилцаж, цаашдын төлөв байдлыг хэлэлцлээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Шударга мэдээ
Нэг цонхны үйлчилгээг цахимжуулж, экспортыг нэмэгдүүлнэ
Засгийн газрын ээлжит хуралдаан 2025 оны наймдугаар сарын 20-нд болж, экспортыг нэмэгдүүлэх талаар авах арга хэмжээний тухай Засгийн газрын тогтоол гарлаа. Тус тогтоолоор Гашуунсухайт хилийн боомтын “Автомат удирдлагатай чингэлэг тээврийн терминал”-ын ухаалаг гарцаар Монголын хөрөнгийн биржээр арилжаалсан нүүрс тээвэрлэх жолоочтой тээврийн хэрэгслийг нэвтрүүлж, тээврийн үйл ажиллагааг тасралтгүй зохион байгуулах арга хэмжээ авахыг холбогдох албан тушаалтнуудад үүрэг болголоо.
Уул уурхайн бүтээгдэхүүний биржээр арилжаалах эрчим хүчний нүүрсний үнийг зах зээлийн үнийн индексийн хөдөлгөөнд нийцүүлэн өөрчлөх, Гаалийн бүрдүүлэлт хийх, улсын хилээр нэвтрүүлэх бараа, тээврийн хэрэгсэлд гаалийн хяналт тавих ажлыг цахимжуулахыг даалгалаа.
Манай улсад гадаад худалдаа эрхлэгчийн бүрдүүлж байгаа маягтуудаас гаалийн мэдүүлэгт хамгийн их буюу 116 төрлийн, улсын бүртгэлийн гэрчилгээ хамгийн цөөн буюу найман төрлийн мэдээллийг агуулдаг. Экспортын үйл ажиллагаанд 40 гаруй бичиг баримт бүрдүүлж байгаагаас зарим тохиолдолд дунджаар 6-12 удаа давхардуулан шаардаж байна.
Гадаад худалдаанд тулгарч буй эдгээр хүндрэлүүдийг цахим нэг цонхны үйлчилгээг нэвтрүүлэх замаар шийдвэрлэхээр төлөвлөсөн боловч системийн санхүүжилттэй холбоотойгоор ажил удааширчээ. Иймд санхүүжилтийн асуудлыг цаг алдалгүй шийдвэрлэж, худалдан авах ажиллагааг яаралтай эхлүүлэх үүрэг өглөө.
Хилээр экспортод гаргах уул уурхайн бүтээгдэхүүний лабораторийн шинжилгээний дээж өгөх, хариу авах үйл ажиллагаа нь голчлон Улаанбаатар хот дахь Гаалийн төв лабораториос хамаарч байгаа нь экспортыг удаашруулах нэг хүчин зүйл болж байна. Тухайлбал, нүүрсний дээжийг гаалийн төв лабораторид өгөөд хариу авах хүртэл дунджаар долоо хоног, хамгийн ихдээ 35 хоног хүртэл зарцуулж байна. Мөн хилийн Гашуунсухайт боомт дахь шинжилгээний лабораторийн барилгын ажил дуусаж, тоног төхөөрөмжүүд бэлэн болж байгаа ч үйл ажиллагаа эхлээгүй байна. Иймд тус тогтоолоор мөн,
- Гаалийн Төв лабораторид шинжлэх нүүрсний дээжийг 48 цагийн дотор магадлан шинжилгээний дүгнэлтийг гаргах боломжийг 2025 оны наймдугаар сард багтаан бүрдүүлэх,
- Гашуунсухайт боомтын гаалийн салбар лабораторийг 2025 онд багтаан ашиглалтад оруулах,
- Бусад боомтын лабораторийг ашиглалтад орох хүртэл хугацаанд хувийн компаниудын лабораторийн мэдээллийг гаалийн мэдээллийн системд 2025 оны гуравдугаар улиралд багтаан холбох ажлуудыг хийж гүйцэтгэхийг Гаалийн ерөнхий газар болон холбогдох бусад байгууллагуудад үүрэг болгов.
Шударга мэдээ
Отроор яваа малчдад харьяалал харгалзахгүй эрүүл мэндийн тусламж, үйлчилгээ үзүүлнэ
Засгийн газрын ээлжит хуралдаан 2025 оны наймдугаар сарын 20-нд болж, Хөдөө аж ахуйн салбарын 2025-2026 оны өвөлжилт, хаваржилтын бэлтгэл хангах зарим арга хэмжээний тухай тогтоол гарлаа.
Бэлтгэл хангах ажлын хүрээнд аймаг, нийслэл, сум, дүүргийн хэмжээнд бэлтгэвэл зохих өвс, тэжээлийн аюулгүйн нөөцийн хэмжээг баталлаа. Өвөл, хаврыг хүндрэл багатай даван туулах, урьдчилан сэргийлэх, хариу арга хэмжээний төлөвлөгөө гаргах, улсын хэмжээнд шаардлагатай улаанбуудай, төмс, хүнсний ногоо, өвс, тэжээлийн хэрэгцээ, хангамжид үндэслэн гол нэрийн хүнсний бүтээгдэхүүний экспорт, импортын зохистой харьцааг хангах талаар зохион байгуулалтын арга хэмжээ авах, мал, махыг эдийн засгийн эргэлтэд оруулах, махны экспортыг нэмэгдүүлэх чиглэлээр үндэсний үйлдвэрүүд, холбогдох төрийн бус байгууллагатай хамтран ажиллах, отроор яваа малчдад харьяалал харгалзахгүй эрүүл мэндийн тусламж, үйлчилгээ үзүүлэх, малчин өрхийн хүүхдийг цэцэрлэг, ерөнхий боловсролын сургуульд хамруулах, дотуур байраар хангаж ажиллах талаар зохион байгуулалтын арга хэмжээ авч хэрэгжүүлэхийг даалгалаа.
